زمان الخير
كَبرت وكل حلمٍ فات ودعتـــــــه!
اتألم ودايــم حامد(ن) وأقول بخيــــر
لو كان حالي يّسر كذبه تصنعتــــــه!
وهذا الزمان أصبح ما يقبل التفسيــر..
زمانٍ يَعاقبني ياكني ما طعتـــــــه؟
عوّد زمانٍ فيه ماكان ظني يحيـــــر
قلبـــي لحياة الضيم والحزن وجهتــه!
حَاير وعقلــي تَاه ومايقبل التَبريــر..
كأسٍ من الخِذلان مُرٍ تجرعتـــــه
ووجيه أصحابي ياحيف صارت غيـــــر!
وحَبيب! نيني العـين حطيت منزلتــه
بالهجر جازاني وأمسيت دونـه ضريـــر!
وأقراب كالعقرب لي السُم وجَهتـــه
صوبي ولا جَاني في يوم منهم خيــــر!
توقعت كُل الشَين بس ما توقعتــــه؟
إن الذي صاير فيني بحياتي يصيـــر!
لـــو الزمن يرجع كان رجعتــــــه
عشان أحب نفسي قبل لأحب الغيــــر!