مجموع الأوسمة: 18

البارت 29 طلع عبدالملك لغرفه امه وطق الباب عبدالملك:يمه نوال كانت تبكي بس من سمعت صوته فزت وقامت* تحبه غير عيالها الثانيين* نوال فتحت الباب:هلا حبيبي عبدالملك يناظر عيونها ومسح دمعه كانت تحت عيونها؛ ليش تبكين نوال مسحت دموعها وحاولت تبتسم:مافيني شي تعال ودخل وسكرت الباب عبدالملك:يمه قولي لي وش صار نوال تنهدت:صار اللي كل يوم يصير شي عادي عبدالملك مسك يدها وجلسها ع السرير وجلس جنبها عبدالملك:اسمعك يمه قولي لي فضفضي ï»»تخلين شي بقلبك نوال ناظرت له شوي:ويبقى سر بيننا عبدالملك:افااااا وش هالكلام ابتسمت نوال:طيب *تنهدت*:عبدالله عبدالملك:وش فيه؟ رفعت عيونها عشان دمعتها ماتنزل:قلبيه وعقله مو معي عبدالله باقي معي جسد بس وتفكيره عند ذيك عبدالملك*حب يعرف اكثر*:من؟ نوال تنهدت:خلود عبدالملك:من خلود وليش نوال:خلود زوجته قبلي لما كنت بذمه ابوك عبدالملك:ماينفع كذا قولي لي السالفه كلها اسمعك نوال:لما كان عبدالله متزوج خلود صح انا وخواتي وبنات عايلتنا كنا متزوجات بس خلود غير وكانها مو متزوجه كانت بنت صغيرة وكل ماكبرت يزيد جمالها كنا نغار منها ونسمع الحريم يخطبونها وهي تضحك وتقول متزوجه .. وعبدالله كان يطير بس يسمع اسمها وكانت عقيم ماتجيب عيال وكنت اقهرها واتدلع فيك قدامها بس عشان احرها مثل ماتحرني وسبحان الله مات ابوك بعد فتره وانقهرت بس بعد سنه زوجنا عمي انا وعبدالله لانه يبي عيال وخلود من يومها مختفيه وعبدالله يدورها كل يوم ليومك هذا عبدالملك سرح يفكر بعيون خلود كانت جميله صح انها كبيره بس جمالها باقي تنهد ونوال مسحت دمعه نزلت عبدالملك مد يده وحطها ع كتف امه:تغارين هاه سكتت نوال عبدالملك ابتسم:الله يعين زوجتي عليك اجل نوال ضحكت بدون ماتحس وعبدالملك ابتسم لها ووقف نوال:وين؟ عبدالملك:بروح لمكتبي بجناحي بكمل شغل اذا فضيت اجيك نوال:الله يوفقك ابتسم وطلع ونوال قامت وغسلت وجهها ونزلت لعيالها . . عند عبدالملك وصل غرفته وجلس ع مكتبه واتصل ع محمد عبدالملك:وينك محمد:بالمكان اللي قلت لي قدام شقتك عبدالملك:صارت شقه خلود وبنتها محمد:ابشر طال عمرك عبدالملك:وصل لهم عشاء ووص واحد من العيال يجيب لهم فطور وياخذ مكانك وانت ارتاح محمد:مشكور وابشر عبدالملك:يلا سلام وسكر واسند راسه لورا *وعد عمه عبدالله يجيب له خلود وبنتها وامه تتضايق من سيرتها وهي ماتدري عنها شي وش هالضياع مايدري من يرضي عمه وï»» امه*