مجموع الأوسمة: 17

أبونايف أتصل على السفارة ووصف لهم شكل هديل...
مامرت السفارة ولالها أحد ثاني..
هو يدري أنها أكيد ضايعة بهالديرة..
ويمكن يكون حالها أردددددى من حالتها اللي كانت فيها لما لقاها..
فجأة خطر في باله مسفر..
اتصل عليه بس مالقى رد منه..
دار بالشوارع بالحدائق..يدور على زولها ومالقاها..
ابونايف بحسرة\وين رحتي يابنت الناس...
أرجعي ولك علي مايلمسك ولا يزعلك مخلوق...
رجع البيت زعلان مهدوود حيله...
مالقى احد ينتظرهـ..
جلس بالصالة وحط راسه بين يدينه..
سمع صوت الباب وقام بسرعة يظنها هديل..
بس ماكانت هديل..كان مسفر..
مسفر بهدوء\السلام عليكم...
ابونايف بسرعة\وعليكم السلام..مسفر أنت شفت قمر..؟؟
من الصبح يا ابوك ندورها مالها أثر..أنت شفتها؟؟
مسفر\صل على النبي وش فيك خايف..
ابونايف\اللهم صلي وسلم عليه...يابوووك وين البنت راحت..؟؟
مسفر\راحت لزوجها...
ابونايف بصدمة\ززوجها..؟؟!
مسفر\إستريح يوبه وأنا أفهمك كل شيء صار...
ابونايف بزعل\قل هذاني أسمعك..
مسفر\طلبت مني أوديها لزوجها وانا وديتها وتطمنت عليها معه..ورجعت..
يعني لا تشيل هم ولا تخاف عليها..هي بخير يالغالي..
أبونايف باستغراب\طيب ليه ماودعتنا ولا سلمت علينا..
مالي عندها قدر ولا حشيمة..ماخافت أزعل عليها وأخذ بخاطري من رحيلها..
مسفر بثقة\أنت عرفتها مثل ماعرفناها..تظن أنها بتغيب عنك من دون ماتسلم عليك بكيفها..
أعذرها يوبه..كان الوقت فجر وهي لزمت اوديها أو تروح لحالها..
مارضيت لها تروح بالحالها ووصلتها لزوجها..
ابونايف بقهر\وزوجها ليه كان مزعلها ومضيعها هاهـ؟؟
ليه ماهاوشته ولا سحبته لي أوريه أن الله حق..
أعلمه مرةً ثانية مايهجج حرمته ويخوفها ويخليها تختفي منه شهور..
هذا وهي حامل..أجل لو ماهي حامل وش يسوي فيها..
مسفر\ماحبيت أتدخل في أمورهم الخاصة..
المهم تطمنت عليها وقلت لها راضية ترجعين له قالت انها راضية..
ابونايف\زوجها منهو من ربعه؟؟
مسفر بقهر\الله العالم يوبه..ماعرفت من يكون ولا من تكون حتى هي...
ربي جمعنا واياهم في الدنيا والله يجمعنا معهم في الآخرة..
وتراها يا أبونايف تدل بيتك..وان شاء الله بترجع تسلم عليك وتراضيك..
ابونايف\ما ابى الا أتطمن عليها يا مسفر..شفت فيها عمتك يوم غربوها عمامك..
شفتها ضايعة ومالها أحد..الله يوفقها ويفتحها بوجها...
مسفر بصدق\آآآآآآآآآآمين...

طلع أبونايف لغرفته وهو يفكر فيها..
وهذا كان حال مسفر..
كان متوقع هربها من أول ماشاف ضيف جدهـ..
غازي بن جالي...
كان يبين لغازي انه غير مرحب فيه عندهم..
لاحظ غازي إسلوب مسفر لكن تجاهل وجودهـ ..
فهو نفسه لو ماحلف عليه أونايف ماكان بيقبل عزيمة ولا يلتقي بالناس..
أغلب وقته ساكت عنهم ومشغول باله..
تسأل مسفر اذا كان غازي يفكر في زوجته..
وليه تركها طول هالمدة من غير مايسأل عنها ويدور عليها..
هل لأنه فقد أحد زوجاته..فينكر الأخرى..
زوجته ماتت قبل شهور وبنفس الوقت اللي لقوا هديل فيه..
ماله حق يطردها أو يعاملها بحقارة..
هي ماكانت تدري إنها زوجته ولا إنها حامل بالحلال..
البنت وعرفت من تكون هي أخت قاتل سعود..
طيب وان كان تزوجها ليه ما اشهر الزواج..؟؟
كان لازم أعرف منها كل شيء..
ما أقدر أبني إفتراضات وأمشي عليها..
ما بأنسى رعبها لما أنذكر إسمه..
هربت لأنها تشك أنه أنا اللي جبته هنا..
بس لو تدري كيف كنت غاضب وكاره وجوده..
طلعت وراه وكنت بأذبحه بس مالقيته..
المهم مسكت طرف الخيط لها...
اللهم أودعتك إياها فــ احفظها يارب ...

أبتسم وشي كبير بقلبه لها ..
تذكر كيف كانت متنكرة بلبسها...
بس ماغيرت جزمتها واللي بالأساس كانت سبورت خاصة بمسفر..



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛

رمت الحطب في المدفئة وأشعلت النار عشان يدفىء الكوخ..
فسخت جاكيتها وعلقته..
شالت الملائات من على الكنبات وسحبت هديل وجلستها..
صوفي\سيدفىء المكان في وقت قصير..
هديل يدينها ترتجف وضامتهم في بعض\سيعرف باني هنا...
صوفي\إطمئني عزيزتي لن يجدك..وان فعل سأقف بوجهه..
هديل بغصة\ليس الآن صوفي..لاتدعيه يجدني الآن..
صوفي بحنية\لن اسمح له بالفرار..سيعاقبه القانون لقتلك..
هديل\اي قانون..نحن لانتبع قوانينكم صوفي..
صوفي\ألم يختطفك من بلادك وأحضرك هنا..وجريمته ألم يرتكبها على الأراضي الايطالية.
اذن الحكومة الايطالية بالتعاون مع حكومتك ستحاكمه..هذا هو الدستور..
هديل تصرخ بقهر\ولكني لستُ مييييته..أنا حية أنا أتنفس ..إذن قضيتك فاشلة الضحية حية لم تمت..
صوفي بقهر\وكأنك تدافعين عنه..
هديل\تنازلي عن قضيتك صوفي..فهو بات يعلم الآن اني لم امت..
وسيثبت ذلك في المحكمة..ستعاقبين لانك ضللتي العدالة..
هو لا يهمني..لا أريد أن أفقدك بسببه..
صوفي بقوة\لن أتنازل..وأنتي لاتكوني ضعيفة هكذا..سيُعاقب على جرائمه..
هديل بألم\أريد ان أطوي صفحته من حياتي..أريده أن ينتسب لماضي بلاعودة..
أريد لحاله أن يكون كحالي..أصبحت طي النسيان لعائلتي..
وهو سيلاقي نفس المصير مني..أخرجيه من حياتي الآن...
إن إستمريتي بالقضية فسيستمر وجوده بحياتي..
صوفي غير مقتنعة\لأجلك أفعل أي شيء...ولكنه يستحق العقاب..
هديل بغصة\سيُعاقب..سيأتي يوم وتتم محاكمته..
إن لم يكن على هذه الأرض فـ الله سيجازيه لما فعل بي..
صوفي بعربية مكسرة\الحمد لله...
هديل بكت وهي تضمها بقوة\الحمدلله..الحمدلله...

سألتها عن ماكس وأعتذرت منها لأن غازي طرده بسببها..
صوفي بزعل\لم يطردهـ بسببك..ماكس كان صديقاً له وليس عاملا لديه..
طلب منه ملازمتك بأوقات سفرهـ والإهتمام بك..
إتفقا أن يخدعاك ويقولا بانه طرد ماكس..
هديل بتبلد\أتعلمين..لن أستغرب أبداً لو قلتي لي ذلك..
فهو لا يتوانى عن فعل أي شيء كي يؤلمني...
صوفي\ماكس لم يكن منصفاً معك أيضاً..
منعني من العودة الى الريف..ولكني عندما عدت قالت لي ماريا بأنك عدتي الى الوطن..
هديل\جميعهم كاذبون..لم أعد الى وطني أبداً..
قرأت رسالتك وبكيت بشدة لاني اضعت فرصة النجاة معك...
صوفي\لم أنسك أبداً..وعندما نجحت بعرضي الخاص بملابس بنات الريف..
تكلمت عنك ملهمتي العزيزة...أخبرتهم بان الفكرة فكرتك..
بحثوا عنك الصحافة كثيراً...لم يعلم من تكون ملهمتي الا ماكس وانا فقط..
هديل تذكرت شيء وضربتها\كيف تجرئتي وأرسلتي ذاك الرداء الغبي لي..
صوفي باستغراب\أي رداء؟؟
هديل ببحة\الرداء اللذي أرسلته مع مجموعة من الملابس..اممم قبل أشهر بعيدة..
صوفي بنفي\لم أرسل لك أي شيء منذ تركت المزرعة...
هديل بتأكيد\بلى فعلتي...وصلني صندوق كبير وعليه ورقة كُتب عليها ..من صوفي..
صوفي\ليس مني ربما صوفي أخرى..
هديل بغضب\لا أعرف غيرك...
صوفي\أنا لازلت أحتفظ بملابسك اللتي صممتها لك بدار الأزياء...
بخزانة خاصة جداً كتبت عليها ملهمتي..
هديل\مافيه غيرك..واذا مو أنتي فماراح يكون غيرهـ..
صوفي\تكلمي بلغة أفهمها..
هديل بخجل\أنا جائعة...وطفلي أيضاً...
صوفي بحزن ويدها على بطن هديل\هل هو إبنه..؟؟
هديل بغصة\نــ...نعم..
صوفي\هــ...هل أجبرك على هذا..؟؟
هديل بالم\لا لم يجبرني..فهو زوجي..
صوفي شهقت\زوجك؟؟!
هديل بضيق\أريد ماء...
صوفي توقف\أمر جيد أننا توقفنا لأخذ المونة..
لاني اعلم باننا لن نجد شيئاً هنا..أعلم بانك لاتريدين الكلام الآن..
ولكني أريد أن أعرف باي شهر أنتي الآن؟؟
هديل تبتسم\بعد أسبوع سأدخل الشهر الثامن...
صوفي\يجب أن تراجعي الطبيب دائماً..أعرف طبيباً جيداً..
سأطلب منه معاينتك بعد يومين مارأيك..؟؟
هديل\لم أقرر بعد أين سأمضي بحياتي..
صوفي\لاتقرري الآن...بعد ولادتك قرري بتعقل...
المهم الآن أن تكوني بخير وبعيدة عن ذاك الرجل..

مدت لها بعلبة الماء...
شالت الأغراض من على الأرض وتوجهت لــ المطبخ..

ناظرت في النار تفكر في غازي...
ياليتني أظل ميتة ولا اجتمع معاه بيوم...
ميته...ما أصعبها من كلمة...
اذا كنت ميت..
ما أحد يخاف عليك او يسأل عنك..
يقلق عليك ويهمه أمرك..
الكل يدري وين مكانك..تحت الأرض..
بين الدووود..وحيد مامعك مخلوق..
يعني ما احد يدور عليك...
طول الاشهر اللي مضت دفني بحفرة وغاب عني..
كنت أنتظره يلقاني..
بس طول ولا جاني..
ياحسرتي على حالي..
حتى الموت عايفني..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛

قرب منها وهي كانت سرحانة عنه..
ضمها بحب وقبلها على رقبتها..
راجح بحنية\تفكرين بغازي..؟؟
رشا بخجل\لا..احم أنــ...ـا ممـ من كنت تكلم..؟؟
راجح\طالب أخوك..يسال متى بنرجع..
رشا\قلت له ان حن راجعين اليوم..
راجح بهدوء\بس حن مو راجعين اليوم..
رشا بصدمة\مو أنت قلت بنسافر اليوم ولمينا شنطنا..؟؟
راجح بحب\ايه بنسافر اليوم..بس مابنروح السعودية..
بنرووووح شهر العسل..
رشا بعدت عيونها عن عيونه بسرعة..
نزلت راسها منحرجة منه ومصدوووومة بكلامه..
معقولة هي تسافر شهر عسل...راحت عليها من زماااان..
راجح بهمس\بايش تفكرين..؟؟
رشا\امم لا اا لــ....ـيش؟؟
راجح بحنية\لأنك تستاهلين..وانا بخاطري اروح معك شهر عسل كاااامل..
رشا بغصة\يعني عشـــ...ـــان أنـ....
راجح فهم اللي تفكر فيه..تضايق من تفكيرها وكيف تقلل من شأن نفسها..
بحدة\تقصدين باخذك شهر عسل لانك ماعرفتي الحياة الزوجية؟؟
تعتقدين هذا السبب اللي أفكر فيه بس..؟؟
رشا صدت عنه تخفي دموعها\أعذريني إذا صدمتك..
بس مابقى لي ثقة بنفسي..
راجح\أنا مبسوووط لانك لي لحالي...
وكل اللي أبيه أبداء معك بداية صح..
أنا ماتزوجتك عشان غازي وتربيته..
تزوجتك عشان راجح وقلبه..
رشا تبكي\تعبت ياراجح أبي أرتاح..
موقادرة افرح..أخاف أفرح بليا حق...

ضمها له وهو يردد لها إنها حبيبته وبتظل حبيبته على طول..
ومستحيل يتركها الا بموت أو قدرة القادر فقط..
وغازي بيرجع لهم وبتعيش اللي أنحرمت منه بتضحيتها...
رشا باحراج\رر...راجح ورانا سفر..
راجح بغمزة\حسافة لو متاخرة طيارتنا ساعة ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛


توظفت شوق باحد المدارس من شهر وهي منتظمة بدوامها..
كانت نفسيتها هالشهر اللي أشتغلت فيه أحسن بكثيير من الشهور الماضية..
أستقرت حياتها الزوجية مع طالب تفهم وضعها وساعدها تطلع من الإكتئاب اللي سيطر عليها..
اتصل فيها غازي مرة وحدة مارضت ترد عليه ولا تتكلم معه..
ومن بعدها ما اتصل فيها ولا في طالب..
أنتبهت على صوت جوالها كان طالب هو المتصل..
(عصقوول) يتصل بك..
شوق\هلا..
طالب\هلا فيك..خلصتي ياعصقوولة..؟؟
شوق\ايه انتظرك..ألبس عباتي؟؟
طالب\ايه البسيها وصلت لك..بس لاتطلعين الا لما اتصل عليك..
قفلت منه ولبست عبايتها وقفت تنتظر..وتنتظر وتنتظر..
جات بتتصل عليه بس هو اتصل..
شوق بعصبية\وووينك..توك تقول انك قريب..
طالب بصوت مكتوم\أنتي لبستي عباتك..
شوق\مو لبستها بس الا أختنقت..
طالب\هههههههههههه ترى كلمتك وانا طالع من الشركة..
والحين وصلت المدرسة يالله أطلعي...
شوق بقهر\طيب يا الضب..حسابك ماهو هنا..
طالب\اخرجي قبل لا ادخل اسحبك من خشتك..
قفلت الخط وهي تتوعد فيه..
مايخلي مقالبه فيها..
رغم إنها تعصب في لحظتها بس لما تتذكرها من بعدين تضحك على مقالبه..
دخلت السيارة وضربت الباب..
طالب\وأرحبي...يالله ان تحييها..أسفرت وأنورت ..وأستهلت وأمطرت..
ياحي ذا الزوول ياناس..
شوق\..............................................
طالب\أفا يا غزال البراري..يا زرار كمي يوم العيد..
يا أجمل بنات المدرسة واللي حوالينها..
يا عموود الكهرب في سابك..يا أغلى الأسهم في تداول..
يا إحتياطي الذهب الفدرالي..يا آخر موديل لنوكيا وشلتها..
شوق بقهر\يابندول صدعت براسي...ما ابيك تتغزل خلاااص..
كفخني دووس في بطني بس لا تتغزل مرة ثانية..
طالب مجروح الخاطر\جزاتي يوم كتبت فيك قصيدة..
بس ماعليه مقبولة منك يا أم تيتشر.
شوق\ههههههههههههههههههههه والله والله ما أنت بصاحي..
لو تذبحني ما اسمي بنتي تيتشر..
طالب\أفا وليه..تيتشر بنت طالب ... يازينه من اسم..
شوق\أنا وبنتي مالنا شغل باسمك..قال تيتشر قال..
طالب\ولا اسميها الا تيتشر يامعصقل..
شوق\طالب شوووف شووف عصقووول..
طالب\ههههههههه ياجعلني عصقووول..
شوق\لو ما أنت تذكرني بهالكلمة من يومني بزر..كان نسيتها منذو مبطي..
طالب\عشان تعرفين أهميتي..وش رايك نأخذ كوفي الطريق..
شوق\لاااا ابى غداء..جوعااانة..
طالب\أنا متغدي في الشركة..بس ولا يهمك من وين تحبين غداك..
شوق\هرفي..وأبي ثنتين مو وحدة..
طالب\وليه الإسراف وحدة تكفي..
شوق\مالك شغل جوعانة وابي ثنتين..واذا ماتبي تدفع انا أدفع..
طالب\إيه إدفعي أنتي ..أجل موظفة على الفاضي..
شوق فتحت عيونها\ياساتر بخيل...
طلب لها وجبتين ولما أستلمها طلب منها تحاسب..
شوق طلعت البوك وهي تضحك على شكل طالب..
أخذ البوك منها وهو يناظر بالهندي يبي يقهرهـ..
لما شاف نظراته تحتقره لانه يخلي الحرمه تدفع وهو موجود..
طالب\هذي ماما انا يارفيق..كل يوم تعطي فلوس..انا مافيه شغل..فيه هنا شغل رفيق..؟؟
الهندي\لاا مافيه شغل ...روووه رووه..
طالب وهو يحرك السيارة\مسكين خاف لا أخذ وظيفته..
شوق\طيب هات بووكي يا سروووق...
فتش بوكها بشكل سريع كأنه حرامي..
سحبته منه بس هو طلع اللي يبيه قبل لا تأخذ البوك..
طالب بخبث\يالبيييه يا اللي يحبوني..
صورتي الى الحين في بوكهم..
شوق باحراج\ترى نسيت منها ...وترى عشان نفسي مخليه الصورة ماهو عشانك..
طالب\أقووول وش رايك في الكلام اللي ورى الصورة..
شوق بقهر\مردوود عليك..
طالب\ههههههههههههههه طيب حسابك في البيت..
وخليك قد كلمتك..
شوق\أمزح وش فيك أنت..
طالب\لا لا حن رجاجيل وناخذ بالكلمة الأولى..
أجل مردوود علي..والله ليلتك بردغاااااااااالية..
شوق ضحكت بقووووة على كلمة بردغاااااالية...
ولا قدرت ترد عليه...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛

وقفت عند نافذة الغرفة..
تناظر بجنة الله وروعة خلقه على الأرض..
من أجمل المناطق اللي زارتها هذي المدينة..
الكوخ اللي هي فيه مرييييييح وأمن..
يتناسب مع الأناقة العصرية..
ما تستغرب اناقت الكوخ وهو خاص بصوفي الأنيقة...
ضحكت لما تذكرت كيف هاوشت صوفي على لبسها..
هديل بغضب\ألا تشعرين بالبرد <<بالانجليزي..مع سيقانك<<بالعربي.
صوفي\إخرسي أيتها القزمة السمينة..أشعر بالبرد ولكني تعودت عليه..
هديل\يامنمشة..متى تعودين..؟؟
صوفي\لا استطيع العودة اليوم أو غداً..
سأتي إليك بعطلة نهاية الإسبوع...
هديل بخوف\إياك أن يعلم ماكس بمكاني...
صوفي بثقة\لن يعلم أبداً..وداعاً..

كان يومها وليلتها مخيفة لحالها..
تحس بوحدة قاهرة..
بس لما تضم نفسها وتضم طفلها تنسى كل شيء وتعيش معه وتبني مستقبلهم ..
من دون ماتسمح للماضي او لطيف من الماضي يدخل بحياتهم..
قررت الاسم ..
طفلها له حق يكون له اسم..بنتها او ولدها..
مابتدفن حقوقهم بسبب حقدها على الماضي...

رفعت راسها تراقب الثلج يتساقط بهدووء ..
شهقت بقووووة لما شافته واقف قدام الكوخ عند سيارته...
صرخت بيأس وحست بألم لا يطاااااق بأسفل بطنها...
صرخت بأسى\لااااا لا ما ابيييييك..لاترجع ما ابييييييك...
رووووح...روووح بعيد..لاترجع..تكفى خلني أعييييش من دونك..
حطمتني خلاااص والله انت أنتقمت وقضيت علي..
إتركنيييييييييييييييييييي....

سمعت صوت الباب يندق بقوووة..
جلست على الأرض من شدة الألم والخوووف..

شدت على بطنها بقوووة من الألم وهي تبكي...
تحس بشيء غريب يصير معها...
غرقت ملابسها بشكل يخوف...
همست بخوف وهي تنتحب\لاااا لا يووومه تكفى لا..
لاتطلع خلك جواتي تكفى يووومه تكفى...
لاتعذب امك..خلك جواتي..خلنا نهرب منه ..
اصبر فديتك لا تطلللللع..
آآآآآآآآآآآآآآآآآآآآآآآآآآآآآآآآآهــــــ.......... ..

أنسدحت على الأرض لما سمعت الباب انكسر..
وهو واقف قدامها مصدوووووووووم..

همست بحزن\لااااااااااا لاترجججع..أنا مت لا ترجع..



الى الملتقى باذن الله تعالى يوم الاثنين..
كونوا بخيـــــــــــــــــــــــر ..




صدووود’’’