مجموع الأوسمة: 18

البارات 14 ...ببيت فاطمه... بصاله فاطمه وولدها سامي قاعدين يسالفون...فاطمه تتكلم:كل هذا يطلع منك ياسامي؟؟...ماهقيتك بيوم بتطلع شراني جذيه...ولو كنت ادري بان هذي سواتك ماعطيتك ذهب امي سامي:يمه نسيتي الي سواه فيني؟؟...قطني قطه الكلاب بسجن...ضايعني وضيع شبابي...تبيني اسكت عليه ومااخذ حقي منه فاطمه:زين بنته شذنبها؟؟ سامي:بنته نقطه ضعفه وجسر العبور للوصوله فاطمه:لايمه سامي لاتسويها انا ماابيك جذيه ولا ربيتك ع جذيه...اذا تبيني ازعل منك ومااكون راضيه عليك...سوي الي براسك سامي:يمه راضج فوق كل شي...بس مااقدر أتنازل عن حقي...انا طالع...ومشى من عندها وطلع ...ببيت عائشه... بالمطبخ رنا وعائشه قاعدين ع كراسي يجهزوا طلبيات الزبائن...عائشه تتكلم:الكيك باسم ام فيصل رنا تكتب على طلبيه:ايه زين عائشه:والكيك الي بشكولاته باسم خديه رنا تكتب ع العلبه:خديه عائشه:والعلبه الثالثه حق ام سليمان رنا تكتب ع العلبه:عاد ام سليمان من احسن زبائن عندنا...عشان جذيه زيدتها عائشه:ايه والله تستاهل...الاصج ماقلت لج قبل شوي دقت علي ام سالم تقول عندها زواره بآجر وتبينا نطبخ لها غذاء رنا:زين...يعني بآجر نقعد مبجر لان عندنا وايد طلبيات...بهالحظه دخل عبود:السلام عليكم عائشه ورنا:عليكم السلام عائشه:ها جيتي؟؟ رنا:شلونك عبود؟؟ عبود:زين الحمدلله رنا:شلون خالتي وحنان؟؟ عبود:كلهم بخير عائشه:قول حق امك عائشه تسلم عليج وتقول متى بتجين تزورنا من زمان عنج عبود:ان شاءالله...خلصتوا طلبيات؟؟ رنا:ايه خلصنا...تعال ...ببيت بوخليل... بالغرفه بوخليل يمسك دينا من زندها ورمها ع سرير:عشان مره ثانيه تعرفين تسوين ريوق عدل دينا تبكي:قلت لك مااعرف اطبخ مااعرف بوخليل:تعرفين بس ماتبين تسوين شي...وعاند فيج بعطي خدامه اجازه تسافر...وانتي الي بتقومين بشغل البيت دينا:شسويت لك انا حتى تعاملني هالمعامله بوخليل:وانتي ليش ماتبيني عشاني رجال عود موجذيه؟؟...بس دامج ع ذمتي بتتمين طول عمرج ع ذمتي لين اموت انا أو افتك منج وتموتين ...ببيت سفيان... بصاله منى وسفيان قاعدين ع كنبه...منى تتكلم:سفيان خلص موضوعك مع بنت اخوك هذي بسرعه...تراني خايفه ع ولدي منها سفيان:خايفه عليه من اي ناحيه؟؟ منى:صبح شفته قاعد يسولف معها بالحديقه...ويخوفي تتكرر قعدتهم مع بعض وتقص عليه وتخليه يحبها ويتعلق فيها سفيان:ولدج مو جاهل حتى ينقص عليه...ثانيا حتى ولو خلصت موضوعي معها بتتم قاعده معانا بالبيت منى:ايه بس بتكون بالملحق وماراح اخليها تدش وتطلع ع كيفها...أما الحين رايحه راده رايحه راده وكآنها قاعده بالفندق مو بيت...والي يعافيك سفيان خلص موضوعك معها اليوم قبل بأجر...بنفتك منها...بهالحظه دخلوا منار وجراح:السلام عليكم منى تتساسر سفيان:شفت بعينك...وترد عليهم:وعليكم السلام...من وين جائين؟؟ منار:كنا قاعدين نسولف انا وجراح بالحديقه منى:هذي للمره الثانيه تقعدون بالحديقه مع بعض... شعندكم؟؟ سفيان يعطي منى نظره:منى...ويتكلم بصوت عالي شوي:مافيها شي لو قعدوا مع بعض تراهم عيال عم وحسبت اخوان...موجذيه؟؟ جراح:ايه يبه اكيد منار:انا بصعد انام بغرفتي...يله تصبحون ع خير سفيان:وانتي من اهله يبه...غطي روحج عدل منار تمشي صوب درج:أن شاءالله عمي منى تقلد صوت منار:أن شاءالله عمي...وترجع لنبره صوتها:عمى عيونج تنعمى...وتوجه كلام لجراح:وانت تعال ...ببيت هند.... بصاله سامي وسندس قاعدين مع بعض ع الكوشه كونهم معاريس وهذي ليلتهم وحوليها عدد ينحصر بالاصابع من معازئم الي قاعدين ع كنب ومشغلين زفه((بصوت الفنان الامارتي:حسين الجسمي))...عند سامي وسندس...سامي يتكلم:الف مبروك عمري سندس تطالع فيه:الله يبارك فيك سامي:اخيرا صرنا حق بعض سندس تهز راسها بالايجاب بمعنى((نعم)): سامي:انتي من هالليله بتعيشين حياتي مليئه بالحب والسعاده وبكل ماهو حلو وجميل بالحياه سندس:والله يقدرني باني اسعدك ومااقصر معاك بشي...سامي يطالع فيها بنظرات تمثل الحب وحط أيده ع ايدها وطغط ع ايدها:احبج سندس اكتفت بالابتسامه... عند هند واخواتها الي قاعدين ع كنب...هنادي تتكلم:اقول هند...بنتج من وين طاحت ع هالولد؟؟ هند:الاقولي هو الي طايح عليها...مسكين قاعد يترجانا سنه كامله نزوجه بنتنا وبالاخير عطانها ياها هدى:تبين صراحه هند ترى ولد يجنن ويستاهل ياخذها...يبختها فيه هنادي:لاومبين انه ولد خير ونعمه هندبفرحه:صچ؟؟ هدى:ايه صج...الاصج وين اهله؟؟... مااشوف حد هند:ع قولته عايشين بالندن وعندهم اشغال مايقدرون يحضرون الزواج ...ببيت بوخليل... بالغرفه بوخليل ودينا نائمين ع سرير صحت دينا بهدوء وتتساحب ع شوي شوي تفاجات بصوت بوخليل يناديها:دينا دينا:بسم الله الرحمن الرحيم...ولفت له بالاتبارك:ها بوخليل:ليش قاعده تتساحبين؟؟...وين رايحه؟؟ دينا:ها...كنت...كنت بروح الحمام بوخليل:والي بيروح الحمام...يتساحب كانه حرامي دينا:خفت ازعاجك و اصحيك من نومك بوخليل:زين...يله دشي الحمام انا بقعد انظرج مابنام دينا:زين..ومشت صوب الحمام بوخليل:هذي شكنت ناويه تسوي؟؟ ...ببيت عائشه... بالغرفه محمد نائم ع سرير رنا توها طلعت من حمام شافت تليفون محمد يرن ع درج:مح...لا خله نائم احسن...هذا اذا قعدته شبيفكني من لسانه بعدين...طفى تليفون:اشوا الحمدلله...رجع يرن مره ثانيه:اخاف أحد يبيه ضروري...ومشت صوب محمد عشان تقعده:محمد...محمد...واخذت تليفون شافت اسم حنين:حنين...منو تطلع هذي؟؟...وداقه عليه هالحزه محمديصحى:خير؟؟...شعندج وافقه ع راسي؟؟ رنا:تليفونك قاعد يدق محمد اخذ منها تليفون:هاتي اشوف...شاف مكالماه من حنين وطالع برنا الي منتظره الجواب منه:هذي زوجة صديقي...مسكين صار له ثلاثه ايام طايح بالمشتشفى واذا حبت تتطمن عليه تدق علي...لان تليفونه تكسر لما سوى حادث رنا بشك:اهاااا محمد:يله ع سريرج حطي راسج ونامي...رنا من غير ماتتكلم رحت لجهه السرير الي تنام عليه غطت ع روحها وعطت محمد ظهرها وتتكلم بخاطرها:أن شاءالله يكون كل ببالي مجرد وسواس وواوهام محمد يتكلم بخاطره:هذي شعندها داقه علي هالحزه...وكتب رساله وتساب لحنين:((خير؟؟...شعندج؟؟)) ...بالفندق... سندس نائمه ع سرير صحت لقت سامي واقف عندها وينثر عليها الورد:احلى صباح لاحلى بنات الكون سندس تبتسم:صباح النور...شنو هذا من صبح الله خير؟؟ سامي يقعد عندها:عشان تعرفين ان زوجج وحبيبج رومانسي ويموت فيج سندس تطالع فيه:يابختي فيك سامي:انا الي محطوط فيج...يله قومي روحي الحمام غسلي وجهج وتعالي لصاله عشان نتريق سندس:اوكيه...وتقوم سامي يقوم:عمري انتي ...بشقه حنين... بصاله محمد وحنين واقفين مقابلين بعض...محمد يتكلم:حركات مسلسلات وافلام هذي ماتطوف علي حنين:والله العظيم اني كنت مسخنه وتعبانه...محمدليش انت مو مصدقني؟؟ محمد:انا كنت قاعد عندج مافيج شي....جذيه فجاءه مرضتي؟؟ حنين:عيل مرض شلون يجي؟؟...يستاذن؟؟ محمد:حضرتج تتطنزين؟؟ حنين:لاوالله محشوم...بس محمد يقاطعها:لابس ولاهم يحزنون...اذا تبين شي سوي لي رساله نصيه او الوتساب...أما تدقين ماتلومين الي نفسج حنين:محمد انا حامل بشهر التاسع باي لحظه ممكن اولد...مفروض تقعد معي وماتخليني محمد:اذا حسيتي انج بتولدين دقي...وكلام غير هذا ما عندي ...ببيت عائشه... بالمطبخ كالعاده عائشه ورنا قاعدين يسوون طلبيات زبائنهم...عائشه تتكلم:ام فيصل بعد اليوم تبي حلى...تقول زوجة ولدها بتجي تزورها...رنا رنا سرحانه:لارد عائشه:رنا رنا تصحى من سرحانها:ها عائشه تقرب منها:يمه شفيج؟؟...اليوم كلش مو معاي رنا:مادري ياخالتي مادري عائشه:اشلون ماتدرين؟؟...تعبانه؟؟...؟؟...ولايكون محمد ضيقج؟؟ حنين:خالتي في شي قاعد يدور ببالي بس مو متاكده منه عائشه:شنو هالشي يمه؟؟...تكلمي انا اسامعج رنا:محمد قاع....بهالحظه دخل محمد:السلام عليكم عائشه ورنا:عليكم السلام محمد:جهزوا ع غذاء على ما اتسبح واغير ملابسي وانزل عائشه:أن شاءالله محمد يطالع برنا:المدام شفيها؟؟...ليش عيونها محمره؟؟ عائشه:محمد خلي بنيه بحالها الي فيها مكفيها محمد:فمان الله...وطلع عائشه:راح...يله قولي شتفكرين فيه؟؟ رنا:خلاص خالتي ماكوشي...بجهز غذاء للمحمد عائشه:والله ع هواج يمه