حبيبي من ثمان سنين عدت ماقدرت أنساك
أجل وشباقي بعمري أحاول فيه نسيانك
حبيبي تبت عروق الخفوق ليابغى يجفاك
عسى موتي قبل يومٍ أفكر فيه هجرانك
تخيل طول هالمده وانا اشـرب ماقدرت ارواك
لك الله لـو بغيت احلف الـى هالحين ضميانك
تخيل طول هالمده وانـا مثل القصيد اقراك
وحياتك لو بغيت اكتب كتبتك باصعب اوزانك
انـا ماهمني قولـة خلف شاعر كثر مهواك
وأنا لولاك ماقالوا نعم صح الله لسانك
أنـا كـل القصيد اللي كتبته سيدي لرضاك
قسم بالله لقطعلك يدي لو مو على شانك
واذا هي بس على ذيك القصيده جعلها تفداك
ألا يالعنبو شعرٍ يشمت فيك عدوانك
حبيبـي لا تغنيلي تهددني أنا أتحداك
وربي لـو بغنيلك تصور ضاعت الحانك
حبيبي روح لو تقدر تجافيني هنا مأواك
عسى الله لايعافيني إذا فكرت نسيانك