يالـي علـي بنـظـرة العـيـن سلـمـت ....... عسـاك تسلـم لـي وتسلـم عيـونـك
اشـــرت بعـيـونـك ولـــو ماتـكـلـمـت ........ خـايـف مقـاريـد الـعـرب يكشـفـونـك
وانــا مــن النـظـره وعـيـنـك تـألـمـت ........ وبغيـت اقــوم وحـالـو الـنـاس دونــك
وراجعت نفسي ثم قلت الزم الصمت ...... وفكـري تعلـق بيـن صـفـت جفـونـك
وصابتني الدهشه ومن بعدها قمـت ....... وشـفــت الاوادم كـلـهـم يـنـظـرونـك
وزاحمـت كـل النـاس حتـى تقـدمـت ....... وصـــارو وراي الــنــاس ويتـابـعـونـك
وطلـع لـي مطـوع وعـنـده تلعثـمـت ....... رد الـسـلام وقـلــت مـانــي زبـونــك
قـال انـت يـوم انــك عليـهـا تهجـمـت ...... مــاتــدري ان الـهـيـئــه يـأدبــونــك؟
وجاوبت0اناياشيـخ فـي حبهـا همـت ........ قــال انثـبـر تــرا الـعـرب يسمـعـونـك
قلت المصيبـه يـوم بالصـدق علمـت ....... يامـطـوع الهيـئـه ماتـعـرف شئـونـك
قال اسحبه ياعسكري واكمته كمت ....... وازهــم رجــال الهيـئـه يسـاعـدونـك
والا انــت يـاهـذا الـفـتـى ماتعـلـمـت ...... هالحيـن خـل اهـل الهـوى ينفعـونـك
وتشتـتـت كــل الطـمـوح وتحطـمـت ....... ياشيـنـهـا لاصـــار حـظــك يـخـونــك
ومن بعدها ياسـوق الاحبـاب حرمـت ...... ماجـيـك مــادام الجـمـاعـه يـجـونـك
والا انـت يالـي بالكحيـلات سلهـمـت ...... امـوت واحـيـا فــي محـاجـر عيـونـك