|
الحب ماهو كل شي اليا وقف حظ بخيل
 
آخر عباراتي وداع وآخر مشاويري رحيل
جيتك وبي لفحة ضما واقفيت كبدي ناشفه
اصعب كلام أصعب خبر صرخه عقب صمت طويل
مثل الهدوء اللي سبق لحظة هبوب العاصفه
وأنت بمتناول يدي تبدي مثل المستحيل
في عشرتك صوت العقل يقتل طموح العاطفه
الحب ماهو كل شي إليا وقف حظ بخيل
قلوبنا مثل العسل بس الظروف مصالفه
لاللندم لاللعتب أوشي من هذا القبيل
وانت ماجا منك خطا حتى تقولي اسفه
من غير ليه استسلم واستلهم صبرجميل
ولاتسألني وش جرى مالك بطول السالفه
قول لهم ياعزوت ماعابنا موت النخيل
اللي يوافيها الأجل وتموت لكن واقفه
آخر عباراتي وداع آخر مشاويري رحيل
جيتك وكبدي ناشفه واقفيت كبدي ناشفه .
|
|
|
|
الموضوع الأصلي :
الحب ماهو كل شي اليا وقف حظ بخيل || الكاتب :
همسة الشوق || المصدر :
شبكة همس الشوق |