مجموع الأوسمة: 18

البارات 15 ...بالمطعم... سامي وسندس قاعدين مقابلين بعض...سامي يتكلم:شرايج بالمطعم؟؟ سندس:وايد حلو...تصدق اول مره ادش فيه....الاصج حجزت تذاكر ولا بعد؟؟ سامي بالارتباك:ها...بنحجز بس مو الحين بعد شهر جذيه سندس:ليش؟؟ سامي:عندي اشغال وايد هالشهر بشركه ومااقدر اسافر الا لما اخلصهم سندس:الي تشوفه و كل تاخير في خير ع قولتهم...وتشرب نشفه من عصير وترجعه ع طاوله:ع طاري الشركه متى بتوديني عشان اشوفها ؟؟ سامي:انا لايمكن اوديج هناك...لان شركه كلها رجال وانا وايد اغار عليج سندس:زين وديني باليوم الي يكون فيها اجازه...يوم الجمعه العصر مثلا سامي:سندس حبيبتي احنا هالشهر بذات بنقضيه باماكن ترهيفيه ورومانسيه عشان نقضي فيها احلى اوقتنا مع بعض...عرفتي شلون؟؟ سندس:ايه زين...ولمتى بنتم قاعدين بالفندق؟؟ سامي:مااحنا مطولين أن شاءالله...اذا طلعنا من الفندق بنقعد عندكم بالبيت لين نخلص من ثاتيت بيتنا...ولاتقولين انج بتشوفينها لاني أبيها مفاجاه لج سندس عقدت حواجبها:؟؟؟؟ ...ببيت بوخليل... بصاله دينا قاعده تخم أو تكنس الارض:اوف ياربي تعبت...يارب اليوم يصير لك حادث يابوخليل وتموت وافتك منك...وتكمل تخم أو تكنس...بهالحظه نزل بوخليل من ع درج:ها اشلون شغل معاج؟؟ دينا من غير ما تتلفت له وتجاهلت سواله:ابي اروح اشوف امي ممكن؟؟ بوخليل يقرب منها:هه...عشان تتشكين عندها موجذيه؟؟...ويكمل:شوفي يابنت الناس...انا عندي قاعده بحياتي المرأه الي تدش بيتي ماتطلع منها كلش...وع فكره اليوم ولدي خليل بيرجع من السفر رتبي البيت عدل...وطلع دينا:شسوي بولدك انا لعلك ماتشوفه ...ببيت عائشه... بالغرفه رنا ومحمد قاعدين ع سرير...استجمعت رنا قوتها وتكلمت:محمد ممكن سوال محمد:خير...شعندج؟؟ رنا:انت قبل ماتتزوجني ماكان هذا اسلوبك...ليش تغيرت بعد الزواج؟؟ محمد يطالع فيها:لو تنزلين وتشتغلون شغلكم انتي وامي وايد احسن لج من الاسئله الي بلامعنى رنا:خلصنا ماعندنا شي نسويه...انا ابيك الحين تجاوب ع سوالي وبس محمد:انتي اليوم مسخنه؟؟...فيج؟؟...اشك انج صاحيه رنا:ليش تتهرب من الاجابه؟؟ محمد:أحد اليوم شايش علي؟؟ رنا:انا محبوسه بالبيت مثل العصفور الي حابسه الطفل بالقفص عشان مايهرب ويضيع محمد:لا وتجيب احكام بعد...اقول روحي نزل قعدي مع امي...لا تعورين راسي بنام انا...وغطى نفسها باللحاف رنا بخاطرها:بشوف اخرتها معاك يامحمد...وبعرف سالفه عطر نسائي الي كان بدشدشتك وحنين الي تدق باواخر الليل...وقامت ...بالفندق... بصاله سندس وسامي قاعدين يطالعون الفيلم وع طاوله علبه فيها فشار...سامي يتكلم:عمري انا بنزل تحت...تبين شي؟؟ سندس:لاسلامتك قلبي ماابي شي سامي يقوم:زين...وطلع سندس مندمجه مع الفيلم:ههههه...بهالحظه رن تليفونهابآسم((دنياتي))...وردت عليها:هلابابا...حمدلله زينه...انت اشلونك؟؟...امي شلونها؟؟...الحمدلله وايد مرتاحه حبيبي سامي مو مخلي لي قاصر...هههه...ايه...يبه سمعني...قول حق امي تقول لخدامه ترتبت غرفتي...ايه بنجي نقعد فيها انا وسامي بعد كم يوم ...ببيت سفيان... بالغرفه منار قاعده ترتب ملابسهم محمد يطرق الباب ويدخل:السلام عليكم منار تعدل قعدتها:هلاعمي...عليكم السلام سفيان يقعد مقابله لها:شقاعده تسوين؟؟ منار:ارتب ملابس بحطهم بالكبت سفيان:كان ناديتي لخدامه تساعدج منار:لاعمي مايحتاج سفيان:مايخالف يبه تعطيني من وقتج شوي منار:اكيد من غير ماتستاذن...أمر سفيان:شوفي يبه انتي بنت ويتيمه ولكن مانتي وحيده انا عمج وانتي امانه برقبتي اكيد منار:الله يخليك لي سفيان:ولاني خايف عليج وابي اطمن على مستقبلج قلت عطيني نصبيج من البيت يعني فلوس الي عطيتهم ياكم انتي وامج قبل لاتموت الله يرحمها...ابي اشغلهم عشان يتباركون ويزيدون...ها شقلتي؟؟ منار:خلاص اوكيه...بس بطلع منهم صدقه للامي سفيان:ايه يبه طلعي منهم الي تبين...هم وين؟؟ منار:تقصد فلوس...كاهم بالجنطه...لحظه...وقامت عند الفندق سامي وراشد واقفين يسالفون...سامي يتكلم:راشد قربت افلس واذا فلست بينكشف امري راشد:مو انت تقول بعت ذهب جدتك...وين الفلوس؟؟ سامي:الي يسمعك يقول باعتهم بمليون دينار...كلها كم دينار وطاروا راشد:والحين شناوي تسوي؟؟ سامي:ابيك تساعدني...اخذ القرض من البنك لين استولى ع حلال عبدالله راشد:انت من صجك ولا قاعد تتشغمر؟؟...من طلعت من سجن وانا اسمع هالكلام ماشفت شي...وهالمره تبين اخذ القرض بعد سامي:ياحبيبي مو كل شي يجي دفعه وحده...شوي شوي لين اتمكن راشد:اسف مااقدر اساعدك هالمره...سويت الي علي وزود...اذا تبي تكمل شغلك كمله بروحك سامي:رشود انت مستوعب كلام الي تقوله راشد:ايه اكيد مستوعب...وانا ندمان قد شعر راسي لاني طاوعتك أو بالاحر ستغليتني بالايام الي طافت سامي:انا ستغليتك؟؟ راشد:ايه ستغليتني يا صديق عمري...واستخدمتني أداة من أدوات تواصل فيها للانتقامك سامي:للاسف راشد انت فاهميني غلط...واذا كان هذا تفكيرك عني الله يسامحك راشد:ياسامي هالشي كان واضح وضوح الشمس...بس انا استغفلت عن هالشي وجاملتك عشان العشره الي بيننا...بس بالاخر اكتشفت اني غلطان بالي قاعد اسويه وانا الحين ندمان سامي منقهر:زين...توكل ومن هاليوم لا تعرفني ولا اعرفك...وان سمعت بانك فتحت حلجك بالكلمه بالي قاعد اسوي موتك بيكون ع ايدي...وانا ماعندي مشكله ادش السجن ع اقل هالمره اكون دشيت سجن حق مو ظلم ...ببيت بوخليل... دخل بوخليل مع ولده خليل...بوخليل:حياك الله يبه...نورت بيتك...بهالحظه طلعت دينا من المطبخ تمشي صوب الدرج وقفها صوت بوخليل:دينا دينالفت له:ها بوخليل:سلمي ع ولدي خليل دينا:شلونك؟؟ خليل يطالع فيها من فوق لتحت وبخاطره:الوالد طلع مو سهل...مطيح له ع هالغزل بوخليل:تعالي هني وسلمي...تراج خالته خليل وعيونه ع دينا:لايبه ماله داعي...يكفي شوفتها دينا بصوت ماحد يسمعه غيرها:احسن بوخليل:روحي جيبي عصير ولاتنسين بعد ترتبين غرفه خليل دينا كاتمه غيضها:اي اومر ثانيه ديناء:لا ذلفي...ورجعت للمطبخ بوخليل:هايبه اشلون دراسه معاك؟؟ خليل سرحان:لارد بوخليل:خلول شفيك سرحان ومفهي؟؟ خليل يصحى من سرحانه:ها...زينه...يبه من وين جايبها هذي؟؟ بوخليل:حلوه موجذيه؟؟ خليل:وحلوه وايد بعد بوخليل بمزح:بس عاد خلاص..تراها زوجتي ماارضى عليها خليل بخاطره:والله حرام تتزوج واحد شايب بعمر ابوي ...بالفندق... بالغرفه سندس قاعده ع سرير وسامي قاعد ع كرسي...سندس تتكلم:صراحه نهايته وايد حلوه...مو تقليديه مثل باقي الافلام سامي:اها زين حلو سندس:حبيبي شفيك؟؟...من لما جيت من برى وانت مو ع بعضك سامي:تعالي هني...وياشر للمكان...مشت سندس لعنده:كاني جيت...يله قولي شفيك؟؟ سامي:ابي اقول لج شي وهالشي ابيه يكون سربيننا احنا الاثنين وبس...ويكمل:ولانج زوجتي وحبيبتي ابي وقفتج معي سندس:طبعاءحبيبي بوقف معاك...انا من لي غيرك سامي:زين سمعي الي بقوله لج...انا قبل شهر دشيت البورصه واليوم وصلني خبر أن كل فلوس الي بورصه راحت...وصرت مديون فضريت ابيع املاكي وسددت الديون الي علي...وبقيت مفلس ع حديده سندس:كل هذا صار بيوم والليله؟؟ سامي:تخيلي...لا قادر انام ولا قادر اكل...صدمة عمر سندس بحزن:والحين شبتسوي؟؟ سامي:ابي احد يساعدني حتى اوقف ع رجلي من جديد...بس ادري انها صعبه سندس:حبيبي ما يهون علي اشوفك منهار جذيه...شرايك اكلم ابوي يسلفك فلوس وتسوي فيهم مشروع وان شاء الله تنجح فيه سامي:وين عمري...كل مشارئع هالايام فاشله...انا عندي فكره ببالي بس مادري توافقين عليها ولالا سندس:حبيبي قول وبعدما قولك قول ثاني سامي بفرحه:ياعمري...عيل سمعي ...ببيت سفيان... بالغرفه منى وسفيان قاعدين ع سرير...سفيان يتكلم:منار سلمتني فلوسها منى:يعني الحين اقدر اطلعها من البيت سفيان:لاتطلعينها خليها باللمحق مثل ما تفقنا منى:زين...الحين بروح لها واخليها تلم اغراضها...بنت حصه مالها مكان بينا سفيان:خلها الليله تنام بالغرفه...بأجر عقب ما اطلع انا...سوي الي تبين تسوينه منى:شالي ينظرني لباجر سفيان:قلت بأجر يعني بآجر منى:زين بأجر بأجر ....ببيت عائشه... بصاله محمد قاعد ع كتبه يتكلم بتليفون:انتي شنو؟؟...ماتفهمين؟؟...كم مره اقولج لا تدقين علي حنين بتعب:محمد انا تعبانه...شكلي بولود محمد:تتكلمين صج ولاهذي حركه من حركاتج حنين:والله العظيم مو قاعده اجذب محمد:زين بجي الحين...يله مع سلامه وصعدع درج بالغرفه رنا قاعده قدام المرايه تنشف شعرها دخل عليها محمد:انتي للحين بعدج مانمتي؟؟ رنا:قاعده اجفف شعري محمدياخذ دشدشته ويلبسها:بروح لصديقي المشتشفى دق علي دكتور من شوي يقول صحى من غيبوبه وطلب يشوفني رنا:اهازين محمد:يله فمان الله...وطلع رنا بخاطرها:انا متاكده أنه جذاب...من شوي كان نائم ولما دق تليفونه فز وطلع...مبين الي كلمه أحد ثاني مو دكتور...سالفه عطر نسائي واسم حنين مو قادره اشيلهم من بالي...انا لازم اوجهه واعرف منه السالفه ولا قاعد جذيه ع عماي