البارت 14

بالمجلس 🌷

استجمعت قوتها
وبصوت عالي :
انا عندي كلام ضروري الكل
يسمع .. !!
واولهم انت يا فهد !! فهد وقف : امري ؟
شادن تحاول تتجاهل
شعور الضعف : ابي
الطلاق
ابتسم فهد : مو وقت
المزح ابداً كفايه الي
سوته نجود ههههه
ابو راكان : هه شادن
شهالمزح ما لقيتي الا
الطلاق !!! شادن بجدية : من قال
مزح ! انا جاده ما ابيك
يا فهد طلقني !! فهد حسّ بجديه وكذب
نفسه : شفيك شادن ؟؟؟ راكان : هيه انتي
تكلمي زين !!! شادن جلست لان حست
رجولها ممكن تخونها بـ
اي لحظه : طلب بسيط
ابي ورقه طلاقي ما ابيه
هالانسان شريكي حياتي ؟
بالغصب يعني ؟؟ باسل : شفيك شادن
توك تتكلمين !!! مملكين
صار لكم سنه !! شادن ببرود : كنت اقنع نفسي
يوم عن يوم ممكن احبه
انام ع امل اصحى واحب
هالانسان بس للاسف !
ولا مره حبيتها ولا مره شفته
الزوج المناسب لي .. فهد بغضب : شادن والله
مقلب بتزعلين صدق !! شادن بصوت اعلى : والله
والله جججاااااااده ابيك
تطلقني الزواج مو بالغصب !!
ما ابيك
ابو راكان : وليش توك تتكلمين
ليش كنتي ساكته كل هالسنين !!! شادن : قلت لكم كنت اقنع نفسي
كنت اظن بيجي يوم واحبه
بس صراحة مليت من
تمثيل الحب والمشاعر .. !!! فهد قرب منها وبغضب :
الي افهمه من كلامك ان
كل الي عشنا كذب ؟؟؟ شادن بعدت عنه ما تبي
تحط عينها بعينه .. !
وبصرخة : الي يسمعك
يقول اوووه عشنا كثير
ترا كلها كم جلسه وكم
كلمه حلوه مو من قلب
ولا كنت صادقه فيها فلا
تزعجني اكثر وطلقني
ام فهد جلست بصدمة :
شادن يمه شفيك ؟؟؟ شادن : اعذريني يا خاله
ما اقدر اضيع شبابي
مع شخص ما احبه
راكان ضرب الطاوله برجله :
ما احد قال لك ضيعي شبابك
بما انك كذابه و ******* ليش ساكته كل هالفتره
شادن تجمعت الدموع بعينها
للحظه كان ودها تعترف بمرضها
وان كل ذا تمثيل عشان فهد
يكرها !!؟ بس تذكرت كلام الدكتور " كل شخص يحبك
بيعاني معك "
طلعت من المجلس
وتركت علامات استفهام واسأله
وتكذيب في بال الكل !! وقلب مُكسور قلب مو مصدق !
فهد جلس بالارض ونزل
راسه بـ انكسار وبسخريه
ههههه تقول كله كذب
تقول نظرات عيونها الي
تاخذني بعيييييد كذب !
تقول همسات الي تذوب
قلبي كذب !!!

طلع فهد يسحب
رجوله وجلس بالحديقه
حس المكان داخل
ضيييق كثييير !!! الكل مصدوم !!! وسن همها راكان اُف
الـ ***** كيف لعبتها بس
هين بعيد عليها راكان .. ميثا مصدومة معقوله !! انا شفت الحب بعيونها
لما نجيب طاري فهد .. !

ام فهد يا مكبر اوجاعك
يا وليدي !! ابو راكان شفيها انهبلت
ذي !! باسل جلس بقله حيل
وخجل من الكل !! تصرفها يفشل وكلامها !!!!! راكان طلع ورا فهد
وجلس بجنبه ورفع
راسه : ارفع راسك
يا ابو محمد ما عاش من
ينزله !!! اذا هي ما تبيك هي
الخسرانه ولو انها اختي
انت رجالّ ينشد فيك
الظهر
فهد بكا بصوت مسموع !!!
راكان انصدم !! بيوم
عزاء ابوه ما بكا كذا !! فهد : جرحتني يا راكان
اهانتني قدام الكل وانا
الي لو تبي روحي ما
تغلى علييها !!! نزل راسه وبكا
بحرقه
جلس بجنبه راكان وهو
يحاول يتمالك اعصابه
لا يقوم يذبحها !!! فهد حاول يستجمع
نفسه شوي وهو يتذكر
كلامها " ولا مره حبيته ولا مره شفته
الزوج المناسب لي .. "
وبتب مسموع :
ليش كانت تكذب علي ؟
ليش كنت اشوفها اطهر
قلب ؟
ليش كنت اشوفها العوض
الحلو عن كل شي ؟
ليش خذلتني ياراكان !
ليش عمري ما قصرت معها
بشي
وبضياع وفرح : صح عرفت
عرفت ليش اكييد اكييد
انها ملت من تاجيل موضوع
الزواج ووقف بسرعه ..
هالحين اقول لها نتزوج
بـ اقرب وقت
مسكه راكان مع يده :
فهد شفيك !!! استجمع نفسك شوي
مهما كان انت اخوي ولا
ارضا لك تذل نفسك عشانها !! خلها تتحمل جنونها وتفكيرها
طلقها يا فهد
فهد جلس بضياع :
انا اطلق شااااادن ..

أعععتذر جججداً 😭
والله مره خجلانه منكم
ياخي 💔
والله كاتبه البارتات
الـ ٤ بس ما كان عندي
وقت انزلهم ابداً 😢. شادن طلعت للحديقه
وانتبهت لفهد ورجعت
علطول وتنهدت
بـألم !!! واتجهت للحديقه الخلفيه
وقلبها موجوع .. راكان ضم فهد :
تكفى يا ابو محمد
والله قلبي يتقطع
عليك تكفى يا اخوك .. رفع راسه فوق وتنهد
بالم مسح دموعه بعشوائيه
واتجهه لسيارته بسرعه
راكان مسكه مع يده !! : ما تسوق وانت بهالحاله
فهد سحب يده : ما عليك
واتجهه لسيارته
راكان يعرف فهد اذا
تضايق يحب يجلس بروحة .. بالمجلس 🌷

ابو راكان بغضب :
خذ اختك وارجعو للبيت
باسل : ابشر واتجهه
لـ داخل وسال عنها
وقالو بالحديقه
تنهد وهو مو مستوعب
اخذ عباتها وشنطتها
واتجهه لها .. ابو راكان بأسف :
والله يا ام فهد اني
مستحي منك
ام فهد : ما عليه يا ابو
راكان شنسوي ما باليد
حيله البنت ما تبيه .. !
دخل راكان بهدوء .. ام فهد : وين وليدي ؟
راكان : طلع
ام فهد بخوف : ليش
خليته يا راكان بروحه !
راكان : والله يا خاله
انتي تعرفين فهد اذا
عصبَ قلت يطلع يهدي
اعصابه شوي لا لو
جلس شوي زياده ممكن
يسوي فيها شي .. ام فهد بقلب محروق :
لاحول ولا قوه الا بالله ..! عند فهد 🌷

كان يمشي من غير
وجهه محدده !! كان متضاااايق
كثييييير .. !!! انتهى اليوم الثقيل ع
الكل .. !!! من غير استثناء 💔..

صباح جديد 💔.. الساعه ٦ الفجر دخل
فهد بتعب
وانصدم من وجود
امه وخواته نايمين بالصاله !!! وقف بصدمة وهو يحاول
يستوعب الموقف استجمع
نفسه وعدل شماغه وبهمس :
يمه يمه
ام فهد صحت بسرعه :
هلا امي هلا ابوي
فهد : احمم شفيكم نايمين
هنا ؟؟ ام فهد تناظر لساعتها :
والله يا وليدي ما قدرت
انام وانا ما تطمنت عليك
وخواتك كل شوي تتحسب وحده
وتعبو من الانتظار ونمنا .. فهد يحاول يضبط اعصابه
مره تنرفز ! شفيك انت رجالّ
وسند عائله تتاثر كذا من بنيّه !! واتجهه لـ خواته
وصحاهم بحنيـه :
ميثا وابتهال وياسمين نومهم
خفيف فعلطول صحو وتطمنو
عليه واتجهو لغرفهم يكملو نومهم !
نجود كان نومها جداً ثقيل
فـ نزل شماغه ومفاتحه وقرب
منها ورفعها بخفـه واتجهه لغرفتها
ام فهد رفعت يدينها :
يالله لك الحمد واتجهت
لـ غرفتها .. عند فهد وصل نجود لغرفتها
ونزلها ع سريرها وغطاها
وكان طول الوقت يعاتب
نفسـه وايقن انه فعلاً مسوؤل
وانهم عائله وحده ❤️
مشكله واجهتني انا .. بس كلهم كانو خايفين علي
ما نامو في الليل كانو
ينتظرو رجعتي !! وبالمقابل انا ادور بالشوارع
كـ اني مجنون .. !!! اُف يالله اتجهه لغرفته
واخد شور باارد .. في بيت ابو راكان 🌷

راكان اول ما دخل :
وينها ***** ابو راكان بغضب :
اسمعني زين من هالحين
اختك ما لك علاقه فيها
راكان قرب من ابوه وبغضب :
يبــه انت مستوعب شـ سوت !! كسرت قلب اخوي
اهانت اخوي قدام الكل !
يبه ترضها لفهد ترضها
لولدك الثالث ؟؟؟؟ ابو راكان بقله حيله :
شسوي يا وليدي !
ما اقدر اجبرها ..!!!! راكان : سنه يبه سنه
ممُلكين اليوم تستوعب
هذا الشي !!! فكر فيها يبه شي
يدخل المخ ؟؟؟؟ ابو راكان : شقصدك !
راكان من غير نفس :
ما ادري يبه بس عذر
مو مقنع !!! انا اقول يمكن
ابو راكان : يمكن ايش ؟؟ راكان نزل راسه :
يمكن احد بحياتها غير
فهد ؟؟؟؟
ابو راكان بغضب :
الا هالطاري يا راكان !!! بنتي وانا مربيها احسن
تربيه مستحيل تخون اهلها
وولد عمها !! راكان جلس : تعلمني
بشادن يبه بس انا اقول
يمكن لانها ما خلت لنا مجال
نبرر لفعايلها !!!

في سياره ابو هدى 🌷

يضرب ع الدركسون بغضب :
راح علينا كل شي
هدى ببكا : اُف يالقهر اف
ابو هدى : افلسنا من كل
شي .. هدى سكتت وبخبث :
لا ما افلستّ من كل شي
يا ابو هدى .. !! ابو هدى بخبث : ش براسك ؟؟؟ هدى تنهدت : بتعرف قريب
بس خليني افكر زين
بالموضوع !!! في بيت ام طارق 🌷

طارق بصدمة :
صاحيه بنت اخوك ذي !! وسن بقهر :
ولو تعرف ش سوت بنت
خالك الثانيه بعد !
طارق : شصاير بعد ؟؟ وسن حكت له موقف نجود
مع راكان
طارق بضحكة : مجنونه
هذي هههههههه بس
والله معروفها ما ينساه
راكان انقذت حياته .. ام طارق : انا شايله هم
فهد هالمسكين ما تهنى
بحياته بـفتره قصيره
توفى ابوه وطلعو له
ثلاث خوات وزوجته
تطلب الطلاق
وتنهدت بالم : يالله
انك تحفظه والله فهد
قلبه طيبّ يستاهل كل
خير
طارق : انشهد ابو محمد
عمره ما قصر بشي
بس شنقول قضاء وقدر .. في بيت ابو فهد
ع طاوله العشاء 🌷

الكل موجود بـ استثنا
فهد اعتذر ما يبي .. كان الجو متوتر جداً
كانت ميثا تحرك الملعقه
بالصحن وتفكر .. وابتهال تاكل مجامله
لا امها وتفكر بـ فهد .. ياسمين حاطه يدها
ع خدها وتفكر بـ الاحداث .. عند فهد 🌷
شفيك انت !! انزل
تعشاء مع خواتك واستغل
فتره تعاطفهم معك تتقرب
منهم عشان تحسن العلاقات .. تنهد وبدل ملابسه
ونزل .. فهد : مساء الخير
لا احلى خوات بالحياه .. ابتسمو لاشعورياً .. ام فهد : هلا يا مساء
النور
فهد : اوووه الاكل الي
احبه
ابتهال بحب : ايه انا
قلت لهم عشان تتعشى
معنا
فهد سحب الكرسي :
بعد قلبي .. وتنهد : ايوه
شخباركم انتو ؟
ميثا : تمام
ياسمين : بخير
فهد بحماس : شرايكم
نطلع بعد العشاء ؟؟؟ ياسمين بفرح : ججد
فهد : ايييوووه
ميثا : وناااسه ..

بغرفه شادن 🌷

كانت ندمااانه بس
بنفس الوقت عقلها يقول
هذا التصرف الصح .. !
خلي فهد يكرهك .. لو تزوجتو كلها كم
شهر وتنسين فهد و
ع اربع خمس سنوات
بتموتين وبيتعذب فهد .. !!! تنهدت كيف بـ احط عيني
بعين ابوي !!
شفيك شادن قوي قلبك
شوي كلها فتره وتنسين
كل شي حتى شعورك
بهاللحظه بتنسينه !!! بتنسين ابوك واذا عرفو
هم ذاك الوقت حتى لو
عاتبوني ما يهمني لاني
انا ما اعرفهم .. كانت تواسي نفسها
بهالكلام وهي بتموت بس
عشان تتطمن ع فهد !!! فكرت كثير كيف
اقدر اوصل له !!! جت في بالها فكره واتجهت
لـ الطباخة في المطبخ
شادن : لو سمحتي ام عمر
ممكن جوالك شوي ؟
بـ اكلم جوالي ما فيه
شحن ..
ام عمر استغراب : تفضلي .. شادن اخذت جوالها
وطلعت للحديقه واتصلت ع
رقم حافظته زييين !! كان
بهاللحظه فهد بالسياره .. استغرب بس قال يمكن
شي ضروري !! فهد : الو
شادن تمنت هاللحظه تطول
تمنت يتكلم كثييير .. مشتاقه لصوته مشتاقه
لحنانه مشتاقه له !!! فهد بصوت اعلى :
الوووو ، مييين معي ؟؟ قفلت شادن خافت لا
تبكي ويعرف صوتهااا
بهاللحظه دخل راكان
ناظر لها بنظرات غريبه
ومن غير اي كلمة !
اتجهه داخل
شادن اصبري يا شادن
بتنسين بتنسين .. لاتعذبينهم معك .. عند فهد وخواته 🌷

طلعو لـ مول ******* وكانو يتسوقو بـفرح مع
اخوهم الوحيد
فهد كان جداً حنون
بتعاملهم وكانه يبي
يعوضهم عن حنان الاب
الي فقدوووه .. ياسمين : الله يجنن
الفستان .. فهد بضحكة : بس !
تعالو تعالو ودخلو
المحل
ياسمين : ليش ؟
فهد : نشتري لك الفستان !
ياسمين بـ احراج : لالا
والله اصلاً انا
قاطعها فهد : كم مقاسك
بس !! ياسمين : بليييز فهد والله
انا مو محتاجته بس قلت كذا
الوان حلوه
فهد : مو لازم تلبسينه احتفظي
فيه
ياسمين شافت انه مُلزم
بزياده !! طلبت مقاسها واتجهت
لـغرفه القياسات .. البنات كانو يشوفو
باقي القطع .. وفهد حسّ انه غير
جو كثير وخف الضغط !! ياسمين كانت مبسوطه
كثير مو عشان الفستان !! عشان حركه فهد اللطيفه .. وكملو الشوبينق ما بين
ضحك وسواليف وتشاور
بالاراء .. كانت فتره قصيره
بس اثرت ع كل نفسياتهم
كلها بـ إيجابية .. 💕

صباح جديد 🌷

في بيت ابو فهد
تحديداً .. ام فهد بحُب : نمت
امس وباقي ما رجعتو
فهد باس راسها :
اعذرينا يالغاليه اخذتنا
السواليف وتاخرنا
ام فهد : مو مشكله يا
قلبي اهم شي انتو
مرتاحين
نجود كانت تتأمل الوضع
لمه العائله الي كانت تحلم
بها .. حنان الاخ الي كانت تبحث
عنه وتمنته ساعات .. !
زوجة ابوها الى الان مو
متقبلتها ولو انها ما غلطت
عليها بس لسى تتذكر كلام
امها .. بعد العصر 🌷
راكان جاي يزور فهد
وصادف نجود طالعه :
وكان بنيته يبي يشكرها
ع الي سوته بس قرر يسالها
عن مشوارها اذا مستعجله
او لا
راكان : وين ان شاء الله ؟
مع ان نبرت صوت كانت
طبيعيه وبـ ابتسامة
الا ان نجود ردت بشراسه :
نعععععمممم ؟؟؟ شنو خصك فيني انت
ولي امي
راكان انصدم من رده
فعلها : شفيك !
نجود : لا يكون
كذبنا الكذبه وصدقتها
وبسخريه : هههههه
بعد من طريقي بس
وكانت بتمر وشدها مع
يدها بقوه : شفيك
انتي صاحيه مجنونه
انتي شقصتك !!! نجود بصرخة :
مجنونه مو صاحيه انا
بعد عني بس ودفته
وطلعت
راكان تمالك نفسه لا
يضربها تنهد صبر يارب
صبر ايقنت انها فعلاً
مجنونه .. !!! الشرهّ ع الي جاي
بيشكرها ..

بالسياره 🌷

نجود بغضب :
اُف شهالعايله جاملت
ام فهد عشان فهد
وطلع لي ذا بعد .. !! السواق : وين
نجود : ع ذا العنوان
ومدت له الورقة .. وصلت العنوان 🌷

ونزلت بـ فرح لـصديقتها
ساكنه بالرياض .. في بيت ابو راكان 🌷

وصلت ابتهال لانها مو
مصدقه الي صار مستحيل
اترك هالموضوع فيه
سبب ثاني !! كان تحكي لي شكثر
تحبه !! ليش تغير كل شي
فجاءه !!! عند فهد 🌷
بعد تفكير طويل ..
قرر يروح لها ويطلقها
عشان يثبت لنفسه
انه فعلاً يقدر يعيش
من غيرها بـ سعاده !! اتجهه لـ بيتهم 🌷

بالصاله ابتهال تنتظر
شادن بهالوقت وصل
فهد وانصدم من وجود
اخته !
فهد : ش جايبك هنا ؟؟ ابتهال بتوتر : انا
فهد : لسى تزورينها !
ابتهال : فهد شادن بنت
عمي مهما صار
فهد تنهد وحاول يتمالك
اعصابه : طيب وينها
ابتهال : بتنزل هالحين .
بعد ثواني نزلت شادن .. لحظات صمت
طويييييله 💔

شادن بحجابها تحاول
تستجمع نفسها شوي !! شادن : حياكم الله
تفضلو
فهد : ما جينا نجلس
جاي بنفذ طلبك يا
بنت عمي !
ابتهال تستوعب :
ايش !!
فهد ببرود عكس مشاعر
قلبه : مو هي تبي الطلاق !
ابتهال بخوف قربت منه :
تكفى يا فهد لالا تكفى
اكييد شادن عنها سبب
اكيد عنها مبرر
شادن كل جزء بقلبها
يألمها بس تكابر .. !
ابتهال قربت من شادن :
تكفين شادن قولي السبب
الحقيقي انا ادري شكثر
تحبين فهد انا وبنهيار :
انا اذكر شكنتي تقولي
لي
شادن ما تبي كلام
يحنّ قلبها عليه
وبصرخة : كذب يا
ابتهال كذب !! ابتهال : شادن والله انا
متاكده الا ماشاء الله
اشوف الحب بعيونك
اسمع الحنان بصوتك
تكفييين شادن
فهد : لاتجبرينها يا
ابتهال قالت الي عنها !! شادن حستّ خلاص
بتبكي : طلقني
ابتهال بصرخة :
تكفى لا فهد اطلع اطلع
برا
شادن بلحظه غضب :
اذا انت رجال طلقني
هالحين
ضغطت ع اوتاره الحساسه
بتهينه للمره الثانيه قدام
اخته !!!!!! دخل ع اصواتهم راكان :
شصاااااير
ابتهال : لاتطلقها تكفى
شادن حستّ بتاثير
الكلمة وكررتها قدام اخوها " اذا انت رجالّ طلقني !!! راكان بغضب : رجال
وغصب عنك يـا ****
فهد ما تمالك نفسه ابداً : انتي طاااااااالق
وطلع علطول يكبت
دموعه واوجاع قلبه !!! ابتهال جلست بـ انهيار
اقرب شخصين لقبلها
يصير فيهم كذا !! شادن حستّ روحها
تطلع مع طلعه فهد .. راكان جلس ويحاول
يضبط اعصابه لا
يسوي شي يندم عليه !!!

فهد بنفسه لا تضعف
مو هي تبي الطلاق ؟
مو هي مشاعرها
كلها كذب اتجاهك ؟ !
خلاص الي عليك
سويتهّ والله يعوضك
بالحُب الصادق ولو ان
قلبي عايفّ الحب كله ... شادن .. لاتبكين !
بتنسين بتنسين كل شي
لاتعذيين فهد معك
ما يستاهل !

وصلت نجود بيت
صاحبتها 🌷
وكان لايقل فخامه عن
بيت ابوها
نزلت بخطواتها الواثقه
وكان بـ استقبالها
صديقتها " سهام "
نجود : وايد وحشتيني
وضمتها
سهام : مو قدي واخييراً
شرفتي
نجود : كان عندي شوية
ظروف عشان جذي .. سهام : حياك حياك .. وانصدمت من وجود
شاب بالصاله !!! الي تعرفه اهلها عايشين
برا مع اخوانها الصغار
في احد الدول الاروبيه !! شادن : هاي
الشاب : مراحب ياهلا
سهام الي تعرف تفكير
نجود وبنظرها انها
انسانه محافظه بزياده !!!! وان الشي الي تسويه
عادي !!!!!!!! سهام بكذب : خطيبي
وولد خالتي
نجود بفرح وصدمة : خطيبج
سهام : ايوه انا اسفه ما قلت
لك بس ملكتي عايله وكلش
صار بسرعه ..
نجود : اها الله يوفقج
حبيبتي
سهام : صاحبتي نجود
خطيبي عمر
نجود صافحته : تشرفت
عمر بخبث : الشرف لي .. سهام : عمر بليييز
بنجلس بروحنا
عمر قرب منها وضمها
بكل جراءه مع خصرها
قدام نجود : ما استغني عنك
نجود : احم يمكن جيت
بوقت مو مناسب
سهام : لالالا
عمر : اول واخر مره
اطلع هههههه وباسها
مع خدها : يلا سلام
وطلع
نجود مستغربه من الجراءه
ما لها فتره مملكة ع كلامها
وعنها بالبيت !! ولا يبي يفرقها
سهام : حياك حياك
جلست نجود بصفا
نيه وانها صاحبتها !!! ما تعرف مع اي نوعيات من
البشر جالسه !!!

بعد مرور يومين 🌷

الكل تحسنت نفسيته
بـ استثنا شخصين
فقط ... 💔! في بيت ابو فهد 🌷

رجع في الليل وحصل
خواته جالسين بالحديقه
يتابعو فيلم ومره متحمسين
تذكر حماسها مره
بالمزرعه دخل وهي تتابع
فيلم مع ابتهال
حاول يتنسى طاريها
وبصوت عالي : سلام
ما احد رد عليه !
من الانسجام تقدم
بضحكة ووقف قدام
الشاشه وكلهم بصرخة
وحده : فههد
فهد : قلت سلام وما احد
رد علي
من غير نفس : وعليكم
السلام بعد بس
ضحك ع حماس خواته
وقرر يشاركهم الفيلم ..! نجود كان جالسه معهم .
بس بالها مشغول بـ سهام !
لانها لما كانت بتطلع شافت
خطيب سهام مع بنت !
ما تعرف هل هي اخته !
او يخون صديقتها !!! محتاره ايش تسوي !
كانت تفكر بنيه طيبه
ما تدري اي مجتمع سيئ
دخلت فييه للاسف .. !
بنفس الحديقه 🌷

بالجزء الثاني كان
فيصل يلعب بحماس
ومرام تراقب تصرفاته
من بعيد قاطع عليها
انسجامها صوت نايف :
لايكون اثر فيك كلام
امه وتغيرت علاقتك فيه
مرام بتوتر : لالا مو جذي
بس انا
قاطعها : ما تتخيلين شكثر
يطلبني اجيبه عشانك
مرام : انا عشان جذي
ما ابيه يتعلق فيني
اكثر من امه وتزعل
مهما كان هذا طفل
وهي احق بالمحبه
نايف تنهد : فاضيه
هي له بس
مرام بـ استغراب :
شنو يشغلها عن
ضناه !
نايف تنهد :
والسفرات والطلعات
لـ مييين بس
مرام بحنين :
والله لو يرجع مؤيد
لا اترك كل الدنيا
واقابله !
نايف سو روحه ما
يعرف شي : مؤيد
مرام ما تبي تفتح جروح
قديمه : ولدي توفى .. نايف : لا حول ولا قوه
الا بالله ، عظم الله اجرك
مرام : اجرنا واجرك .. نايف : بعمر فيصل ؟
مرام بحزن : لو كان
عايش بعمره ..
نايف بمواساه :
عصفور من عصافير
الجنه باذن الله .. مرام : امين يارب
نايف : العمر قدامك
طويل الله يرزقك
بالذريه الصالحة .. مرام نزلت دمعتها
بألم : ما افكر لا بزواج
ولا بـ اطفال جربت
حظي مره وشفت الي
كفاني .. نايف : شهالكلام يا مرام !
لاتفقدين الامل بالله
سحبانه يرزق من يشاء
ما نعرف ايش مخبي لنا
بكرا .. كل يوم يجي رزقه معه .
والله اذا كاتب لك
الضنا باذن الله بتتزوجين
وتجيبي عيال توك صغيره
والعمر قدامك ان شاء الله
طويل
لاتأثرين ع مستقبلك
عشان ماضيك
والله بتندمين !

انتهى....