مجموع الأوسمة: 18

البارت 304 بالسعوديه بيت عبدالله مجلس الرجال كان عبدالله جالس وجنبه الشيخ ومحمد جالس جنب الشيخ من الجهه الثانيه وعبدالملك جنبه وعلي وسامر جنب عبدالله وقع محمد ع الدفتر و وقعو الشهود وقام عبدالملك:مبروك محمد ابتسم محمد:الله يبارك فيك طال عمرك عبدالملك:هههههههه لاتقول طال عمرك خلاص انت الحين نسيبي وعديلي بنفس الوقت محمد:ولو ماانسى جمايلك علي ابتسم عبدالملك وقرب له:ترا اخذت اغلا خواتي حطها بعيونك محمد: ابشر اخذ عبدالملك الدفتر ودخل وقامو يباركون لمحمد ، دخل عبدالملك لداخل شاف الصاله فيها خلود وتالا ودلال عبدالملك:وين امي؟ دلال:بغرفتها عبدالملك:زين انا بطلع لجنى توقع وخلي امي تنزل هنا عشان تبارك لها قبل تروح لمحمد دلال:طيب وطلع لدرج ودلال راحت لغرفه امها لفت تالا لخلود تالا:وش اللي مع عبدالملك خلود:دفتر الملكه تالا:كيف يعني خلود:يعني جنى توقع وتتزوج تالا بفهاوه:اها مافهمت خلود:ههههههههههه مو لازم ، طلع عبدالملك لغرفه جنى وطق الباب ملك:ادخل دخل ومعه الدفتر وشافهم جنى كانت لابسه فستان ابيض طويل وماله اكمام وفاتحه شعرها وملك تحط اللمسات الاخير لمكياجها ابتسم لهم:خلصتو صدت جنى عنه ملك:خلصنا تعال دخل عبدالملك:يلا جنى وقعي لفت له جنى بااستغراب من اسلوبه وناظرت له وابتسم لها جنى:للحين زعلان مني استغرب عبدالملك من سؤالها:وش دخل جنى:انا رضيت باانكم تزوجوني محمد بس بسألك رضيتو انتم عني عبدالملك ابتسم لها:ليش احد يزعل من روحه جنى انصدمت من رده عبدالملك نزل الدفتر وقرب لها ووقف قدامها ومسح ع شعرها عبدالملك:اغلطتي بس كنتي عمياء والحين عرفتي طريقك، وبعدين ي خبله تدرين اني مااقدر ازعل عليك جنى ابتسمت وضمته وعبدالملك ابتسم ومسح ع شعرها عبدالملك همس:الله يوفقك جنى:الله يخليك لي ملك كانت تناظرهم وابتسمت:خلاص لاتبكوني جنى بعدت:هههههه طيب عبدالملك:يلا تعالي وقعي قربت جنى ووقعت وهي تكتب لف عبدالملك لملك ومد يده لها ومسكت يده وباسها وملك ابتسمت خلصت جنى ورفعت راسها جنى: وقعت عبدالملك:مبرووووك وباس راسها واخذ الدفتر جنى:الله يبارك فيك عبدالملك:يلا شوي وتنزلين جنى:طيب وطلع عبدالملك ولفت جنى لملك ملك بفرحه:مبرووووك ربي يسعدكم جنى باابتسامه:امييين وضمتها جنى ملك همست:يلا ننزل جنى اخذت نفس وبعدت:متوتره ملك:اكيد بتتوترين بس اخذي نفس وريحي ويلا ننزل لهم جنى:يلا