مجموع الأوسمة: 18

البارات 9 ... مكالماه بين سندس ومنار ودينا.... منار:سندس اهى اهى اهى سندس:منور خوفتيني...شفيج؟؟...ليش قاعده تبكين؟؟ دينا:منور تكلمي خبصتي قلوبنا...شصاير؟؟ منار بين دموعها:بليز مروني البيت...ابي اشوفكم سندس:زين...دينا انتي بالبيت؟؟ دينا:ايه...تعال مرني انا جاهزه سندس:اوكيه ...بسياره... سامي يسوق ورفيقه راشد قاعد عنده...راشد يتكلم:انزين والبنت شذنبها؟؟ سامي:ذنبها انها بنته...وماحد يقدر يوصلني له واحرق قلبه عليه إلا هي راشد:سامي تعوذ من ابليس واترك عنك سوالف الانتقام هذي سامي:انا قائلها قبل وبقولها لك الحين...ماراح اهدى وارتاح الا لما انتقم منه راشد:لاحول ولاقوه الا بالله سامي:اصير مو رجال اذا مااخذت حقي راشد:والله كيفك بس تحمل الي يجيك سامي:انا مستعد اتحمل اي شي...بس اهم شي انتقم من الي دمرني ... بالمشتشفى... بالغرفه محمد قاعد ع سرير وصالح قاعد ع كرسي...محمد يتكلم:متى بنطلع؟؟...زهقت مليت صالح:ياحبيبي مابقى شي وتطلع...شفيك انت؟؟ محمد:قرب ياذن المغرب وللحين ماطلعنا صالح:صبرك يارجال محمد:اصبر لمتى؟؟...ناس بيجونا بعد شوي صالح:شيبون الناس منك؟؟ محمد:بيخطبون دينا ...ببيت حصه... بالغرفه دينا وسندس ومنار قاعدين ع سرير...منار تبكي:وهذا كل الي صار سندس:غبيه انتي؟؟...ماتفكرين؟؟...شلون رضيتي تنزلين معه للشقه دينا:لحظه لحظه...موانتي أساس تركتيه عقب سالفه الي قلتيها بالجامعه...شنو الي خلاج ترجعين له منار:احبه سندس تطقها وبعصبيه:وبعدج تقولينها عقب الي سواه فيج...مااقول الامالت ع الحب دامه اخرته جذيه منار:بنات تكفون...قولوا لي شسوي؟؟...والله تعبت تعبت اهى اهى اهى اهى دينا:مالج الا حل واحد بانج ماتتزوجين ولا راح تنكشفين منار:انتي جذيه قاعده تجرحيني سندس:شتبينها تقول لج بعد؟؟...الي سويته غلط وهالغلط مالها حل منار:يعني اتم طول عمري جذيه...وانحرم من كل شي سندس:زين ماقلتي لي هو ينه الحين؟؟ منار:مادري وتليفونه مصكر دينا:تعرفين أحد من اهله شي...عشان تقولين لهم سالفه ولدهم ويساعدونج منار:لا مااعرف حد دينا:عيل اشلون تبينا نساعدج سندس:انزين عطيني اسمه الكامل...وخلي من احد مواظفين ابوي يسال عنه منار:صدقيني مااعرف شي عنه غير اسمه دينا:صج انج غبيه ...ببيت عائشه... بصاله عائشه ورنا ومحمد وصالح قاعدين ع كنب...صالح يتكلم:يله استاذنكم محمد:وين رايح؟؟...اقعد عشان تحضر خطوبه عائشه:اي خطوبه؟؟ محمد:انا موقائل لكم...في ناس بيجون يخطبون دينا عائشه:اهااا محمد:قولوا لها تجهز روحها...ويوجه كلام لرنا:وانتي روحي للمطبخ سوي الحلويات وكيكات لناس رنا:أن شاءالله...وراحت للمطبخ عائشه:محمد...دينا ماتبي و محمد يقاطقها:انا هالكلام مايمشي عندي...المراه مالها الا بيت ززززوجها ...ببيت حصه... بصاله حصه ومنار قاعدين ع كنبه....حصه تتكلم:يمه شفيج؟؟...وجه مصوفر جذيه منار:مافيني شي يمه لا تحاتين حصه:حاسه فيج شي...مانتي ع بعضج...بهالحظه دخل سفيان:السلام عليكم الكل:عليكم السلام سفيان يقعد:شلونكم؟؟ حصه:حمدالله بخير سفيان يوجه كلام لمنار:اشلونج يابنت اخوي؟؟ منار:زينه سفيان:سمعوا...انا جايكم بخصوص موضوع البيت...البيت لازم نثمنه ونبيعه وكل واحد ياخذ نصيبه منه حصه:واحنا وين نروح؟؟...مالنا الا هالبيت سفيان:اخذوا لكم شقه صغيره ع قدكم بفلوس الي بتطلع لكم من نصيب البيت حصه:بس احن سفيان يقاطعها:كلامي وقلته...ابيكم تفضون البيت خلال هالسبوع...يله ع اذنكم....وطلع حصه:حسبي الله ونعم الوكيل فيك...مستكثر علينا هالبيت الصغير...وينك يابومنار تشوف الي قاعد يصير فينا منار بخاطرها:لوابوي عايش ويدري بالي صار معي...الله يعلم اشلون بتكون حالته ...ببيت عائشه... بالغرفه دينا قاعده ع سرير تبكي ورنا قاعده عندها...رنا تتكلم:بس خلاص حبيبتي هدي نفسج شوي...هذا نصيبج المكتوب لج ...يمكن يطلع رجال طيب ويحبج دينا:دامه من صوب محمد ماظنتي...بهالحظه دخلت عائشه:انتي بعدج تبكين؟؟...يمه خلاص ارضي بمكتوب لج دينا بصوت عالي شوي:ماابي ماابي عائشه تقرب منها:بس قصري حسج لا يسمعج اخوج دينا:خله يسمع محمد يدخل:احم احم الكل سكت محمد:للحين ماجهزتي روحج؟؟ عائشه:الحين بتتجهز محمد:يله خلصوا المره ناظرتكم تحت...وطلع عائشه:قومي...لاتدخلينا بمشاكل مع اخوج دينا:اوففففف...ياربي بس... يارب مااعجبهم وافتك ...برى الجمعيه... سندس توها طالعه من جمعيه وتتكلم بتليفون:انزين اكلمج بعدين...يله باي...بهالحظه طهر بوجها سامي:انتي هني؟؟ سندس:ايه...شتبي؟؟ سامي:ولاشي...جاي اخذ اغراض من جمعيه سندس:اهااا...وتبي تمشي وقفها صوت سامي:سندس سندس لفت له:وتعرف اسمي بعد؟؟ سامي يقرب منها:ايه اعرف اسمج...سندس انا معجب فيج من اول ماشفتج...ولاني مو من شباب الي يلف ويدور...جيتج ع طول وصراحتج...ياريت تفكرين بكلامي عدل وتردين لي خبر...ابي اعرف ردج اذا انتي مو مقتنعه فيني خلاص ماراح تشوفيني مره ثانيه...وراح عنها سندس:ا...وسكتت ...ببيت عائشه... بصاله رنا وعائشه ودينا ونوال قاعدين...نوال تتكلم: ماشاءالله تبارك الرحمن قمر قمر...يابخت اخوي بوخليل فيج...الا صج كم عمرج؟؟ دينا من غير نفس:ظ¢ظ، نوال:ههه تصدقين مايبين فيج....على بالي ظ،ظ§...ظ،ظ¨جذيه...سكتت وتكلمت:تدرسين؟؟ دينا:ايه سنه ثانيه الجامعه عائشه تدخل:لصار نصيب مايخالف تخلوها تكمل دراستها...عاد هذا حلمها من يوم كانت صغيره نوال:والله هالشي بينها وبين اخوي بوخليل...وان شاءالله مالها الا طيبة الخاطر عائشه:ان شاءالله... اكلي من هلحلويات و كيكات...عاد هذا من شغل كنتي الغاليه نوال تمديدها وتأخذ قطعه من الحلويات تاكل منها:ماشاءالله وايد حلوه...تسلم يدينج رنا:تسلمين خالتي من ذوقج نوال بصوت خفيف:خالتي؟؟...الي يسمعج يقول فرق السن بيننا مائه سنه...ورفعت صوتها شوي تكلم رنا :الا اقول كم صار لج متزوجه؟؟ رنا: ثلاثه سنين نوال:ماشاءالله...عندج عيال؟؟ رنا بحزن:ماعندي عائشه:الله كريم هالشي بيد رب العالمين ...عند بيت بوخليل... بسياره سواق قاعد قدام وبوخليل قاعد وراء طلعت نوال من بيت عائشه وركبت السياره:السلام عليكم بوخليل:عليكم السلام...هاخلصتي معهم الموضوع؟؟ نوال:ايه خلصت...ليش انت مانزلت؟؟ بوخليل:انابيوت الفقراء ماادشها...جبتج لهني عشان تشوفين لي بنت اذا كانت حلوه ولالا؟؟...وتستاهل اخذها؟؟ نوال:بنات الفقراء يموتون جوع بس عليهم جمال سبحان ربي الخالق...كل وحده تقول الزود عندي بوخليل:افهم من كلامج بان البنت حلوه؟؟ نوال:حلوه وبس...الا تطيح الطائر من السماء وفوق هذا كله صغيره وتدرس الجامعه