مجموع الأوسمة: 17

.... 226 .....






ابتسم فيصل بحب وهو يغمز لها : والله لو انجن بحبك محد يلومني
دخل ابو مشاري وما تكلم لما شاف الابتسامه على وجيههم غمضت وهو يسحب طرف شماغه ويمسح دموعه شاف الفرحه اللي بعيون اديم وفيصل والحياه قرب فيصل بهدوء وهو يبوس راسه: اسف ياعمي على كل شي
حضنه ابو مشاري:ماله داعي الاسف ي ولدي المهم انه طاح الحطب
ابتسم فيصل وهو يبوس يده : ابشرك طاح
تركه ابو مشاري واتجه لاديم وحضنها وهو يبوس راسها:الحمدلله ي بنتي اللي جمع شملكم
ابتسمت اديم وهي تحضن ابوها: مشكور يبه على كل شي
دخل مشاري وانصدم لما شافهم كلهم فرحانين رغم الدموع وقف وهو يقول :خلوني احزر
فيصل ابتسم وركض مشاري اول مافهم ان العُقد انحلت وحضن فيصل وهو يضربه : مبروك ي حمار
ضحك فيصل وهو يحضنه: مقبوله ي خال ولدي
ضحك مشاري وهو يناظر وجهه: ايوه كذا الحياه
ترك فيصل واسرع لاديم:حبيبتي اديم ربي يوفقك ويسهلك والحمدلله اللي فككم من هالشر
اديم حضنته: مشكور مشاري على كل شي
ضربها مشاري بخفه: مالها داعي
قرب فيصل وهو يلوي ذراع مشاري : يدك يدك ي بطل
مشاري لف : هوووووب هووووب ي عم تونا قلنا بسم لله
فيصل : اسف قلنا بسم الله لكل شي يعني انت نقولك مع السلامه
دفه بمزح برا وضحك مشاري :هين هين الشرهه على اللي جالس 3 شهور يداري زوجتك ويداريك وجع
رفع يده ابو مشاري بضحك:اجل انا بطلع بكرامتي واخذ رائد اللي تجمد برا
ضحك فيصل واديم اللي كانوا مايبون شي الا انهم يظلون فرحانين
فيصل:استاذنك ي عمي باخذ اديم لبيتها
ابو مشاري : بس ي فيصل مانقدر نطلعها قبل الدكتور يقول
مشاري:فيصلوه اعقل اعنبوك شهالطاقه توك تشافيت
نزل فيصل جزمته ورماها على مشاري اللي نحاش قبل تصيبه ورجع طل : اقول اختي حملها ضعيف لازم تظل هنا
فيصل : مو شغلك وانقلع
ضحك مشاري وطلع فيصل: ماعليك ي عمي بكلمهم انا وباخذها ولا تخاف اديم بعيوني
ابتسم ابو مشاري: انا ماعندي مشكله يلا فمان الله بس مروى وروان برا يبونها
فيصل : زين انا اروح اكلمهم وهم يدخلون يساعدونها
ابو مشاري: كويس
طلع فيصل وشاف مشاري يحاكي بنات اثنين واقفين وماشاف رائد بس شاف نفس البنت موجوده ابتسم وتوجه لمكتب الدكتور وقابله رائد ضحك فيصل وهو بقول :اششششش احساسك وصل
رائد تنح : وشو
فيصل اشر لقلب رائد : حب العمر ياالغالي
ضحك رائد: شلون عرفت
فيصل: واضح
رائد:وش صار معك
فيصل: بارك لي
ضحك رائد بفرحه وحضنه :الحمدلله
فيصل: رايح اخرجها تركتهم عندها انت روح لا تتعب نفسك معي
رائد: لا وين بوصلك مامعك سياره
ضحك فيصل وهو ياخذ مفتاح السياره :انت اللي مامعك سياره دبر عمرك
رائد: لا خاين ي غدار
فيصل راح وهو يضحك: بالمناسبه اسمها روان ( فيصل كان يعرف مروى وعرف روان لانها الوحيده اللي ما عرفها)
تنح رائد على الاسم وطلع من المستشفى وهو فرحان بس خايف انها ما تاخذ منه موقف بشع
••
ظ 
عند روان اللي كانت متنحه وكلام رائد يتردد بأذنها انتبهت لابو مشاري : روان يلا تعالي سلمي على اديم وباركي لها تصالحت مغ فيصل
ركضت بحماس وفرح دخلت وهي تركض لاديم حضنتها :مبروك ي روحي
مروى: اديم روحي مبروك
بكت اديم بفرح: الحمدلله الحمدلله
روان: الحمدلله ربي ما ضيع تعبك
ابتسمت اديم : عقبالك ي روان تفرحين بزوج يسر قلبك
اختبصت روان : اا بتروحين مع فيصل
اديم:ايوه اكيد بس قبل بروح البيت اخذ اغراضي واسلم على امي
مروى: زين اسبقك اجهز اغراضك
روان :وانا بعد روحي انتبهي على نفسك طيب
اديم : اوك
طلعو كلهم وهم فرحانين وتركوا اديم اللي صرخت بفرح وهي تقول:الحمدلله ي ربي
سمعت دق الباب وكانت الممرضه: الحمدلله على السلامه بتخرجين
اديم :ايوه
ابتسمت الممرضه:زوجك يحبك كثير وعد الدكتور وعود كثيره عشان يقدر يطلعك حتى انه طلب ممرضه تجي كل يوم بيتك
ابتسمت اديم بفرح: روحي والله
دخل فيصل وهو مبتسم : خلصتي
اديم : بس البس عبايتي واجمع الاغراض
فيصل : خليك مكانك اجيبها لك
ابتسمت الممرضه لاديم وهي تعطيها ادويتها: انتظمي عليها
ضحكت اديم واشرت لفيصل قبل تكمل الممرضه الشرح: كلميه هو ممرضي
ضحك فيصل اللي جاء وبيده عبايتها : اي نعم ي روحي عندك اعتراض
اديم ضحكت بحركه طفوليه: وانا اقدر
اخذ فيصل الادويه وهو مبتسم وفهم شرحها ورجع لاديم وهو يساعدها تلبس نزلها عشان تركب العربيه بس وقفت اديم وهي مقطبه: وشو ذا فيصل
فيصل : بعير وش تشوفين قلبي عربيه ..