ياسعود باعوني على شان نفنوف دلوعه وحفنة بنات وتصاوير
ونا اللذي خليتهم صاروا اوقوف وهم قبل جهال بين الشعاعير
ياسعود والله ماسكني من الخوف ومايزرع البستان غير النواوير
ولاهذولا اقل من اي معروف ولاتوصل بابهم شر او خير
دلوعة الغيم وكذا رزة كتوف تحكمت فيهم ويالله عسى خير
ياسعود علمهم ترى شي مألوف ان الرجل ممكن يحب الدنانير
بس الغريب ان الرجل تسحبه نوف وتجيب راسه غصب عنه تعابير
ياسعود فز ولاعليك اي مكلوف وبشرهم اني دايم بخير واسير
مع الرجال اهل الوفا صافي الجوف ولابنات ابريز مع تركي الزير
يومين نايف واخر اليوم موقوف كله على شان المهار الغنادير
وتبي الصراحه بعضهم جملة حروف والبعض الاخر مالها اي تفسير
ربي رفعني عن دناءه ومخلوف تعبي لاني صادق وخير تبرير
للي اقوله شوف وش صار ونشوف منه على الجاني تدور الدوواوير
الشاعر/ نايف الذويبي