مجموع الأوسمة: 17

كان يضحك بصوت عالي على شكل عالية وهي تضم غازي وتبوسه..
وغازي يعصب منها ويسحب غطاها...
عالية\ياقلب خالته ياروحها أنت..
يابعد طوايف أهل أبوي كلهم..
ما اشتقت لعلووي يا البزر..
غازي بحقد\كبة حسيس...
عامر\كفوو عطها من الحامي..
قليلة الأدب تهاوش رجال..
عالية\وش فيه معصب ألحين؟؟كان وش زينه..
عامر\يمكن يبي يرجع لامه..
عالية بغيض\لا مايبيها إنت وصلنا الفندق بسرعة أشوف له حل..

وصلوا الفنقد وكل ماحاولت عالية تشيل غازي مارضى وصرخ عليها..
شاله عامر وحاول يهديه بس مارضى يسكت..
حطه على كبوت السيارة وطلع بوكه ومفاتيحه وكل اللي بجيبه ولا فاد زاد ببكاهـ..
عالية بفشلة\عامر شوف الناس يناظرونا بيقولون خاطفين الولد..
عامر بتعب\وش السواة معه ألحين..معقولة خايف منا..؟؟
عالية بزعل\ياربي والله قلبي يوجعني على حاله..شوف كيف يبكي..
عامر\مالنا الا نرجعه لامه يمكن يبيها..
عالية\بس اذا رجعناه مابنقدر نشوفه مرة ثانية..
عامر\لا بتشوفينه بكرة انزلك عندهم ويصير خير..
بس الحين خلصينا يامعودة الولد هلكان من البكى..

حرك السيارة راجع لــ بيت طالب..
أتصل براجح وقاله عن اللي صار..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛


طلعت تنام بغرفتها بعد ماودعت عالية ووصتها على غازي..
قالوا بياخذون غازي معهم لمدة إسبوع راح يقضونه بالسعودية وبعدها يرجعونه عندهم..
كانت تتمنى لو تقول لا..لاتاخذونه..
بس انعقد لسانها قدام العيون اللي تناظرها..
حست بفراغ كبير بقلبها..
لما أدركت إن ما أحد يأخذ رايها بموضوع غازي..
متى مايبونه خواله بيأخذونه من دون إذنها..
ومتى ماتبيه ام غازي بتاخذه لانها أم أبوهـ..
كلهم هله او خواله بس هي ماتربطها فيه أي صلة..
وبكذا صاروا يتناسون أهمية مناقشتها بامورهـ..
تركت القرار لهم وفضلت الصمت..
أستئذنت منهم وطلعت تنام ..
تضايقت شوق على حالها وتمنت لو تصرخ عليهم وتقول لهم هذا ولدها..
ولو كانت ماهي امه بس هي اللي ربته وحبته أكثر منهم كلهم..
تمنت لو ماكانت رشا بهذي السلبية ودافعت عن حقها فيه رغم عنهم..

أنسدحت على فراشها ترتجي دموعها تنزل يمكن تخف ضيقتها..
بس شيء غريب طغى عليها قيدها..
لأول مرة يتملكها شعور بهذي القوة..
تحس ببروود قوي بكل جسمها ومشاعرها..
أي شيء تتعلق فيه وتحبه تنحرم منه بسرعة..
وقبل لا تنحرم منه تعاني معه سنين ..
غازي كم عانت من أول ما أنحط بحضنها الى اليوم اللي صارحت راجح بكل شيء..
وبعدها خذوه منها بكل برود ..
راجح وكم تمنت حبه وحنانه..
ولما ملكت بعض منه تركها بقسوة..
تمنت لو بيدها تبعد عنهم كلهم..
غازي وهله..
راجـــح حبه وجرحه..
تبعد عن كل شيء..
يمكن بقائها لحالها يريحها..

ظلت على حالها لا نايمة ولا صاحية..
وماتدري كم مضى من الوقت لما دخل راجح الغرفة..
بعد لحظات حست فيه ينام جنبها..
أبتسمت باستسلام لما ماقفز قلبها مشتاق له..
ولانه ماعذبها الحنين لحنانه وحبه..
غمضت عيونها لما أدركت إنها صارت بلا إحساس ..
وشيء واحد يتردد في بالها...
الفـــــــراق..
ياماتهنوا بفراقهم عنها وهي تنتظر وتتعذب عشانهم..
يمكن صار الوقت لها هي تتركهم وتغيب..
يمكن يحسون بمدى شوقها لهم برحيلها..

تشهدت وبقلب مؤمن يحس بقرب رحيله وغيابه غفت رشا...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛

بعد اتصال عامر...
وقف راجح وخرج من غرفة النوم من دون مايقول لرشا شيء..
انتظرهم عند الباب وبعد ربع ساعة وصل عامر ونزل شايل غازي بحضنه..
أول ماشاف راجح بكى بحدة وتعلق فيه بشكل غريب..
حتى راجح أستغرب حركته..
تعذر من عامر وطلبه يبات عندهم مع هله بدال المشاوير..
أعتذر منه عامر وحرك سيارته راجع الفندق..

دخل راجح بعد ماهدأ غازي شوي بحضنه..
ولقى طالب في وجهه..
طالب\وش رجع ذا السكني..؟؟ماخذاهـ خاله..؟؟
راجح\شوف وجهه من اول ماخذوه وهو يبكي..تلبكوا معه ورجعوهــ..
يمكن يبي رشا وخايف منهم..
قرب طالب من غازي وباسه على جبينه..
وهنا أشتدت عبرت غازي ولمعت عيونه وبكى غشيان بقووة..
راجح أرتعب من تصرفه وماعرف كيف يهديه..
طلع الدرج يركض وهو مستغرب ليش مانزلت رشا الى الآن على سماع صوته يبكي..
لأن شوق وام غازي صحوا على صوته..

دخل الغرفة وغازي لازال يبكي بشكل هستيري ومخيف..
قربه من السرير ونزله بحضن رشا النايمة..
لم يدينه الصغيرة حوالين رقبتها ودفن وجهه بصدرها وبعد دقايق نام ...

أنقبض قلبه بزعل على حالها..
كيف غازي متعلق فيها بقوووة..
وهي متعلقة فيه بقوة أكبر..
بس ما احد حس فيها..
هذا غازي بكى وبين لهم إنه مايرضى بغيرها..
ولا يرضى يبتعد عنها..
بس هي من يفهمها..
من يحس فيها ويرحمها...؟؟

قرب منها ومرر أصابعه على جبينها..
قبلها على خدها وهمس لها يصحيها..
حركها بيدينه وقلبها على ظهرها..
شيء غريب حس فيه بس ماعرف وش يكون..
راجح\رشا...حبيبي..؟؟
رشا اصحي...
حس بخوف قوي وخفقان سريع بقلبه..
هزها وهو ينادي عليها..
ماردت عليه ولا بان عليها أي ردت فعل..
أستعاذ بالله من الشيطان الرجيم..
وقف بهدوء شال غازي الصغير ونزله عند ام غازي..
رجع لها طلع عبايتها من الكبت ولمها فيها..
شالها و كان بيطلع من الغرفة بس أرجوله حس إنها ممكن تخونه..
جلس على السرير وهي في حضنه..
لمها له بقوووة معلن لها رفضه غيابها عنه ...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛

فز من نومه وهو يشهق بقوة يدخل الهواء لرئتيه ..
كان يختنق بحلمه وبالواقع يحس اختناقه أكبر..
وقف بسرعة وخرج على البلكونة..
مسح العرق عن جبينه يحاول يسترجع حلمه المبتور..
عنها هي..
لاول مرة من شهوور تزورهـ..
ترحم حاله وتشاركه مجرد حلم..
رغم إن حالها ما أعجبه في الحلم ...
كانت تبكي بإكتئاب وتناديه بغنكسار..
كل ماحاول يلمسها تختفي وتظهر بمكان ثاني..
ولما قدر يحتضنها ويضمها له همست بكلام أرعبه وجمد الدم بعروقهـ..
هديل بهمس\قلبي صار رمـــاد ...

فكر يفسر الحلم عند احد المفسرين..
وبعد ثواني شال الفكرة من بالهـ...
لانها ميته والحلم وتفسيره مابيرجعها...

سمع المنبه بصوت الأذان لصلاة الفجر..
أستغفر مئة مرة وبعدها دخل يتوضاء ويصلي...

لا تطيع الهم .. لو همك كبير ..
قل لهمك " لو كبر .." لي ربـ أكبر ".
[ بالصلاة ] يهون كل أمر عسير..
يكفي إنك تبتدي بــ [ الله أكبر ] ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛

كانت جالسة بالغرفة المخصصة لــ العروس
وتتمى لو تقوم وتضرب هديل وصوفي..
او ترمي الفستان من عليها وتهرب من ايطاليا..

لابسة فستان زفاف من تصميم صوفي...
المكياج وتسريحتها تكفل فيها طاقم خاص بالعارضات..
قاعة الإحتفال رائعة بكل التحضيرات والورد..

أختارت لها صوفي مجموعة كبيرة من الملابس..
الفساتين والبناطيل والهندامات الفاخرة..
ولانست البجامات وقمصان النوم..
وكانت القمصان أكثر ماهاوشتها ياسمين عليه..
بس صوفي ماكانت تهتم باعتراضات ياسمين أبداً..
وكانت تحس نفسها بمهمة مستحيلة..
لانها ولأول مرة تقوم بتجهيز عروس...

هديل جالسة عندها وذياب بحضنها وتحاول تهديها..
وتعاتبها على عصبيتها المفرطة..
وياسمين تقول لها انه مجرد ارتباك فقط..

همست صوفي بسؤال محيرها بأذن ياسمين..
والسؤال خلا ياسمين توقف بسرعة وتضرب صوفي قبل لا تقدر تهرب منها..
ياسمين\اكرهك أخرجي من زفافي لا اريدك ان تحضري أخرجي..
صوفي\ههههههههههههههه حسناً إهدي الآن فهمت لم أنتي خائفة هكذا ههههههههههههه
هديل فهمت عليها\هههههههههههههههه أيتها الخبيثة..
ياسمين بقهر\كفا عن إثارة أعصابي سأفقد وعيي ..هذه فكرة جميلة أفقد وعيي ولا اراهـ..
صوفي بعجل\سأقتلك..لا تفقدي وعيك الا بعد ان ياخذك من هنا..
ياسمين بزعل\سأشتاق إليكم...
هديل\كذووووب بتروحين شهر عسل وبتنبسطين وتنسينا..
ياسمين\هديل وين قضيتي شهر العسل..؟؟
هديل بانكسار\........................................بس ـــجن..
ياسمين\هديل انا مابعرف بأيش انتي مريتي بحياتك..
ولا بعرف ليش بتتخبي من رئيس الشركة ومن ناس كتير..
انا مابعرف عنك إشي..بس بعرف إنك إنسانة طيبة كتير وقلبك أبيض..
وبعرف إنك تعذبتي كثير كمان..سامحيني لاني راح أسافر وأتركك لحالك..
إمبارح وقعت الأوراق مع صوفي ونقلت الأسهم باسمك..
ماحدا راح يعرف إن الأسهم صارت إلك..
راح يظل اسمي مسجل إني مالكة الأسهم..
والحقيقة الأسهم راح تكون باسمك وتحت تصرفك...

هديل بحنية\لا تخافي قالت لي صوفي عن توقيع الأوراق وانا وقعت عليها..
شكراً لوقوفك جنبي ياسمين ومساعدتي ..
كنتي اخت حقيقية لي..ومستحيل أنساك..
إن شاء الله أزورك بــس........... يابنت انا ما أعرف بأي بلاد بتعيشي..؟؟
ياسمين بهمس\انا راح أعيش في بلادك..في المملكة العربية السعودية..
هديل بشهقة\ياسمين إنتي رايحة السعودية..؟؟
ياسمين\زوجي سعودي..
هديل بابتسامة حزينة\الله يوفقك واياهـ..ويبارك لكم بحياتكم..
ياسمين عقدت حواجبها\هو بيعرف رئيس الشركة غازي..

مع إن ذكر اسمه خلاها ترتجف..
بس تجاهلت هالشيء وركزت بكلام ياسمين..
هديل\كيف يعرفه..؟؟
ياسمين\لما دخلت المكتب كان موجود وأنصدمت بوجوده ..
بس لحظة لا مو هو اللي أنصدمت بوجوده..
ماراح تصدقيني لو أقولك إني شفت واحد بيشبهك بشكل غير طبيعي ياهديل..
ياسبحان الله عيونه بتشبه لعيونك كتييير..
حسيت إني راح أحبه لانه يشبهك..
هديل تبتسم\من اللي يشبهني الى هالدرجة ياياسمين..؟؟
ياسمين\لاتضحكي علي حتى صوفي انصدمت من الشبه بيناتكم..
هلا لما ترجع إساليها وهي تقولك..
وعرفت إنو بيصير لسمان ابن عمه...
هديل بهدوء\مين سلمان..؟؟
ياسمين\زوجي اسمه سلمان...

ماحاولت تربط الأسماء في بعض شخص يشبها ..
وشخص اسمه سلمان..
ألتفتت على صوفي اللي دخلت وهي تصارخ..
صوفي\جاسمين إحزري من هنا..؟؟
ياسمين باستهبال\زوجي...
صوفي\اممم لا انا لا اعرف زوجك..
هل تذكرين ذاك الشخص اللذي يشبه ديل والرجل اللذي كان يجلس بجانبه..
هما هنا يحضران زفافك..هل تجراتي ودعوتي روساء مجلس الإدارة جاسمين؟؟
ياسمين\ههههههههههههههههه لا لم أفعل..ذاك الرجل هو زوجي أيتها المنمشة..
صوفي بصدمة\هل ستتزوجين ذاك اللذي يشبه ديل..؟؟
ياسمين\لا ليس ذاك الوسيم بل الشخص الأخر..
هديل بفضول\من هو هذا الشخص اللذي يشبهني..؟؟
صوفي\تعالي معي لتريه لن تصدقي كيف يشبهك..
ولكنك أجمل منه بكثير عزيزتي..

خرجت هديل مع صوفي وبشعور مخيف حست إن أرجولها تغوص بالأرض..
ضمت ذياب لها وقررت توقف وترجع لغرفة ياسمين..
بس صوفي كانت ماسكة يدها وتسحبها..
وقفت جنب صوفي وناظرت بالإتجاهـ اللي أشرت لها عليه..
ناظرت بكل الأوجه اللي قدامها بخجل..
وبثواني بس..
أنحبس الهواء بداخلها..
نشفت عروقها..
أرتجفت كل أجزاءها بعنف..
ادمعت عيونها بشووووق وحنيييين..
عرفته من قفاه بس عرفته..
تبي تناديه بعالي صوتها عشان يلتفت لها ويحضنها ..
مستحيل تتركه يبتعد عنها ويضيع منها..
الله قدر لها تلقاهـ..
الله كتب لقياهم وبيلتقون غصب عن غازي وعن الدنيا وأهلها..

صوفي\ذاك هو الواقف بقرب الزهور البيضاء..
رأيته بمكتب غازي هو وزوج ياسمين يبدوا أنهما شريكان له ويعملان معه..

طعنة مريرة حست فيها..
وصوفي تعلن لها غن غلاها وتوئمها شريك لقاتلها..
هادي وسلمان شركاء غازي ويجتمعون معه بغرفة وحدة وعلى طاولة..
دون ماياخذون بثارها منه وينتقمون لها..
هي اللي باعت الدنيا عشانهم..
هي اللي شربت العلقم والحنضل لأجلهم..
يتفقون معه...
وهي دفنوها بكل سهولة ونسوها...

فقدت توازنها وطاح ذياب من بين يدينها قدرت صوفي تمسكه بسرعة..
بكى بخوف واضطرت صوفي ترجع لغرفة ياسمين والطفل معها..
ألتفت لها وشافت وجهه الغالي عليها..
وجهه اللي عذبها الحنين له ولحنانه..
بجنبه سلمان يبتسمون من دون مراعاة لجرحها الكبير..

أختنقت أكثر وهي تشوف غازي يقرب منهم..
ويصافح سلمان ويبارك له..
وقف معهم ..


الثلاثة اللي دمروا حياتها واقفين مع بعض..
وهي واقفة وحيدة...

أي عـــــدالة تحكمك يا دنيــــــــا...؟؟؟!




الى الملتقى باذن الله تعالى فجر الثلاثاء...

كونوا بخيـــــــــــــــــــــــــر ..



صدووود’’’