مجموع الأوسمة: 18

البارات 8 ...ببيت عائشه... بصاله عائشه وصالح ولدعم محمد ورنا قاعدين ع كنبه...صالح يتكلم:هو وينه الحين؟؟ عائشه:بغرفته صالح:شوفوا لي طريق بصعد عنده عائشه:صعد يمه مانت غريب...وقبل مايروح تكلمت عائشه:ولي يسلمك لاتقول له احنا قائلين لك أنه مريض...تعرف ولدعمك انت صالح:ولايهمج خالتي...ع اذنكم...وصعد لدرج بطريقه شاف دينا:هلا والله ببنت العم دينا بالابتسامه عريضه:هلافيك ولد العم...شلونك؟؟ صالح:حمدلله زين...انت شلونج؟؟ دينا:حمدلله زينه صالح بمزح:بعدج تحبيني؟؟ دينا:هههههههه....تكفى لا تدكرني...حزتها كانت جاهل وغبيه وماافهم هههه...الاماقلت لي شعندك زيارني؟؟ صالح:جاي اشوف اخوج دينا:محمد؟؟ صالح:عيل اكو غيره؟؟...ومشى عنها دينا:ليش محمد مانزل له تحت...اخوي هذا طابعيه غير شكل عن الناس ...تحت العماره... بسياره بدر ومنار قاعدين يم بعض...بدر بالابتسامه:يله نزلي منار بخوف:وين انزل؟؟...هني؟؟ بدر:ايه ياقلبي هني...موانا قائل لج عندي لج مفاجاه منار:مفاجاه بهالمكان؟؟ بدر:حبيبتي شفيج خايفه؟؟...ترى انا بدر حبيبج...ولاكنتي تقصين علي وماتحبيني؟؟ منار:لالالا...شلون ما احبك؟؟...اصلا انا ماعرفت شي اسمه حب الا لما عرفتك بدر:عيل خلج ع قد كلامج ونزلي منار:بس بدر:تبيني ازعل عليج؟؟ منار:بنزل وامري لله...بس بليز مانتاخر بدر:اوكيه حياتي...ساعه بالكتير وبنطلع...وبخاطره:والله انج طحتي بيدي...ومابفكج الالما اخذ الي ابيه ...ببيت عائشه... بالغرفه محمد متمدد ع سرير وعنده صالح قاعد ع كنبه...صالح يتكلم:ماتشوف شر يالولد العم محمد:الشر مايجيك...بس انت شجابك لهني؟؟...كان قعدت بدوانيه أو بصاله وانا انزل لك صالح:اناوالله كنت جاي من عند الربع...وبطريقي قلت امربيت عمي من زمان عنهم...وقعدت سلمت ع خالتي كان اسالها وين محمد؟؟...كان تقول لي مريض... وصعدت لك اشوفك...ماهقيتك تعبان جذيه...والحين يله قوم اوديك المشتشفى...حالتك ماتصر محمد:لا مااحب اروح المشتشفيات ولا احب ريحتهم صالح:طالع شقول؟؟...جاهل انت؟؟...رجال شكبرك تقول هالكلام...قوم قوم...اسندك عشان اوديك المشتشفى محمد:ياولد الحلال انا مافيني الا العافيه...شوية سخونه وتروح صالح:طالع وجهك بالمرايه اشلون صاير...ويقوم:يبه قوم محمد:لاحول ولاقوه الا بالله ...ببيت فاطمه... بالغرفه سامي قاعد ع الفراش...يتكلم بخاطره:متى بتضحك لك الدنياء ياسامي...مثل ما تعبتك وبكتك بالفتره الي راحت...متى يتحقق مرادك وتعيش مرتاح حالك حال باقي الناس...ومادري الي بديت فيه انجح فيه ولالا؟؟...أن شاءالله ينجح...وبحاول بكل طرق ممكنه حتى أخذ حقي منه...اخخخخخ ياعبدالله ماتدري شكثر نار تتحرق بداخلي لما اشوفك مستانس وسعيد...والله ماراح انسى الي سويته فيني...وبتذوق من نفس الكاس الي دوقتني منه ...ببيت هند... بصاله عبدالله وبنته سندس قاعدين ع كنبه...عبدالله يتكلم:امج وينها؟؟...مالها حس سندس تفكر:لارد عبدالله يلف لها:يبه قاعد اسالج سندس انتبهت له:ها...شقلت يبه؟؟ عبدالله:قاعد اقول امج وينها؟؟...مالها احس سندس:امي راحت بيت صديقتها...وتقوم:بروح اصعد لغرفتي...تصبح ع خير...وصعدت على درج ...بهالحظه دخلت هند:السلام عليكم...وتقعد عبدالله:عليكم السلام...خير؟؟...شفيج؟؟...شكلج مو ع بعضج؟؟ هند:اسكت ولي يرحم والديك...يحرون يلوعون الچبد...مالت عليهم وع سوالفهم عبدالله:ههههه...هذي انتي...اذا ماعجبج شي تقومين تقطين فيه الف والف عيب هندتقوم:بروح انام وايد احسن...انسدت نفسي من طلعات عبدالله:ههههه ...بشقه... بالغرفه بدر يفتح ازرير قميصه...ومنار ترجع وراءوتبكي:بدر انت شقاعد تسوي؟؟ بدر يقرب منها وبالابتسامه ماكره:ابيج...وهذا من حقي...انا ماعندي شي بدون مقابل منار ترجع للوراء:انا منار حبيبتك تسوي معاي جذيه؟؟ بدر:هههههههه...من قال انج حبيبتي...انتي حالج حال غيرج...اداة من ادوات المتعه وتسليه...عطيني الي ابيه برضى ولا منار:لالابدر تكفى لاتسويها...انا مو مثل الي انت تعرفهم...انا بنت ناس والله بنت ناس بدر:انا هذا كله مايهمني...انا وايد تعبت حتى وصلت لهالحظه منار:بدر ارجوك لا...بدر تكفى لا...ابوس ايدك لاتسويها بدر بدر:هههههههه....وقرب منها أكثر ونومها بقوه ع سرير...منار:لاااااااا ...ببيت عائشه... بصاله عائشه ورنا ودينا قاعدين ع كنبه...دينا تتكلم:دام محمدمريض...يعني مااكو خطوبه...واخيرا هم ونازح عائشه:وانتي مستانسه بمرض اخوج؟؟ دينا:مصائب اقوام عند أقوام فوائدوا عائشه:هذا اخوج الي ماتستحين دينا:ماقلت شي انا رنا:خالتي دقي ع صالح شوفيهم وصلو للمشتشفى ولالا؟؟ دينا:والله امرج غريب انتي...ع كل الي يسويه فيج خايفه عليه؟؟...لو عائشه تقاطعها بعصبيه:اقول روحي لغرفتج...روحي لغرفتج يله دينا: زين زين .... بالمشتشفى... بالغرفه محمد منسدح ع سرير وصالح ودكتور عنده...دكتور يتكلم:كم صار لك من لما جاتك سخونه؟؟ محمد بتعب:تقريبا ثلاثه ايام دكتور:مفروض أول ماحسيت انك مريض تجي المشتشفى مباشر ...تدري هالايام مريض كورونا منتشر محمد بخوف:انا عندي كورونا؟؟ دكتور:مافيك كورونا...لوانك اهملت نفسك اكثر بيحوشك كورونا... وانت واحد للاسف منعاتك ضعيفه نوعا ما...ع العموم بنسوي لك مغذيات ونكتب لك الدواء...وطبعاء بتتم عندنا لباجر محمد:دكتور انا أكره مستشفيات صالح:عقب الي سمعته من دكتور تقول هالكلام...اقول تلايط والي يرحم امك ...بمكان قريب من بيت حصه... طلعت منار من سيارة بدر ترجف وحالتها حاله تمشي بخطوات بطئيه لين وصلت البيت دخلت لصاله ماشفت حد رحت لغرفتها صكرت الباب وقطت نفسها ع سرير تبكي:اهى اهى اهى ا ى...ضاعت حياتج وضاع مستقبلج يامنار... اهى اهى اهى...منو بياخذج الحين؟؟...اهى اهى اهى...كنت غبيه يوم وثقه بواحد مثلك يابدر...اهى اهى....اهى اهى...ياالله ياالله...اهى اهى اهى...ياالله...وتطق راسها بقوه ع سرير ...برى الجامعه... سندس طلعت من الجامعه شافت بوكيه ورد ع سيارتها:ورد؟؟...اخذ الكرت وكان مكتوب عليه:((احلى صباح لاحلى بنات الكون...سامي))...منو سامي هذا؟؟...لفت يمين ماشافت أحد لفت يسار شافت سامي يشير لها:هذا انت؟؟...وبعدين معاك؟؟ سامي يمشي صوبها ويوقف قدامها:انا والله اسف يابنت الحلال...بس لاشعوريا حطيت الورد...ونظرتج لين تطلعين من غير مااحس بالوقت...واذا انتي تشوفين هالتصرف خطأ...انا اسف هذي اول واخر مره أسويها سندس:انت صراحه عليك حركات مادري اشلون صايره...ع العموم مشكور على الورد وكلام الحلو الي مكتوب بالكرت...وركبت سيارتها وقبل ماتتحرك أشرت بيدها بمعنى:((مع سلامه)) سامي ياسر بيده:مع سلامه