نفوس البشر ماهي سوى فانتبه
نفوس البشر ماهي سوى فانتبه ياصاح
ولو شفتها فـي بعـض الاحيـان تتشابـه
نفـوسٍ تحمـل مـا يجـي جـد ولاّ مـزاح
ونـفـوس تـثـور وكنـهـا الـنــار شـبـابـه
ونفوس ولو تضحك تعاني نزيف جراح
ونـفـوسٍ ولـــو مـرتـاحـةٍ دوم سـبّـابـه
ونفوس عطت للعقـل دوره تبـي اربـاح
يتحـكـم بـهـا مــن دون نــزوات لهـابـه
تزن كل كلمـه وش اثرهـا قبـل افصـاح
علـى مـن توجـه لـه قبـل يفتـح ابوابـه
ودامك عرفت الفرق خلـك مثـل جـرّاح
خبـيـر بشغـلـه مــدرك الــداء واسبـابـه
فاذا من عرفت اللي امامك كثير صيـاح
فجنـبـه فـتـره لـيـن مايـراجـع حْسـابـه
يعـرف ان اسلوبـه خطـأ بعدمـا يـرتـاح
ولـو هـو عـلـى حــق بـرايـه واصحـابـه
لأن بعـض النـاس ماشـي مـعـه مــداح
ولا يصدقـه بالقـول فـي كـل مـا عـابـه
فصديقك هو اللي تاجده دوم لك نصّاح
مرايـه تعكـس الصـدق ماهيـب حجّابـه
|
|
|
|