مجموع الأوسمة: 18

البارت 252 جنى من بين دموعها نزلت راسها:طيب تركتها ملك وطلعت ورا عبدالملك وشافته جالس ع الكراسي وضام يديه قدام فمه ويهز رجله قربت له وجلست جنبه وحطت يدها ع فخذه ولف لها ملك:عبدالملك تكفى حاول تهدى عبدالملك هز راسه ب لا:مااقدر ي ملك ملك:البنت قالت انها اول مره وملعوب عليها من لمياء تكفى لاتحكم صد عنها ورجع لوضعه ملك بهمس:واذكر ربك يرتاح صدرك.. وقامت وعبدالملك تنهد:لااله الا الله مشت ملك لغرفه الدكتور وسألته عن غرفه لمياء واعطاها ومشت وهي متضايقه للغرفه كانت تعرفها بس بتتاكد من الدكتور وفتحتها شافتها جالسه ويدها مكسوره وراسها ملفوف بشاش لفت لمياء وعقدت حواجبها عرفتها من لثمتها لمياء:وش جابك انتي؟! ملك سكرت الباب:جايه بقولك كلمتين لمياء بحقد:تكلمي ملك:من اليوم هذا ي حقيره تبعدين عن جنى وعن خواتي كلهم فاهمه لمياء ناظرت لها شوي وفقعت ضحك:ههههههههههه وليش ملك عفست وجهها:وعمى لاني ماابي وحده وصخه مثلك تلوثنا لمياء بدلع:مممم اذا قصدك ع الحادث وياسر ترا جنى هي حبيبه ياسر وهي حرضتني اطلع معهم اما انا حبيبي معروف (ابتسمت) عبدالملك ملك رفعت حاجب:ي كبر الشرهه لمياء:ههههههههههه انتي اللي بتنصدمين وشوفي ملك صدت ومشت بثقه:الوصخ عمره مايتنظف لمياء:نظفي اختك وتعالي لفت لها ملك:جنى اشرف منك ي زباله وصدت وطلعت ولمياء ابتسمت وهمست (بنشوف ي ملك) ، عبدالملك كان يفكر يكلم اهله ولا لا تنهد واتصل يشوف الوضع قبل طبعاً بيت عبدالله خلود وعبدالله ودلال متوترين رن جوال عبدالله وكلهم فزو له عبدالله بخوف:عبدالملك دلال بشهقه:ووش صاير خلود:ررررد عبدالله رد بخوف:الو عبدالملك:هلا شلونك عبدالله بعصبيه:متصل هالوقت تسأل شلوني عبدالملك عرف انهم متوترين وفاقدينها وتنهد عبدالله من سمع تنهيدته خاف:عب الملك فيك شي عبدالملك:جنى عندي عبدالله انصدم وسكت دلال بصرخه:ووووووش فيها عبدالله صحى ع نفسه:وش تسوي عندك عبدالملك:بكرا اجيبها واسألها وسكر وعبدالله اخذ نفس:يقول جنى عنده دلال تنهدت براحه:الحمدلله خلود عقدت حواجبه:شتسوي عنده؟! دلال:اي صح؟! عبدالله:ماقال شي خلود بضيق:الله يستر عبدالله:امين بس الحمدلله طلعت عنده دلال:اي الحمدلله توي ارتحت خلود:روحي نامي طيب دلال هزت راسها بااي ومشت لغرفتها وخلود لفت لعبدالله خلود:وانت متى تنام عبدالله:مافيني نوم روحي انتي خلود:لا بجلس عندك عبدالله مارد وجلس يفكر وخلود قامت تجيب له ماء بارد يروق بعده