مجموع الأوسمة: 17

ربع تعريفه

لا يا علي الوضع هذا ما يناسبني

قله يفارق ترى لي بان تزييفه

يروح يبعد..وثم يرجع يقربني

يبيني اتبع هواه واخضع لكيفه

يخطي..ويزعل ويرجع لي يؤنبني

اسكت وانا اسمع تفاهاته وتخريفه

ماني بتمثال وقت الضيق ينصبني

عنه اتلقى خطا غيره وتهديفه

عذروبي اللي يعرفه ما يعيبني

كتاب مكشوف واضح فيه تحريفه

الموقف اللي حصل بالحيل متعبني

ولا يحاول بثوب الكذب تلحيفه

قله فراقه ترى ما عاد يرعبني

ما عاد يسوى بعينيربع تعريفه

انغام عزفه ترى ما عاد تطربني

عندي تساوى برود شتاه مع صيفه

ماني معاتب وقله لا يعاتبني

جوي تعكر ولا اطلب منه تلطيفه

نهر العطا جف قله لا يحاسبني

القلب مما علق به صعب تنظيفه