مجموع الأوسمة: 13

رواية في طريقي ألم وزهور
الفصل الثالث

منير:نورتي بيتك ياامل.
امل بخجل:النور نورك.
منير يمسح على شعره:ايش رأيك اعرف اسوي مفاجأت؟.
امل تضرب كتفه:بس خلاص لاتذكرني.
منير يضحك



سافر منير وامل رحلة شهر العسل راحو لندن وستانسو وانبسطو مررره.
امل تحب الاطفال موت وعندها حس امومه جبار دائمآ تدعي إن الله يرزقها كل اطفالها توائم.
ومنير يضحك عليها:كل شي من الله حلو.
لمايرجع منير من شهر العسل بيستلم العمل مع ابوه.



لمـ௸ـ✯ـï´؟Nï´¾ـسـஹـات



بعد تخرج سليم
اشتغل سليم في شركة نبيل صديق عادل المقرب.
.سليم:كل الملفات جاهزه ياعمي. نبيل:تسلم ياابني من يوم مامسكت الشغل والعمل في تقدم لاتنسى اليوم ملكة ابني مراد تعال انت والوالد واخوانك.
سليم:ان شاءالله الف مبروك.
نبيل:الله يبارك فيك.



لمـ௸ـ✯ـï´؟Nï´¾ـسـஹـات



عادل:يوسف مثل كل مره تأخرنا.
سليم:يوسفو هذي ملكة مراد موملكتك.
حنان: خفو على ولدي شوي.



يطلع يوسف وهو متكششسخ وبكل بروده:هاي سليم.
سليم يفتح عيونه عالاخر:والله انك مجنون.
عادل:خلصت نص علبة العطر.
يوسف:الله عليك ياابو منير طبعآ مايغلى عليه هذا اولآ وثانيآ مو ممكن ابو العروسه يصر يزوجني بنته الثانيه.
عادل:وملقوف كمان تحررررك.
يوسف بتفاخر:مافي احد في هالبيت يقدر قيمتي بس انا اعرفها.
سليم يقرب من يوسف:على فكره العروسه اخر العنقود.
يوسف يناظره بحقد من طرف عينه:اصلن مو من مستوايه بعدين البنات قاتلين حالهم عليه لاتخاف مستقبلي مضمون.
سليم بابتسامه:عاشوووو يوسف باشا تفضل تفضل.



لمـ௸ـ✯ـï´؟Nï´¾ـسـஹـات



في ديوان ابو مراد
الكل محتفل ومبسوط.
سليم يكلم مراد:الف مبروك زواجة الدهر.
مراد:العقبالك.



في صالة بيت ابو مراد
كانت الام وبنتها عبير مع النساء في المجلس يدخل علي اصغر اولاد نبيل .علي ينادي عبير:عبير تعالي.



(عليظ§سنوات مشاكس جدددددآ ومقالبه اكبر من عمره ابيض البشره شعره بني كثيف نازل على وجهه)



(عبيرظ،ظ©سنه بنت لطيفه وهادئه بس غيوره مررررره لدرجة إن غيرتها تتحول شك .بيضاء طويله شعرها بني طويل )



طلعت له عبير كانت لابسه فستان سماوي قصير لتحت الركب واسع من الاسفل وضيق من الاعلى موديل (فرنسي) اكتافها ظاهرين وشعرها مفتوح:وش تريد.
علي:بمناسبة ملكة اخوي جبت لك مفاجأه.
عبيرتلعب بشعره وتبوسه:ياحبيبي ياعلاوي مافي احد رومنسي بهالبيت غيرك.
علي يسحب عبير لعند باب الشقه وعبير متحمسه .
علاوي راح يجيب الهديه:انتظري.






لمـ௸ـ✯ـï´؟Nï´¾ـسـஹـات

في مجلس الرجال
عادل:وش رأيك يانبيل نريد نزوج هذا الولد.
نبيل:والنعم سليم مافي منه ان شاءالله ربي يرزقه بالبنت الي تستاهله.
سليم مررره خجول.
يوسف يهمس لسليم:كأنو عندهم حول؟! موشايفين الاكشخ؟.
سليم:والله انك تافه خلص دراستك اول.

بعد عشر دقائق
سليم:وين الحمام.
مراد:اول ماتطلع على يدك اليسار في بابين الباب البني.
سليم:اوكي.

عبير تخبط بكعبها عالارض:هذا راح يخترع الهديه ولاكيف؟.
علي من وراها بصوت مرتفع:عبيييير.
عبير:بسم الله خرعتني.
علي: تأخرت عليك اسف.
عبير تبتسم :مومشكله.
علي يبتسم لعبير ويعطي علبه متوسطه الحجم:افتحيها.
عبير بفرح:وااااو ايش فيها؟.
علي عيونه تلمع برائه و...:افتحيها.

لمـ௸ـ✯ـï´؟Nï´¾ـسـஹـات

طلع سليم يناظر باب احمر:باب احمر؟ لالا قال بني.
في نفس اللحظه عبير تفتح الهديه وتصرخ بكل صوتها وتلصق في الباب وهيه تحرك رجولها بقوه.
وعلي مييييت من الضحك.
عبير:ياحيوان فار ياغبي انا اوريك.
الفار يدخل بين رجول عبير.
وعبير من غير وعي فتحت الباب وطلعت تجري والفار وراها.
وسليم يده على مقبض الحمام مصدوم ويناظر عبير.
عبير من غير وعي تتخبا ورا سليم تشده من قميصه وتبكي.
سليم موعارف ايش يقول والفار هرب يجري.
سليم:ااا..ايي.ايش فيك.
عبير من غير تركيز :هذا علاوي الحيوان.
ترجع لوعيها وتنتبه تناظر سليم وتدفعه لقدام وتسحب نفس عميييق:مين انت.
وتجري للشقه.....تسكر باب الشقه وتنسند عليه وماسكه على فمها:مو معقول ياويلي مين هذا؟سليم!؟.
وسليم مصدوووووم بيدخل الحمام رجع للديوان مثل الاهبل.

في الديوان
يوسف يهمس لسليم:شفيك موطبيعي.
سليم:ها.. مافي شي.

رجعو للبيت وسليم في هدوووووء تام غير العاده.
عادل ملاحظ على ابنه التغيير.

لمـ௸ـ✯ـï´؟Nï´¾ـسـஹـات

بعد يومين
عادل:سليم في وحده في بالك نخطبهالك.
سليم:ها...مممم......
يوسف:ابو منير.
سليم يحرك راسه بالرفض ليوسف وجهه صار احححمر.
يوسف: مو كأن عبير مناسبه له يابابا.
عادل:عبير هااااا ..
عادل يوقف قدام سليم يعطيه شي ليده.
سليم فاتح عيونه:ايش هذا؟!.
عادل:انا اسألك انتظرك انت الي تفسرلي.
سليم:والله ماادري.
عادل:هذا كان في قميصك يوم رجعت من الحمام في ملكة مراد اخذتها من قميصك من غير مااحد ينتبه حتى انت ماانتبهت.
سليم ينزل رأسه للارض وكلم ابوه بالي صار......
عادل ينفجر من الضحك:هههههههههههههه طيب انت موغلطان ليش ساكت.
سليم يحك رأسه ويناظر يوسف.
يوسف:هوه حكالي بس انتو كنتو مشغولين.
عادل يوقف يربع يده ويناظر يوسف:احمد الله ياسليم عندك مصلح اجتماعي.
سليم ساااااكت.....
يوسف:المهم عبير نعرفها من زمان وكنا نلعب سوا وهيه طيوبه وابوها صديقك يعني خير البر عاجله.
عادل:مو كأني احكي مع سليم؟ ياابني انا اخطب لسليم مو ليوسف.
يوسف وقف لعند سليم:لااااا انت كذا زودتها اتكلم يااخي انا رايح.
وطلع......
سليم:ممم الي تشوفه.
عادل:لما ترجع امك نشوف رأيها.
سليم:اااا انا عندي عمل عن اذنك.
عادل:خبي الاقراط ياسليم بتصير ذكرى في المستقبل.






لمـ௸ـ✯ـï´؟Nï´¾ـسـஹـات

سليم دخل للغرفه وهوه يضحك...
اول مادخل رماه يوسف بالمخده على وجهه:مو مصدق نفسك صح هذا كله بفضلي ياسليم باشا مو عشانك عشان اضل في الغرفه لوحدي من غير ازعاج.
سليم يرفع المخده ويرميها على يوسف:مهمتك انتهت الحين اسوي فيك الي اريده...

عادل كلم حنان ماكان عندها أي مشكله في هذا الارتباط....

بعد سنه من زواج سليم رزقه الله بطفله سموها
(منار.تتذكرو هذا الاسم من كان بيسميه؟.منار طفله جميله جدآ فيها مواصفات من ابوها وامها إلا انها كانت تعاني من مشكله في القلب)

لمـ௸ـ✯ـï´؟Nï´¾ـسـஹـات

مرت الايام ومنار تكبر وكل العائله تحبها.....

منير لم يرزق بأي طفل امل كانت تحمل وتسقط وفي كل مره تفرح وترجع تحبط منير يهدئها ويحاول يرفع معنوياتها رغم انه متضايق بس يحبو بعض كثييير.

امل تحب منار مره وتحب تروح بيت عبير دائمآ.

يوسف سنه ثانيه جامعه مشاكس مثل عادته يسوي مقالب هوه ومصطفى ومايرحمو احد:مصطفى شرأيك نطلع رحله (رأس برأس يعني لوحدهم).
مصطفى:وين ياابو الشباب.
.يوسف:يااخي أي مكان بالسياره..
مصطفى:المحميه مثلآ؟. .
يوسف:محميه منتزه شاليهات أي مكان ياخي..
مصطفى:اوكييي خلينا ابرمج الوالد بعدين نروح.

مصطفى الابن الوحيد بين بنتين والاب معتمد عليه في كل شي.

اقنع مصطفى ابوه وراحو رحلتهم.

لمـ௸ـ✯ـï´؟Nï´¾ـسـஹـات

في السياره.
مصطفى يسوق .
يوسف :وقف وقف وقف.
فتح السياره وهي تمشي لسه ماوقفت تمامآ قفز منها ونزل
:انزل يامصطفى نجلس هنا.
مصطفى:انت مجنون في الشارع؟.
يوسف:الحلو في الرحله لمااحنا نبتكر الاشياء فيها.
مصطفى:الله يستر وراك وراك.
صف السياره ونزل .

الجو كان حار كانو لابسين ملابس صيفيه وطاقيات
الاستاذ يوسف المحترم صف السياره ونزل يمشي والمنطقه غابات وضيعو الطريق.......

لمـ௸ـ✯ـï´؟Nï´¾ـسـஹـات

مصطفى:الله ياخذك يايوسف وياخذ الاهبل الي يمشي وراك
يوسف:وين ياخذنا للبيت ولا السياره.
مصطفى عصب منه وصار يضربه ويوسف يضرب مصطفى وكل واحد يفش خلقه في الثاني لما تعبو وجلسو .
مصطفى:عطشان.
يوسف يطلع له من الحقيبه ماء:اشرب بالعافيه.
مصطفى يشرب بعد ماخلص يرمي العلبه على يوسف:وين نروح الحين.ويييين.
يوسف بكل برود:مادري.
مصطفى ياخذ الجوال يحاول يتصل لأي احد يساعدهم.
يوسف يسحب الجوال منه:ياغبي بيضحكو علينا ايش بتقول لهم ضعنا؟.
قاطعهم صوت الكلاب والذئاب في الغابه .
يوسف قفز من مكانه:تخخ...خ.خخوفني استحي على نفسك.
مصطفى:لاياحبيبي كلاب والله.
الدنيا ظلاااام مافي إلا جوالاتهم مضويين فيها مصطفى ماسمع ليوسف ورجع يتصل بس مافي تغطيه.
مصطفى:يااااارب احفظنا واستر علينا واهدي صاحبي يارب.
.يوسف:امين قصده اهدي مصطفى.
مصطفى:في هذي جبتها يهديني عشان مااسمع كلامك ياخي مادري انت كيف تسحرني واجري وراك مثل الغبي.
يوسف يمسك على بطنه:ااااخ يامصطفى لكمتك تووووجع.






لمـ௸ـ✯ـï´؟Nï´¾ـسـஹـات

راحو يمشو مو عارفين فين يروحو نام يوسف ومصطفى جنب بعض والله يستر عليهم من الكلاب.

الفجر ورقة شجر تتحرك على انف مصطفى.
مصطفى يكره الي يمسك انفه.

صحى واعطى ليوسف كف من غير مايشعر
يوسف مثل المجنون:ايش فيك الله.... ايش صار.
مصطفى:مادري حسبتك لمست انفي او تحاول تضايقني.
قاطع مشاجرتهم ضحك ناظرو امامهم بنت و ولد صغار
يضحكو عليهم.

في المدينه عائلة يوسف تتصل على يوسف مافي تغطيه ومافي فايده .
والد مصطفى بيتجنن: وين وراحو....

لمـ௸ـ✯ـï´؟Nï´¾ـسـஹـات

في الغابه .مصطفى:مين انتو؟.
الولد:انتو الي مين.
يوسف يكلم الولد بصوت مرتفع:ماعليك منه تعرف تطلعنا للشارع الرئيسي؟.
الولد خاف من يوسف.
يوسف:يلا بسرعه تكلم.
مصطفى يقرص يوسف:موكذا التعامل مع الاطفال.
يوسف بنظرة استهزاء:علمنا يافهيم.
مصطفى:ايش اسمك ياشاطر.
والولد يتراجع:مااحكي مااعرفكم.
مصطفى:طيب اسمع وين ابوك او أي احد كبير تعرفه.
الولد:مااحكي.
يوسف باستهزاء يطلع الجوال ويلعب قصده يعصب مصطفى ومصطفى يحاول مع الولد وبدء يعصب والولد كل اجوبته مااحكي قاطع انسجام يوسف صوت البنت
البنت:وااااو العاب.
انتبه لهايوسف:ايه العاب.
البنت وهي منسجمه يسألها يوسف:من وين الشارع الرئيسي.
.البنت:على طول وبعدين جنب الشجره الكبيره ندخل يمين..
يوسف:تحبي تلعبي؟..
البنت طارت من الفرح:ايه..
يوسف:شرأيك تدليني واعطيك الجوال..
البنت فرحت:والله..
ومصطفى يكلم الولد بعصبيه:بتدلني وغصبآ عنك تفهم..
يوسف يحمل حقيبته وهو ماسك يد البنت ويرمي لمصطفى حقيبته:تحرك ياابو تعامل.....

لمـ௸ـ✯ـï´؟Nï´¾ـسـஹـات

طلعتهم البنت لما الشارع الرئيسي وفعلآ شافو السياره قريبه منهم..
يوسف طلع الشريحه والذاكره واعطا للبنت الجهار والبنت مبسوووووطه ورجو للسياره.
.مصطفى :حتى الصغيره ماسلمت من مقالبك معطيها الجهاز والذاكره معك يامجرم..
يوسف:هذا لو عرفت تشغل الجهاز بتلاقي كم لعبه اصلآ فاضي شحن..
مصطفى:اخ منك اخ....

لمـ௸ـ✯ـï´؟Nï´¾ـسـஹـات

رجعو للبيت وتعاقبو عقاب عسير.
عادل سحب السياره من يوسف وضل في البيت اسبوع كامل يطلع للجامعه وبس ..
ومصطفى منعه ابوه من الطلعات خارج المدينه لمدة سنه...

داخلين على السنه الرابعه وامل تتمنى طفل..
امل:تعرف يامنير إذا استمر الوضع كذا لازم نروح للدكتوره.
منير:ياحبيبتي كل شي طيب من الله واحنا قد رحنا لاكتر من ظ¥ اطباء ايش باقي.
امل:خلاص انت لازم تتزوج.
منير يخبط على الطاوله:تعرفي انك فاضيه انامشغول.
وطلع وراح للمكتب....

لمـ௸ـ✯ـï´؟Nï´¾ـسـஹـات

وامل مقهوووره من وضعها وتصرف منير:ليش مو راضي يفهمني ويفهم ايش اقصد والله ياربي انا نفسي في طفل حتى وإن كان من وحده غيري اهم شي ابن منير.
وهي تبكي بحرررقه:والله ودي اضمه والعب معاه






لمـ௸ـ✯ـï´؟Nï´¾ـسـஹـات

في بيت عادل
الكل متجمع وجالسين يلعبو مع منار
وامل جالسه وحدها متضايقه مررره

بعد دقائق
.يوسف:اخ يامنار لماتيجي تخلي البيت جنه بضحكك وفرحك بس لماترجعي بيتكم ارتاح من ازعاجك شرأيك ياامل قلة الاطفال احسن صح؟.
وهو مايقصد.
امل حست كلامه جارح وكأنه قاصدها .
حنان غيرت الجو:ليش؟بالعكس الاطفال خير في البيت وامل قريب وتجيب اطفال يملو البيت ويخربولك غرفتك واتحداك تتكلم معاهم اوتهاوشهم.
حس يوسف انه جرح امل وجلس يحكي نكت.
منير اخذ منار من الارض وحطها في حضن امل وغمز لسليم:بناخذها اليوم شرأيك ياعبير؟.
عبير:لاوالله اتعب وانتو تاخذو عالجاهز.
منير:يا هناها بنتك اذا الي اهتمت فيها امولتي.
امل تبتسم غصب عنها اخذت منار وحطتها في حضن امها
بصوت خافت:لاتخافي ماف احد بياخذ بنتك من حضنك.
حس منير انها تضايقت اكثر وحس انها مخنوقه وبتنفجر باس رأس امه وابوه:استأذن عندي عمل.
طلع من البيت هو وامل

لمـ௸ـ✯ـï´؟Nï´¾ـسـஹـات

جلسو يتمشو ع البحر وهي ولانطقت كلمه يكلمها ويحاول يغير جوها وهي بس ساكته.

وصلو للبيت دخلت امل غرفتها ومنير جلس ع الكنبه وحاطط يده على رأسه يكلم نفسه:ياربي وانا ايش اسوي مافي شي بيدي.
هو يخبط بيده على فخده:يارب دلني على الحل.

امل جالسه على السرير بعد ماشبعت بكاء مسحت دموعها وغسلت وجهها وطلعت ..
امل:منور ايش رأيك نروح نزور اهلي اذا مومشغول..
منير رفع راسه ويطالعها ويشوفها انها بكيانه وقف وراح لعندها وحط يده على كتفها:كم امل عندي يصير إن شاءالله بعد اسبوعين نسافر.
وباسها على جبينها .

لمـ௸ـ✯ـï´؟Nï´¾ـسـஹـات

في الصباح
منير يصحى من النوم.
امل:يلا يامنير سويتلك الاكل الي تحبه.
منير وجهه متورم:صباحك ياحلوه.

غسل وجهه وجهز نفسه وجلس يفطر
كانت تقدم له الاكل وتحس جسمها كله يعورها بتعطيه الخبز طاح من يدها .
منير مسك يدها :امل ايش فيك؟.
حسها مسخنه مرررررره .
منير:تعبانه يلا امشي اوديك المستشفى.
امل:لامافيني شي ارهاق بس وبرد بكون بخير.
منير:متأكده؟.
امل:ايه روح الله معك.
وطلع على عمله.....

في الشارع.
سليم:ياربي ايش هذي الزحمه الساعهظ¢وانا لسه ماوصلت البيت.
صف سيارته ونزل يشتري خضار وفواكه لمح بنظره عجوز عند باب البقاله دخل واخذ اغراضه طلع ورجع البيت...

في البيت
وسليم داخل للبيت
عبير:سليم ماجبت حليب.
سليم:اوووه اوكي الان بروح.
نزل اخذ حليب يدور محفظته بيحاسب مالقاها جلس يدور.
سليم:وين المحفظه هويتي وكل اشيائي المهمه فيها انا مادخلت البيت .
دور في السياره مالقاها
.سليم:يمكن في محل الخضار الوقت متأخر بس المحفظه مهمه.
راح للمحل لقاه ابوابه الخارجيه مغلقه إلا باب واحد اقترب تفاجأ بالي سمعه.
....ظ،:اسمعي موكل يوم بيكون في خضروات فائضه او قريبة التلف
...ظ¢:الله ماينسى احد والله يجزيك الخير .
واخذت الكيس وطلعت وهي ماشيه دقت في سليم وتابعت طريقها .
سليم يدخل المحل ووهو مو مستوعب صاحب المحل عرف سليم .
صاحب المحل:ضيعت شي؟.
سليم وهو مو مستوعب:محفظه.
صاحب المحل:تفضل تأكد من اغراضك.






لمـ௸ـ✯ـï´؟Nï´¾ـسـஹـات

وطلع سيارته حزيين ع العجوز.
سليم:من فتره اشوفها واقفه جنب المحل لما ساعه متأخره في الليل كله عشان خضروات قريبة التلف؟ومع هذا متفائله وتبتسم وفرحانه وكأنها اخذت افخم مايكون من الخضار في ناس كذا.
حس بخنقه

رجع البيت
من غير مايشتري حليب لبنته.
سليم:عبير تعبان بنام.
عبير:وين الحليب؟.
ودخل ينام....

في اليوم الثاني في الصباح
منير:امل هذا ثاني يوم والسخونه ماخفت.
امل:منير قلتلك عادي مافي شي اعرف نفسي.
وهي عيونها تدمع من كثر السخونه:الان بسويلك الفطور.
قامت من على السرير حست بدوخه وطاحت.
منير يصرخ:امل امل لااااا هذا ماينسكت عليه.
امل:مافي شي لاتخاف.
منير:الان بنروح يعني بنروح...

لمـ௸ـ✯ـï´؟Nï´¾ـسـஹـات

في المستشفى .
الدكتوره:ليش تأخرت فيها عندها التهابات حاده والالتهابات هذي اذا ماتعالجت بتأثر على صحتها وعلى الحمل.
منير:حمل!انتي متأكده.
الدكتوره:اكيد متأكده انا بحولها عند دكتورة النساء تتابع وضعها.
منيرماهي سايعاه الارض من الفرح:دكتوره امل حامل؟.

الدكتوره بعد مافحصت امل:ايه حامل في ظ£شهور.
منير يحس بخنقه وده يبكي من الفرح:معقول ياربي امل حامل كيف صحتها الان.
الدكتوره:وضعها مستقر بس لازم تداوم عالادويه ماترهق نفسها.....

لمـ௸ـ✯ـï´؟Nï´¾ـسـஹـات

في الممر منير يمسك امل ويمشي معها ويحكيلها:على مهلك.
امل مستغربه عليه:منير والله مافيني شي.
منير:بس انا عارف انو فيك شي...

في السياره
.منير:ايش جاي عبالك من غذاء.
.امل تبتسم:انا بسوي في البيت.
منير:لا ممنوع لك الطبخ انا الي بجيب او انا الي بطبخ.
امل:هههههه حسستني إني قرفانه الاكل ولاح....
منير:كملي يلا كملي ولا ايش.
وامل مستغربه تكلم نفسها:ايش فيه منير!.

وصلو البيت
دخلت امل لغرفتها دقائق ومنير يناديها:ايمي تعالي يلا بسرعه تعالي.
موقادر يتحمل بيكلمها بالخبر السار بس بطريقه مميزه.
خرجت امل شافت منير مجهز عشاء رومنسي:ياعيني عالرومنسيه.
جلسو وتعشو.
عطاها كأس عصير كبييير.
امل:خلاص مااقدر اتحمل.
منير:امر عسكري هذا الكأس وبس يلا حياتي.
امل شربت العصير وهي تقول: ياربي اشعر بتخمه.
منير سند امل ومشاها للغرفه.

لمـ௸ـ✯ـï´؟Nï´¾ـسـஹـات

في الغرفه جلست على السرير وجنبها فحوصات طالعت الفحوصات ومنير جالس جنبها بس عامل نفسه مو منتبه عليها.
امل:منير ايش هذا.
منير بابتسامه:ايش.
امل بارتباك:هذي فحوصات مين. منير:ايش رأيك احنا كنا نفحص مين.
امل:اا..ا..انا.انا...اناحامل؟ لالالالالا مو...مومصدقه انا؟.
منير:الف مبروك ياروحي علينا.
امل وهي تبكي:الله يبارك فيك الحمدلله.
منير:انتي حامل وفي الشهر الثالث ياروحي.
امل وهي مبسوطه تحضن منير. منير:تعالي على مهلك نكلم اهلنا.

لمـ௸ـ✯ـï´؟Nï´¾ـسـஹـات

اتصلت امل لامها في اليمن وخبرتها بالخبر السار.

اتصل منير ع البيت.
حنان:الو وينك يامنير اتصل من الصباح ماترد.
منير:امل تعبانه اناوهي في المستشفى من الصباح .
حنان بخوف:ايش صار سلامات.
عادل عدل جلسته سليم ويوسف وعبير:خير ايش في ايش صاير.
حنان تبكي:الحمدلله الحمدلله على كل حال وهي كيفها الان.
منير:تمام الحمدلله.
حنان:خلاص دير بالك عليها مع السلامه.
الكل بخوف:خير ايش في ايش صار .
حنان وهي تمسح دموعها وموقادره تتكلم:امل امل.
عادل بارتباك وخوف:ايش فيها بنت اخي؟.
حنان:ح...حاا..حامل.
عادل:الحمدلله إن الله جبر بخاطرها .
سليم:اكيييد منير طاير من الفرح.
عبير:الله يتمم حملها ع خير.
يوسف:يعني غرفتي بتتخرب.
الكل:يووووسف.
يوسف:والله امزح وربي فرحت من قلبي.
سليم:بهذي المناسبه اعزمكم كلكم في بيتي بكره.
عبير:بس سليم بكره عندنا ضيوف.
سليم:عادي مو مشكله الخير موجود.
عبير:لاتزعلو ياجماعه مني اكيد تنوروني...

لمـ௸ـ✯ـï´؟Nï´¾ـسـஹـات

في اليوم الثاني
سليم راح يشتري اكبر كميه من الخضار والفاكهه طبخو وجهزو والكل مستانس في بيت سليم.

عادل:سليم اناعندي عمل ويوسف عنده اختبار بنروح وانت جيب امك ع البيت استأذن.
سليم:ان شاءالله.

جلسو مع بعض وباركو لامل
وامل فرحانه مررره .

في المساء سليم يوصل امه
سليم:الله معك ياامي تحتاجي شي سلمي عالوالد ويوسف.
حنان:تسلم الله معك.

سليم لما يرجع يمر من جنب محل الخضره لأنه جنب بيتهم ويشوف نفس العجوز يستوقفه المشهد.

البائع:مافي شي كل شي انباع.
العجوز:بس انا عندي اطفال شوف أي شي لوسمحت الله يرضى عليك.
البائع:ياامي انا مش فاضي.
وسكر المحل وراح
والعجوز واقفه تمسح دموعها وتمشي منكسرة الخاطر وسليم يلحقها بالسياره

لمـ௸ـ✯ـï´؟Nï´¾ـسـஹـات

وصل مكان بعيد دخلت العجوز لبيت قديم غير صالح للسكن دخلت ورجعت طلعت وهي مخنوقه جلست عالباب تبكي.
العجوز:ياربي ايش اقول لاولادي.
.وسليم يسمعها.
العجوز:من الصباح مااكلو شي.واطرافها ترتجف من التعب والجوع.
العجوز:ياااارب ساعدني يارب.

نزل سليم من السياره
وراح بيدق على العجوز ويعطيها مبلغ من المال في اخر لحظه وقف وهوه يسمع
....:ياماما ياماما ليش انتي كذا بارده شوفي اليوم انا حكيت لصاحبي انو احنا جوعانين جابلي هذا شوفي.
كان في يد الولد بقايا خبز.
العجوز:ليش ياانس ليييش ليش تطلب من الناس انازعلانه منك انت مو متسول روح انا زعلانه لاتكلمني.
انس وهوه يبكي:والله كنت جوعان انا واحمد وانتي تأخرتي حتى مريم مااكلت كلنا ننتظرك يلا ياماما كلي.
العجوز:روح لاتكلمني لماتاخذ من الناس كل لوحدك.
انس يحضنها ويبوس يدها:والله توبه مابسويها اخر مره.
والعجووز تبلع ريقها.
العجوز:ادري مابتسويها كل انت واخوتك ونامو انااكلت.

رجع سليم للسياره وحركها ورجع للبيت.
عبير:وين كنت ليش كل هذا التأخير.
وسليم متضايق ومخنوق
.عبير:لك ساعه بعد ماوصلت امي وين رحت.
سليم:ها. ااا. ولامكان.
عبير:ولامكان.
سليم:تصبحي ع خير بنام.
.عبيرتكلم نفسها:سليم موطبيعي صارله فتره مو عاجبني يتأخر في الليل ولمااسأله مايرد مايكوون....

.
***
**
*