ابسألك ليه انت بالذات تعنيني؟!!
من بدت الخلق ابعرف ليه انت بالذات!!
لك نظره عيت تفارق سنيني
لازلت ادور لها تفاسير بـ ابيات
إليا فقدتك صاحت تناديك عيني
وإليا لمحتك صدت العين بسكات
ولا مر زولك اتوه وتبتدي فيني
حالة تجاهل لك وانا اموت حسرات
وإليا التقينا وصارت عينك بعيني
دنقت ماودي تفضح العين نظرات
لأني ماني مثل غيري ابيح كنيني
صمتي غدى طبع له سنين ما مات
ماقد شكيت المشاعر وقلت وش فيني
دايم عيوني تخفي اللي لها فات
بس انت قلي وشهو بينك وبيني!!
وش كبرك عندي واصبحوا غيرك شتات!؟؟
ليه انت بالذات تعنيني وتعنيني!!
ليه ابتسم لك ولو الخواطر كثيرات
تبي الصراحه ايه آحبك وانتبه فيني
لاتخدعك صدة عيوني ولامبالاه
تقرى تفاصيل الغلا واضحه فيني)
واصدق مشاعر شالها القلب بسكات
لأني كذا دايم تناديك عيني
واليا لمحتك صدت العين بسكات
وابسألك تدري ليه انت بالذات تعنيني؟؟
لأني عرفت معنى الهوى معك انت بالذات
|
|
|
|