*لعب أم تخريب؟*
🌹🌹🌹🔻🔻🌹🌹🌹
التربية الإيجابية بتقول نسيب الطفل يستكشف العالم..لكنها ضد التخريب والاهدار
- التربية الإيجابية ضد الضرب والعقاب لكنها بتقول الطفل يتحمل العواقب الطبيعية لتصرفاته
(لعب بالماية وغرق الحمام يبقى ينشفه..رسم عالحيط يبقى ينضفها..لعب بالاكل يبقى يتشال من أمامه لحد مايحترم الاكل)
- التربية الإيجابية ضد التسيب والميوعة لكنها مع وضع نظام وحدود للطفل
(أكل الشيكولاتة والكاندى بحدود..الفرجة على التليفزيون مش اكتر من ساعة..ممنوع اللعب على الموبايل قبل النوم..بعد اللعب لازم نرجع كل حاجة مكانها)
- التربية الإيجابية بتقول للطفل الحق فى التعبير عن مشاعره لكنها ضد أن الطفل يسئ التصرف ويضر غيره
(من حقه يزعل عشان أخوه اخد منه لعبته لكن مش من حقه يضرب أخوه..من حقه يغضب لانه مش عارف يحط المكعبات زى ماهو عايز..لكن مش يكسر أى حاجة)
- التربية الإيجابية بتقول أن الغلطات فرص جديدة للتعلم
(الازازاة وقعت منه اتكسرت يبقى محتاج يعرف ازاى يشيل الازازة بحرص عشان يحافظ عليها)
الفشل فى التطبيق لا يدل على خطأ النظرية
 |
|
|
|