مجموع الأوسمة: 17

.... 149 ....






عساف كان متوقع مثل هالشي : فيصل وش هالكلام مو انت اللي تتراجع وتخاف ي فيصل خلاص انتهى الموضوع وزواجك قريب انسى كل هالافكار وكمل اللي بديته هانت خلاص كلها فتره وتخلص من هذا كله
فيصل :اوووووف يا ربي اووف
عساف : يلا يلا تعال
فيصل: زين انتظر باخذ اغراضي
اخذ فيصل اغراضه ونزل مع عساف وهو مابين التردد والاصرار
ظيمنعظيمنع
ظيمنع
اما اديم اللي كانت جالسه بغرفتها وهي خاضعه لجلسة تنظيف بشره لفت تناظر بأغراضها المرتبه بالغرفه تنهدت وابتسمت لما تذكرت انها بعد ايام بتجتمع في فيصل اللي ملك كل احاسيسها تذكرت انها ماكلمته اليوم اصلا طول هالفتره وهم منشغلين عن بعض فكرت انها تقوله انها حنين بس خافت وقررت تبدا شوي شوي وطالما انه مابلغها عن زواجه بتبدا عن موضوع زواجه يإنها تقوله انها حنين او انها تتركه
دخلت السناب وارسلت له ( سلام كيفك ..اتوقع انك مره مبسوط ..تدري عاد حبيت ابارك لك ..مبروك والله يتمم زواجك على خير ويستر عليك )
نزلت جوالها ولفت تناظر امها ومروى اللي دخلوا ومعاهم بعض الاغراض اللي وصلت من شوي
ام مشاري : اديم يمه هاذي باقي اغراضك
مروى:وهاذي الملابس اللي بالمغسله
اديم : يعطيك العافيه حبيبي
مروى: يعافيك تبين اي شي قبل اروح
اديم :لا خلاص كذا خلصت بس بعد المغرب ارجعي لي عشان نرتب الاغراض
ام مشاري : زين انا بطلع انا وسهام محتاجه اي شي ثاني
اديم : لا خلاص يعطيكم العافيه
لفت اديم بتكلم العامله بس وقفها صراخ تحت فزت وركضت بخوف وصلت لنص الصاله وهي مصدومه لكن بعد صمت عشر دقايق صرخت هي الثانيه لما شافت اختها امل ركضت وهي تحضنها وتبكي بفرح لانهم من زمان ما شافوها الكل كان مبسوط بجيتها وخصوصا اديم
امل :وحشتيني ليش ما تكلميني
اديم : وانتي بعد وحشتيني مره وانا اسفه والله مره انشغلت وكل شي جاء على بعض
امل :مبروك حبيبتي الله يتمم لك
اديم رجعت تحضنها بفرح :يبارك فيك ي ربي يالله قد ايش وحشتيني
مروى ضمتهم مع بعض: والله حتى انا
ام مشاري : واناا بعد فضى علي البيت بعدك ي امل
ابتسمت امل وراحت تضم امها وبعد شوي جاء مشاري ورويده وابو مشاري طبعا الكل كان فرحان فيها ومبسوطين بجيتها
ظيمنعظيمنع
ظيمنع
عند فيصل اللي كان جالس مع عساف اللي يسولف ويتكلم عن تخطيطه ومايدري كيف يكلم رائد كل فيصل من ذا الموضوع وسحب جواله شاف رسالة حنين وتجمد ما كان يبيها تعرف ابدا ابدا وقف بذهول من كلامها
عساف:فيصل وش فيك
فيصل طنشه وهو يكتب ( حنين وش الله يتمم عليك وش الله يستر عليك اسمعي قبل تاخذين موقف )
عساف : فيصل اتكلم انا وش بك انقلب وجهك
فيصل ما رد وهو يكتب ويرسل اي حكي عشان ترد عليه بسرعه لكن ما وصلت طلع من السناب وراح للواتس وارسل وطول وهو يرسل وماترد عليه في الاخير اتصل وهو يدور بمكانه وعساف مفجوع مايدري وش صاير معاه ما ردت اديم ومر على فيصل خيال انه ممكن يكون اخر شي بينهم وحنين تنتهي اول مره يخاف من انه يفارق بنت واول مره يدق قلبه بخوف وتتغير ملامحه الحين بس عرف وش معنى كلمة الله يستر عليك اللي كان يقولها للبنات بدم بارد ولا يعرف وش مفعولها ما تحمل هالخيال وجلس وهو يمسح جبينه بخوف
عساف :فيصل ي رجل تكلم فيصل :حنين
عساف :وش فيها
فيصل : عرفت بزواجي
عساف انصدم :لا لا مستحيل تكون عاقل فيصل اصحى لنفسك واذا يعني عرفت بلعنتها لا تقولي بس انك ضايق كل هالضيق عشانها
فيصل كان جالس ويناظر عساف بطرف عيينه : ايه عشانها ولو اقلب الدنيا بعد عشانها
عساف : فيصل لا تنجن واعقل اي دفاع هذا هالزفت واضح انها تلعب عليك وانت مثل هالبهايم منقاد وراها فيصل فكر بعقلك شوي مو انت اللي ينضحك عليك وين ايام ما كنت تصدق حلوف وايمان وهاذي بشهرين لعبت بعقلك
فيصل ضرب بيده على الطاوله وهو يهمس : ايه تلعب علي وايه بشهرين ضبطتي وايه انا منقاد وراها وايه انا اللي ينضحك علي وايه لكل شي قلته وتدري ليش ايه لاني حبيت حبيت ي عساف حبيت وهذا شي كبير على انك تفهمه
عساف بنفس النبره: حب ايش قولي حب ايش بشهرين فيصل لا تستهبل محد يحب احد في شهرين او ثلاث وانت ما كأن انخلق غيرها وش يعني اذا عرفت بزواجك خلها تعرف وتنقلع واحنا ي دوب في مشكله بنصير في اثنين