نواف بعد ماوصله المسج _بينه وبين نفسه_:يوه شكلها صدق ذي ناوية على طلاق وش تفاهم مع اهلي!!
من زينها عاد قلعتها.. تتدلع بعد كنها صافه لي درزن بزران على هالدلع ..بس الخوف لاتكون قالت لاهلها تسويها بنت بليس مالت عليها
ويقطع تفكيره رنة جواله
نواف:هلا والللللللللللللله وين الناااااااااااااااس؟؟ وش عالغبار اللي طلع من جوالي؟
فواز: هلا فيك.. شلونك وش مسوي ووش ماسويت؟
نواف: الحمد الله كلنا طيبين..انت ياخي متى بتخلص ماصارت دراسة غطيت علي ههههههههه
فواز: ياشين اللي يحتكووووووون انت شهادة جامعه وبالطقاق خذتها .. المهم ماعلينا عندي لكم مفاجأة بس وش لي؟
نواف: بشر ياخوي ترا من زمان ماشطفتنا بشاره ..
فواز: هههههههه لاتتهرب وش لي؟
نواف: لك عيوني ياخوي قول بس
فواز: وش ابي بعيونك من زينها
نواف: لك اللي تبي ياخي بشر ماتت البشاره بفمك
فواز: احم احم انا في المطار
نواف: مطارنا ماغيره؟
فواز: لا مطار السنغال.. ايه مطاركم يالله خف رجلك وتعال
نواف: الحمد الله عالسلااااااااااامه.. وانا اقول شفيها الرياض منوره.. حيا الله فواز .. يلا يلا هذاني جايك
فواز: الله يسلمك.. يالله احتريك
******************************
نجود بعد ماقفلت من ندى راحت لغرفة وجدان
نجود تفتح الباب عليها وولدها بحظنها(اللاب توب):سلامات وش عندك على هالضحك؟
وجدان : ههههههههههههههههههههههه تعالي تعالي شوفي طارق ولد خالتي ينصب ياحبييي له.. ماوصلتكم ارانب؟
نجود: ههههههههههههه لا الحمد الله مابعد.. ليش وش عنده؟
وجدان: يختي والله انه يجنن بس لو يفك هالنصب شوي.. تخيلي يوريني صورة سلومي ولد نوف ويقول هذا اخوي الصغيرههههههههههههه
نجود: ههههههههههههه.. المهم سكري النت بقولك شي
وجدان : عادي عادي قولي ماصدقت يدخل
نجود: يامصلك عاد بتطلعين غصب ترا تو ما تغديت احس لساني يحكني عندي سالوفه
وجدان: طيب بسكره وامشي نتغدى وعلميني بعد الغداء تدرين مااستوعب وانا جوعانه
نجود: مالت عليك صدق انك بايخه.. ماعلي منك بتسمعيني غصب
وجدان: هه هذا ابوي جاااااااااااااااء ههههههههههههههههه يعني نتغدى اول
نجود: افففففففففف بس اف
*********************************
بعد ماركبوا السيارة..
نواف: لو اني عارف انك بتجي اليوم طقيت خيمة في المطار
فواز: شكرا شكرا كل هذي فرحة برجعتي؟
نواف: لا عشان توني حاط شغالتي في المطار ماامداني ارجع بيتي الا وتدق
فواز:اهااااااااا..طيب جامل ياخوي قول عشانك..
*
*
*
بعد ماوصلوا البيت..
فواز: يووووووو يازين بيتنا ويازين الرياض بكبرها
نواف: طيب انا بانزل واذا دقيت عليك ادخل بعدي عشان نسويها مفاجأة
فواز: زين..بس لاتنساني هنا
*
*
نواف بعد ماسلم على امه: يما وين ابوي؟
ام نواف: تلقاه في الخيمة يسمع الرادو
نواف: طيب يلا يما تعالي معي
ام نواف: طيب بسوي القهوه واجي
نواف: لاااااااااا امشي بس بقولكم شي
بعد ماراحوا عند ابوهم ام نواف مو مصدقة عيونها...
نواف: فواز!!والله من البثاره مو قايللك لاتجي لحد ماادق عليك؟؟
فواز وهو رايح لامه يسلم عليها: ماصبرت ياخوي اشوف بيتنا ولاانزل وانت طولت علي
ام نواف وهي تصيح وحاظنه ولدها: ترى خلاص مافيه روحه .. مابغيت تجي .. مافقدت اهلك؟
فواز: الا والله يمااا فقدتكم مرررررره وخلاص اهم شي جيت بشهادتي بعد مو لحالي
ابو نواف: الف مبروووووووك ياولدي تستاهل .. ولكل مجتهد نصيب.. بس وراك ماعلمتنا نحتريك في المطار؟
فواز: وشلون اجل تصير مفاحأة؟
ام نواف : مب لازم مفاجآت
نواف: يلا اجل انا بروح اخليكم .. فمان الله.. والحمد الله على سلامه فواز
ابو نواف: وين يا ولدي اجلس تقهوى معنا...( يناظر ام نواف) ام نواف قومي سوي القهوه
ام نواف وهي بتقوم يجلسها نواف
نواف: لا يا يبا مشكور مب لازم انا تعبان وبروح انام
ابو نواف: خير انشاء الله ......... وتعال بكرا انت وهيا تغدوا عندنا
نواف: خير انشاء الله.............. يالله فمان الله
الكل: فمان الكريم
فواز: الا وين ساره ما شفتها
ام نواف: في غرفتها مدري هي قامت بعد المدرسة والا لا
فواز: اجل بروح لها ..
*
*
في غرفه ساره
ساره وهي ما سكه الجوال: متى بيكلم... اخاف هيول ما قالت له كم الرقم .. ولا لااااااااااا يمكن يكلم في الليل..... يووووه اكلمه ولا لا بس شقول لو كلمت
يقطع تفكيرها دخول فواز المفاجئ
يدخل فواز ... ساره جاها ميه شعور خوف.. فرح.. خافت انه شاف الجوال.. وفرح ان فواز رجع
راحت وحظنت فواز ودموعها تنزل من الفرحه
ساره: والله اشتقت لك يا الشين
فواز: حتى انا والله اشتقت لك مره....(وهو يجلس عالسرير)_ ينتبه للجوال _ اوووووو حركات عندك جوال ولا تعلميني ههههههههههههههههه