مجموع الأوسمة: 17

للورد قــصة ..بس من يفهــــم الورد..؟؟
إنـــه إذا طــــــال التجــــافي ,,
تـــــــــألــــم ..,,

من بعد ماطلعت من المستشفى على مسئوليتها..
نامت في غرفة كانت مجهزتها لها سارة تحت..
بعذر إن ياسمين تعبانة وماتقدر تطلع وتنزل لجناحها..
والطبيبة نصحتها تظل متسطحة اغلب وقتها عشان الحمل..
عصب سلمان على سارة وتهاوش معها..
بس هي ردت عليه إن الحرمة تعبانة جسدياً ونفسياً..
ومابتقدر تعيش في جناحها..
والحقيقة الخفية إن هذي كانت رغبة ياسمين..

فتحت عيونها لما حست بأصابعه تتلمس وجها ..
شافته يبتسم لها ويقرب منها..
قبل ما يقبلها صدت بوجها عنه..
وحطت يدها بينه وبينها..
مسك يدها وقبلها على باطن كفها..
سحبت يدها منه ولفت بجسمها لـ الجهة الثانية توجعت وطلعت منها آآآهـ مكبوتة.
جلس بسرعة وسدحها على ظهرها مرة ثانية..
سلمان\لاتتحركين بقوة بتتوجعين..
ياسمين بتعب\إطلع برا..
سلمان بهدوء\بأطلع بس ماهو قبل لا اتطمن عليك..
ياسمين\انا خاطري في الولد وماابيه يموت..
وجودك عندي يتعبني..
سلمان\ياسمين أبيك تسمعيني وتفهمين تصرفي..
ياسمين برفض\تركت لك الجناح وباظل هنا لحتى أولد..
إتركني بحالي كفاية اللي صار منك..
سلمان بتصميم\اللي صار ماكنت حاسب حسابه..
لحظات غضب وراحت يا قلبي..
ياسمين\وانا باظل أنتظر لحظات غضبك حتى تموتني او تموت جنيني..؟؟
أطلع يا سلمان وريحني..
سلمان يتنهد\طيب باطلع الحين وأريحك..
بس إذا مارجعتي لغرفتك جيت أنا عندك..
سارة بتنام عندك..

طلع من عندها وهي ماردت عليه..
قابل سارة في طريقه وعبس في وجها المبتسم..
سلمان\متى بيجي زوجك ويفكنا منك..؟؟
سارة بمرح\فديت الطاري..بيرجع متى ماكتبه الله..
وانا على قلبك يا سلمان لحتى تعرف قدر الوردة اللي عندك..
أجل تضربها يالتمساح..
إن ماقلبتها عليك وعلمتها كيد النساء ما أكون السوري..
سلمان بقهر\سوير خلي حرمتي على ماهي عليه لا تخربينها..
ياسمين\تبيني أخليها طيبة وأنت ما تستاهل طيبتها..
معصي يا سلمان..

أبتعدت عنه قبل يمسكها ودخلت عند ياسمين وهي تضحك...
أبتسمت ياسمين على شكل سارة المبسوطة..
سارة\ياقلبي على أخوي بتضيع علومه..
ياسمين بهدوء\وش صاير..؟؟
سارة بخبث\أبد يا طويلة الذيل مهددته أقلبك عليه..
واخليك تصيرين ضبعة بعد ماكنتي قطوة وش زينك..
ياسمين بزعل\جاعلتنا وحوش..؟؟
سارة\هههههههههه عادي صيري وحش دام زوجك وحش..
إن طقك شلي أقرب ما عندك وعلى راسه..
عاد ماهو تفلقين راسه نصين ويموت..
لا عطيه ضربه كذا تخليه يحاسب الف مرة قبل يمد يدهـ..
ياسمين تضحك بوجع\ههههههههـ....ـههه آآآه بس يا سارة تكفين..
صرت اتخيل شكلي أضربه..
سارة\لبى الضحكة..بس بصراحة مالك داعي على وقت تعبك..
خربتي الخطة وعفستي الموضوع..
ياسمين\ياساتر مالك أمان قبل شوي انا حبيبتك والحين مالي داعي..
سارة\بكرة يوم عصييب علينا..
محضرة مفاجعة لهدولة بنت عمي اخت غادة..
ياسمين\عرفتها حبيبتي..
سارة بنص عين\يعننك تحبينها قبل تشوفينها.؟؟
المهم كنت مخططة مع غادة وراكان وعيال العم..
نأخذها لـ الفيصلية بس بطلنا عشانك يادوبة وبنسوي المفاجعة هنا في بيتنا..
ياسمين برفض\لا سارة حبيبتي لا تغيروا خطتكم عشاني..
خذوها وين ماتحبون أنا ماراح أفيدكم باظل في غرفتي..
سارة\تخسين مانروح ونخليك..لو أنا اللي تعبانة..
كان حلفت ما يصير شيء إلا بعد ما اولد واتنفس عشان انبسط معهم..
ياسمين تبتسم\الله لا يحرمني منك أنتي معوضتني عن هلي وزوجي وعن الناس..
سارة بزعل\سوسة اسكتي تراني ام دميعة..
مع أنك احلى مني بس أحبك..
ياسمين\ههههههــ...آآآه سارة بس نامي..
سارة\أوكى لاتولدين مابعد تكون الجنين..
تصبحين على ورد ياوردة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛


بـ شُويش
ياتنهِيدة ( الضييق ) بشوييش
مابي تمرّ وتسمع شهاقي
(أمــــــــي)
مابي تجيني تسأل ضيقتي لييش !!
وافزّ اكفكف دمعتيني
…بكمّي
وارسم على طارف شفاتي
…. أثر طِيش !!
وافتَح كِتابي
………. كنّه الدرس . . همّي..,,

شالت كتاب كانت تتصفحه ورفعته تغطي وجها..
لما سمعت امها تناديها من ورى الباب وتدخل عندها..
أم علي بحنية\هدول انتي صاحية وأنا أحسبك نايمة..
هديل بابتسامة\نيمت ذياب وألتهيت بكتاب غادة..
ام علي\ليه مانزلتي أبوك وأخوانك تحت..؟؟
هديل بكذب\ما أنتبهت لـ الوقت قرأت في الكتاب من دون وعي...
أم علي ماهي مصدقتها\إلا وش سويتي بدراستك..كملتيها هناك؟؟
هديل بتنهيدة\لا يومه..قررت اكمل لما أرجع السعودية..
أم علي بزعل\وتضيعين سنينك هناك وأنتي قادرة تدرسين..؟؟
عضت على شفايفها بقهر\مناهجهم صعبة هناك ماقدرت عليها..
ام علي بحنية\يعني بتكملين دراستك..ولا صابك الخمول..؟؟
هديل\كنت بأقول لعلي يشوف أوراقي بس مــ...........
ام علي\كملي..بس وشهو..
هديل\أحسه مو فاضي الحين واخاف أشغله باوراقي..
ام علي\هديل ارفعي راسك..

ماتجرأت ترفع راسها..
تخاف تشوف امها الصدمة اللي في عيونها..
مجروحة من ابوها وأخوانها..
لما عرفت إنهم بيدخلون من برا أخذت ولدها وطلعت..
ماتبي تشوفهم يتهربون منها ويتعذرون باعذار واهية..
وتدري لو إنها نزلت عندهم بيثبتون شكوكها وبينسحبون من المكان..
هزت راسها لامها رافضة طلبها..
شهقت بصوت مخنوق لما حست بيد أمها ترفع راسها..
ام علي بحسرة\تحسبين إني سالية عنك..؟؟
تظنين إني ما اشوف رجفتك ولا احس بخوفك..
قلبي مقبوض عليك وعلى حالك..
وإن ضحكتي وأستقويتي..
خدعتيهم كلهم ماخدعتيني..

هديل بغصة\ممـــ.....يومــ..ــه انا بخيـــ....ــر..
ام علي بزعل\كذابة..
هديل بصوت باكي\يومه ليه ابوي وأخواني ما يبوني..؟؟
ام علي\........................
هديل تبكي\وش اللي زعلهم مني..؟؟
خجلانين مني..فضحتهم بين الناس..؟؟
يوومه قولي لي أنا سويت فيكم خير يوم إني رجعت..
ولا كسرت ظهر أبوي وأخواني..؟؟

شدتها أم علي لها بقوة ضمتها بعدما ضربتها على ظهرها بقهر..
ام علي بزعل\ولك عين تقولين مابغيتي ترجعين..
عنبوا إبليس وش قلبك مخلوق منه..
لو كلهم مايبونك بحريقة والله لا يردهم..
ماذاقوا اللي ذاقته أمك ولا حسوا بضيقتي عليك..
انا كنت احس فيك لما تناديني بوجع..
كنت أصلي وادعي ربي وانا ابكي..
كنت اظن إنك تتعذبين في قربك والله غاضب عليك..
قلبي يتقطع لما افكر انك يمكن تكونين في النار..
مابعد الموت عذاب يا هديل..كنت استغفر لك واتصدق واصوم..
واطلب ربي يخفف من عذابك..
شكيت فيك وفي تربيتك وقلت بنتي عصت ربي والله يعذبها..

هديل تشهق بوجع\لا يووومه..تكفين لا يكون تعذبتي كذا..
الله ياخذني يوم عذبتك..آآآآآآآهـ ياليتني متي ولا ناديتك بوجع..
ليتني مت يومه ولا توجعتي علي وبكيتي..
ام علي\ريحيني من أوجاعك يا هديل..
قلبي يوجعني عليك يا بنتي..
قولي لي وش سوت معك الدنيا..؟؟

تبيني أزيدك قهر..
تبين أقهرك على بنتك وتبكين طول عمرك عليها..
سامحيني يومه انا ماني بقاسية..
هديل\ماقدرت علي الدنيا يومه..
تحدتني ووعدتني ما اقابلكم..
وأنا اليوم أنتصرت عليها وجيتكم..
ام علي بقهر\قولي الصدق يا هديل..؟؟
طيب زوجك وش اللي قهرك فيه..
قلتي بتقهرينه مثل ما قهرك..؟؟
هديل بغصة\قهرني يوم حرمني منك وغربني..
ولانه قهركم بخبر موتي وزعلكم..
زعلكم ماهو بهين علي يومه..
لولا زعلكم ماكنت له تعنيت..

ام علي\ماتبين تقولين الصدق..؟؟
هديل تبكي\آآآآآآآآآآهـ يووومه مشتاقة لك سامحيني..
ام علي بصبر\الله يهدي سرك ويريح قلبك..
هذا اللي أقدر أقوله..اليوم أنتي عندي والله يعوضنا..
هديل بابتسامة كذابة\يومه هو دلعني كثير ودللني..
رباني على العناد والاخذ بالثار..
خليني أخذ بثاري منه مثل ما علمني..
ام علي\ما ابيك تصيرين مثله..
مابتضرينه بشيء يا هديل..
لا بتقدرين تغربينه ولا تحرمينه من هله مثل ماسوى فيك..
هديل بألم\يومه قويني..ولو بكذبة قويني..
قولي بتقدرين عليه..
بتوجعينه..بتبكينه كذبي علي وأصدقك..
ام علي\أوهمك..؟؟
ما بأسوي فيك خير لا كذبت عليك وأرضيتك بشيء مابيصير..

لمت يدينها حوالين أمها ودفنت راسها بحضنها..
تكلمت وهي تبكي بزعل..
هديل\راضية بالوهم..
ام علي بهدوء\هشششش ولدك بيقوم من صوتك..

فزت من حضن أمها وشالت ذياب سدحته بسريرهـ..
ورجعت لامها وهي تبكي..
مسكت يدها وحطتها على قلبها..
هديل بخوف\يوومه قلبي صار يقسى على ولدي..
أحس إني بأصد عنه بسبت ابوهـ ..
ام علي برجاء\لا يومه تكفين وسعي خاطرك..
هذا ولدك ولد قلبك..
لاتخلين وجيعتك من أبوهـ تقسيك عليه..
لاتاخذينه بذنب غيرهـ..

ضمت امها وطلبتها تنام عندها..
وهي تردد في بالها..
وأنا يومه ماهم خذوني بذنب غيري..

وكانت أمها تفكر في ذياب..
ومصدومة ليه هديل مالاحظت غرابة ولدها..
خافت تقول لها وتنهبل بنتها من الخوف..
والمشكلة ما أحد حس بالولد لا امه ولا ابوهـ ..
قررت تتصرف من دون ماتقول لهديل عنه شيء..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛

يحس فيها جنبه طايرة من الفرح..
لو ماكانوا في الشارع العام كان حضنها من حبه لها..
صرخت بحماس وهي تصفق بيدينها..
راجح\ههههههههههههه بس فضحتينا..
رشا\مالك دخل انا مبسوطة..
راجح\وانا مثلك مبسوط..والحمدلله..
رشا\ههههههههههه يعني بأتعالج..
راجح\الحمدلله لو كان عندك إرادة تخلصتي منه من زمان..
رشا بابتسامة\الحمدلله..ألحين بس يغلبني 12 ساعة ..
راجح\لا بعون الله مايغلبك ابد..
رشا\حسيت الدكتور يبي يكوفني يوم اقوله لا ما احس..
راجح\ماعليك منه عطيته كلمتين يخلي عنه النفخة الزايدة..
رشا\يقول ما تحسي طول ما أنتي نايمة..مفتح عيونه ع الأخير..
راجح يبتسم\لانه يا ذكية عرف إنك مو منتظمة على علاجك..
رشا عبست\كنت مو منتظمة بس صرت منتظمة عليه بالدقيقة..
حتى اقول لـ الخادمة تصحيني او تاكلني اياه وانا نايمة..
راجح بخبث\من اللي اكلك علاجك أمس..؟؟
رشا\أنا.
راجح\كذابة نمتي قبل تاخذينه..
رشا\أكيد سوما..
راجح\قطع انا صرت سوما..
رشا\ههههههههه انت..
راجح بنص عين\إيه أنا عطيتك العلاج..
وعطيتيني رفسة على بطني..
رشا بزعل\لا والله..
راجح يبتسم\بيني وبينك كنت استاهل الرفسة ههههههههههههه..
رشا بفشلة\دوووب كنت متاكدة فيه شيء غريب..
راجح بغمزة\ما غريب الا الشيــــطااااااااان..

صدت عنه وهي منحرجة منه ومن كلامه..
فرحتها ماتعطيها لاحد..قدرت تتغلب على النوم القهري وبدل ماكان يسيطر عليها 20 ساعة..
تقلص ل17 ساعة وبعدها 16 وبعد رجوع راجح من ايطاليا قدرت تسيطر عليه اكثر..
وبكذا صار 12 ساعة..وهي ناوية تتخلص منه نهائياً..
حياتها حلوة مع زوجها وولدها..وصارت تفكر بجدية بعد العلاج والتخلص من اثر الحبوب..
تحمل وتكمل حياتها بشكل طبيعي مع زوجها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


خرجت غادة من البيت وهي تنفخ بقهر..
قابلت سارة عند الباب..
سارة بعصبية\ليه مانمتي بعد لاطعتني في السيارة..
غادة\قلت لك عنيدة مارضت تخرج معي..
سارة\وينها فيه تيمون..؟؟
غادة\بالصالة مع أبوي وجدتي وأمي..
سارة\أشوى العيال ماهم موجودين لا يشوفون وجهي الحقيقي..
غادة\ههههههههه تقصدين وجه الطقاقة..
سارة\لو ماكنت مسرحة شعري كان توطيتك..
المهم روحي جيبي عباية لاختك وفستان حلو ولوازمه وانا بأسحبها غصب عنها..
غادة\طيب بس انتبهي لا تخرب تسريحتك..
سارة بفزع\يوم عزيتوها صدق هذاك الوقت..
هزولت تخرب تسريحتي تخسي..

طلعت غادة لفوق وحضرت اغراض هديل بشنطة صغيرة..
واخذت عبايتها وطرحتها ونزلت ضحكت وهي تسمع صوت هديل وسارة يتهاوشون..

سارة بقلة صبر\عمي حللني..
ابو علي بابتسامة\محللة بس في أيش..
سارة\في هذي..
مسكت هديل من عضدها ووقفتها من على الكنبة..
سحبتها معها غصب عنها..
هديل\هيه وخري..اتركي يدي..
يووووبه شفها أستخبلت..
ابوعلي\روحي مع خواتك يا هديل ماعليك شر..
سحبتها من الصالة وهديل تضربها..وسارة صرخت عليها..
سارة بتحدي\حدك يا أم قوطي الطماط..كله ولا شعري..
هديل\فكي يدي ويسلم شعرك..
سارة\معصـــي ما افكك..أبى اعرف وش اللي مخوفك..؟؟
هديل بعناد\مو خايفة بس ما ابى اطلع من البيت..
عاجبني بيتنا ابي اعد جدرانه وبلاطه مالك شغل..
سارة\وعد وعلى هذا الخشم مثل ما خرجتك ارجعك..
خلي عنك حركات البزارين أنتي الكبيرة العاقلة الحلوة مابتكسرين في خاطري..
هديل\ماني بكبيرة ولا عاقلة ولا فيني ذرة عقل..
ولا باطلع من البيت..
وتوكلي أنتي ومرت اخوووك واقضبوا الباب..
غادة\يالهوووي تطرديني من بيت أبوي..؟؟
هديل\ايه يا الله الخلا..استحوووا يامال الماحي..
سارة\وتقولون عايشة في ايطاليا كم سنة وهذا لسانها يرمح..
هديل\انتوا ماوراكم ازواج يضفونكم..
كل شوي طابين علينا ماتستحون..؟؟
سارة بقهر\حن اللي ماورانا أزواج..
لا عيوني ورانا أزواج وقايمين بواجبهم ..
ماهو مثل بعض ناس مهيتين بيتهم وجالسين عند امهم..
هديل بغضب\لاجيت في بيتك شوري علي واطرديني..
غادة\بس أنتي واياها..
هدووول بسك عناد..حن مسوين مفاجئة لك..
لاتخربين علينا وماتجين معنا..
هديل\ومفاجئتكم ليه ماجبتوها هنا..؟؟
سارة تعد\7 8 9 10 طفح الكيل..

سحبت هديل غصب وطلعتها الحديقة برا ..
وغادة تساعدها وتسحبها معها..
لفت العباية عليها اي كلام ولفت الطرحة بشكل قوي على راسها..
طلعوها الشارع وعلى طول ركبوا السيارة ..
سارة تتنفس بسرعة\والله إن خربت تسريحتي لتكونين من النادمين..
غادة\ههههههههههههه آآآآآي بطني..
سارة\حشى جاعلة فيها بنت الشيخ وحن بنخطفها..
غادة\ههههههههه سوسو شوفي ساحبينها بالبجامة..
سارة\تستاهل ترجيتها تدحر ابليس وتبدل ملابسها وتجي بالحسنى مارضت..
غادة\هدوولة ليه ساكته يا قمر..
سارة\من قدك خاطفينك عشان تحضرين حفلة لك أنتي..
هديل بهدوء\سارة ما ابى حفلة ولا شيء..
رجعيني البيت تكفين..
سارة بمحبة\ما بأرجعك تدرين ليه..؟؟
لاني أحبك وابيك تكونين طبيعية..
انا صح مو عايشة معك ولا اعرف كيف حالتك..
بس لما عرفت من غادة انك ماتطلعين من البيت ابد قررت اتصرف..
لاتنسين أنا كبيرت بنات العائلة وهذا شغلي..
اهتم فيكم واحدة تلو الأخرى..
غادة\فديتك قايمة بواجبك مع الكل..
سارة\بس ام قوطي الطماط ماهي براضية..
هديل تبتسم\فديت قوطي الطماط ذابحتك الغيرة منه..
سارة بحسرة\ماكذبتي..كنت اشوف عيالي أجمل عيال الخليج..
غادة تشهق\هئئئئئئئئئئئئئئ ايييييش قرووودك..اجمل عيال الخليج..خافي ربك..
سارة بوعيد\معليه نتلاقى بعد ما اشوف إنتاجك انتي وضبانك..
هديل\هههههههههه الضب لساته حي..مامات..؟؟
سارة\هههههههههه ايه حي ابشرك ويسلم عليك..
غادة\هدووول ما اشتقتي لـ الثمامة..؟؟
هديل بونة\يالبى الطاري..متى بنروح لها..
سارة\والله ان تبشرين ..
الليلة بأقول لراكان يقنع الشيبان ونطلع قبل يرجع زوجي ..
غادة\انتي وش حاشرك بينا؟؟انا سألت أختي يعني بتكون طلعة عائلية..
انا واختي واخواني وزوجي..
سارة\دام الطلعة عائلية..وش دخل راكان..؟؟
غادة بوله\زووووووجي لبى قلبه..
ماتحلى الدنيا الا بوجودهـ..
سارة\والله ماتطلعون من دوني..

هديل\ببببببس بعدين تناقشوا..
ألحين وش اسوي بحالي..
أروح معكم وانا لابسة قميص البيت..
وتقولون حفلة لي..تبون اكون انا السندرلا يعني..
سارة\حلوة الفكرة..وليتني اقدر عليك ..
عشان مرة ثانية تسمعين كلامي وتخلين العناد..
غادة\جبت اغراضك معي لما نوصل بدلي وتلبسي على كيفك..
هديل\لا غش أنتوا كاشخين في حفلتي وأنا سنين ماكشخت..
سارة\كيف سنين ماكشختي..؟؟
ما تكشختي لزوجك ولا لبستي فساتين ايطالية وحركات بايخة..؟؟
هديل\اقصد ماكشخت لــ مناسبات مثل هذي..
هناك كنت........يعني امممم ....البس اللي يناسب المكان..
سارة بنظرات\ايه فهمت عليك..
طيب تحبين نرجع البيت تلبسين على راحتك..
تونا بدري ما احد وصل..
هديل\لا ما يحتاج بألبس في بيتكم اللي اختارته غادة..
واذا ما اعجبني باخذ من فساتينها عاد أعرفها ذوويقة..
غادة\فدا الكبت باللي فيه..
سارة بمرح\وتسان أبتسي وابتسي..
غادة\هههههههههه يالبى المنطووق أحبه أنا..وأنا ابتسي معس..
هديل\وش بلاكم..؟؟
سارة\أبد أنا أحب أتكلم تسذذذاااا أتذكر زوجي فديته..

بعد ماوصلوا البيت طلعت هديل لغرفة غادة ..
تضايقت من الفستان اللي اختارته لها غادة..
واستغربت غادة ردة فعلها..
غادة\والله روعة..ليه ماتبينه..؟؟
هديل برجفة\مايناسبني..مفسخ..
غادة باستغراب\هذا مفسخ..؟؟
هديل\إيه إذا لبسته بيظهر كتفي ونص ظهري عيب..
غادة\هديل أنتي من جد تتكلمين..؟؟
هديل\إيه ما ابيه..عطيني من عندك..
غادة\براحتك ياقلبي..تعالي شوفي وأختاري..

شافت فساتين روعة وتفاصيلها راقية كثير..
بس كانت تبتعد عن كل شيء يظهر الظهر أو الكتف..
في النهاية أختارت فستان أسود مستور ظهره وكتوفه..
فتحت الصدر واسعة طويل ومرسوم ع الجسم..
طلعت غادة وتركت هديل على راحتها بعد ما طمنتها ان راكان مو موجود في البيت..
بس هي ماكانت تحس بامان..صارت تشك حتى بالظل..
قفلت الباب بعد غادة وبدت تبدل ملابسها..
ناظرت في المرايه وشافت كتفها والآثر اللي عليه..
يعني لو لبست اللي جبتيه يا غادة كان بيبين لكم ظهري وكتفي..
ما اقدر أكسركم فيني ولا اكسر نفسي بزعلكم..

بدلت بسرعة متجاهلة الماضي وكل اللي صار..
مافي بالها الا تتفاعل مع سارة وغادة وتنبسط باللي يسوونه عشانها..
من حقها تنسى وتنبسط معهم..ومن حقهم يفرحون برجوعها..
رتبت شعرها ومكياجها باستخدام اغراض غادة..
سمت بالله وطلعت من الجناح وهي لابسة عبايتها...
تخاف من وجود راكان او سلمان او حتى عمها..
ماتبي تقابلهم..صعبة عليها..

نزلت واستقبلتها سارة عند الدرج..
اخذت العباية منها ودخلتها عند ياسمين..
سارة\هذي الوردة زوجت أخوي سلمان اسمها ياسمين..
ياسمين هذي هديل بنت عمي اللي قلت لك عنها..

حست بفرحة عظيمة وهي تشوف ياسمين..
راحت لها بسرعة وضمتها بشوووق..
ضحكت ياسمين بفرح وهي تضمها..
سارة بصدمة\تعرفون بعـــض..؟؟!
ياسمين وهديل\لا..ههههههههههه