مجموع الأوسمة: 18

البارت 361 بفله عبدالله بالحديقه دلال بصرخه تركض ورا تالا:والله ماتاخذينه هاااتيه تالا تركض بجوال دلال:امسكيني اذا تقدرين دلال: وجع تالا وجع تعالي ي سرعك ووقفت دلال تريح تالا تركض ولفت لها وسمعت صرخه قدامها سامر:هووووب هوووب هييييي ووقفت تالا بالقوه قدامه قبل تصدمه سامر:وش فيك تركضين وعبدالملك وابوك! تالا تلهث:ماادري وينهم سامر جلس يشوفها:وش فيك رفعت تالا الجوال:جوال دلالوه مفتوح اول مره بااخذه بشوف وش فيه سامر ابتسم:حق دلال! تالا هزت راسها ب ااي واخذه سامر ماحسو الا بصرخه دلال دلال:تاللللااا ي زززفت ووقفت فجاءه وهي تشوف جوالها بيد هالرجال ركزت فيه وانصدمت وركضت رجعت وسامر ابتسم اول مره يشوفها بدون غطا سامر:هذي دلال تالا:ههههههههههه اي سامر:حلو خلصنا من النظره الشرعيهه ابتسم وتالا ماتدري وش السالفه ناظرت له وسامر فتح كاميره الجوال وصور هو وتالا وهو مبتسم واعطاه تالا سامر:اعطيها الجوال وانا بدخل المجلس نادي ابوك وعبدالملك تالا اخذت الجوال وهي تضحك ركضت وسامر ابتسم واتجه للمجلس ، داخل دلال بالصاله لحالها وترجف اول مره تطلع قدام رجال غريب شوي ودخلت تالا وصرخت دلال:عمى زين تالا ابتسمت:خلاص ماشفت شي بس ترا سامر صور فيه انصدمت دلال واخذت الجوال وفتحت الصور وشافت صورته مع تالا وجلست تناظر فيها ابتسمت تالا تالا:وسأل عنك وقال خلصنا من النظره الشرعيه شهقت دلال:ايش! تالا:هو قال كذا ويبي ابوي وعبدالملك وركضت تالا تناديهم ودلال منصدمه من كلامهااا وصنمت مكانها ، بعد دقايق كانو الرجال بالمجلس ابتسم عبدالله:هذي والله الساعه المباركه سامر:الله يبارك فيك عاد نسبكم ينشرى عبدالملك:تسلم والله ي سامر بس مو لازم يكون عمي معك تنهد سامر وناظر عبدالملك يعني انت فاهم عبدالله ابتسم وحط يده ع فخذ سامر عبدالله؛انا موافق بدون مااسئل عنك لانك جد معروف ، بس ابوك ي سامر سامحه حتى لو ماتبي بزواجك ابتسم سامر:ابوي يشهد ربي اني مسامحه ولا بقلبي عليه شي بس ماقدرت اروح اه عبدالملك:انا اروح معك ابتسم سامر:ماتقصر عبدالملك قام:يلا؟ سامر:يلا ابتسم عبدالله:الله معكم وطلعو ودخل عبدالله وابتسامته شاقه وجهه