|
رد: عبر عن حالتك النفسيه ببيت من الشعر نوب أقول اليا رجع بكون في قمة هدوّي ونوب أقول الا أبزعل وأتلى مابيني وبينه كل يوم أجلس على جال البحر وأقول توّي .. .. لاسألني : مافقدت الحلم في لمسة يدينه ؟! |
رد: عبر عن حالتك النفسيه ببيت من الشعر مادريت أن البحر ماقال لأمواجه تروّي ! و مادريت أن الغرق هو حجّة غياب السفينة مادريت .. أو مابغيت أدري .. ولاأدري وش بسوّي لو رجعت .. وشفت طيفك في الممرات الحزينة |
رد: عبر عن حالتك النفسيه ببيت من الشعر وين ابنسى وانت طيفك صاحبي مدري عدوي مارضى يترك ل غيره شبر واحد في المدينة! |
رد: عبر عن حالتك النفسيه ببيت من الشعر من عز نومي صحيت وشفت في عيني دمع تهادى على جفني وأنا غافي سترت دمعي ب كمي قبل يغريني وأخذت هذا الجسد من باقي لحافي وسريت تايه ورا خطوات رجليني لا الوجه وجهي ولا أوصافي هي أوصافي أمشي وأقول ل طريقي لا توديني ل عيون ناس تبي تدري عن الخافي |
رد: عبر عن حالتك النفسيه ببيت من الشعر أمانتك.. خلها ما بينك وبيني خابرك يالدرب خوة عمر وسنافي ما ودي الناس تدري وش يبكيني كرامة النفس ورث أبوي و أسلافي أمشي وأحس الخناجر في شراييني والبرد يمشي وراي وينهش اطرافي وحيد والليل بردونه يغطيني تقول كن البلد روح بها السافي |
رد: عبر عن حالتك النفسيه ببيت من الشعر إلين ما أوحيت لي صوت يناديني صوت أعرفه مثل ما أجهل وش خلافي قمت أتلفت و انادي لا تخليني ما غيره.. الصوت هذا صوته الدافي ولمحت زوله من أقصى الدرب لافيني مدري وش اقول لكن حي ها اللافي تعال.. شف غيبتك كيف أثرت فيني تعال.. شفني وأنا أغرق عقب مجدافي تعال.. خذني ورحبي من عناويني تعبت أعدي على جمرك وأنا حافي تعال واقطف بصوتك زهرة سنيني كل المواعيد عقبك شمعها طافي تعال وازرع خصل شعرك بكفيني بضمها لين أحس بليلك الظافي تعال وشفيك خايف؟ أنت ناسيني؟ قطعت صوتي عليك وطال ميقافي حتى بديت أشعر أن الحب معميني |
رد: عبر عن حالتك النفسيه ببيت من الشعر وان أنت حلم عثى فيني وأنا غافي لكن أمانة ترى اللي في كافيني إن رحت منك كذا ما رحت متعافي بصدق الحلم وأحذر لا تصحيني في خاطري كلمتين إن قلتها كافي أمانة الله عليك إن غبت عن عيني لا يكون قلبك مثل قلب الزمن جافي مع كل دمعة تذكر رعشة يديني ومع كل ضحكة تذكر قلبي الوافي |
رد: عبر عن حالتك النفسيه ببيت من الشعر إليك يا من أحبك القلب إليك يا من إحتوتك العيون إليك يا من أعيش لأجله إليك يا من طيفك يلاحقني إليك يا من أرى صورتك في كل مكان في كتبي .. في أحلامي .. في صحوتي إليك يا من يرتعش كياني من شدة الشوق إلى رؤياك فقط عند ذكر إسمك حبيبي هذا أقل ما أستطيع التعبير عنه لأن حبك يزيد في قلبي كل لحظة ولأنك أنت كل شيئ في حياتي |
رد: عبر عن حالتك النفسيه ببيت من الشعر مـن وقـت متعكّر مزاج القلب والليلـه سليـم يامرحبا بك يالنسيـم العذب وينك يـ آبعـدي جلستك تتركنـي معاك آهيم والخافق يهيم وين الغرابـه لآزهمـت القاف ثم جاك إيعـدي نسناس بارد والحطب مشبوب والبارق كريـم وآثار ديمـة ليلـة البارح علـى الغصـن النـدي مابه سوى نور الجمر في جانب الخيمه يقيـم كنّـه يحرّض للشعـر والليـل حالِك سرمـدي ودك تغنـي للنسيـم العذب ذعذع يالنسيـم مو وقتهـا حسبـي على الأيام والحظ الردي |
رد: عبر عن حالتك النفسيه ببيت من الشعر يا ملهمتي تعلمت من عينيك كيف أسمو فوق الجوزاء. أن أعيش شريدا في وطني حبيس الحب والوفاء. |
| الساعة الآن 12:55 PM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010