مجموع الأوسمة: 17

شهقت بفرح لما شافت صوفي داخلة عليها والممرضة جايبة ولدها بسريرهـ..
صوفي تصرخ مبسوطة لإلتقاء الأم بولدها...
فتحت كاميرتها وبدأت تصور هديل الكاتمة أنفاسها تنتظر الممرضة تعطيها ولدها..
مدت يدينها برجفة وهي تشوف الكائن الصغير بلحاف أبيض ممدود لها..
أول مانحط على يدينها وقربته منها انصدمت من ردت فعله..
صار يشهق ويحرك يدينه ...
خافت عليه لايكون عورته او يتألم..
ضمته لها وهي تبكي...
هديل بحب\نورت دنيتي يا أبوي...
هدات حركته وغمض عيونه مرة ثانية ورجع ينام..
هديل\ههههههههه لا لا حبيبي لا تنام الحين فتح عيونك..
ياماما تونا نتقابل تنام وتخليني...
فديتك وفديت ريحتك..
ضمته لها اكثر وهي تشم ريحته...
هديل بحنية\وهـ ياقلبي عساني ما افقد هالريحة وراعيها..
ورعي نايم يا ناس مايبي يسلم على أمه..
الممرضة\سيصحوا بعد دقائق حاولي إرضاعه من صدرك..
هديل خافت ولا ردت عليها..
وطنشت صوفي اللي ضحكت على حالها وهي منحرجة وخايفة..
هديل\قم فديتك شف هذي المنمشة تضحك علي..
قم شوتها تصور امك القليلة الأدب..
صوفي\ديل حبيبتي تكلمي بكلام أفهمه أرجوكي...
هديل\أطفىء كاميرتك وكفي عن الضحك..
صوفي\ههههههههههه أنا سعيدة لأجلك..هيا قومي بارضاع طفلك..
هديل بعصبية\صوفي...حسناً سأفعل ولكن اولاً أريدك أن تخرجي من هنا..
صوفي مصدومة\ماذا؟؟
هديل\هششش ابني نائم..اخرجي من هنا كي أقوم باطعام طفلي..
صوفي بتعجب\هل تخجلين مني أيتها القزمة..؟؟
هديل\أجل وش شايفتني فاصخة الحيا مثلك يا منمشة...
صوفي\اللغة أرجوكي..
هديل\أخرجي وخذي كاميرتك معك..لا أتركيها لقد صورتني بها..
صوفي بقهر\حسناً سأخرج ولكني سأحاسبك على هذا..
هديل\عنبوا ابليسك أخرجي ابى اجلس مع ولدي حشاشة جوفي هههههههههههههه
وهـ فديتك صرت أقلد المسلسلات..
خرجت صوفي بعد ماركزت الكاميرا على هديل وتركتها تشتغل من دون ماتدري هديل..

هديل بحنية\خلاص خرجت الدوبة..فتح عيونك يا قلبي..
ذياب ياروح أمك..بدت حياتي من جديد بقدومك..
صار عندي ام واب وعزوة يا ابوي..
سميتك ذياب..لانه من حقك انت البكر وانت الكبير وانت ذياب..
ولازم تنتسب لأبوك وهلك..
أنت ولد حلال ولد ابوك النذل..
ما بادفن حقوقك تحت خوفي وهروبي..
تنتمي له غصبن عليه...مع ان هذا لا يشرفك ولا يشرفني..
صوفي قالت انسبك لي ولهلي...
بس الدين له كلمته يا ابوي وانت تنتسب لابوك...
ما نعصي ربي عشان نهرب من ابوك...

انا هديل أمك...
وابيك اليوم والحين توعدني ماتروح وتخليني..
ولاتفكر تنتمي لاحد غيري..
وتكفى يا ابوي لا تترك الدنيا من دوني...

مسحت دموعها وهي تضحك لما شافته فتح عيونه..
هديل بصوت مخنوق\فديت اللي مايشبع نوم..توك صاحي وتتثاوب..لازم تشرب حليب..
احممم ذيبو يا ابوي غمض عيونك زين..تراني ما اعرف..
اذا عورتك ارفسني زين ؟؟..حبيبي انت...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛

تمسكت بيدين راجح وهي ترتجف..
رشا بخوف\أنا كيف طاوعتك وجيت معك..
المفروض رجعت السعودية مو أجي هنا..
راجح\رشا لا تعيدين بالكلام..
تفاهمنا وحطينا النقط على الحروف..
بنسلم عليهم ونبارك لهم ونرجع الفندق..
رشا بسرعة\وغازي مابتاخذهـ..؟؟
راجح\مو الليلة..حرام نزعل خالته وخاله وهلهم..
خليهم ينبسطون الليلة وبكره يصير خير..
رشا\طيب واذا شافني..ما ابي اشوفه..
راجح بخبث\عادي خلي عباتك وطرحتك عليك..
واذا شفتيه تغطي عشان مايعرفك..

لما شافها ناوية تفتح موضوع ثاني نزل من السيارة ونزلها بلطف..
وصلها لــ الباب واشر لها بيده مودع..
ضمت يدينها ببعض وهي تقرأ ايات قرآنية..
سمت بالله ودخلت...


دخل راجح عند الرجال وسلم بصوت عالي..
وصل لعــامر المتوسط المجلس مع اثنين من عمامه..
سلم عليه وبارك له وخذا علومه..
وعامر رحب فيه وعرف الرجال في المجلس عليه..
حلفوا عليه هل عامر بالعشاء من بكرهـ..
حاول يردهم بس حلفوا وماقبلوا بكلامه..
أنتبه لغازي الصغير جالس جنب فهد..
راح له بسرعة شاله وسلم عليه..
وغازي تعلق فيه يصرخ مبسوط..
ضحك على شكله كيف بالثوب وشماغ صغير ملفوف على راسه..
جلسه بحضنه وجلس جنب عامر..
راجح\ياحي الله غازي الغالي..كيف انت يا بطل..
غازي\أينو ماما...
وقبل لا يرد راجح عليه ردد غازي كلمة خلا عامر يحلف راجح يقوله وش معناها..
غازي\سعدونانات...
راجح\ههههههههههههههه..
عامر\يا ابن الحلال لاتخليني أحلفك تعلمني وش يقول...
راجح\أنت مالاحظت متى يقول هذي الكلمة...؟؟
عامر\يرددها كل ماشاف ريايل..
راجح\السلام عليكم...
غازي\سعدونانات...
عامر مصدوم\لا لاتقووووول..
راجح\ههههههههههههههه يقول السلام عليكم..
ان كانوا جماعة قال سعدونانات يعننه يجمعهم..
وان كانوا شوي يقول سعدون انا..
عامر ياخذ غازي ويعضه\أقول جعلني فدا السعدونانات كلهم..
غازي بحق\كبة حسيس...
راجح\ههههههههههه بالله يالمعرس حد سبك الليلة غيرهـ..؟؟؟
عامر بقهر\محدن يتجرأ على عامر غير سعدون هذا..
غازي نط مرة ثانية بحضن راجح وظل يسولف عليه..
راجح بحنية\غازي ماتبي ماما...
غازي بفرح\أينوا ماما؟؟<<أين ماما...
راجح\عامر الله لا يهينك شف احد من هلك يدخل الولد لهلي ترى شفقانين عليه واجد..
عامر\تبشر أنت وهلك..

نادى على فهد اللي كان خجلان من راجح ومايحط عينه بعينه..
وراجح وعامر ملاحظين هذا الشيء..
خذا غازي من راجح ونادى امه وعطاها الولد..
وهي دخلته البيت...

كانت جالسة مرتبكة وتحس انها مخنوقة..
وتفكر باي لحظة تقوم وتلبس عبايتها وتسوي مثل ماقال راجح..
نهرت نفسها بقهر..
انت وش تسوين هنا...؟؟
أنتي ناسية أنك خذيتي ولد بنتهم وحرمتيهم منه..
ناسية أنك جرحتيهم بسبب أنانيتك ..
عذبتي حالك وعذبتيهم...
حاولتي تكملين النقصان عندك بولد زوجك اللي رفضك وماحبك..
الأمومة اللي فقدتيها وأنتي طفلة حبيتي تعوضين غازي فيها..
وتصيرين أمه مثل ماصارت ام اخوك غازي ام لك..
بس انا حبيته ..
حبك مايغفر حرمانك له من خواله وهل أمه..
هذي أمه اللي حرمتيه منها..

.......\مامـــــــــي...
حست بيدين تلتف على أرجولها..
فزت بخوف وناظرت فيه يضحك لها ويشهق من فرحته فيها..
لابس ثوب على حجمه ويمكن أطول منه ثنين سم..
شماغ ملفوف على راسه باتقان..
حست بيدينها أنشلت ومو قادرة تتحرك..
ما انتظرها تمد يدينها له وتشيله..
كان اسرع منها...
طلع على الكنبة بسهولة قرب منها ورمى نفسه بحضنها بقوووة..
لف يدينه على رقبتها وثبت خده على شفايفها..
وهو يضحك ويردد اسمها...مامي..
صرخت بآآآهـ مخنوقة..
ولمت يدينها حوالينه بقووووووة..
ضمته أكثر من ضمه لها وقبلت جبينه وخدودهـ..
يدينه وراسه وشماغه حتى ثوبه...
رشا بحب\ياروووح مامي وقلبها..
فديتك وفديت ثوبك وشماغك...
ياويل حالي على اللي لابسين زرار بيديهم..
صرتوا رجال يا الورعان ..فديتك انا فديتك..
والله وحشتني ..وحشتني ريحتك وصوتك ...
ياربي إحفظهم وسلم عمرهم...

ظل متمسك فيها طووول الوقت...
وكل شوي يتعلق برقبتها ويثبت خده على شفايفها..
وهي تضمه أكثر وتبوسه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛


رحل منهو يسليني .. وصار اليوم في قبره
رحل عني وفارقني .. حزين وصرت في حسرة

ذكرته يوم يحاكيني .. وهالبسمات من ثغره
ذكرته يوم يواسيني .. اذا ما هلت العبره

ذكرته يوم يشكي لي .. عن همومن ملت صدره
ذكرت وهلت ادموعي .. وصار الفكر في اسره

حبيبك راح ياقلبي .. ولا حتى تشم عطره
وظلك مات ياظلي .. سكن وياه في قبره

ألا وينك تسولف لي .. تحت انوار هالقمره
وتنشدني عن اخباري .. ترا عقبك غدت مره

الا ياغايبن عني .. ترا قلبي فقد صبره
ولكن الأمل عندي .. لقاك بجنتن نضرة

أنشودة ....رحل عني....

على بلكونة الفندق بجنيف...سويسرا..

لاحظ نظراتها مركزة بنفس الجهة من ساعة وهي سرحانة فيهم..
عائلة سعودية أب وأم ثنتين بنات وأربع عيال..
تبتسم لما تسمع صوت ضحكهم عالي..
تلمع عيونها بدموع محبوسة والبنات يدللون على أمهم..
وأبوهم يغمز لهم من ورى أمهم..
والبنات يضمون بعض مبسوطين..

متاكد انها نست انه متواجد معها على نفس الطاولة..
ولو يرجع الأمر لها بتظل متعلقة فيهم حتى بعد مايتركون المكان..
مسك يدها وهزها ينبها انه موجود معها..
هديل ألتفتت عليه\هممممممممم.....
غازي بقسوة\من أكثر شخص مشتاقة له..أبوك ولا امك ولاغادة أو احد أخوانك..؟؟
هديل بلعت العبرة وعضت على شفايفها تمنع شهقاتها وصوتها يطلع..
طاحت دموعها من عيونها ولامست الأرض قبل تلامس خدها..

توقعها تظل على حالها ساكته وصادة بوجها عنه وتراقب العائلة..
بس خالفت توقعاته وهي تتكلم..
هديل بصوت مخنوق\نفس أبوي...اذا كنت ابي شيء انا وغادة..وأمي مو راضية..
يغمز لنا من وراها وهو يقنعها..وأنا واياها ننبسط ونضم بعض مثلهم..

ضحكت وهي تبكي\هههههههه هادي مايرضى نبعد عنهم لما نسافر..
يمشي معنا غصب ولا بالطيب..نتحايل عليه ونهرب منه..
بس لما يلقانا يهاوشنا وأبوي فديته يقوله مالك شغل أنا أهاوشهم..
فديته الطيب...أمي طبعاً توقف مع أخواني ماتحب نعاندهم..
وأنا وغادة ندلع عليها وتسامحنا...

عضت على إصبعها وهي منزلة راسها بندم...
هديل بنحيب\ليتني مارضيت أجي..ليتني ظليت بحضن أمي..
قلت أقدر وأنا والله ما اقدر..قلت بأرجع وماظنتي أرجع..
ابي هلي ابى أرجع لهم رجعني..
ابي امي مثلهم..حنيت لها كثير..أشتقت لريحتها وحضنها..
مالي حق أحرم نفسي من أمي..هذي أمي أمـــــــــــــــــي..

قام لها رفعها من على الطاولة وضمها له..
ضربته وبعدت عنه..
هديل بألم\أنت ماتشوفني أموت...الى ألحين مارضيت بانتقامك..
أنت أنتقمت شفني ماعمري كرهت حالي هالكثر...
هلي وأكيد تعذبوا بفراقي لأني أدري أنهم يحبوني..
خلااص والله أنتقمت لأخوك..
غازي بحنية\انتي ما قتلتي أخوي..
هديل تبكي\سامحني..كن أنت الكبير والطيب..
سامحنا ورجعني لهلي..كن مسامح ربي يسعدك ويفتحها بوجهك..
خلاص انت انتقمت انتقمت لأخوك..
غازي\لا ما أنتقمت له..
هديل\الى الحين باقي ما أنتقمت..؟؟
أجل متى بتنتقم..وكيف..أنت تبيني أموت مثل ما مات اخوك..؟؟
غازي بعصبية\لا ما ابيك تموتين..
هديل بقهر\بس انا أموووووت..
شفني قاعدة أمووت قدامك..
رجعني وربي يسامحك ويسامحنا...
ابي امي..مثلك..مثل شوق..
مثل غادة هادي محمد وعلي وابوي حتى هو عند أمه..
ليه أنا ماتوديني لأمي..ابي اميييييييييييي مثلكم..

رفعها عن الأرض وضمها غصب عنها..
بكت بحضنه وترجته بكل كلمات الإستعطاف والحنية..
ورددت كلمتها أريد أمي...علها تصحي ضمير للأسف ميت..

كيف أرجعك وأنتي ميته..
مالك ذنب..ورب البيت مالك ذنب الا إني أخو سعود وهادي أخوك..
لو تعرفين بموتك عندهم وش يصير فيك..؟؟
الأمل بالسراب مايروي...
وأنتي متأملة كثير برجوعك..
خليك معي وإن كنتي تكرهيني خليك معي..
أبوك قتلك بعد ماقطع الرجاء فيني..

وعى من سرحانه على صوت ضحكة بنت في الشارع..
مع صديقاتها...
حط يدهـ على صدرهـ مكان ماكانت تبكي وتشكي..
غمض عيونه يتمنى لو يشم عطرها ويحس بدفاها..
وقف من على المقعد ومشى بغير هدى بطريقة..
صار يدوس على ظله..
رفع اصبعه وعضها بنفس حال هديل..
لو رجعتها لهلها يمكن ماكانت اليوم بقبرها...
كان بامكاني ارجعها..
واخذها بطريقة ترضيها قبل لا ترضي اهلها..
ماتت محصورة بالزاوية..
عمياء ماتدل الطريق..
أحترقت وتعذبت بموتها..

يارب ظللها بظلال الجنة..
وأبدلها داراً خيراً من دارها..
وأهلها خيراً من أهلها..
لاحول ولا قوة إلا بالله..
إنا لله وإنا إليه راجعون...

سمع صوت قوي قريب منه..
وقبل لا يرفع راسه طار من مكانه بقوة..
وأنرمى على الأرض بقوة أكبــــــر...



الى الملتقى باذن الله تعالى فجر الثلاثاء ...
كونوا بخير...


صدووود’’’