مجموع الأوسمة: 18

البارت 206 صباح يوم جديد ببيت عبدالله طلع من جناح عبدالملك كان نايم فيه (خلوني اوضح لكم ،، عبدالله اذا جاء دور نوال ينام عندها واذا جت ليله خلود ينزل لجناح عبدالملك وينام فيه لانه شايل بخاطره من كلمتها لما قالت مستغنيه عن ليلتي لنوال وهالكلمه حزت بخاطره وهم من الهموم اللي بصدره) ودخل للبيت قبل يشوفه احد وطلع لفوق عند غرفه خلود وفتح الباب عليها شافها نايمه تنهد وقرب لها وجلس ع السرير يناظر لها وده يلمس شعرها بس في شي داخله مانعه كان يتامل ملامحها ملك طالعه لها فيها منها كثيرررريمنع ابتسم وهو يتذكر ايامهم مع بعض وتنهد وصد وخلود تحركت وفتحت عيونها وعقدت حواجبها وتكلمت ببحه:عبدالله لف لها بتوتر:هلا صحيتك؟ خلود جلست؛لا بس استغربت ليش جالس هنا عبدالله قام:اسف ادري انك ماتبيني اجلس عندك بالغرفه بس قلت عشان ماحد يحس خلود اخذت نفس؛لا مو كذا لاتفسر ع كيفك عبدالله مارد واتجه للباب:يلا انتظرك البسي وخلينا ننزل خلود بضيق:طيب وقامت ونفسها تقدر ترجع عبدالله القديم بس في اشياء لازم تحلها اول فيه عقده كبيره اذا انحلت بيرجع كل شي زي ماكان وهالعقده هي المشكله اللي خلت عبدالله كذا مشكله الرساله، ، نروح لفله عبدالملك الخدم طعو شناطهم الصغيره لسياره وملك جالسه تنتظر عبدالملك يجمع اوراق الشغل بمكتبه ملك بملل:يلااا عبدالملك حتى بالسفر شغل عبدالملك رفع راسه وابتسم:لا وازيدك من الشعر بيت ملك رفعت حاجب باابتسامه؛وشو عبدالملك:بعلمك الشغل عشان اخلص وافتك ملك تخصرت:احلف بس عبدالملك:هههههههههه تشوفين ملك بثقه:نشوف اخذ الملفات وقرب لها ومسك يدها عبدالملك:يلا ي قمر الطياره تنتظرك ملك ابتسمت:طيب فكني بمشي عبدالملك:اي صح وتركها وشبك يدها بيده ومشو لسياره وركبو وعلى المطار