مجموع الأوسمة: 17

ترى ما رحت من كيفي عشان أتحمَّل ذنوبك
أنا شفت الزمن ناوي علينا وقلت له خذني...

واذا قالوا رَحَل عنِّك حبيبك، فتِّش جيوبك
تطمَّن قلبي بـ جيبك حبيبي لا تدوِّرني ...


فزت من نومها وهي تصرخ بخووف..
حست بيدينه حواليها..
خافت اكثر وصارت تضربه وتستنجد..
هديل\لااااااااا..إبعد عنيييييييييي..
مو هو غازي مو هو والله..
إبعد عنـــــــــي..
غازي\بسم الله الرحمن الرحيم..
لا اله الا الله..هشششش هديييل..
هديل صلي على النبي..إهدي..
خلاااص إصحي..حلم ..انت تحلمين..

نفث ماء على وجها وهو يسمي عليها..
فتحت عيونها بقوووة ونفضت نفسها منه..
أبتعدت عنه وهي لامة المفرش عليها..
تلفتت حوالينها وكأنها تدور على احد ثاني..

غازي بهدؤ\إهدي مافيه شيء..
كنتي تحلمين..
هديل بخوف\بأروح غرفتي..
غازي بحنية\انا وعدتك ما اجبرك على شيء..
هديل بقهر\كذااااااااب..واللي كنت بتسويه..؟؟
غازي\قلتي لا وابتعدت عنك..
وبعدين فيه امور لازم تعرفينها قبل لا يصير بينا اي شيء..
هديل بزعل\أدري..تبي أخ لذياب..
ترى انت ماتحب ذياب أكثر مني..
غازي\أدري..
هديل\كيف ماتت رسل..؟؟

انصدم من سؤالها له..
ليه تفكر في رسل بهذا الوقت..
غازي\ماتبين تقولين وش كان حلمك..؟؟
هديل بإرتباك\شيء خاص مالك شغل فيه..
غازي\بس أنتي كنتي تناديني..
هديل\رسل كيف ماتت..؟؟
غازي بهدؤ\قلت لك من سنين كيف ماتت..
هديل\قلت امها أهملتها..كيف أهملتها..؟؟
غازي\أنا أهملتها وأهملت أمها..

رجع ظهرهـ على مقدمة السرير..
وحط ذراعه وراهـ..
ناظر فيها وشاف فضوول في عيونها..
غازي\هي سنين راحت ولا بترجع..
ماله داعي نتكلم فيها..
هديل\أبي اعرف عنها..
غازي\رجعت بعد ما أخذت شهادة الطب..
كان حلم بس كرهته وكنت امارس المهنة عناد في نفسي وقهر لها..
كانت سنين الغربة طوويلة..
ولما رجعت لـ السعودية ما انتهى شعور الغربة..
أكيد تعرفين هذا الإحساس..
نفس اللي حسيتي فيه وأنتي عند هلك..
هلك مو هلك..ديرتك ماهي ديرتك..
تدرين ليش حسينا بهذا الشيء..؟؟
لأني ماكنت متصالح مع نفسي..
وأنتي ماكنتي متصالحة مع نفسك..
كل شيء حوالينا طبيعي بس حن ماكنا طبيعيين..
لما اتصلتي علي وقلتي تحسين بغربة..
عرفت شعورك..وحجم معاناتك..
ماحبيت اخليك تعيشين نفس اللي عشته..
ماخفى حالي على امي..
وكنت اقول لها باترك السعودية وارجع ايطاليا..
قالت تزوج..المرهـ بتونسك وبتغير حياتك..
تزوجت وأذنبت في حقها..
كانت طيبة واصيلة..ماعليها منقود في شيء..
بس الخطاء مني أنا..طفشتها بإهمالي لها..
أنسى إني متزوج..انسى إن فيه حرمة تنتظرني في البيت..
ولدت بــ رسل واستمر إهمالي لها..
تعلقت في رسل كثييير..
كانت صغيرة بس تاسرني..
ماقدرت تكمل معي وقالت تبي الطلاق..
جرحتها بقوووة لما وافقت على الطلاق من دون نقاش..
حست إني ابي الخلاص منها..وأنا كنت ابيها تتخلص مني..
لأني اشوف تعاستها معي..
ماقدرت أسعدها..كنت عايش بقوقعة خاصة فيني..
أخر ليلة كانت لها معي تعذرت منها وقلت لها أنتي ماقصرتي بشيء..
واحلى مافيها كانت واثقة بنفسها وقالت أدري إني ماقصرت..
طلقتها وسمحت لها تاخذ رسل..
كنت من وقت لوقت اروح أزورها..
وافكر أخذها معي..بس انا أدرك إني ما اقدر أهتم بطفلة ولا ارعاها..
وبتكون بخير بحضانة امها..وأمها طيبة وحنونة..

هديل بغصة\ورسل..؟؟
غازي يتنهد\توفت بحادث..
هذا اللي صار..
هديل\أبي اعرف الحادث..
غازي\ماله داعي تعرفينه..
هديل\كهرب..؟؟
ناظرها بحدة\إنسي الموضوع..

كان بيقوم..بس مدت يدينها ومنعته..
هديل\عشاني قووول..
غازي برفض\عشانك ماراح اقووول..

هديل\ليه انت قاسي..؟؟
غازي بحيرة\ناوية علي أنتي واخوك اليوم..
هديل\ليه كنت تضربني..؟؟
ليه خبيت عني إني زوجتك..؟؟

غازي بجمود\ماراح يرضيك الجواب..
لأني مو راضي عن اللي سويته ولا عن أسبابي..
هديل\قلت أنت تعاقبت على جرمك قبل 16 سنة..
قلت انا ذنبك اللي تعاقبت عليه..
انااعرف جريمتك بس ما اعرف عقابك..

شد على يدها اللي بين يدينه..
سحبها له وهي تجاوبت معه..
ضمها على صدرهـ وصار يحكي لها عن عقابه..
قال لها عن سجنه بس ماذكر تعذيب أبوهـ ولا إعترافه..
هديل\وش كان دليلهم عليك..؟؟
غازي\شهادة زور..
من بعد السجن خلصت الطب..
وبعدها رجعت وتزوجت مثل ماقلت لك..
مات ابوي وانا في السجن..
وماتت رسل..
ثم مات سعود..
ابوي وماقدرت اعترض على موته..
مات بفراشه بمرض..
رسل أحترقت قضاء وقدر..
سعود مات مقتوول..
ماقدرت انتقم لاحد منهم..
بس لما عرفت قاتل سعود..
توعدت ما اترك حسرتي عليهم كلهم..
وكنتي انتي الأسيرة..
طالبت برجوع هادي وقص رقبته مع سلمان..
مافكرت في الصلح ابداً..وحلفت ما اصلح مع هلك..
أخوك وولد عمك هربوا وثبتت عليهم الجريمة..
كنت اشتعل نار وقهر لما اعرف إنهم هاربين وعايشين..
وهم اللي ذبحوا اخوي ويتموا ولدهـ ..
جمعت كل المعلومات عن هادي..وعرفت إن له أخت توئم..
لما ذكروا اخت توئم له..
نسيت كل شيء..كل المعلومات الباقية عنه تجاهلتها..
وشلت فكرة القصاص من راسي..
كل همي وتفكيري أقهر هادي..وصورة هادي في بالي كانت مجرمة..
كنت اظنه شاب داج صايع مايعرف يصلي ..
كنت راسمه تبع مخدرات وضياع..
ولما شفت صورهـ شفته عكس تخيلي له..
بس هذا مامنعني من اللي فكرت فيه..
قررت اتزوجك واخذك بعيد عنهم..
وانا ادري إني لو عرضت الزواج بيوافقون هلك عشان الصلح..
بس طلبتك جارية وهم يناقشوني في الزواج..

سحبت نفسها من بين يدينه..
وجلست مواجهه له..
عينها بعينه..
تبي تشوف كل ملامحه وهو يتكلم عن طلبه لها..
تبي تشوف الندم على سواياهـ بعيونها..

غازي بجمود\ضغطت عليهم وهددتهم..
وبنفس الوقت كنت احايلهم..
قلت لهم بتكون بخير..بتكون بخير..
كان موقفي ضعيييف..وماكنت متوقع ابداً يوافقون..
أنصدمت من إتصال عمك..
ولما التقيت فيكم وأنتي معهم كنت محضر العقد..
والشيخ موجود والشهود..
تزوجتك بهذاك اليوم..صرتي زوجتي وحلالي..
قلت لأبوك بكل قسوة..شيع جنازة بنتك..
مستحيل تشوفها مرة ثانية بحياتك..
منعته يودعك ويسلم عليك..
وبعدها اخذتك معي..
شيء غريب صار لي من بعد ماوقعت على العقد..
ماكانت اول مرة اتزوج..حسيت بتملك عظيم يسكن قلبي..
تذكرين اللي صار من اول ما اخذتك..
لما وصلنا إيطاليا حبستك في الملحق لمدة..
قررت فيها ارجعك لهلك ما ابي المسك ولا اجبرك على شيء..
مع العلم إنك زوجتي..اعلنوا وفاتك وهذا ماتوقعته يصير بسرعة..

كانت دموعها تنزل من دون صوت..
كل شيء صار من بعد ما عقد عليها تذكرهـ..
تذكر حبسه لها في الملحق..وبعدها اول لقاء بينهم..
وكان حرمانها من اسمها..
وكان اول مرة يضربها وأدركت إن حياتها بتكون جحيم..

هديل بغصة\لما قالوا يبيك جارية..
قلت تم..ظنيت إني باكون جارية في بيت هلك..
عند أمك واخواتك..
ماكانت ادري إنك بتحرمني من هلي..
بتغربني وتيتمني..ظنيت الأمور هينه..
ماكنت ادري وش ينتظرني..؟؟
قلت شهر شهرين ويملون من هذي اللعبة..
بعدها ارجع بيتنا ويكون اخوي بخير..
بس كل شيء كان عكس ماتوقعت..
صبرت نفسي وقلت بس يخوفك وبعدها يرجعك..
طالت الأشهر وصارت سنين..
وأنت مارحمت حالي وقلت أنتي زوجتي..
كل شيء يتنسى إلا معاملتي كزوجة لك وأنا ما ادري..

غازي\من بعد ماتعبتي لما تركتك بآخر المزرعة..
نقلتك عندي هنا في غرفتي..
ومن لحظتها زاد تملكي لك..
وكبرت فكرة زوجتي حلالي..
نمتي عندي وظليت اراقبك طول الليل..
أعرفك عنك اشيئا كثير..
وبنفس الوقت اكتشفت إني ما اعرف عنك شيء..
قررت ادخل في حياتك اكثر وأتملكك أكثر..
مع إن غضبي من نفسي وحقدي على حالي كان مسيطر علي..
أشغلتيني عن حالي فيك أنتي..
بعد مارجعتي الملحق ماقدرت إلا اقضي كل ليلة عندك هناك..
أراقبك..أسمعك تبكين..تخافين من الظلام ومن أصوات الريح..
تعلين صوتك وانتي تقرئين القرآن..وتخبين نفسك تحت فراشك..
كنت امنع نفسي لا اقولك أنا معك لا تخافين من شيء..
بس أسخر من نفسي وأقول انت اكبر مخاوفها..
بعدها بديتي تجذبيني لك اكثر..وأنا أتعلق فيك أكثر..
كنت باقولك انتي زوجتي واريح نفسي قبل اريحك..
خططت لوقت وطريقة معرفتك لهذا الخبر..
حسبت حساب كثير أشيئا..ولا حسبت حساب إجباري لك..

وقفت بعد آخر كلامه..
وهي تتذكر بهذي الغرفة أجبرها..
تبي تبعد عنه..تكلموا كثيير..
حقدهـ على حاله مثل مايقول هي تعرف سببه..
بسبب ابوهـ واللي عاناهـ من تعذيب..
خرجت من غرفته مخنووقة وهي تعرج..
وهي تردد بقلبها..
مالك عـــــــــذر..والله مالك عذر..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛