مجموع الأوسمة: 17

..... 173 ......






وابتدت اغنية ثانيه وكأن كلامتها تقطع بقلب اديم شهقت زياده وتركت العنان لدموعها وهي تسسمع المقطع(
‎طيب اذا مالي خاطر خذ بخاطر طيبتي
‎حتى لو فيها كلافة جامل شعوري شوي
‎لو هو بديني تركتك بس بلاي وعلتي
‎اني من دونك أموت واني معاك ماني حي
فيصل كان مستغرب من طريقة بكاها ولا ركز على الكلمات كثر ما انكسر خاطره عليها وصلو المطعم ووقف فيصل بهدوء وسحب المويه والمنديل واعطاها وهو ساكت اخذتها اديم وهي صوتها يتقطع من الشهقات وبعد شوي هدت ونزلت لفيصل اللي كان واقف وبيده الزقاره وداخلها ندم وضيق وكرهه واشياء كثير مايدري شيسميها انتبه انها جات وتقدم بدون ما يقول اي شي قدم الحجز ودخلوا لطاوله بهدوء واعطى فيصل الطلبات وقال بهدوء :تقدرين تنزلين نقابك
اديم نزلته بهدوء وجهها البريء احمر وعيونها محمره بشكل يقطع القلب نزلت طرحتها وهي تلم شعرها وبين هذا كله شهقات فيصل كان مستند على يده ويراقبها بهدوء حست فيه اديم ونزلت يدها وهي تمسح وجهها قالت بهمس وهي تحرك المنديل :اسفه اذ ازعجتك او خربت مزاجك ..وتقطع صوتها ببكي وهي تقول : ما عرفت امسك نفسي
فيصل اللي كان ضايق عليها وكاسر قلبه شكلها والاكثر لما تكلمت اعتدل وهو يقول :اششششش بس بس خلاص ماله داعي كل هذا المهم ارتحتي
اديم رفعت راسها بصدمه تناظر للحنيه اللي مهما قسى ما تختفي وطاحت دمعتها ومسحتها بسرعه وهي تصد وقف فيصل بدون ما يحس على نفسه وراح وجلس بجنبها : اذا تحسين انك مو كويسه نقدر نرجع الفندق
اديم هزت راسها بلا :انا شوي واهدي عادي
وقف فيصل قبل ما يضعف ويعتذر منها ورجع لمكانه بصمت وكان نفسه يحضنها ويداريها بس انتقامه يمنعه تنهدت وهو يقول بداخله ( اااخ ي ربي بالله هالانسانه من يقسى عليها حسبي الله عليك ي سهام سبعة تحاسيب انتي ومنى والزمن معكم اللي اجبرني على هذا كله )
انقطع تفكيره لما وصل العشاء نزله وهو يحاول انه يعوض قسوته ويهدي اديم بدون ما تحس عليه بس هيهات تمر على اديم وهي فاهمه كل تفاصيله
ابتدوا ياكلون بهدوء غريب على الاثنين لكن كل واحد في صدره افواج من الحكي وبعد ما انتهوا طلعوا بنفس الصمت ورجعوا للفندق دخل فيصل الغرفه الرئيسيه واديم راحت الصالون بعد ما اخذت بيجامتها دخلت الحمام وهي تناظر وجهها الضايق ابتسمت وهي تذكرت معاملة فيصل غسلت وجهها وبدلت وطلعت وهي هادية لفت تناظر غرفة فيصل اللي كانت مظلمه ولا فيها الا ريحة الزقاير انسدحت وهي تتذكر كل كلمه ولحظه جمعتها مع فيصل رجعت جلست واتجهت لفيصل وهي خلاااص ماعاد يفرق معها اي شي دقت الباب وسمعته يقول : تعالي
اديم اقدمت بهدوء وهي تقول :ابي اطلبك طلب عادي
فيصل كان منحرج من اسلوبها لكنه يحاول ما يضعف : وشو
اديم : بكره بنروح لاهلي عادي
فيصل :اشوف
اديم ضاقت:الله يخليك والله وحشوني
فيصل:قلت اشوف ولا تناقشين وتوكلي من هنا لا تنرفزيني
اديم ضربت رجلها بالارض ولفت وهي تتحلطم وقف فيصل اللي كان يحارشها عشان مايبيها تنام ضايقه وهي من ساعتين تبكي قرر يغير روتينها شوي مشى وراها ولفت له اديم : وش فيك
فيصل تقدم بهدوء وهو مبتسم : وش فيك انتي مو انا عين اديم
اديم انمغصت وندمت على الساعه اللي راحت له بلعت ريقها بخوف وقالت: انت قلت مثلي
فيصل: حلو قلت والحين بعد اقول مثلي
اديم لفت بسرعه وهي تنسدح وتتغطى :ماعرف
فيصل جات فرصه وجلس بجنبها بهدوء وهو يناظرها من قريب وغمض وهو يستنشق عطرها : بس عرفتي اليوم
اديم فزت لما حسته صادق وقالت بخوف :والله ما اعيدها خلااص
فيصل : انا ابيك تعيدين نتسلى ليش لا
اديم :الله يخليك ابعد عني فيصل الله يخليك
فيصل ضحك وهو يقول : بعدين فكري بعاقبة الامر قبل تبدين
اديم وهي مسكره عيونها:ابشر
راح فيصل وهو يضحك وضحكت اديم بعد على شكلها وخوفها وانسدحت وهي فعلا تضحك كيف تخاف من اكثر انسان تحبه وتأمن معه فيصل اللي ابتسم لما شافها ضحكت ورجع انسدح بتعب ولا طول ونااام بدون ما يحس
واديم كذلك
ظيمنعظيمنع
ظيمنع
عند عساف اللي رجع للبيت وهو وده لو كل شي ينتهي بسرعه ويتزوج ابتسم لما شاف امه جالسه بجلالها وتنتظره قرب وهو يبوس يدها وراسها:الغاليه ما نامت
ام عساف:ولا بنام وانت مو هنا
عساف : الله يهديك انا قلت لك لا تنتظريني نامي انا احتمال انام مع رائد
ام عساف :اعرفك اذا ما اتصلت ما بتنام هناك
عساف : الله لا يحرمني منك
ام عساف : متى ربي يفرحني فيك واشوفك عريس
عساف ضحك بحب : قريب ي الغاليه وبتجي بنت الحلال اللي تنتظر بدالك ..