البارت 27


في بيت ابو نواف الساعه 6 المغرب
ام نواف : يلا ساره قومي من النوم .. بعد شوي بتجي اماني
ساره: يمااااااااااا شوي شوي
ام نواف: يلا بس بلا دلع قومي
ساره وهي تتأفف: قمت قمت _ تعدل جلستها_ياربيه مالي خلقها وع احسها ثقيله دم
ام نواف: وش تسوين عاد .. ماعلينا لاتطولين تراهم في الطريق
ساره: طيب
*
*
*
رن الجرس وفتح الباب فواز دخل نواف الخيمه واستقبلت ام نواف اماني
ام نواف: هلا ومرحبا تفضلي
اماني بخجل: هلا خالتي.... شلونك؟؟
ام نواف من دون نفس واضح: الحمد الله ... انتي شلونك مع الحمل ان شاء الله ما تعبتي
اماني: لا الحمد الله
دخلت ساره عليهم
ساره: السلام عليكم
الكل : وعليكم السلام
ساره وهي تبوس اماني: كيفك؟؟
اماني: بخير الحمد الله انتي شلونك و كيف الدراسه معاك؟
ساره بغرور: كويسه
وجلسوا يسولفون وما خفى على اماني انهم ما تقبلوها
ام نواف: الا يا .. يااا شسمك معليش نسيت
اماني طلعت عيونها: ..... اماني
ام نواف:ايه اماني تعرفين تطبخين؟؟
اماني: يعني مو مره مره
ام نواف: شلون مو مرة ؟!!
اماني:يعني مو مرة
ساره: معليش امونه يمكن امي تحسبك زي هيا لان هيا مشاء الله شاطرة في الطبخ
ام نواف: هو في الطبخ بس.. الا في كل شي مشاء الله عليها..
اماني: لو فيه خير ماعافه الطير
ام نواف: لالالا مب عشانها تطلقت ترى نواف هو الخسران مو هي...ولو انه ولدي..انا اتكلم في الحق والحق ماينزعل منه
اماني: اي بس ترى نواف عافها وطلقها من نفسه انا ماقلتله شي هو رجال ويعرف وش يسوي
ام نواف: والله اني ادعيلها ان ربي يوفقها ويرزقها ...تستاهل التوفيق
وقطع كلامهم رنة جوال اماني
اماني: معليش لحظه
ساره: ايه خذي راحتك
اماني: الو
....:..........
اماني: وعليكم السلام
........:........
اماني: طيب ان شاء الله بطلع الحين
:.........
اماني : مع السلامه
وهي تحط جوالها بشنطتها وتوقف : يلا فمان الله نواف ينتظرني برا
ام نواف: فمان الله
ساره: مع السلامه
*
*
بالسياره
نواف: هاه كيف شفتي اهلي ان شاء الله انبسطتي معاهم؟؟
اماني:............
نواف: شفيك ما تردين؟؟
اماني : مافيني شي... بس واضح ان اهلك يحبون هيا
نواف: هيا؟!!!
اماني: كل شوي يجيبون طاريها .. وزياده على كذا يغلطون باسمي ويقولون هيا ولا يقولون معليش نسينا وش اسمك.. حوموا كبدي
نواف: يمكن عشانك جديدة عليهم
اماني: لا مو عشان جديده
نواف: اجل وش عشانه .. ؟؟
اماني: اهلك ما تقبلوني اصلا..عشانك تزوجتني مسيار ومو هم اللي خطبوني لك ترا انا ما لحقتك وقلت تعال تزوجني انت جيتني وانا وافقت
نواف: لالا يا قلبي اكيد متقبلينك بس انتي يتهأ لك
اماني وهي تأشر على نفسها: وش شايف قدامك ؟؟ بقره ماتفهم؟؟ الحين تقولي امك _ وتقلد صوتها بستهزاء_ ياااا ... ياااا معليش نسيت اسمك ... خير وش شايفتني ؟؟ ترا عشانها اكبر مني سكت واحترمتها بس لو وحده ثانيه والله مااسكت
نواف: ياعمري روقي والله هالوجه ما ينفع له الا الابتسامه ... واذا على امي اكلمها بس لا تزعلين انتي...
اكتفت اماني بالابتسامه
نواف: طيب وين تبين نتعشى فيه؟؟
اماني:مدري اللى يريحك
نواف: بوديك مطعم تاكلين اصابعك وصحونهم وراه
اماني: ههههههههههههه
*******************
في مدرسه بيان وساره
بيان بحماس: لايكون موقفك سلبي ..
نهى والعبرة متملكتها: يعني وش اسوي؟؟ الحمد الله بس ان ابوي غير رقم جواله ..والا والله مايتركني
بيان: غريبة مادقوا عالثابت؟
نهى:الا اكيد.. بس من يرد؟ الصباح مرت ابوي في الدوام
بيان:وعادي عندك نظرة البنات لك وانطباعهم عنك اللي تخليهم يبعدون عنك
نهى بكت بقهر وبحسرة
بيان: لاتكونين سلبية ... لاتقهريني زي ماقلت لك روحي للمراقبه وقوليلها ..واذا تبين جيت معاك..احنا مو رايحين نتبلى احنا نقول الحق
نهى: بس اكيد بتقول المراقبه اني ابرر موقفي خصوصا ان ماعندي دليل عليها

في نفس الوقت كانت مريم عند المراقبه ...تحكيلها اللي صار بالتفصيل
*
*
الحصة اللي بعدها..
دخلت المراقبه لفصل نهى ومعها سارة
المراقبه: بعد اذنك ياأستاذه معليش باخذ من حصتك 5 دقايق بس لتوضيح لخبطه صارت
الاستاذه: تفضلي
المراقبه: انا كلامي موجه للكل ..اذا قلنالكم هذا ممنوع يعني ممنوووع يعني ماتجيبونه بلاويكم تخلونها في بيوتكم ..احنا مو في مدرسة ابتدائي عشان نعلمكم ..المهم انا ماابي اعطل الدرس بس زي ماانظلمت نهى عند الكل...انا جايه ابرر موقفها عند الكل .. وسارة بعد جايه تعتذر لنهى على اساس لها يد بالموضوع كرد اعتبار
ساره اللي كانت تحاول تكابر بس طغى عليها التوتر والهزيمة وبصوت واطي: انا اسفه
بيان:هاه وش قلتي؟!! وين راح صوتك؟ والا مستحي ههههههههههههههه
البنات:هههههههههههه
المراقبه: بيان تعالي مكاني احسن..بلا فوضى.._وتلتفت لسارة_وانتي اعتذري زي العالم والناس خلصينا
سارة اللي حست انها صغيييرة عند البنات: ااااااسفه
المراقبة : يلا الحين نستأذن .. ومعليش قطعنا درسك استاذه
بيان: عادي استاذه كله فدى الحق
الاستاذه ماقدرت تتحكم في ضحكتها:ههههههههههههه
*
*
وهم طالعين من الفصل
ساره: الله يخليك الله يخليك استاذه لاتكلمين امي ..خلاص اعتذار واعتذرت وش بعد؟؟
المراقبه: بقى بس نبلغ اهلك..احنا مسؤولين عنك هنا وهم مسؤولين عنك هناك
سارة: لالا تكفين خلاص اخر مرة
المراقبه:احمدي ربك ان اهل نهى ماردوا والا ماكان انتهى الموضوع كذا
ساره:اففففففففففففففففففف
المراقبه: يلا على فصلك بس تأخرتي
*
*
بعد ماضرب جرس اخر حصه طلعت سارة على طول على فصل مريم
ساره: انسي اني صديقتك
مريم: اصلا انا ناسية انك صديقتي من عرفت مستوى تفكيرك
بيان:عسى ماشر يام الشباب ..انتي للحين ماتستحين ..شين وقوي عين ..فيك حيل افردي عضلاتك وريني
سارة :سوري انا اتعامل مع بنات بس
بيان: قال انفخ ياشريم قال مامن برطم هههههههههه
ساره ماحبت تجاكر بيان وطلعت بعد ماانهت علاقتها بمريم