حسيت بصدك
ماهو بكيفي احبك وبالحيل اغليك
مير المشاعر ماقدر اتحكم فيها
حتى لو صديتي عني انا ابيك
لو قالو المجنون متعلق فيها
حسيت بصدك والتجاهل بعينيك
وحتى الرسائل ماتردي عليها
وش ذنب قلبي يدور موانيك
يدور امانك و يرتجي مراسيها
لاتلمحي لي بصدك تبيني اخليك
وتذبحي قلبي والمشاعر اعزيها
ان كان ماتبيني بالحب احاكيك
وش فايدة دنياي عايش فيها
قول مابخاطرك ان كانه يرضيك
بس لاتجامل والحقيقة تخفيها
ان كان وجودي يضايقك ويشقيك
خل تموت ازهار حبي الي تسقيها
وان كان تبي قربي مد لي اياديك
السعادة لروحي وروحك تحتويها
بقلمي : صافي الود
|
|
|
|