مجموع الأوسمة: 17

وضح النياق

وين هالغيبه عسى ماهي إفراق

ليه تبخل بالمجي خلّك كريم

خابر ان الجرح لا صابه حراق

ما يفيده طبّ والله العظيم

ينشدوني وين من رمشه دقاق؟

قلت مدري ذاك خبري به قديم

الغلا راعيه له قلبن رقاق

لو جفيته صارت ضلوعه هشيم

لو زعل لو شال غيضه واستضاق

ما يخرّبها وجرحه بالصميم

ادمح الزلاّت زلاّت الرفاق

خصّ لا من صار راعيها حشيم

واكره الخوّان كرهي للعراق

واعشق الوافين عشقي للقصيم

عند اهلها غاليه وضح النياق

وانت عندي يمكن اغلا يا وسيم

ان بغيت افراقنا هاك الفراق

وش نبي بالحب دام الحب ضيم