مجموع الأوسمة: 13

رواية في طريقي ألم وزهور
الفصل الثاني عشر

اسيل:وينك هنادي ياشريره..
هنادي:ماجيت الجامعه.
اسيل:وبعدين معك والمشروع الي بدنا نساويه.
هنادي:اسمعي بكره في الجامعه نتفاهم.
اسيل:اوكي بااي.



لمـ௸ـ✯ـï´؟Nï´¾ـسـஹـات



سحر تحسنت صحتها وكتب لها الدكتور خروج واهلها مبسوطين لأنهم اخيرآ حيرجعو يلتمو في البيت من جديد.



لمـ௸ـ✯ـï´؟Nï´¾ـسـஹـات



امل بخوف:ايش عرفك انا ماحكيتلك اسمها.
اميره تقرب من الطفله:والله ملاك انا متأكده هذي ملاك.
امل تبلع ريقها:انتي ايش فيك.
اميره بانفعال:ايش جابها عندك.
امل بصوت مرتفع:كيف ايش جابها عندي هذي بنتي.
اميره:لا هذي بنتي انا.



لمـ௸ـ✯ـï´؟Nï´¾ـسـஹـات



امل:انتي ايش تحكي.
اميره انفجرت تبكي:انا انا انا....انا انا الي ضيعتها.
امل:ضيعتيها! انتي تمزحي صح.
اميره:والله بنتي والله
انتي تعرفي انو انا عندي السرطان وتعافيت منه وتزوجت بعدها وبعد ماتزوجت بفتره صارت مشاكل بيني وبين زوجي وانفصلنا كنت حامل وزوجي مايدري تركني وسافر ومادريت وينه دورته كثير مالقيته ويوم ولادتي حكالي الدكتور انو سرطان الدم رجع يتنشط من جديد وبعدها بساعتين ولدت وجبت ملاك وانا منهاره نفسيآ ومعنويآ وجسديآ مادريت كيف اتصرف وين اودي بنتي الدكتور حكالي انو مرضي خطير ويمكن مااتعافا زادت مصيبتي وهمي تدري انو مالي احد وعمتي الي ربتني ماتت.



لمـ௸ـ✯ـï´؟Nï´¾ـسـஹـات



تتكلم وهيه تبكي بحررررقه.
وامل تسمعها وهيه حاضنه ملاك وتناظرها بنظرة شك ومو مصدقه أي كلمه.



لمـ௸ـ✯ـï´؟Nï´¾ـسـஹـات



اميره:يمكن ماتصدقي الي حكيته لك والي لسه بحكيه كمان.....طلعت من غرفة الولاده في اليوم الثالث وانا حالتي مايعلم بها إلا الله اخذت بنتي وطلعت وانا اناظرها وابكي وموعارفه وين اوديها وين اودي نفسي طلعت عالحديقه وحطيتها على كرسي وجلست جنبها اناظرها وفجأه وقفت مشيت بسرعه وخليتها جلست جنب باب المستشفى ابكي واقول يارب احد ياخذ بنتي ويهتم فيها ويعاملها مثل بنته وتلاقي ام احن مني عليها يارب انت تدري بحالتي ياربي هذا السرطان ياكل جسمي مابقدر اوفر لها حتى ابسط حقوقها وانا مالي احد جلست ساااعه ورجعت مالقيت البنت انهرت وبكيت اكثر وندمت لأني خليتها كنت اصرخ بنتي بنتي بنتي دخت وطحت عالارض جلست في المستشفى حالتي في الويل افيق ويرجع يغمى عليه والدكتور يقوللي ماينفع بهالطريقه ما حتتعافي وانا فاقده الامل ويائسه من الحياه حكيتله ماريد اتعافا ياريت اموت وارتاح وانا اصحى كل يوم ادور بنتي واضم ثيابها واشم ريحتها فيها انا الي ضيعتك ياملاك وفي يوم صحيت وبنتي على صدري ماصدقت حالي ضنيت أني احلم ضميتها لصدري حضنتها وبستها.






لمـ௸ـ✯ـï´؟Nï´¾ـسـஹـات

اميره تحكي لامل وهيه تبتسم رغم أنو وجهها كله مغرق بالدموع:
نمت وهيه بين احضاني ولما صحيت مالقيتها اختفت من جديد فزيت سألت الممرضه وين الطفله الي كانت هنه حكتلي جا شخص واخذها مادري ضنيته ابوها عرفت يومها أنو الي اخذ بنتي يعرف أني انا امها رجعلي الامل من جديد واعطاني دافع للحياة وتعالجت وتحسنت والدكتور يحكي انو صحتي في تحسن مستمر تزوجت من اسبوعين لنفس الدكتور الي كان يعالجني حكيتله بكل قصتي والحين انا وهوه مقدمين طلب في ميتم عشان نتبنا طفل او طفله لأن مروان مايجيب عيال ماتوقعت أني الاقي بنتي في بيت المحامي الي بيسوي لنا اجرائات التبني.
امل تحرك رأسها بالرفض:كذب كله كذب هذي بنتي انا حملتها تسعةة اشهر.

لمـ௸ـ✯ـï´؟Nï´¾ـسـஹـات

اميره:امل انا متفهمه وضعك وحاسه فيك.
امل:مافي شي يثبت انها بنتك.
اميره:مو كان على صدرها سلسال.
اميره طلعت سلسال من رقبتها:مثل هذا صح؟.
امل:.......
اميره:لماكنت حامل سويت اثنين واحد مكتوب عليه الملاك والثاني مكتوب عليه الاميره.
امل تتذكر يوم جت ولقت على رقبتها سلسال وضنت انه من منير:انتي....انتي ليش جيتي.
اميره:اعطيني ياها ودي اضمها.
امل:لا مستحيل مارح تلمسيها انا ماصدقت ولاكلمه وبعدين منير مستحيل يكذب عليه صح انتي صديقتي بس مادري ليش تعامليني بهذي الطريقه.
اميره:امل والله بنتي انا متأكده تعالي نقطع الشك باليقين ونحلل الدم.
تسحبها من يدها.
امل بعصبيه:بعدي لاتلمسيني.

لمـ௸ـ✯ـï´؟Nï´¾ـسـஹـات

منير واقف عالباب مصدوم وموعارف ايش صار مرتبك جددددآ.
امل:منير هذي...هذي... هذي..هذي وحده مجنونه تحكي أن ملاك بنتها كذابه طلعها من البيت اطلب لها الشرطه.
واميره تناظر امل قلبها يتقطع على صديقتها وفي نفس الوقت تريد تحضن بنتها.
امل وهيه تبكي:احكي شي منير كذابه هذي كلامها كذب.
امل خافت اكثر بعد ماشافت صمت منير وبعد ماحكت اميره عن تحليل الدم راحت للتلفون:انا بطلب الشرطه.
منير ركض لها ومسك يدها.
امل شفايفها ترتعش:للل..لييش.
وملاك تبكي.

لمـ௸ـ✯ـï´؟Nï´¾ـسـஹـات

منير:كلامها صحيح.
امل:كيف! انت ايش تحكي تسوو فيني مقلب صح.
منيرعيونه مليانه دموع وقلبه يعتصر من الحزن:امل اسمعيني.
امل:لا لا ماارح اسمع احد.
منير بعصبيه:هذي بنتها اسمعي.
امل:هذي بنتها!وانا وين بنتي.
منير يبلع ريقه وتنزل دموعه:ماتت.
وكأن كل مافي البيت وكل الدنيا تردد صدى كلمة منير وامل تصرخ بكل قوتها:كذاااااااااب كلكم كذابين.
ملاك تبكي بقوه.
اميره:اعطيني ياها ماينفع كذا ياامل.
امل:بعدي لا تقربي كرهت الساعه الي عرفتك فيها واللحظه الي فتحتلك فيها الباب.
منير:......
امل تناظر اميره ومنير:ياريتني ماعرفتكم.
تصرخ وتضم ملاك بقوه:اطلعو من بيتيييي.
منير قرب من امل:امل اهدئي.
حاول يهدئها وامل تتحرك بجنون شهقت وطاحت عالارض.
منير يصرخ:امل امللللل.
اميره تاخذ البنت من يدها وهيه خايفه:ياربي ايش صار فيها.
اخذها منير وراحو عالمستشفى.






لمـ௸ـ✯ـï´؟Nï´¾ـسـஹـات

سليم:اخر مره ناكل في البيت مع بعض ياخي قلبنا المطبخ ساحة معركه وتحكي خبير شفنا الخبره يامعلم.
يوسف يضحك بكل صوته:ههههههههههه موكل كلامي صحيح يااخي الغالي.
سليم:شرأيك تجي نطلع نسهر برا.
يوسف:ياخي افكارك تعجبني بس ع شرط لما نرجع نرتب الفوضه الي سويناها.
سليم:هههههه تمام.
وطلعو.....

لمـ௸ـ✯ـï´؟Nï´¾ـسـஹـات

مصطفى رجع للمستشفى اخذ اهله ورجعو الدار وحكالهم بكلام الدكتور وهوه مبسوووط ابوه وامه فرحو له وشجعوه.
وسحر فهمت اشياء كثير كانت تجهلها عن اخوها حكت مع نفسها:كل الي سواه مصطفى كان عشاننا حتى عمليتي كانت بفضله الله يسعدك يااخي ولا يحرمني منك.... ظلمتك.
ياسمين:مصطفى.
مصطفى:ياروحو.
ياسمين:شغل لنا شي نسمعه.
انفجرو يضحكو عليها:احنا في ايش وانتي في ايش.
ياسمين:مومبسوطين كل واحد يعبر بطريقته.
مصطفى:ابشري.
وشغل لها اغاني.

لمـ௸ـ✯ـï´؟Nï´¾ـسـஹـات

عبير تتصل على سليم وهوه مااايرد.
وصل سليم ويوسف على البحر.
سليم:اووه يوسف اسمع هذولا اصدقائي برجعلك.
يوسف:تمام.
وركض لاصحابه.
يوسف: جواله! سليييم جوالك.
سليم:رد رد.
يوسف ناظر الجوال عرف انها عبير :حسويلها مقلب.
رد بصوت مايع نسونجي:االووو.
عبير:مين انتي.
والشيطان شاطر خاصه عند عبير.
يوسف:اه معرفتنيش.
عبير:هنننند!.
يوسف فكر وحكا مع حاله:هو اسم وخلاص.
:اه هند.
عبير:انتي فين.
يوسف:فين حكون مع سليم.
عبير:اهاااا ايوه ايوه ادري وين يعني.
يوسف:ياخرابي سليم يجنن طلعنا نتمشى.
عبير تحكي مع نفسها:طلعو...يعني كانو في البيت.
يوسف:انتي معايه.
عبير:من متى مع بعض.
يوسف:يوووه من زمان.
عبير بعصبيه:اعطيني سليم.
يوسف:سليم...مش فاضي قالي دودي ياحياتي ردي عالتلفون.
عبير:طيب ياسليم اوكي يلا باي.
وسكرت.
يوسف انفجر يضحك:مجنونه صدقتني هههههههههه صحيح النسوان بنص عقل.
وانسند عالكرسي وشغل اغاني.
دخل سليم للسياره:مين المتصل.
يوسف ابتسم:هذي عبير تسلم عليك.
سليم:تسلم عليه!.
يوسف:اتصلت وسويت فيها مقلب صغير بس ماعليك ضبطت لك الوضع.
سليم عارف بيوسف دايمآ يخرب كل شي بمزحه بلع ريقه:الله يستر.

لمـ௸ـ✯ـï´؟Nï´¾ـسـஹـات

في المستشفى.
منير:طمني يادكتور.
الدكتور:عندها انهيار عصبي حاد تعرضت لصدمه قويه صح؟.
منير:ايه.
الدكتور:شوي وتفيق بس حاولو ماتخلوها تنفعل ياريت تجيبو لها...اااا.....ملاك وينها ملاك كانت تنادي باسمها.
منير ناظر اميره الي كانت ملاك في يدها:تمام تمام.
دخلت اميره وحطت ملاك على صدر امل ومسحت على رأس امل وهيه تبكي:سامحيني يارفيقتي والله ماكنت ادري انو كل هذا حيصير.
منير واقف على باب الغرفه يتذكر يوم خلا الممرضه تحط ملاك على صدر اميره وكيف بعد هذي الاحظه رجعت اميره بتفائل للحياه وهوه يدعي: يارب الطف بامل والطف فيني.
طلعت اميره من الغرفه ومنير ضل عند امل.
كانت هذي اطول ليله بالنسبه لمنير






لمـ௸ـ✯ـï´؟Nï´¾ـسـஹـات

في الصباح.
عبير تبكي بحرقه.
نبيل:يابنتي كلها شهر ونرجع.
عبير تضم ابوها وتبكي وتحكي مع نفسها:قهري من شي ثاني يابابا مااقدر احكيلك واخرب سفركم..
نبيل:مراد ياابني بعد مانمشي انت وصل اختك لبيتها.
مراد:ان شاءالله.
عبير:ااا ا انا حضل هنه.
نبيل:كيف لوحدك؟ الخدم كلهم في اجازه ومراد في بيته ومافي احد في البيت ياعبير ماينفع ومااضن سليم بيرضا يجي معاكي هنه....
قاطعهم صوت:على جميع المسافرين التوجه لصالة الانتظار.
سلمت على ابوها وامها واخوها

لمـ௸ـ✯ـï´؟Nï´¾ـسـஹـات

ركبو السياره عبير ومراد.
عبير:مراد.
مراد:هلا.
عبير:سليم مشغول اليوم ماحيرجع البيت وديني بيتنا.
مراد:لا ياحبيبتي بتيجي معايه لبيتي صار لك فتره مازرتيني وبعدين مهند ونهى مشتاقين لك.
عبير:مثل ماتحب.

لمـ௸ـ✯ـï´؟Nï´¾ـسـஹـات

في الجامعه
يوسف يدور بنظراته:غريبه مااجو؟.
صفر ونادا لزميله:اصيل كيفك يارجل شخبارك.
اصيل:زين.
يوسف:اقووول وين الي بالي بالك.
اصيل:الله يفكنا منهم هاني وشلته سبب لكل المشاكل قلبي حاسس انهم السبب في قصة الحريق .
يوسف:اها.
اصيل:سمعت انو هاني حيسافر الخارج يكمل دراسته.
يوسف:الله يستر منهم.
تابعو حديثهم للقاعه....

لمـ௸ـ✯ـï´؟Nï´¾ـسـஹـات

اسيل :شو هنوده وين بدنا نساوي المشروع.
هنادي:شرأيك عندي في البيت.
اسيل:اوكي مافي مشكله بحكي مع الماما وبجيكي.
هنادي:مو كأننو طولنا في الكافيتيريا تعالي نرجع للقاعه.
اسيل:يلا.

لمـ௸ـ✯ـï´؟Nï´¾ـسـஹـات

صحيت امل.
منير جالس جنبها:الحمدلله عسلامتك.
امل دارت بوجهها للجهه الثانيه.
جلس يكلمها وهيه ماترد حس انو مو مرغوب فيه في الغرفه طلع وامل ناظرت ملاك نظره ودارت وجهها للجهه الثانيه كأنها ماتريد احد:ليش انا يصير معايه كذا ليش ليش هذي الالام تطاردني.
مسحت دموعها الي ماصارت توقف وجلست تفكر....

لمـ௸ـ✯ـï´؟Nï´¾ـسـஹـات

سليم في الشركه:الحمدلله كل شي تمام حتى اوراقك ياهند تخلصت منها ووديتها لاصحابها اشوف هالعبوره وين.
اتصل لعبير وعبير ماترد .
حاول يتصل اكثر من مره وعبير تناظر الجوال وتحكي:خليك مع حبيبتك احسن ايش تريد مني.
نهى:عبير تعالي شوفي الاولاد ايش يسوو.
عبير:طيب جايه.....
سليم:صارلي فتره مازرت الخاله مممم بخلص دوام وبروح لها ان شاءالله.

لمـ௸ـ✯ـï´؟Nï´¾ـسـஹـات

مصطفى طلع من غرفته وهوه متكشخ دخل عند امه وابوه سلم عليهم وعلى خواته جا بيطالع...
سحر:ميمو.
مصطفى بابتسامه ماتناديه ميمو إلا وهيه راضيه عليه:هلا.
تقرب منه وتناظر ملابسه:متكشخ ورايح على فين.
مصطفى:رجعنا للمراقبه.
سحر:اعترف.
مصطفى:عالدوام والله.
سحر:اشك.
مصطفى:سوسو الله يعين الي حيتزوجك سلاااام.
سحر:هههههه انتبه على حالك.






لمـ௸ـ✯ـï´؟Nï´¾ـسـஹـات

في المستشفى.
امل طلعت من الغرفه واميره واقفه قدام الغرفه تريد تدخل نزلت رأسها...
امل:وين منير.
اميره:شفته وانا داخله وهوه طالع.
امل:تعالي.
اميره:على وين.
مشت امل لين قسم السرطان واميره مستغربه ايش تريد.
امل تحكي مع حالها:فهمت كل شي الان يوم قال الطبيب ضروري التحاليل لملاك وريحة العطر النسائي والسلسال وتغير منير فهمت كل شي الحين بس باقي شي واحد لازم افهمه واتأكد منه.
وقفت عند ممرضه:نادي الدكتور مروان.
الممرضه:العفو بس مشغول.
اميره:بثينه ناديله احكيله اميره تريدك ضروري.
بثينه:ان شاءالله.
دخلت الممرضه وطلعت:تفضلو.
دخلت امل وفي يدها ملاك واميره وراها.
مروان:خير اميره ايش في.
ومروان عارف بالي صار.
امل:انا الي اريدك.
مروان:تفضلي مدام امل.
امل:اريد فحص دم لنا الثلاث نتأكد منه مين ام ملاك الحقيقيه.
مروان:تمام خليك مكانك.
طلع ابر وسحب دم من الثلاث.
مروان:شوي وبرجع.
اميره:امل اشربي.
امل:شكرآ.

لمـ௸ـ✯ـï´؟Nï´¾ـسـஹـات

اسيل:مرحبا استاذ يوسف.
يوسف يبتسم:اوف استاذ مو لهذي الدرجه.
اسيل:في كم شغله بدي اسألك عنها.
يوسف:الحين مشغول بعد نص ساعه نلتقي في الحديقه.
اسيل:ماشي.
المندوب:يوسف تعال اريدك.
يوسف:جاي استأذن.
اسيل:اذنك معك...
راح يوسف للمندوب.
اسيل:مابعرف ليه مغرور.
غدير:اسيل تعي بدي ياكي تروحي مع ساره.
اسيل:سوري حياتي عندي موعد بعد نص ساعه.
ساره:شفتي غدور مافي إلا انتي يلا حياتي يلا خليك قويه ولا تخافي من حدا.
اسيل:شووو ساره خانوم تخاف من مين وانا موجوده دقيلي وانا بفرجيكي شو رح ساوي فيهن.
ساره:مافي شي .
غدير:اوف امري ل الله.

لمـ௸ـ✯ـï´؟Nï´¾ـسـஹـات

في السوق
دخلت ساره وراها غدير
اخذت ساره الاغراض الي تريدها.
مصطفى مبسوط عشان شاف غدير وده يطير يحكيلها بالي صار:سعيد خصم خاص للصبايا.
سعيد:اكيد اعطتك الحلوه محل دلهم على محلك احسن ماعليك من رزق الناس.
مصطفى:اوف ياحسود حسابهم عندي.
ساره:ييييي شو ثقيل تافه.
غدير طلعت فلوس من شنطتها واعطت سعيد:ماني بحاجة لحدا تعي ساره.
وطلعت من المحل.
مصطفى يكلم نفسه:شكلها زعلانه مني بس....يحق لها الي سويته موقليل ولايهمك ياغدير انا بعرف اراضيك.

لمـ௸ـ✯ـï´؟Nï´¾ـسـஹـات

منير راح للغرفه يدور امل مالقاها خاف اكثر:وين راحت.

لمـ௸ـ✯ـï´؟Nï´¾ـسـஹـات

سليم راح للعجوز وانبسطت لما شافته.
العجوز:ماتوقعت اشوفك.
سليم:في ابن يقطع امه.
العجوز:تفضل البيت مو قد مقامك.
جلس سليم عالحصيره:تصدقي البساطه حلوه.
العجوز:مريم جيبي لسليم مويه يشرب اكيد عطشان.
اعطت مريم سليم الماء وراحت تلعب.
سليم:صحيح ياخاله انتي ايش اسمك ولا اناديكي ام مريم.
ضحكت العجوز وقالت:اسمي هن.....
وشترغ سليم بالماء تنفس بسرعه وتكلم في نفسه:ياربي لاتقول هند.
العجوز:انت بخير.
سليم:الحمدلله ايوه ايش كنا نقول ها شسمك.
العجوز:هنيه.
سليم مسك الضحكه:الله يهني حياتك ياخاله.
العجوز:ههههه.

لمـ௸ـ✯ـï´؟Nï´¾ـسـஹـات

يوسف:عفوآ تأخرت.
اسيل:مافي مشكله.
يوسف:تفضلي وش تريدين.
اسيل سألته الاسأله الي تريدها.
يوسف لمح من بعيد احد يراقبهم بس مااعطاه أي اهتمام.
وصلت اسيل رساله فتحت الجوال:اوفففف ليه بتساوي هيك شو اعملك انا رح نشوف اخرتها معك ياهنادي.
وسكرت الجهاز
اسيل:سوري هي رفيقتي عنا مشروع وبدها ياني روح لبيت عمها.
يوسف:مو مشكله.
اسيل:بتشكرك ماقصرت.
يوسف:ولو في الخدمه.
اسيل:يلا باي.

لمـ௸ـ✯ـï´؟Nï´¾ـسـஹـات

يوسف راح للكافيتيريا وهوه داخل.
سهام:هنادي خلاص مارح تلاقيه.
هنادي:تعبت وانا ادور عليه من الصباح ومالقيته
سهام:الله يهديك في احد ينسى جواله.
هنادي:نسيته هنه عالطاوله لما كنت مع اسيل.
سهام:خلينا نسأل الجرسون.
هنادي:ماشفت جوال احمر عليه ميداليه مكتوب عليه هنادي.
الجرسون: توني واصل.
هنادي:شكرآ.
يوسف:هنادي!جواله! موهذي صديقة اسيل.....ماعلينا.
وجلس عالكرسي
سمع واحد من وراه يتكلم في الجوال:موهيه صفعتني وانا حردلها الصفعه بطريقه ماتنساها حتى تموت.
يوسف:هذا ياسر؟ لايكون يقصد...
ياسر:اعطيني العنوان ولا اقول شوي واكلمك باي .
سكر وطلع من الكافيتيريا.
يوسف شك في الموضوع ولحق ياسر .

لمـ௸ـ✯ـï´؟Nï´¾ـسـஹـات

برا الجامعه
ياسر:اها لحظه بسجل العنوان.....في شارع...... مبنا.......شقة ظ£ سلام.
ياسر ابتسم ابتسامة شر وطلع جوال احمر عليه ميداليه مكتوب عليها هنادي وكتب العنوان فيه وارسله رجع الجوال لجيبه وضحك:باي يا.....حلوه ياسوريه.
يوسف يكلم نفسه:معقول هذي لعبه قذره من ياسر وشلته؟ بروح للعنوان واتأكد.
راح يوسف.
ياسر:شاطر يوسف خليك فضولي دائمآ هذا الي اريده عشان اتخلص منكم الاثنين مره وحده........
.
.
***
**
*