اتحبني ولا تحب الدراهم
اختارلك وحدة علشان ماضيع
علاقةٍ ما تنبني بالتفاهم
حتى تحت نور القمر يمكن تميع
ترى اهل الحب الحقيقي تراهم
مشجعين احساسهم دون تشجيع
صغيرهم يدري بقيمة غلاهم
لا يمكن تحصله معروض للبيع
-=-=-=-
مزروع في قلبي غلاك وعساهم
فدوة لبستانك وحصد المزاريع
مداك ما يشبه في عيني مداهم
يا ظبي يلي مرتعك في المرابيع
اذا زماني ما نصفني واذا هم
يبغونني انثر دموع التواديع
للحين بعده ما وصل مستواهم
المستوى شكر الحرار المطاليع
-=-=-=-
صغار وعيوني لا يمكن تراهم
ما هي تشوف الا النجوم الملاميع
البحر ولا الموت انا كلاهم
اغرقهم واحذفهم ليابس الريع
الا اذا شفتك معاهم مساهم
كنك تقطع قلب مغليك تقطيع
لك محتوى يطغى على محتواهم
ويزيدني شوق ومحبة وتلويع
-=-=-=-
انت القمر والشمس ولا حداهم
انت الورود اليانعة والينابيع
اهل الحروب تجر لجلك هداهم
واهل الطرب تعزف لك اللحن تنويع
والاتقياء موحدين دعاهم
يحفظك ربي من عيون المقاليع
فرع وعلم هالبنات اش بلاهم
احبابك الموتى يا سيد المفاريع
-=-=-=-
في ارضهم جنة .. نجم في سماهم
ا ذاعة اهل الحسن بصوفك تذيع
من دون ما تطلع تراك احلاهم
اذا طلعت تصدع الناس تصديع
لكن لا تبعد بفكرك معاهم
لا الوصل يشرونه ولا الشوق للبيع
لو كل حاجة تنشرى بالدراهم
كان اشتريت العمر قدام ما يضيع