شبكة همس الشوق - عرض مشاركة واحدة

23 - 1 - 2022, 03:08 AM

مرفوض

مرفوض ياللى بعت غيره عشانه

أزريت عن رد الجزا أو تهاونت

مابي لك أكثر سد باب الميانه

بانت مع الوقت الخفايا وبينت

مادام مالى وسط قلبك مكانه

أنا بعد مثلك عن الحب هونت

أنا مثل خيال خانه حصانه

عذره يقول من الرسن ماتمكنت

غرّه مع المركاض وارخى عنانه

مخطى وانا غلطان يوم انى امنت

لو كنت وافى ماتخون الامانه

ياللى تقول تشيب روحك ولا خنت

ذاك الهوى لو ماشعرت بحنانه

ماكنت فى حلو القصايد تفنّنت

شاعر تزلزل من فراقك كيانه

لك يعترف مايسكن القلب غير انت

اليوم كلن يحتفظ في مكانه

لا كان يوم به عرفتك ولا كنت

لو كان قلبك صافى الود خانه

فى ذمّتى ماهان حبّك ولا هنت

أحدٍ يخون وواحد الوقت خانه

أنا ترى الثانى وألاوّل تراه أنت