4. نكرر الخطوة اللي فاتت لغاية لما يبقة عندنا 5 بتلات أو 6 براحتك بس أنا هعملهم 5
5. بعد ما خلصنا الخمس بتلات هنعمل منزلقة في نص البتلة اللي جنب الإبرة على طول
6. دلوقتي هنعمل ( نص عمود . 2 عمود . نص عمود . منزلقة ) في نفس البتلة ( فراغ ال 3 سلاسل اللي عملناهم في البداية )
7. كدا خلصنا أول بتلة هنعيد الخطوات دي في كل بتلة ( منزلقة . نص عمود . 2 عمود . نص عمود . منزلقة ) بعد ما تخلصي الخطوات دي تروحي للبتلة اللي بعدها لغاية لما تخلصي
8. في الخطوة دي ممكن تحسي انك هتتلخبطي في البداية بس هي سهلة أوي هنقلب الوردة
9. هندخل الإبرة في خيطين من ورا البتلة ونعمل منزلقة
10. دلوقتي مش الإبرة من ورا البتلة هندخلها في نصها ( بين غرزتين العمود ) .... كدا هتطلع لبرا الوردة عايزين نطلعها ورا تاني نروح مدخلين في الفراغ اللي ما بين البتلة وما بين الدايرة الأساسية ( ال 5 سلاسل اللي عملناهم في البداية ) ونعمل منزلقة ( في الصورة مكان الإبرة قبل ما نعمل منزلقة )
11. كدا مسكنا الوردة من ورا هنعمل 3 سلاسل ونروح للبتلة اللي بعدها ونعمل نفس الخطوة اللي فاتت لغاية ما يبقالنا 3 سلاسل ونكمل الدايرة
12. نعمل منزلقة في الغرزة اللي قبل أول 3 سلاسل عملناهم من ورا الوردة ( انت هتشوفيها كأنها سلسلة ) الصورة قبل ما دخل الإبرة في الغرزة
13. دلوقتي هنعمل الخطوات دي في كل فراغ ال 3 سلاسل ( منزلقة . نص عمود . 4 عمود . نص عمود . منزلقة ) لغاية ما نخلص ( هيبقى شكل الوردة كدا )
_14. هنعمل نفس الخطوات من 8 - 12 بس الفرق اننا هنعمل 4 سلاسل مش 3 وهندخل بين غرز العمود ال 4
15. دلوقتي هنعمل الخطوات دي في كل فراغ ال 4 سلاسل ( منزلقة . نص عمود . 4 عمود . 2 عمود طويل . 4 عمود . نص عمود . منزلقة ) لغاية ما نخلص الوردة
16. كدا انت خلصت الوردة عشان نقفلها هنعمل سلسلة ونقص الخيط ونشد الإبرة وبعدين هنخفي الخيوط الزايدة بإبرة عادية بين الغرز من ورا وبعدين نقص الخيط
ودا الشكل النهائي
