مجموع الأوسمة: 17

مر عليها يومين وهي بالعناية...
الجنين مات لضعفه ...
وشوق ما أستوعبت اللي صار معها..
كل ماتصحى ترجع تنام..

صحت وهي تسمع صوت يناديها..
حاولت ترد بس ماتقدر...
تحس بثقل كبير بكل جسمها..
جلقها يعورها ناشف بقوووة ومجروح..
يدينها شابة مثل النار...
رفعت جفونها بألم..
تحاول تلبي الصوت اللي يناديها..
فتحت عيونها وركزتها على الوجه القريب منها...
نبها عقلها عن أخر مرة شافت هالوجه..
مشتاقة له كثير...
محتاجة لحضنه لقربه لحنانه الغايب عنها..
ماتبي قسوته قهرهـ صراحته القاتلة..
تبيه يواسيها..يطمنها..يسامحها وهو ظالم مثلها..

راجح يبتسم\الحمدلله على السلامة ياقلبي..
خوفتينا عليك..
حاولت تتكلم لسانها مو مساعدها..
عيونها أدمعت بحزن وندم..
حركت شفايفها تهمس بكلمة..
فهمها راجح وباسها على جبينها..
راجح\أدري أنك ندمانة وأنا أسف ياقلبي عصبت عليك..
قسيت عليك وقلت كلام ماتستاهلينه..

تبي تتلكم تضم عمها وتتحرك..
بس ليه تحس بكل هالتعب..
وكأنها مكسرة ...
همست\تعــ....ـبـــ ـانة..
راجح\طبيعي تحسين بالألم..
لاتخافين يومين بالكثير وتقومين بالسلامة..

شافت طالب يدخل الغرفة ويبتسم لها بهدوء..
طالب يبوسها على جبينها\هلا وغلا..الحمدلله على السلامة..
هزت راسها بخفة بدون ماترد..
طالب\ياقلبي عليهم اللي يتغلون..
خلوني لحالي..وكل شوي الفلبينيات يهاوشوني..
راجح باستغراب\ليش يهاوشونك؟؟
طالب\ماعندي شغلة الا أراقب عصقول..
ولما يشوفوني أقرأ ملفات المرضى أو أسرق شاش وحركات البزران يعصبون علي..
راجح\لا مالهم حق..انت ماسويت شيء بس ملقوف..
طالب\انا أدري عنهم..بس متحططين لي مدري وش يحسون فيه..

تالمت وهي تحاول تكتم ضحتكها لاتتعور..
ولازالت تجهل سبب ألمها..
شدت على يد راجح الحاضنة يدها..
قرب منها يسمعها تطلب مويا..
شربها شوي ماقدر يكثر لها..

شوق بألم\آآآآآهـ أنا وش فيني..ليه أتالم..؟؟
طالب\مافيك الا العافية ورحمة من ربي..
شوق\طالب أنا أتالم..وش صار علي..؟؟
راجح بهدوء\شوق يالغالية كل شيء يتعوض..
وانتــ........................
شوق بألم\أنا سقطت...؟؟!
طالب وراجح أنصدموا من كلامها هي كيف عرفت..
يمكن من الألم اللي تحس فيه..
ماطرأ في بالهم إنها كانت تدري بحملها من الاختبار المنزلي..
سكوتهم ونظراتهم لها كانت الرد على سؤالها..

غطت وجها بيدينها وبكت بزعل..
همست بصوت مخنوق\أخــ....ــرج ولاترجع..
أنتقمت مني كثير ياراجح كثير..
خلاص اخرج اخرج..
راجح بحنية\افا ياشوق انا أنتقم منك..
أنتي أختي وبنتي وأمي وهلي كلهم..
شوق تبكي\لا أنا القاسية الشريرة..
انا اللي ظلمت هديل وكنت سبب في موتها..
رووح عني راجح ما ابيييك رووح..
طالب\شوق صلي على النبي وغهدي..
ما ابيك تنهارين مرة ثانية..
يكفي اللي صارلك..
شوق تتكلم وهي تتألم\ايه يكفي الطفل اللي مات..
يمكن تكون بنت يمكن تكون هديل بنتي وماتت..
ولا غازي ومات هو بعد..
لييه ظلمتها وليه ظلمتوني..
ما اباااكم اخرجوا خلوني لحالي ما اباكم..
أستاهل هذا جزاتي..هذا عقاب ربي لي..
الله مايضيع حق..ياما تبليت عليها ورميتها بالكلام..
ربي جازاني...

تغطت بالمفرش وهي تبكي..
ترجتهم يخرجون ويخلونها لوحدها..
طلعوا وطالب نادى الدكتورة تدخل عندها..

وينك ياهديل..تعالي شوفي حالي..
والله ندمت يابنت الناس..تبت واستغفرت..
مات الضنى..مات قطعة مني..
الله بيعوضني..
بس انتي وين العوض عنك..
متى بأنساك..؟؟
متى ينجبر كسرك..؟؟

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛


فرشت سجادتها وقبل لا تبدأ صلاتها ..
راحت تفتح الباب واللي كانت متاكدة من اللي وراهـ..
ما أحد يطق بابها غير صوفي..
فتحت الباب لها وأخذت الاغراض اللي بيدها..
صوفي\مرحباً..صوفي الجميلة هنا..أين الأمير الوسيم..
هديل بسرعة\نايم لاتصحينه..ترى بأذبحك..<<بالعربي
صوفي بصراخ\ووولفي عزيزي..طفلي الجميل..
دخلت غرفت هديل وشالته من فراشه قبل لا تمسكها هديل..
صحى من نومه وبدأ يسولف مع صوفي بأصوات الأطفال..
صوفي بنصب\أيتها الكاذبة لم يكن نائم..
هديل بقهر\صوفي نام منذ عشر دقائق فقط..لماذا أيقظته؟؟
صوفي بحب\لاني احبه ومشتاقة له..لم تأتي اليوم الى دار الأزياء فكان يجب ان أتي لرؤيته..
هديل\اجل انثبري معه وخليني أصلي..ويلك أسمعه يبكي..<<بالعربي..
خلصت صلاتها وخرجت من غرفتها..
التلفزيون على أفلام كرتون وكأن ذياب بيفهمها او بيهتم لها..
هديل\صوفي رائحة العشاء شهية..
صوفي\مطعم يوناني جديد احببت أن نتذوق طعامهم..
حضرت هديل عشاها مع صوفي وبدو يتعشون وصوفي تفكر تطعم ذياب من عشاها..
عصبت عليها هديل وقالت ماتضمنها لأنها مجنونة..
أخذته منها وسدحته بحضنها..
هديل\شف الخبلة تبي تأكلك..سامحها فديتك من طول سيقانها ماعادت تجمع..
صوفي\هههههههههههههه هيا قومي باطعامه..
هديل\منحرجة\اخرسي وأغمضي عينيك...
صوفي بمرح\لن أفعل هههههههههه اريد أن أضحك قليلاً..
هديل\بالمشمش تضحكين علينا..
غطت نفسها بشرشف الصلاة ورضعت ولدها وصوفي تضحك عليها..
صوفي\لِم تخجلين مني..؟؟
هديل\عشان وجهي ماهو بمغسول بمرق مثلك<<بالعربي..
صوفي\أكرهك عندما تتكلمين هكذا..
هديل\اممم صوفي ماذا حصل بامر الأوراق هل اصبحت جاهزة..
صوفي بجدية\ستكون بالمكتب غداً صباحاً..
ولكن هل انتي واقة من ما ستفعلين..؟؟
هديل\نعم أنا واثقة صوفي..
صوفي\قد يعتبر هذا عملية نصب وإحتيال..
هديل\هل أنتي خائفة..؟؟لا تخافي سأكون أنا الملامة الوحيدة..
صوفي\أجل أنا خائفة عليك أنتي..
أريدك أن تكوني قوية ولكن لا أريد أن تسلمي نفسك له..
هديل\لن أفعل ما يؤذيني سأبني مستقبل ابني رغماً عن أنف والدهـ ..
صوفي\وهل جيسين تعلم كل القصة..؟؟
هديل بعتب\اسمها ياسمين جاسمين..لا هي لاتعلم بانه والد ابني..
ولا بموتي الغريب..لكنها على دراية بكل شيء آخر..
أريد أن تكون الأوراق باسمها..فهي مسلمة وهذا شرط السيد ان يكون شركائه مسلمون..
سنشتري أكبر قدر من الأسهم بمساعدتك صوفي..
أعلم بأني لن أستطيع شراء الكثير فانا لا املك المال..
صوفي\تعلمين باني سوف أساعدك لا تهتمي لــ المال..
ولكن اليس ماكس بشريك له..؟؟كيف لماكس ان يكون شريكه وهو ليس مسلماً..
هديل\هو نذل وماكس نذل مثله..سيتفقان بلا شك..
صوفي\أكرههما..
هديل تبتسم\اكرهي زوجك لا شأن لك بزوجي..
صوفي تشهق\اوووه ههههههههههههه هل تغارين ديل؟؟
هديل بحقد\نعم صوفي أغار..فأنا سأكرهه بالنيابة عن سكان الكون جميعاً..
فلن تصلي ولا غيرك لقدر قليل من مافي قلبي لذاك الــشيء..

وقفت حطت ذياب بحضن غازي وطلعت من الشقة..
جلست بالحديقة القريبة من شقتها..
ربتني أمي على الطيبة والخجل..
زرع ابوي فيني خشية الله والحذر بكل خطوة..
وانت يا أستاذي علمتني القسوة..
شربتني الحقد..
نيمتني على الطعن في الظهر..
وصحيتني على كسر الخواطر..
نجحت يا غازي وتخرجت من جامعتك..
أحرقت شهادتي بيوم تخرجي..
ولدي بيظل بعيد عني وعنك..
مابيدخل بينا..


هديل بألم\والله اخليك تندم...آآآآآآآآآآآهـ..
كانت ماسكة يدها بخفة لأنها عورها لما لواها لها ورى ظهرها..
غازي بحدة\قلت لك أشتري سلامتك...
هديل بقهر شالت الحجر من على الأرض ورمته بقوووة..
ضربته بركبتهوظلت طايحة بمكانها على الارض...
جالسة على ركبها وبعيونها نظرات تحدي..
قرب منها وجلس على ركبه قدامها ولم يدينه حوالين خصرها ولصقها فيه..
غازي بهمس\متمردة كثير هاليومين..
اممممم عشان هلي موجودين..؟؟ولا لسبب ثاني...؟؟
ضربته على كتفه تبعده عنها بس ماتركها..
وبلحظات حس بتراب ينصب على راسه من فوق..
شاف يدها فوق راسه والتراب من بين أصابعها ينصب عليه..
هديل بتحدي\اتركني ياتراب..
سدحها على الأرض بسرعة وقبلها بقووووة..
قاومته وحاولت ترفعه عنها ضربته ومشخت وجهه..
بعد فترة بعد عنها وقف ورفعها عن الارض بسرعة..
كانت تبكي وترتجف ويدينها على فمها المجروح..
كانت بتبعد عنه بس هو ضمها وهمس لها باللي يحطمها..
غازي\لاتتمردي مرة ثانية يا.................رسل..

مسحت شفايفها بقرف وتمنت لو تستفرغ..
كل ماتذكرت شعورها بلحظات الاهانة..
يقبلها يضمها ينام معها وهو مطمن ومرتاح..
بس هي تظل مقهورة مهانة ذليلة..
شعور الإحتقار لنفسها مستحيل تنساهـ...

مستحيل أسامحك..
مستحيل انسى ..
أوعدك ما انسى...
الله لا يسامحني اذا سامحتك..

حجرت دموعها بعيونها ومارضت تبكي..
اللي يسوى غازي ويسوى الدنيا كلها ينتظرها ترجع له قوية..
دخلت شقتها وحضنت ذياب بحنيــــــــــــن لحضن أمها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛

لبست بجامتها بعد مانيمت غازي...
سدحته جنبها وأول ماغمضت عيونها تذكرت إنها ماقفلت الباب..
أول مارفعت الغطاء عنها سمعت صوت في الدرج...
تعوذت من الشيطان وشجعت نفسها تقوم وتقفل الباب..
بس أرجولها ماطاعتها...
سمعت ابواب الغرف تنفتح وتتسكر..
وقفت بسرعة شالت غازي ودخلت غرفة التبديل وقفلت الباب..
سدحته على الأرض واخذت الكرسي ودورت على مسدس راجح..
شافته بشنطة السلاح الخاصة فيه..
خرجته بسرعة وهي جاهلة تماماً كيف تتأكد من وجود رصاص فيه..
رفعت الأمان وجهزته ...
سمعت أصوات بغرفة نومها وزادت بخوفها وبكاها..
كانت كاتمة انفاسها وهي حاضنة غازي..
قربت الخطوات من الباب ..
محاولة لفتح الباب بس ماقدر يفتحه..
ضربه بقوووة ناوي يكسره..
فز غازي بسرعة وبدت العبرة تخنقه..
رشا تأشر له براسها وتهمس له يسكت..
بس مع زيادة الضرب على الباب..
قرر غازي يعلن عن وجوده ووجود رشا بالغرفة بصوت بكاه العالي...
توقف الضرب على الباب بعد مابكى غازي...
تنهدت براحة يعني عرفوا ان فيه احد في البيت...
وبثواني انكسر الباب بقوووة..
صرخت رشا برعب ولمت غازي لها مرعوبة من الثلاثة الواقفين قدامها...
سمعت تصفيرهم وفرحهم انهم لقوا انثى في البيت لحالها..
خافت من كلامهم الوقح عنها..
وخصوصاً هي بدون عباية او غطاء..
فقط بالبجامة..
ولما شافت واحد منهم يتقدم خطوة..
رفعت المسدس وصرخت عليهم...
رشا بصوت باكي\والله العظيم اذا قرب واحد فيكم أذبحه..
اطلعوا برا بيتي اطلعوا برا يا كلاب..
.....\هششش ارمي المسدس من يدك وخليك شطوورة..
.....\أنت مجنون امش خلنا نطلع المره معها مسدس..
.....\اللي أخذناه يكفي يالله خلنا نطلع...
....\لا ما باطلع...عاجبني شيء باقي ما اخذته...
أنتوا روحوا وأنتظروني تحت وراقبوا المكان..
أخلص من الــــ كيكة واجيكم..
شهقت برعب لما ادركت انه يقصدها هي..
رشا بصراخ\يا ابن الكلب والله العظم اذا ماطلعت ارميك واذبحك...
خذوا اللي تبونه من البيت واطلعوا...
.....\ياقمر أنتي هذا خطر بيد الأطفال هاتيه حبيبي هاتيه...
ولما تحرك من مكانه باتجاها...
رمت بالمسدس عليه وهي ترتجف...
صرخت بخوف من صوت الرصاص..
والشباب خافوا منها وطاح واحد منهم على الأرض يتألم...
ألتموا عليه أصحابه...وارتبكوا معه...
خافوا من رشا وصراخها عليهم وتهديدها لهم بان مصيرهم بيكون مثل مصيرهـ..
ماعرفوا يهربون ويتركونه او يشيلونه ميت..
رفعوه عن الأرض بسرعة وخرجوا من الغرفة ومن البيت...

ظلت واقفة بمكانها ترتجف وتبكي بصوت مخنوق...
ولما ركزت عيونها بالدم أدركت أنها قتلت بني آدم..
طاحت بمكانها غشيانة وغازي يبكي عندها ويضم نفسه عليها..

دخلت الشغالة الغرفة تركض بعد ماسمعت صوت النار..
وشافت الرجال طالعين من البيت..
صارخت برعب وخوف وماعرفت تتصرف...
نزلت لغرفتها واتصلت على راجح من جوالها..
رد عليها وهو كان سهران مع طالب في بيته..
راجح\نعم يا باتي وش مسهرك الى الحين؟؟
الشغالة\ماما رشا موووت يابابا...فيه ثلاثة رجال اقتل ماما مسدس..
ماما فيه مووت فيه مووووت ...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

كانت جالسة بالكوفي المقابل لدار الأزياء...
تنتظر اتصال من هديل تخبرها انها وصلت ..
شربت قهوتها بهدوء ظاهري..
بس كانت تشتعل من جواتها مقهورة من وقاحت الشخص اللي يناظرها ..
تجاهلت وجوده من اول مادخلت المقهى...
غير طاولته وجلس مقابل لها بطاولة ثانية...
ألتهت بجوالها وهي مو عارفة وش تسوي فيه..
تضغط أرقام من دون وعي...
رفعت راسها بعصبية لما شافته جلس معها على نفس الطاولة...
ياسمين بعصبية\نعم..أنت بأي حق تجلس من دون استئذان..
سلمان بهدوء\بحق النسب ....


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بعقل صار بحكم المجنون..
وروح تنبض بالحقد..
وجود هديل معه يعني شيء واحد...
أخذ هديل وعطاهم هادي...
مرت ساعتين وهو جالس قدام باب شقته...
كيف يواجها...؟؟مبسوط انها حية وتتنفس...
بس يخاف تكون ميته ومتعذبه مع هالشخص...
يفكر كيف بتستقبله...بتضمه مثل ماهو مشتاق يضمها...
بتعاتبه على غيابه وكيف سلا عنها...؟؟
همس بشوق يا مجنون هذي هديل...
قوم لها قووووم...
وقف بتعب ونفض الغبار عن ملابسه..
أبتسم بالم..
مايبيها تشوفه مبهذل...
يبيها تشوفه مثل ماعرفته ...
كل مامد يده لــ الجرس يرجع يسحبها بتردد...
مايبي يشوفها مكسورة ومتعذبة...
يخاف يقتله مثل ماقتل أخوهـ..
وهالمرة يقتل بقلب بارد وقوي...
أنفتح الباب وألتقت نظراته بنظرات غازي الجامدة...
لحظات صمت...
ناظرهـ غازي بحنين لها..
وناظره هادي بحقد عليها...
هادي بقهر\وين هديل...؟؟!
أنا أدري إنها عندك...وعندي الدليل اللي يثبت صحة كلامي..
هديل وينها...؟؟
غازي ببرود قاتل\البقاء براسك....


الى الملتقى باذن الله تعالى فجر الثلاثاء...

كونوا بخيــــــــــــــــــــــر ..



صدووود’’’