مجموع الأوسمة: 18

البارت 290 ملك جهزت القهوه والحلا وجلست بالصاله تنتظر عبدالملك ورن الجرس ولفت وهي تشوف الخدامه رايحه تفتح الباب ع نزله عبدالملك لابس بنطلون وتيشيرت ازرق ومعه كاب ويطقطق بجواله وصل لصاله وابتسم:الله الله ع ريحه القهوه ملك ابتسمت:طيب تعال وقرب قبل يجلس وقفه صوت الخدامه الخدامه:في وحده عند الباب يبغى بابا لف عبدالملك:انا؟ الخدامه هزت راسها ب ااي ملك:من؟ عبدالملك:ماادري بروح اشوف ملك:طيب وطلع وملك مستغربه من هذي؟ وصل عبدالملك الباب وانصدم عبدالملك:خوله! كانت لابسه عبايه ومتحجبه حجاب خفيف والوجه مليان مكياج خوله ابتسمت:قول انك مافرحت بشوفتي عبدالملك رفع حاجب:وش جابك من لندن خوله رفعت حواجبها:ههههههههههه شلون وش جابني عبدالملك:ماادري استغربت وبعدين شلون عرفتي فلتي خوله قربت له:ي كثر اسئلتك خلني ادخل ارتاح بعد خطوه عنها: طيب حياك وابتسمت خوله له ودخلت وعبد الملك حرك عيونه بقل صبر وضغط ع شفته ومشى وراها دخلت خوله الصاله ورفعت ملك راسها وجمدت ملامحها ووقفت ملك:خوله؟ خوله:هههههههههه لحول شفيكم منصدمين ملك ناظرت لعبدالملك الواقف وراها وهز بكتوفه ورجعت ناظرت خوله ، نروح كندا بغرفه ناصر كان منسدح ع سريره ويده ورا راسه ومسكر عيونه وجمانه طلعت بعد مااخذت دش ولبست بجامتها ووقفت قدام التسريحه وهي تشوفه من المرايه وتمشط شعرها تحرك ناصر واعطاها ظهره واخذت نفس بضيق ونزلت المشط ومشت لسرير فتح ناصر عينه؛ وين؟ جمانه:بنام؟ ناصر سكر ع عيونه واشر ع الكنبه وجمانه اخذت نفس وصدت وهمست:ميته عليك انا ومشت للكنبه وسمعته يقول ناصر:لا ميته ع عمر لفت له بسرعه:مجنون انت من عمر انا ماعرفته الا اليوم ابتسم ناصر:واندمجتو بسرعه قمتي تتمشين معه جمانه بعصبيه؛ناصر اصحى ع نفسك ناصر:صاحي انا قربت له ومسكت كتفه ولفت له وفتح عيونه وهو منسدح وهي واقفه جنبه وتكلمت من بين سنونها جمانه:لا مو صاحي شوف وش تقول ناصر رفع حاجب:بعرف شي واحد بس سكتت جمانه ناصر:....