ياوجودي وجود اعمى بدربٍ عتيم
لا احد يقديه درب ولا احدٍ يوصّله
ضاع في خرمس ٍ حالك وحاله أليم
وان سأل مايلاقي رد للاسئله
حالتي مثل حاله والله اللي عليم
في شعورٍ سكني من غياب اجهله
انت ياللي سكنت الروح بٌعدك جحيم
الجفا منك انا والله ما استاهله
اتشفق على
صوتك سوات اليتيم
كل ماشاف اهل وده بشوفة هله
لايطول غيابك خل قلبك رحيم
في خفوقٍ غرامك بيته ومنزله
ايه انا خلك اللي تعرفه من قديم
مايخون العهد والبعد ما بدله