شبكة همس الشوق - عرض مشاركة واحدة

27 - 1 - 2012, 06:17 AM

::

قبل نصف ساعة ..وعند رايـد وربى

رايـد بمرح: اناا بطلب كوفي وانتي؟
ربى:ممم على ذوقك..
رايـد: طيب بطلب لك مثلي..
ربى ابتسمت له ..وتفكر أن رايد يبيهاا لكن تفكيرها غلط:طيب..
طلب لهم ثنين كوفــي وجلس معها وابتسم لها بأتقان ..
ربى بخجل:رايـد..
رايد :هلاا؟
ربـى:ممم يلا ماودك تقول ليه دعيتني ع المطعم؟
رايد بجديه: بقولك لك..
ربى بخجل ودلع..الات مفكره انه يبيهاا:طيب قول.؟
رايـد وهو يعدل جلسته ع الكرسي ..:اول شي ..معك مراية؟
ربى بأستفاهم:ليه؟؟؟
رايـد:جاوبي وبس معك مراية..واتوقع معك وياليت تطلعينهاا..
ربى..طلعتها ومدتها له ..
رايد:لا مابيها انا ..انتي الي تبينهاا ..
ربى :هههه كيف؟؟؟

رايد:شوفي وجهك بالمراية..
ربى حست انه بيقهرهاا:طيب وبعدين؟
رايد ..مد لها منديل:اذا فعلا ودك انوا نكون اصدقاء .. امسحي المكياج الي على وجهك..
ربى بتفكير:قداام الناس؟؟
رايد بأبتسامه جذابـه:روحي دورة المياه امسحيه وتعالي بوريك شي حلو..
ربى ابتسمت له ...دام هذا يعجبك بسويه يارايد ..انت من مايعجب فيك ولووايش ماتبي بسويه لك مابي اخسرك احس أنك أنت هدية ووصلتني ..واحلى هديه من الله:طيب..
راحت دورة المياه وبعد 5 دقائق واكثر شوي جت ..جلست قدامة وابتسمت بخجل..
رايد..جلست قدامي وابتسمت ..وحمرت خدوهاا ..فوق حمار خدوها محمرتهاا زياده ..يوم محت المكياج ..سحباااااااان الله ..جماال طبيعي ..ومن كثر مامسحت خدوها وشفايفها من المكياج صاروا حمر وهذا زادهاا جماال... فكر وقال:هذي اول خطوه..والحين شوفي وجهك بالمرايه ..
ربى بدلعها الطببيعي:ششفته ..
رايد بحماس:الحمد الله هذي أول خطوة .. ثاني خطوة ..والاهم ..الصلاة..انتي تصلين.؟
ربى:ها ايه اصلي لكن احينا اذا نممت ماصلي الصلاه الي راحت علي.
رايد بأندفاع:حرااااام عليك يا ربى الصلاة حق واجب على كل مسلم .. لازم تلتزمين بصلاتك .. كل هالي تشوفينه الحين من مطاعم اسواق منتزهات ....وساخه الدنيا .. ايه هذي وساخه دنيا .. وماراح تفيدك بشي... انتبهي لصلاتك يا ربـى .!!
ربى بأحرااج:أن شااء الله ..وربي يارايد ان كلامك يثلج الصدر ويريح...احس أني اعرفك من زمان وارتحت لك حيل.
رايد بأهتمام:ربى ..النصيحه الثانيـه لاتثقين بأحد بسرعه ..يعني مثلي انا وثقتي فيني ..لو يجي واحد ويكلمك بنفس اسلوبي وبتثقين فيه؟
ربى بتفكير:اكيد لا.
رايد:طيب لاتثقني بأي احد بسرعه فهمتي؟ ولاتعطين سرك لأحد..
ربى بأندفاع:طيب ..بس انت غير و.
قاطعهاا:ربى ..خلاص ..صدقيني بتفهمين معنى كلامي بعدين ..انا تعلمت من الدنيا كثير وعشان كذا اعطيك النصايح ..ونرجع لموضوعناا .. حتى لو نمتي وقعدي ولقيتي الصلاة رايحه عليك ..صليهاا ..ان الله غفور رحيم ..فهمتي علي؟
ربى باقتناع:أن شاء الله ..
رايد:واتركي الكسل عنك ..والضحك على ابيخ شي .. وبعد ياربى لاحظت فيك شي ماعجبني أبد .
رى بسرعه:شنو؟؟
رايد:تتكلمين مع رجال ماتعرفينهم .البنت حلوة بحياهااا وخجلها واحتشامها لذاتها ونفسها ..والعبايه ..ياربى عبايتك وينها؟؟
ربى :افف العبايه ماحبهاا احس أنها تحجزني مابيهاا ..
رايد..وجلس يتكلم معها عن خطر التكشف والزينه وينصحها بالكلاام الحلوو والاسلوب الراقي ...وربى اقتنعت منه واثر فيها كثير
ربى ..عدلت جلستها:تصدق يارايد ..اول مرا أحس اني اقتنعت بشي ..واليوم صدق أقنعتني ..
رايد بسؤال:طيب وانا هذا الي ابيه ..لكن ها يا ربى بتلبسينها؟

ربى بأبتسامه..وبنفسها"اكيد يارايد بالبس العبايه ابي أكون احسن البنات بنظرك":أن شااء الله ..وبكرا بالجامعة بتشــوف ..
ابتسم لهاا .وحس أنه نفذ مهمه كبيرره ونجح فيهاا الحمد الله ..لكن غريبه بسرعه اقتنعت معي ..يمكن لأنها معجبة فيني .!!: حلوو ..."وناظر لفنجانها وقال:والحين اشربي الكوفي. شكلة برد ..
ابتسمت له وشربت من فنجانهاا..

:ربـــــــــــى أزيــــــك عاملة أيه؟؟

ربى ..نزلت فنجانهااا وقامت وضمته بقووه:واأأأأأأأأأأأأأأأأأو ماني مصدقه انت هنا ؟
:أأه ياربى انا هنا وشفتك قولت أسلم عليكي..
ربى :ياحبيبي يا أحمد ..انتا اخباارك؟
احمد وهو يضمهاا :اناا بخيرر ياربى انتي عاملة ايه ؟؟أصلك وحشتيني ..
ربى وهي تضمه اكثر وحاسه نفسها طايره من الفرحه يوم شافتة :بخيرر الحمد الله ..

عصب من الموقف..الحين توني انصح فيها وكلامي كله راح بالريح؟ وتسلم على هالرجال الي مدري منو ..لا وتضمة بعد وتبوسه ...صدق كاني أنفخ بكيس مقطووع .. هذي مامنها فايده ابد ..الشرهه علي الي خليت اختي بالبيت وجيت اشوفهاا... ضرب الفنجان بأيده وطاح بالارض وانكسر والقهوه انكبت ..

أحمد وهو يضم ربا ويبوسها على خدودهاا :مين ده؟
ربى بأبتسامه:هذاا .........

رايد كان بيروح ويتركهم ..بس لما شاف أحمد زودهاا ...هجم عليه وعطااه بـقس على وجهه
وأحمد عصب وضرربه ..وكسروا المطعم وأهم يتضاربوون
ربى تصرخ تبيهم يوقفون:رايـــــــــد خلاص اتركه ..تكفى رايد لاتأذيـه .. أحمد اتررركه الله يخليكم وقفواااااااا ..اههيء ياربي أحد يساعدني..

رايد وهو يمسح الدم الي على طرف فمة وعصب لما شاف الدم وجن جنونه وهجم مرا ثانيه وبوحشيه على احمد وعطاه بقس على وجهه ووببطنه ..واحمد نفس الشي ضرب برايــد وربى تصرخ عليهم تبي يوقفون ..العالم تجمهرت عليهم والكل يناظر ولا فكروا يوقفونهم....
ربى وهي تبكي بألم:الله يخليك يارايـــــــد اتركه ..اترك خالـي أحمد أهيء لاتأذي خالي الله يخليك

رايد ..ماسمعها يوم قالت أترك خالي...لكن أستووعب يوم قالت ..لاتأذي خالي....خالهااااااا؟؟؟؟؟؟؟ ذبحت الرجال بالضرب وطــلع خالهاا؟؟

::
::

عند رعـد

رجــع للفـيـلا
وطلع لمكتبه ..ووقف يتأمــل الرف الي ياصـل لأخر الجداار وملياان بالكتب ....بعضها قرأها وبعضها لايعرف عنوانهااا ..
ابتسم وهو يتذكـر موقفة مع سديــم...ومايدري وش الي جاااه من أهتمااام وخوف عليهاا .. فيه حـب تملـك يسيطر علية أنه يملكهاا ويبي قربهااأ... سديـــــــم ابـيـك جنبي .لكن ماراح اضغط عليك ..وسعي صدرك شوي عند بيت عـمك .. وبعدين ترجعين لــي..
مشى بهدوء ووجلس ورى مكتبه وبالظبط على كرسيه الكبير..واسند ظهره بأرتياح وغمض عيونــه ..وفــكر بنفسه ... وبتغيره المفاجىئ وأنقلابـه أحينا معهاا ..شوي وش حليله وشوي معصب .. وشوي رايق وشوي رومنسي ..... كره هالشي الي يطلع منه غصب عنه وأخذ جواله واتصـل على دكتوره النفسي .عشان يجي عنــده ويتعالج بسررعه من مرضه النفسي.. يبي يتكلم معها ويعيش باقي حياته بأسلوبه ووقاعيته مو بحالته النفسيه المتغيره كل شووي.....سكر من الدكتور ..وبعد 15 دقيقه وصل الدكتور وبدا معه جلسته العلاجيه ..وهو يتكلم للدكتور كل شي صار له بينه وبين سديم...طبعا الدكتور النفسي..لو تقوله كل شي عن حياتك لصالحك لانه أهو الوحيد الي ممكن يفهمك وينصحك ..لانه دكتور نفسي !! يعرف وش الي بنفسك !! ... والدكتور أستانس من رعد وتحسنه المفاجىء لكن لسى يبي له كذا جلسة وخلااص يصير تمااااااام .. وجلسوا يتكلمون ...

\
\
\

رجعـت كل وحده لمكانهاا تذاكــر بعد ماتقهوا وأكلوا الحلا الي سووه مع بعض ...
وطــق البااب ليكسر هدوء البيت ..
فتحت سديــم وكانــت بتـــول :هلااااا والله شخباارك؟
بتول وهي تسلم على سديم:هلا وغلاا بسددوومه أنتي هناا ؟؟؟
سديم بمزح:ههههه لا هناااك ..
بتول وهي تضربها بشويش على كتفها:هههههههه وش عندك منتي ببيت زوجك؟
سديم:ابد بس حبيت أشوف خواتي وعمي ..
بتول :أهاا"وقالت بمزح" ووين خواتك وبنت عمك الدوافير؟؟ احررقت الجوالات من كثر مادقيت ..ولايدخلون ا لايميل أبد وقلت اجي اشوفهم.؟
سديم بضحكه:ههههه زوجة عمي ..سحبت منهم كل شي من جوالات لابتوب ..حتى البلستيشن سسحبته منهم .

بتوول:وووه ياحراااااام ..اجل انا ماما تاركتني على راحتي تقوول رسبتي نجحتي كله لك خخخخخ ..
سديم بسخريه :ومستانسه يالخبله .. بالعكس انا احس لما احد يشد علي ويقول ذاكري أستانس واذاكر ..واجيب درجات أعلى ..
بتول :وووه بكيفه خليها تولي هالمدرسه ..المهم وين البنات؟
سديم بمزح:ههههه لو تشوفينهم .. كل وحده بغرفه ..
بتول متفاجئه:يمااااااه كل هالحشره اللله يعينهم ..ووينهم وينهم.؟؟
سديم :امشي وراي ناخذ جوله عليهم ههههههههههه
بـتـول:هههههههه يلا ..
فرت عليهم وحده وحده ..واخر شي تجمعوا كلهم بالمجلس وام رايد معهم
أم رايد:انا بكلم امك يابتول .تحشررك .أجل فيه وحده تسير بالاختبارات؟؟
بتول:وويه خالتي ...الاختبارات باقي لها يومين شفيك يعني تونا.
أم رايد وهي تمسك راسهاا:وواويلي يالخبله ..ذاكري انتم ثانويه عامه لاززم نسسبة عاليه ..ولو تنقصين النص مو لصالحكم ..اذكر صديقتي وحده موظفه باأداره المدرسه تقول مو لصالح الطالبات ينقصون درجه ..
بتول بتفكير: الشكوى لله ياخالتي الي كاتبه الله من درجات بناخذها ..
ام رايد:ألله يهديك بسس ..
سديم:خلااص تقهوا ..وانتوا يابنات تاخذون بريك شي وبعدها ترجعون تذاكرون مو تفكرون نسينااا .
ام رايد:ايووه صح ..
شوق:اففف وربي قلق هالأختبارات ..أسبوعين نذاكر واسبوعين نختبر ..واسبوع ننتظر النتيجه اففف ..
بتول:خلاص شوواقه ..تقوي وخلينا نسولف..
أم رايد:ايه وشخبار أمك ياوليدي؟
بتول:ماعليهااا تسلم عليك ..
اسيل:والله يا أن ودي نطلع مره ثانيه زي يوم طلعنا للشاليه وااااو كاان ونااسه صح بنات؟
بتول:اناا قلت لباابي بنطلع بعد الاختبارات وقال موافق لانه أهو بعد حيل استانـس..
أم رايد:كلنا ودنا والله بسس بنجهز لعرس ابتهال وورايـد ..
ابتهال ..اسستحت حييل واكتفت انها تبتسم..
بتول:يووه شلون راح من بالي ..
عبير بتدخل:خلاص خالتي شرايكم بعد عرس ابتهال ورايد بأسبوع نروح؟
ام رايد:ممم العطله كلها ماهي شي يابنتي .لكن خلاص أن شاء الله بقول لعمكم نطلع . لو خميس وجمعة ..
عبير:ووه فدديتك ياخالتي ..
ابتسمت لها أم رايد..
اسيل:حلووو تمااااااام ..وااو تحمست متى نعطل ..
شوق:ههههههههه تحمست اسيل كالعاده خخخخ..
بتول:فديتهاا وفديت حماسهااا ..
اسيل:ووه فديتك يابتول محد يفزع لي الأ انتي ... امم مين جعان؟
كلهم وبصوت واحد الا أم رايـد:أناااا.
ام رايد تناظر لهم .:بعذركم تجوعون طول اليوم تذاكرون ..والحين بقوم اطلع الدجااج بطبخ لكم العشاء .
بتول باندفاع:لالا خالتي ارتاحي ..
ام رايد:ووي ليش؟
بتول: اناا عازمتكم بالمول ال.......نتعشى ونتمشى بالاسواق ونرجع ..
ام رايد بنفي :لا مستحيل مافي طلعة اختبارات الحين..
بتول بأسلوب مقنع: خالتي شفيك تحشرينهم مرا وحده؟ ترا كثر الكبت يولد الانفجار ..وبالعكس الحين اذا طلعنا وتعشينا برا وتمشينا شوي وانتي معنا طبعاا .. راح تنتفح نفسنا للمذاكره اكثر ..وراح نجيب درجاات عاليه .. ان شاء الله ..
ام رايد بتفكير: بس خاف تطمعون للأكثر بعدين؟
عبير بنفس اسلوب بتول المقنع: خالتي خليهم يروحون يوسعون صدورهم .. وانا وانتي نجلس اذا ماودك تروحين؟
أم رايد:طيب بس لكم ..مع أنكم زودتوها العصر رحتوا للبالقه والحين بتتعشون برا ..طيب هذي اخر طلعه وبعدها لاتحاولون تقنعوني ..بس عشان نفسكم تفتح للمذاكــره على قولتكم...
قاموا كلهم يناقزون وراحوا لبسوا عباياتهم وتجهزوا..
سديم ببرود:طيب الحين مين يودينا؟
بتول:بدق على اخوي ..سيارته جيب كبير يكفيناا..
عبير:بسس فششله أخووك خاف نحررجه؟ويمكن مو فاضي لنا..
بتول:..بدق واسئله..
دقت عليه وشوي ورد :الوو.
أدم:هلاا ها وشعندك؟
بتول:هلا أدم شخبارك؟
ادم بسرعه:ادري داقه تبين شي قولي بسرعه؟
بتول انحرجت من أخوها:اا أانا وبنات نبي نروح المول وقلنا تودينا لأ سيارتك أكبر وش قلت؟
ادم ..على طول بيرفض ..لكن فكر وقال..يممكن أشوف هذيك البنت معهم ..اعرفهااا شفتهاا أكثرر من مره أعرف عيونهاا الواسعه :أيه خلاص أجيكم انتي ببيت ابو رايد صح؟
بتول:ايوه جابني اخوي جاسم وراح للأستراحه مع خوياه .
ادم:خلاص كلها 10 دقايق وانا عندكم ..
بتول:حلوو ننتظرك ..باي........"ولفت عالبنات" بنااات الحين بيجي يلا جهزوا ترا ادم اكرهه ماعنده الأنتظااار .
أم رايد:والله يابنتي ولو انهاا فشله نحرج اخوك..بس داك مصرره بكيفكم. بس ها مثل ماقلت ساعه بالكثير وانتم هنا عني ..
ابتهال:ووه فدديتك خالتي ..
عبير::انا ماني رايحه بنات بجلس مع خالتي .وعمي يمكن يبون شي ..انا عندهم .
بتول:لالالا عبير ياسخفك قوومي معناا.
عبير: لالا يابتول عمي ألحين بيجي وبجهز له أكله خفيف ياكلهاا ..حرام خالتي أم رايد من الصبح واهي قايمه صلحت لنا الفطور والغدا ونا بسوي عنها العشا لعمي ..
بتول:ممم ياعيني عليك ..خلاص ياقلبي مرا ثانيه أن شاء الله .

اسيل..واويلي ليكون اخوهاا هذاك الي عيه زايغه ..افف انا وش الي قومني وقلت برووح ..صدق اني بقرررة لحووول .

ثواني الا وججااء أدم وركبت بتول قدام .. وسديم وابتهال واسيل وشوق ورا..
طبعا أدم ظبط المرايـه عشان يشوف الي ورا..قززهم ومالاحظها معهم .وانقهر..لكن فيه وحده منزله الطرحه حيل على عيونهاا..الحين لانزلت بعرفهاا ليه مستعجل اناا..

دقايق الا واهم قداام المــول نزلوا كلهم الا بتول
لفت على اخوها وقالت: ادم بتنزل معنا؟
ادم كان بينزل لكن حس أنه غلط بين هالبنااات :لا ماني نازل ..أنتي تبين فلوس؟
بتول:لالالا معي .
ادم :ادري انه معك لكن تبين بعد ولا لأ؟
بتول:لا معي يكفوني..فدديتك ماتقصرر ..يلا باي..
ادم:مع االسلامــه..

نزلت ولحقت البنات ودخلوا داخـل وانقسموا طبعا لمجموعتين لأن كل ثنتين يختلف رأيهم منهم يبي الاسواق ومنهم يبي ياكل على طوول..وراحت سديم مع ابتهال ..يتمشون بالاسواق لان سديم تبي لبس جديد لزووم التغــيـر عشان تكشخ لرعد ...ماتدري ليه فكرت انها تكشخ له .. وتحمست وراحت للأسواق سوق سوق .. ..

ناظر لها وابتسم وهوو كله قهــر وانتقااام وكرهه لها ولزوجهاا حضرة الوززيــر المغرور ..هه انت يارعد تفصلني من دوامــي! وتخليني مشتت بالشوارع كل الشركات ماقبلوا شهاداتـي رغم أنها لابأس بهاا..ايه هين هين يارعد ...انا اونت والزمن طويـــل !!
رفع جواله ودق على رعد

\
\
\

عــنـد مرام وفايز

وصلوا البيت البسيط ومراام على طول راحت لغرفتهاا لترتاااح ..
فايز ..تعب اليوم كثير وحس أنه مارتاح من زماااااان أنسدح ع الكنبه وغمض عيونه وهو يفكر بمرااام.. وانه نجح بكسر شوي من غرورها ودلعهاا ..لكن باقي لها شوي كم دررس قبل لايفصح لها الحقيقه ...
دق جواله قاطع عليه افكاره وكانت امه المتصله أبتسم وقال:هلاا وغلاا بالغاليه ..يابعد هالكوون كله أنتـي ..
ام فايز بعتاب:هلااا فيك يالخايس ..من تزوجت لاتكلمني ولا شي ووينك الحين؟
فايز :بالبيت تونا جينا من المزرعه .
ام فايز:اناا مدري أنت وش تحس فيه ياولدي ..بدال ماتراعي حلال ابوك جالس تربي زوجتك..انت بعقلك تفكر ياولدي؟
فايز: يممه انا اراعي للحلال من بعيد لاتخافين ..
ام فايز:طيب ومتى ناوي تعيش معنا انت وزوجتك؟
فايز:انا عايش الحمد الله ببيتي.
ام فايز:يافشلتي قداام الناس ولدي عنده هالحلال والنعمة يجي يعيش ببيت للأيجار ..انت بتجيب أجلي ياولدي؟
فايز:يممه انتبهي ع نفسك عشاني وانا بقرب وقت ازورك ان شاء الله .
أم فايز:مابي انتبه ع نفسي لين ماتجي عندي ,,,ياولي الببت كله تحت امرك لاتطول عليناا برجعتك. وانا مدري ليه كاذب على زوجتك بفقررك وان ماعندك شي؟ ليه تنزل من قيمتك ياولدي لييه؟

فايز :يمه انا علمتك ليه سويت كذا .. وان شاء الله ماني مطول وبخبرهاا على طول.بس يجي الوقت المناسب.
ام فايز بحسره:أأه منك يوليدي خايفه أموت وماشوفك ..والله لو وين ترا كل الي بيننا حارتين وشارع .
فايز:ادري ياأمي ..بس مابي مرام تدري بشي عني ..خلاص يايممه ..انا بروح اشوفهاا ..سلمي على اختي وانتبهوا على نفسكم..
ام فايز تنهدت :أأه بسس .ان شاء الله.مع السلامه..

رمى الجوال باهمال ع الكنبه ..وراح لها فوق ..وهو مل من كثر اهتماامه فيها وهي ولا مهتمه ولا داريه عنه...

\
\
\

فـي بيت الوزيـر

طق البااب بهالوقت وكانت جالسه بالصاله تلعب بنتهاا بحضنهاا وساره فوق بغرفتهاا ..
فتحت الخادمه البااب وججتها وقالت لها:مس أبراار في رجال يبغى انتا؟
ابرار بسؤال:طيب ماقالك من هو وش اسمه ؟
الخادمه:لا مافي قول.
ابراار استغربت:طيب..
وقفت ورا البااب وقالت:نعم مين؟

:اناا ريان...كيفك يا ابراار؟
ابراار بغيض:نعم وش تبي؟
ريان:ماعليه لاتقولين اخبارك..بس انا جاي بشوف بنتي ..
ابراار :ههه زين فكرت ان لك بنت.

ريان:انا مانسيتها ولانسيتك..
ابراار بتفكير..لازم اكون احسن منه وماحرمه من بنته ..يمكن لاشاف البنت يحس بالذنب:طيب بجيبها تشوفهاا بس ياويلك تدخل عتبه البااب واذا فكرت تسوي شي والله ياويلك ..ترا رعد فوق؟
ريان ..رعد أوريك يالحقيرر.. اجل تاخذ السي دي مني بالسرقه ها؟ ههه ماعليه ياولد خالتي ::لاماراح اسوي شي ..جيبيها لـي ..
راحت ابراار وجابتها له..وتمدها عليه ..
اخذها مها ولمح ابراار شووي ..
ريان وهو يبوسها ويبتسم لهاا: تشبهك ..
ابراار:سهل عليك الكذب ..البنت توها مو طالع شعر رموشها وحواجبها وتقول تشبهني..لاتحاول تستعطفني ..
ريان أستحى من ردها الهجومي بالنسبه له
ابراار:يلا هاتها برضعهاا.
ريان:لحظه خليها شوي معي؟؟
ابراار من ورا الباب:لا هاتهاا برضعها وانومهاا..
ريان بأنكسار :طيب خوذيهاا..
مدها عليه وحاول يخطف النظر لأبراار ..
اخذت البنت وسكرت البااب بوجهه وهي قرفاااااانه ريان وحركاته وكله ..

::

قبل ربع ساعه
كان منسدح ع السرير بعد ماراح من عنده الدكتور

رن جواله ورفعه بتعب وقال: هلاا؟

:ههه هلا بك ياحضرة الوزير.
رعد بملل ..من هالمكالمات الي كثيرر تجيه :نعم من معي؟
:معقوله ماعرفتني؟
رعد بأنتباه:مين معي تكلم؟
:انااا الحين مع زوجتك ..سديم .ههه
رعد قام وجلس بهدوء..وش عرفه باسم سديم: لاتحاول تسوي فتنه وش تبي؟
:اناا معاذ..
رعد حس أن الي جايه ماهو خير وبدا يفقد وحالته النفسيه تقلبت وعصب:خيررر وش تبي فيناا بعد كل هالمده؟؟
معاذ: لعلمك ..ترى بس حبيت انبهك ياحضره الوزير ان سديم معي الحين .
رعد بانتباه .وعصبيه مو واضحه:وش تبي فينا ياتافهه؟؟
معاذ: مابيك انت اناا ابي خطيبتي الي خذيتهاا مني سديم.
رعد بأستهزاء:انا ماخذيتهاا منك انت الي تركتها ياحقير.. ولاتعبث معي نسيت مين انا وكيف أقدر اسوي فيك؟
معاذ:اناا بس حبيت اقولك ..انك مسكين يارعد ..مفكر سديم عند عمهاا؟هي طالعه الحين معي بالمول ..
رعد بأندفاع:كذااب ..
معاذ بحقاره:انا كذاب ؟لا عي عليك تقول هالكلام يالوزير؟
رعد:لاتردد وزير وزير.. اخلص علي وش تبي؟
معاذ:شكلك مو مصدقني .. تعال وشوفني أنا وياهاا بالسوق أختار لها ملابس على ذوقي. هههه
رعد حس ان الدم تجمع بوجهه وانه مو قادر يستوعب الكلام:بأي مول انتوا؟؟
معاذ ببرود:مول ال..........وسكر بوجهه ..
اما رعد قام برشاقه من السرير وغسل وجهه ليصحصح ..وركب السياره مع السواق واتجهه للمول .. وهو يدعي ربـه أن الي قاله له معاذ كذب..

::

فـي المول

ابتهال:اووه سديم انتي حيل تدققين بخامة الملابس خلاص امشي والله تعبت ..
سديم:اكيد لازم اعرف وش اشتري..اذا مليتي روحي بيننا الجوال.
ابتهال:اكييد بروح..شوفي انا بروح اشتري لوشن من محل العود اوكي؟
سديم. تكلم المحاسب المندوب:عطيني لون بنفسجي.."وتلف على ابتهال"خلاص روحي ..

راحت ابتهال واهو دخــل..قرب لها وقال:خوذي هذي أحسن ..
ناظرت للشاب الوقح الي يتكلم معها وبققت عيونهاا:أنت؟؟؟
معاذ بأبتسامه خبيثه:أيه اناا ...
تركت كل شي وطلعت برا المحل..
مسك ايدها بسرعه وقال بكذب:اشتقت لك..
سديم باندفاع:كيف جيت هنا؟
معاذ :جيت وخلاص ..
سديم:وش تبي مني؟
معاذ بكذب:ابيك بشي ضروري. بس انتي اهدي عشان اقولك الي بقوله واروح"وكان يماطل بالوقت عشان رعد يجي"
سديم بصبر:طي قول وش تبي بسررعه ..معاي خواتي لافكرون شي غلط اذا شافوك بسررعه قوول..
معاذ:تعالي نجلس بالكوفي واقولك الي ابيه وتروحين خلاص.
مسك ايدها غصب عنها واهي سكتت عشان نظرات الناس لهاا وجلست ع الكرسي.
سديم:تكلم أخلص .. مااطيق الجلسه معك بسرعه ..
معاذ ببرود:الي بقوله اني مو زعلان لامنك ولا من زوجك بس..."وسكت مايدري وش يقوول ..اساسا ماعنده شي" أناا
سديم بأستفهام:قوول أخلص؟
معاذ:ششفيك مستعجله؟
قامت وقالت :اصلا أنت ماعندك سالفه .."وقامت عنه ومسك أيدهاا"
مسك ايدها وبحنيه مزيفه:سديم اسمعيني ... الي بقوله.
سديم..ارخت اعصابهاا الي متوتره منه وقالت:ايوه وش تبي؟

مسكهاا من ايدها وقال له: ياحقيرر وش تبي فيهااا؟؟؟؟؟؟؟؟؟؟؟؟؟
"ضربه كف "
سديم..هذا الي ماكنت حاسبه حسابـه ولا متوقعته ..رعـد وش تبي يارعد ليه جيت بالتوقيت الغلط ليه .......
معاذ بقهر منه: انت تمد ايدك علي "جاء بيضرب رعد لكن الامن أمسكوه " وبعض الناس يتهامسون" هذا الوزيـر ر ايوه الوزيـر واااو ماتوقعته كذاا ..وش فيه معصب..ياترى وش الي صايرر..

كلاام يتهامسون فيه .. وهذا الي ماحبه رعد انه يطلع عليه كلام ..سحب سديم وترك معاذ للأمـن وطلع فيها برا ..ودخلها بالسياره ومشى السواق..

وصلوا للفيلا

نزلت من السياره ومسكها ووقفها عن دخول البيت وقال:وش طلعك من بيت عمك ؟؟؟ رحتي تشوفينه صح.
سديم ببرأه:لا يارعد مارحت اشوفه هو ...
قاطعهاا:اناا انك متفقه معه ..اصلا انتي تبينه من اول ... ولا ليه رحتي لبيت عمك كل هذا خطه عشان تشوفينه وتصيعين على راحتك ..صدق أنك وحده حقيرره ..
سديم بدت تنزل دموعهاا:رعد صدقني هو طلع لي .وبعدين ليه اشوفه وش ابي فيه ..رعد تكفى لاتقوول شي انت ماتعرفه ولاتتهمني بشي انا ماسويته .. رعد خليني أقولك كل شي.
رعد بأندفاع ..وحس نه جسمه وكل مافيه ينتفض ..من القهر والعصبيه والموقف قدام النااس :انتي وحده مااعندك أحسااس ولا أماانه ..حتى طلعتي للسوق وماقلتي لي يعني عشان تاخذين راحتك .وخفتي أني أسئلك مع من رايحه ..اتريك رايحه تشوفين الحقير الوصخ معااذ يااتافهه.. انا الغبي الي أمنت فيك

"وقال بنفسه..وانا الغبي الي كنت بتعالج عشــانــك"

سديم ..جن جنونهاا منه ..تهجم عليها بالكلام ولاراعا مشاعرها ولافكر وأحتسب للكلام الي قاله..وقالت له بقهر ودموعهاا على خدها:اناا أناا الغبيه الي صبرت عليك للحين يارعد..ولو وحده مكاني ماقعدت معك دقيقه ..انا تحملتك على قساوتك معي واسلوبك ..احرجتني كثيرر قدام العالم واهنتني وذليتني ..وانا ساكته وصابره عليك وادعي ربي انه يسخرك لي..لكن وش ارجاا من واحــد مجنوون ومريض نفسي زيــك ..أكرهــك اكرهـك يالمريض يامجنووووووون يامجنوووون..

فتح عيونه الي تطاير شرار من كلامهاا .. جمع عصبيته منها بقبضه ايده وصفقهااا كـف طاحـت ع الأرض ونزل دم من طرف شفتهاا
سديم ....مسكت بطني خفت لايضربني ...وانزف ويشك بحملي اذا تألمت ..تماسكت نفسي وقلت:اصلا انت مجنوون,,اناا أكررهك ..

سحب طرحتها من راسها وشد ششعرهاا وقال:اناا الغبي الي صابر عليك للحين.
سديم باندفاع وقهر وهي تبكي: انا مستحيل أعيش مع واحد زيـك يشك فيني ومزاجة متقلب ..انت مجنوون انا وش يجلسني مع مريض ..طلقــــــــنـي طلقــني

رعــد....كرهت نفسي أني فكرت بيوم أدخلها بقلبي واحبهاا لكن انصدمت بلواقع المرير..تعايرني بمرضي الي غصب عني فيني هالمرض .وشفتها مع معاذ ماسكه ايده ..اصلا لو أهي صدق ماتبي معاذ كان ماسمحت له يمسك ايدهاا..حياتي معهااا مستحيله ..أهـي ماتبيني .وانا حاولت احببها فيني وماقدرت ...نزل لمستواها ..صفقها كف ثاني...ومسك شعرهاا وقـــأل: أنــتــي طالـــ

::
::

أنتهـى