قلت لي كلمة احبك وانتي لعيوني ضواي
قلتها لي وقلبي خايف بعـد هالكلمة تغيب
صرت اخاف من الليالي تبعد الحب عن سماي
تعرف اني من عرفتك الحـزن ماله نصيب
كيف تتركني ليالي وانت تـدري ياهواي
انتظر وقت الملاقى وانت متعمد تغيب
لو تعاقبني بغيابك بسالك وش هـو خطاي
بسالك ليش اتغلى وانت اقرب م القريب
لك هديت القلب عمري وماانتظر منك جـزاي
واجمل اسراري خفيته عن قريب وعن غريب
ليش تتركني انادي ويرجع لسمعـي صـداي
واصدق اشواقي تنادي وين اشوفـك يالحبيب
خل عيونك في عيوني واعترف لي اشقد غلاي
عانق حـروف الحقيقـة ياتصيـب وياتخيـب
قلت لـك لا تحتويني خلني بعالـم شقـاي
لا تعلمنـي احبـك والهـوى مالـه طبـيـب
قلت لي خلني احبك واكتبـي حروفـك معـاي
واكتبيني مع حروفـك واوصفينـي بالحبيـب
مايفيد اندم واعاتـب والهـوى ماهـو بهـواي
من يحب صعب يتناسى وماجرى قسمة ونصيب
الله كاتب لي احبك ويبتـدي فرحـي وشقـاي
بيدي خطيت النهاية لا بتـدت شمسـك تغيـب
من كثـر حبـي لحبـك بتـرك العالـم وراي
واكتبـك ياكـل عمـري اول واخـر حبيـب