ابعتذر وانـا ادري انـه مايفيد الاعـتذار
لكن لوانك في مكانـي كانك الحين امعذور
متردد انطق كلمتين فـي ضميري مـن نهار
مخطي وسامحني عسى ذنبي من الصد امغفور
اخاف تتركنـي بلاميعاد وايامـي قصار
مدري غيابك من زعل والا غلا والا غرور
انا انكسرت برغبتـي والضؤ لولا الانكسار
مابانلك بين الزوايا المضلمه موجات نـور
ياسيدي تشبـه علامات الرخاء والازدهار
من يوم عرفك ما خبرت الحظ يمشي في دبور
الله مااكبر عاطفة قلبك ولاسبع البحار
اسف انا عندي خطأ فالنحو لاسبع البحور
يااجمل صباح ابن ندى وافضل خيار الاختيار
يانعمة يؤمن بها مؤمن ويجحدها كفور
نهار وجهك ضلله ليل علـى متـن الوقار
حتى هوت من عيني الدنيـا مماليك وقصور
وبقيت في عين الرجاء فرحه ودمعه وانتظار
وسكنت في وادي الضباء ياضبي لومانت بعفور
وانـا ماحدك للقصا يعنـي اذا صارالـقرار
فرقا بكيت امن الندم والضيق من بعض الامور
حر حفضت امن السماء ماتنزل الواطي حرار
ولا عليهم زود وافيين المبادي والشبور
هزيمة مـن عقبها يأتـي ثلاثـيـن انتصار
افضل ولانصربعده الحظ خايب وامحسور
تقدر تخلينـي بليا وصل من دون اعتـبار
وانا اقدر ابكي لين اعايد عبرة تبري الصدور
ابعتذر لـك سالفتنا كل ابوهـا باختصار
اني انا مخطي ولا جاء منك ياالغالـي قصور
علي بن حمري