مجموع الأوسمة: 17

.... 228......







فيصل : خبل ولا مهبول هذا الكلام اصلا حتى عميمه بتتغطى منها اديم
منى شهقت :حسبي للله عليك ي فيصلوه وش شايفني
انحاش فيصل وهو يجلس بجنب اديم: والله صراحه للحين مدري هههههه
الكل :ههههههه
اجتمعوا كلهم ع القهوه والوناسه ومع ذا كله كان فيصل ناسي سهام اما سهام اللي كانت حاقده ولا تبي اديم ترجع ابدا كانت جالسه وهي تهز رجلها بغضب رفع راسه فيصل وشافها جالسه غمض عيونه ( وهاذي ما قضينا منها لكن هين ي سهام اذا ما طلعت كل شي صار معنا من عيونك طيب )
اديم كانت عارفه ان سهام ماتبيها ترجع و واضح عليها تنهدت بضيق ( واضح انها ما بنخلص من هالدوامه )
كملو اليوم بشكل جميل بدون ما احد يضايق احد والكل مبسوط وانتهى يومهم وابتدوا يفترقون
••
•
في جناح عادل اللي دخل بحماس الدنيا واول ماشاف ريمان اسرع خطوته وهو يحضنها وابتسم بهدوء: الحمدلله ايامنا السود انتهت ومشكوره فعلا على وقفتك معي ي اجمل شي صار لي بهالحياة
ابتسمت ريمان: مهما سويت ادري مستحيل يجي نص اللي سويته معي
ابتسم عادل بهدوء : زين بما ان خلاص انتهينا من الحزن بقولك جهزي شنطتك بكره بنسافر نقضي عطله حلوه مع بعض
ضحكت ريمان بفرح: من جد
عادل : ايه وما اتوقع فيه شي يغلا عليك
حضنته ريمان بفرح وهي مبسوطه جدا من حياتها وحمدت ربها انها ما تهورت وطفشت عادل بادلها عادل الحضن بحماسه لبدايه جديده وحلوه
••
ظ 
اما عند رائد اللي كان يحوس ويحوس ومايدري وشلون يعرف شي عن روان او يفسر لها الموضوع سحب جواله واتصل على فيصل لكن ما رد فيصل زفر بضيق وطلع شاف نسرين جالسه بالصالون تتابع فيلم بس الواضح انها مو معه قرب بهدوء:نسرين
نسرين لفت بفجعه:وش فيك
رائد : فجعتك
نسرين : شوي
رائد : معليش
بعد سكوت شوي قال رائد : نسرين تعرفين احد من عائله ابو مشاري اسمها روان
نسرين استغربت: ليش!
رائد: لا بس لما كنا نروح لاديم كنا نحصلها هناك وواضح انها مو من العائله
نسرين : ايه هاذي تصير صديقة اديم من زمان يتيمة ابو وامها مدري وينها اتذكر لما سألنها مره قالت مو موجوده وعشان كذا دايم معهم
رائد : اها .... زين انا بروح انام وانتي لا تطولين
نسرين : طيب
راح رائد وهو مستغرب من كل اللي قالته وماهو فاهم ليش شافها بذاك المكان طالما ان ابوها متوفي اما نسرين اللي تنهدت وهي ماتدري وش تسوي بمصيبتها هي
••
•
عند عساف اللي كان بغرفته ويحوس بأجهزته دخلت امه وهي تقول : عساف صاحي يمه
عساف : ايه يمه تعالي
جات وجلست : ليش ما نمت انت تعبت طول الايام اللي راحت
عساف لف وهو مبتسم : شوي وبنام يالغاليه بس اخلص كم شغله
ام عساف: زين ... الا ما قلت متى بنروح بيت البنت ونخطبها
ترك عساف اللي بيده وزفر: الحين ادق على رائد واقوله بكره جايين
ابتسمت: ايه يمه عسى ربي يفرحني فيك واشوفك ابو وعيالك حولك
ابتسم عساف وهو يبوس راسها: ان شاء الله يمه
طلعت امه وسحب جواله وهو يدق على رائد: سلاام
رائد : دايم بوقتك
عساف: يوه حب وابلشنا
رائد: هههههه لا تخاف دايخ وبنام بس بقولك بكره لازم نفطر مع بعض
عساف:ههههه حلو كنت بقولك بعد
رائد : زين يلا مع السلامه
عساف: اصبر دقيقه بلغ ابوك بكره جايين بيتكم
ابتسم رائد: زين
سكر عساف وارتمى على سريره وهو يتنهد : مدري وش بسوي بنفسي بس ان شاء لله خير
••

عند اديم اللي كانت جالسه وهي تناظر كل مكان بالجناح ابتسمت لما سمعت فيصل يهمس من وراها : اسف على كل شي سيء مريتي فيه
اديم لفت وهي تبتسم : تصدقني لو قلت لك ما مريت بشي سيء
فيصل: تضحكين على مين
اديم :ههههه والله من جد يمكن تقول خبله بس والله كل شي عشته كان بالنسبه لي فرح حتى لو اني ابكي كان يفرق عشانه معك
نزل فيصل راسه بضيق : مدري وش سويت عشان استاهل كل هالحب
ضحكت اديم وهي تأشر على قلبه: عشان هنا نظيف
باس يدها وهو يقول : ابي اعرف كل شي ابتدينا فيه وانا مو حاس ابي اعرف من متى جاء لي الحظ اكون في قلبك
وقفت اديم وهي تسحبه معها: قوم جيب مفتاحك وتعال
فيصل: وين !
اديم : قوم وبتعرف
فيصل: اديم اخر الليل وين رايحه وبعدين انتي تعبانه
اديم: الحين انت صرت تفكر بأول الليل واخره قوم يلا
فيصل وقف وهو منصدم: الحين كل هالعناد ليه ما كنت اشوفه
اديم ضحكت وهي ترفع نفسها وتبوس عيونه : عشانك مسكر عيونك
رمى فيصل نفسه وهو يضحك : طيب قولي وين بنروح ولا بسكر عيوني بعد
اديم ماردت وهي تلبس عبايتها: يلاااا عاااد