|
رد: رواية جنوبية برت حالي ولا أدري وين ديرتها البارت 37 وقفت قريب منها وهي تشوف جنبها على السرير صينة فيها أكل عبارة عن قرصان بر اسمر وصحن فيه سمن والثاني عسل وفنجال قهوة تأكل بشرود وذهن غايب ولا حست فيها وهي توقف عندها قربت منها لين انتبهت لها أمها وهي تشوف كيف ابتسمت لها بمجرد ماشافتها. عايشة/فديت ذا الفال وذا الوجه تعالي يمه كلي معي. أشواق مالها نفس تأكل شي جلست قريب منها وتمد يدها لصحن علشان تجبر بخاطر أمها. عايشة وهي تناظر في وجه أشواق بحب عظيم تحس لما تشوف بناتها انها تملك الكون كله يكفيها من الدنيا انهم معها وحولها تحس ان اشواق بخاطرها شي من رجعت من الدوام مرت سلمت عليها وكان في عيونها كلام ولاحبت تضغط عليها تعرف انها راح تجي وتقول لها في الوقت المناسب تعرف أشواق انها غامضة ولا تشكي مثل خواتها كتومة ولا ادري ايش بخاطرها بس تعرف ان شخصيتها قوية وحكيمة وتوزن الأمور بعقل وحكمة علشان كذا ما اعارض اي قرار تتخذه . اخذت فنجال القهوة وشربت منه شوي وخلته في يدها وهي تناظر في أشواق قالت لها : ايش معش من علم عساه خير . اشواق وهي تغمس الخبز في السمن وبعدين في العسل وتاكل بتلذذ وفي محاولة هرب فاشلة من أمها : مين من البنات مسوية الخبز يجنن. عايشة نزلت الفنجال من يدها وبحزم : أشواق قولي ايش معش من علم تراني ساكته عنش لي اسبوع . أشواق وهي تزفر بقوة مسحت يدها بالمنديل رفعت عيونها لأمها: يمه جعلني قبلش . وقبل تكمل انتفضت امها بجزع استغفري استغفري الله لا يستجيب لش لا والله جعلكم الباقي انت واخواتش وجعل سنينكم تبطي ولا اذوق لكم حزن وبغضب كم مره قلت لكم لاعاد اسمع وحده تتفداني وتقول جعلني قبلش . أشواق /طيب طيب ابشري ماطلبتي شي المهم انا جيتش وعندي علم يخصش انتي وعلم يخصني انا . وهي تناظر في أمها الساكتة وتناظر في وجها كأنها تقول كملي. اشواق : العلم اللي يخصش يمه نتائج التحاليل اللي اخذتها منش طلعت اليوم يمه لازم تراجعين عيادة السكر ضروري يمه السكر عندش ماهو مستقر مره يطلع ومره ينزل والضغط نفس الشي . بلعت ريقها بصعوبة وهي تناظر في أمها : وعندش وظائف الكلى منخفضة مرة ومجموعة حصى في المثانة والحالب تحتاج تدخل جراحي لازم تاخذين حبوب الضغط بانتظام وحبوب الأسبرين علشان الجلطات بعيد الشر عنش ولازم تروحين معي المستشفى علشان السكر يحددون تاخذين حبوب او ابر وامشي على جدول تغذية حمية السكر علشان تتعدل نسبة السكر عندش يمه. ناظرت في أمها اللي مطنشتها وهي تغمس الخبز في العسل والسمن تاكل ولا عبرتها بكلمة او اي ردت فعل.، قالت يمه سمعتي اللي قلته لش. عايشة/ الله ياسمعته ودخل من هنا وخرج من هنا وهي تأشر على أذنها تبغين اخذ حبوب والله ماتطب بطني ووالله ماغير آكل اللي خاطري به والموت واحد يعني اذا اخذت علاش ولا بموت هيا لاعاد اسمع كلمة. أشواق وهي متوقعة من أمها لانها ماتحب المستشفى ولا عمرها تذكر انها راحت مستشفى تقول انا اعالج الناس بعجز اعالج نفسي حتى التحاليل غصب رضيت ان اشواق تاخذها قربت يدها من أمها وهي تمسكها عجزت حتى انها ترتب الكلام وهي تعرف عناد أمها اذاقالت كلمة مستحيل تتراجع عنها بس ضروري تاخذ على الاقل حبوب الأسبرين وحبوب الضغط والسكر والحبوب المدرة للبول علشان تساعد الكلى وتروح السوائل المحتبسة في جسمها علشان ماتتأثر الرئه من السوائل خاصة وهي تلاحظ صعوبة في التنفس عندها قالت بمحاولة يائسة: ابشري يمه اللي تبغيه بيصير بس الحبوب تاخذينها علشان خاطري يمه وبجيب الش ممرضة وتشوف لش كل شي ماتحتاجين نروح المستشفى والأكل يمه شهر بس حميه لين يتعدل السكر وبعدها بالعافيه عليش. عايشة/تراش اتعبتي روحش على الفاضي قد خرج مني حلف ماتطب بطني حبة وحده والأكل والله مااخليه اللي خاطري فيه بأكله والموت واحد.،! واللي بتجيبنها والله ماغير اسرحها مع الحلال ترعى.! أشواق انجلطت من أمها وعاجزه كيف تقنعها وخايفة عليها. اشواق بتعب: يمه طيب على الأقل المويه لاعاد تشربين من البير اللي برا اشربي معنا من العلب صحية وافضل . عايشة/ والله مااشرب إلا موية ربي اللي خلقها احسن من العلب اللي كلها كلوركس وبسرعة قولي ايش هو علمش . أشواق وهي مثقلةبالعجز وقلة الحيلة من أمها ومثقلة بالخيبة من كل شي . ناظرت في أمها : يمه انا قبل شهر جيت وكلمتش اني ماعاد ابغى ماهر يمه حاولت وفكرت واستخرت بس عجزت يمه عجزت سنتين وانا اقول بيتغير بحاول اغيره وهو يمه على نفس الوضع انتي تعرفين ظروف زواجي منه كيف رحت وسويت الخلع يمه ودفعت له 50الف والحمدلله حسيت اني ارتحت. |
رد: رواية جنوبية برت حالي ولا أدري وين ديرتها البارت 38 عايشه وهي تحس ان حمولها كل يوم تزيد وهي مو قد الحمول ذي اربع بنات في ذمتها وهي تعرف انها ماعاد هي بخير مثل اول رغم انها ماكانت موافقة على الزواج هذا ناظرت في اشواق: انا ربيتكم على اتخاذ القرار المناسب لكم بس بشرط ان كل وحده فيكم تتحمل نتيجة قرارها انا ماانكر اني تمنيت لش زوج صالح لو ادفع نص عمري الزوج سند وحماية لش ولا قلتي لي ايش هو بينش انتي وهو ولا ابغى اتدخل ولكن دام هذي رغبتش الله يعوضش خير منه. اشواق/يمه اي سند ماهر لي لا والله ماهو سند انا راضية يمه اعيش طول عمري بلا زوج ولا يكون ماهر زوج لكن كنت مجبرة على الزواج منه والكلام يمه ماعاد يفيد قده رجال اجنبي عني ولا يحق لي اتكلم عنه بيننا عشرة سنتين لازم احترم اللي كان بيننا وقبل ماتقوم مسكت يد أمها وبرجاء : يمه انتبهي لنفسش علشاني انا اللي اتعذب كل ماشفتش وخرجت صدرها ضاق تحس انها شايلة ثقل جبال تحتاج احد يحضنها يسندها بقوة تحتاج صدر مايخذلها مشكلتها ان الأحساس عندها بوقع مصيبة عالي جدآ ولا عمرها حست بشي إلا يصير لكن ماراح تستسلم للأحساس هذا هي مؤمنة بالله وان كل شي يصير لهم قضاء وقدر حتى لو كان مصيبة عندها يقين ان الله يختار لهم الأجمل دائمآ وانها مسيره في هذا الكون لا مخيره عندها يقين وثقة بالله راح يجي يوم جميل وتتحقق لها احلام وأماني كانت ومازالت تدعي الله انها تتحقق وصلت عند اخواتها وحاولت مايظهر عليها الضيق رفعت راسها على صوت خزامى وندى متهاوشين على ترتيب السفرة نفس كل مرة نفس السيناريو قالت بطفش : اخلصي انتي وهي بسرعة جيعانة وفيني نوم وارهاق الدنيا كلها. خزامى/ايش اللي بسرعة ذي حفلة لش بمناسبة الخلع اللي ماندري ايش سببه.! أشواق انفجعت ماتوقعت ولا واحد بالميه انها حفلة ابد هم متعودين على خزامى وندى وريم حتى ايام الأسبوع يرتبون لهم جلسة وسفرة عليها كل شي قالت بعصبية : خزامى بلا كلام فاضي حفلة بمناسبة خلع انتي من جدش ذحين لا اشوف وحدة فيكم مصورة او كاتبه في السناب او الانستقرام شي . خزامى بخوف من عصبية اشواق اللي اتضحت من احمرار وجها وهي تخاف من اشواق : طيب عادي انتي خلعتيه ليش مستحية ومتفشلة كذا أشواق وكل الضغوط اجتمعت عليها وكملت سخافات اخواتها خاصة خزامى: اولآ ليش اتفشل الحمدلله ثانيآ انا اعتبر انه شي شخصي جدآ مايحق لأحد يطلع عليه خاصة ناس مانعرفهم . احترموا الخصوصية السناب والانستقرام مو كل شي لازم يظهر فيها وبعدين بالله خلع وانفصال نسوي له حفلة ارتقوا شوي .! ريم وهي تحس نفسها احسن وتحاول تساعد نفسها وانصدمت اكثر بخلع اشواق لزوجها بدون ماتعطيهم جواب كافي اشواق طبعها إنسانة كتوم وغامضة وتتحمل قالت موجهه كلامها لأشواق: اجل لو تشوفين الكيكة اللي مجهزتها وايش متكوب عليها اتوقع ذبح. خزامى وهي تناظر في ريم وترجع تناظر في اشواق اللي الغضب واضح عليها قالت بأستعطااف :والله العظيم مااقصد والله بس حبيت نسوي حفلة بسيطة والكيكة عادي مابحطها. وهي ترجع تناظر في ريم اللي تضحك هي وندى رغم انها فرحانة وهي تشوفها تضحك اول مرة تضحك كذا معهم بعداللي صار لها. مسويه نفسش ماشاركتي ولا خططتي معنا. ريم وهي تمسح عيونها من الضحك: انا متى الظلم شين. خزامى /يمه منش يالبريئة . ندى /خلاص ياأشواق ولا يهمش اعتبريها مو حفلة جمعة مثل كل مرة وابشري ماراح نصور اي شي لا تزعلي . خزامى /وعلشان تغيير مزاج اشواق ناظرت فيها ترى بكرة عندي أعلان في أبها خمس فلل مع بعض نفس التصميم بس المساحات تختلف . اللي فيكم تبغى تشتري تقول لي. أشواق من زمان تبي تشتري فله جاهزه افضل لها ماعاد فيها للمقاولين والشركات ولا تفهم في الأشياء ذي مرة قالت لها : خلاص اوكي انا ابي وحدة وتكون مساحتها كبيرة وانتي وهي موجهه كلامها لريم بتشتري معي. ريم /عادي حتى انا ابغى وحده بس البنك ناشبين لي .! أشواق/ كم معش على الحساب حاليآ. ريم /حدود 700الف وباقي آيجار المحلات ماراح يعطوني إلا على بداية السنة . اشواق /حلو الباقي انا بكمله لش. خزامى بحب: لا والله مايكمل المبلغ إلا أنا ان شاء الله صاحب الاعلان مايقصر معنا أبو أميرة قال لي اذا جبتي لي اثنين مع بعض لهم خصم وكيف لو يعرف انها لكم راح يراعينا في السعر . ندى بحزن: ريم انا ماعندي شي اعطيش بس الترتيب كله علي وهي تضحك. ريم /فديتكم جعلني مااخلى منكم الله لا يحرمني والله اني احبكم اكثر من نفسي احساس ان عندك ناس تحبك وتهتم لك وتخاف عليك احساس عظيم .. هي واخواتها يحبون بعض بشكل مايوصف . |
رد: رواية جنوبية برت حالي ولا أدري وين ديرتها البارت 39 خزامى / تتجهز علشان اعلان الفلل ومعها أمها وريم وندى أشواق مشغولة مع الدوام وقالت لأمي تختار لها اي شي يعجبها وفرحت أمي ماتوصف لهم رغم ان كل وحدة فيهم عندها عقارات ويجيهم إيجار سنوي ومبلغ كبير خاصة أشواق عندها عمارة اربع ادوار عبارة عن شقق مفروشة وعيادة خاصة لها ومجمع كامل . وانا الحمدلله عندي راس مال كبير وكل يوم يزيد محلات ومطاعم نسائيه كاملة اشتريت سيارتين جديدة كان خاطري فيها علشان اكشخ فيها اذا بسوي أعلان والحلم الكبير انها تشتري فله كبيرة مرة في بالها تصميم معين كل الفلل اللي شفتها ماعجبتني اتمنى اسكن فله كبيرة انا وأمي واخواتي بس أمي رافضة تقول بيتي ماراح اخرج منه واللي تبغى فله تروح تسكن فيها مستحيل نخلي أمي لوحدها مهما كان . تذكرت الشخص اللي مشغل فكرها وقلبها فارس جلست على سريرها وهي تفتح السناب بعد صراع قررت تحذفه وحذفته بس عجزت تكمل رجعت تضيفه من جديد وصارت تتابع يومياته كاملة وإذا مانزل شي يضيق صدرها تعقلت فيه بشكل يوجعها حيل. اول مرة في حياتها تضيف ولد بالعادة ماتضيف ولا تتابع احد بس فارس غير اخذ قلبها اضافها بعد الأعلان وقبلت الأضافة ماتدري الى وين راح توصل مع مشاعرها فتحت الاستديو على مقطع سناب له محفوظ عندها واقف مع جده وابوه في عزبتهم ويضحك ويسولف معهم صارت تراقب تعابير وجهه وهو يتكلم ويضحك ضحكته تجنن ..فتحت مقطع ثاني له مشغل شيلة ويلعب عليها(يلعب بمعنى يرقص )عندنا عيب اذا قلنا الرجل يرقص الرقص فقط لنساء ! لابس ثوب اسود شتوي ماسك على جسمه المعضل ولاف الغترة البيضاء بطريقة العمامه الأمارتية شعره الأسود مقصوص على غير العادة واصل لتحت رقبته ليش يخفف منه كان يجنن وهو طويل ماسك عصا سوداء براس مدبب فضي ويلعب ببراعة على الحان الشيلة لعب قزوعي وقف وهو يتحرك يمسك يد جده ويوقفه ويسحبه ويلعب معه كان جده يجاريه بنفس طريقة لعبه كانوا ينزلون ويرتفعون مع بعض بدون اي غلط حتى ضربت رجولهم في الأرض تكون بنفس الوقت كان في قمة الجمال من كل النواحي جمع جمال الوجه وجمال المظهر وخفة الدم . المقطع الثالث وهو صاحي الصباح مداوم صور نفسه وكتب صباحكم فارس وهو يضحك ماتدري كم مرة اعادت المقاطع والسنابات صارت تعرف عنه اشياء كثيرة يدرس ثالث ثانوي في مدرسة اهلية وصرح وقال انا دخلت مدرسة اهلية علشان يعطوني 100ظھ بفلوسي طبعآ ضحكت لما سمعته يقول كذا حتى جدته صارت تحبها على كثر مافارس يصور وهي معه تسمع سوالفها تشوف فارس كيف يحبها كيف يشتغل معها شكلها بتحب العائلة كلها والسبب فارس حتى اخوه الغثيث يصوره وهو معصب وفارس يطقطق عليه وفي النهاية يرجع فارس يبوس راسه ويعتذر .. واخته أميرة صارت علاقتها قوية معها على طول تتواصل معها وطلبتها تجي مع ابوها اليوم علشان تشوفها قالت : مااقدر اخلي أمي لوحدها . قالت : لها طيب لما اجي الرياض عادي نتقابل في اي مطعم قالت: مااقدر اخواني متشددين مااقدر اخرج ولا مكان بدون أمي . فتحت صورة ثانية له وهي تناظر عيونه الواسعة وحواجبه ورموشه الكثيفه طول خشمه ويباض بشرته نقزت بخوف لما انسحب الجوال من يدها ندى وهي تضحك علي شكل اختها اللي انخطف لونها من الخوف رفعت الجوال وهي تناظر فيه وبسرعة نزلته وناظرت في اختها: ها رجعنا لفارس مو قلت لش تحذفينه. خزامىسحبت الجوال بعصبية وهي تحس بتسارع نبضات قلبها وخوف وخجل من ندى : ايش دخلش ياملقوفة وثاني مرة لا تعيدين الحركة السخيفة ذي ندى /اوكي ماراح اعيد الحركة لاني ذحين بروح اعلم أمي وبتصل في أشواق واقول لها كل شي . خزامى وهي تشوف ندى بتخرج: ندو بالله لا تعلمين أحد جزاتي اللي وثقت فيش وقلت لش كل شي ليش كذا بدال ماتساعديني تفضحيني عندهم . وبأستعطاف وضح من نبرة صوتها وخوفها من انكشاف امرها خاصة من أشواق اللي بتذبحها وأمي مستحيل تعارض اي قرار من اشواق : ندو حبيبي ترى مايجوز تفضحين إنسان استري علي الله بيستر علاش . ندى وهي تشوف خزامى كيف تتراجاها حبت انها تبتزها واصلآ مستحيل انها تروح وتعلم أمها وأشواق قالت لها : تبغين اسكت .! خزامى بفرح: ايه تكفين ندو طلبتش. ندى بلعانه : ذحين تطلعين الساعة جيس ومونتانا.،! خزامى بصدمة: ايش تقصدين اللي من الركن السويسري، |
رد: رواية جنوبية برت حالي ولا أدري وين ديرتها البارت 40 ندى/ايوه عليش نور اللي من اخر اعلان جبتيها عجبتني وخاطري فيها. خزامي/لا بالله ماصدقتش اقول روحي بس، ندى/اوكي لا تعطيني عادي وشوي راح اعلم أمي عن فارس واقول لها ان ابوه صاحب الأعلان وانش متحمسه علشانه هو. ندى وبلعانه : عادي تعرفين أمي سم قلبها الكلام اللي مثل كذا توقعي انها تحلف عليش ماعاد تمسكي جوال حياتش كلها ولا تخرجي من الباب اتوقع انتي تعرفين أمي عايشه زين. خزامى بجزع وقهر : خلاص تعالي خذيها الله لا يهنيش فيها هي تعرف امها زين لو عرفت والله ماعاد تشوف شي اسمه جوال . ندى وهي تحاول ماتضحك : ايش قلتي تدعين علي أنا إنسانه عندي كرامة مستحيل اخذها وانت تدعين علي ماعاد ابغاها بروح اعلم أمي . خزامى /ندى بلا لعانه ليه انتي نذله كذا ايش تبين اقول لش .! ندى وهي مستمتعه وهي تبتز خزامى أول مرة تكون ضعيفة كذا : تروحين تجيبين الساعات وتقولين تفضلي عمتي ندى وتبوسين راسي ويدي . خزامى / لا ياشيخة اقول ترى زوديها انتي . ندى /خلاص بروح وقبل تخرج سمعت صوت أمها تنادي عليهم رجعت لفت لها وقالت : فديت أمي اختصرت على المشوار صارت قريب وهي تضحك على شكل اختها. خزامى /بأستسلام خلاص انتظري وراحت عند درج التسريحة وسحبت علبتين واعطتها لندى اللي ترقص حواجبها وتضحك قالت لها تفضلي واخذتها. قالت ندى وهي حابها تطفشها : ماكأنش نسيتي تحبين راسي وقبل ماترد خزامى قالت لها : خلاص مابغى توسخين راسي دوبي متسبحه وحطي في بالش من اليوم ورايح راح يكون سعر اي اعلان عندش بيني وبينش بالنص وخرجت بسرعة قبل ماتسمع ردت فعل خزامى على كلامها من وين نزلت علي يافارس والله مااخلي خزامى في حالها عرفت نقطة ضعفها. خزامى وهي مقهوره من ندى ليتها ماقالت لها صارت تبتزها خلصت لبس بسرعة وهي تتمنى تشوف فارس رغم انها متأكده ماراح يجي مرتبط بدوام مدرسة والعصر مع المطعم المتنقل اليوم كله ماصور ولا سناب يتغلى فارس. خرجت وهي تشوف اخواتها وامها راكبين ركبت بصمت وهي تفكر في حالها ليه انا صرت كذا ليه من قبل مااعرف فارس وانا مرتاحة كان كل همي كيف اكون نفسي ومشاريعي بس ذحين فارس اشغلني حيل . سمعت السواق يسأل عن المكان ردت حي الورود بعد شركة الخالد للأثاث اللي قبل يومين سويت لهم اعلان السواق عمر ايه خلاص عرفتهم.، سندت راسها على شباك السيارة وهي تناظر الجبال جبال السودة الشاهقة المكسوه بالخضار والضباب يعانقها من كل مكان . ظ ظ محمد/ واقف قدام سيارته ويتصفح جواله طفشان المفروض انه خلاص في نجران بس ابوه اتصل وقال بما انك باقي عند امك العصر تروح عند الفلل خزامى بتجي تسوي لها اعلان انا ماعاد بجي فاتتني الرحلة وهذا هو واقف من بعد صلاة العصر وحضرتها ماجت كرهت هذي الخزامى كره العمى افكر واقول وين اهلها ابوها اخوانها اعمامها اخوالها معقولة محد فيهم عنده ذرة غيره عليها المصيبة انها باقي صغيرة وعادي ماخذه راحتها بكل مكان رفع راسه وهو يشوف السيارة اللي جنبه جمس يوكن شفروليه تاهو 2017 ابيض كرستالي نزل النظارة وهو يتمعن فخامة الجمس اللي قدامه يحق لها مشهورة اقل اعلان عندها عشرة الاف ريال . ابوي علشان اعلان الفلل دفع لها 40الف اقل شي قيمته الجمس ذا 170الف ريال . رجع يلبس النظارة ويشوف في السواق اللي نزل يفتح لها الباب مرة متغمصة دور المشهورة والمهمة . شافها تنزل وجزء من ساقها واضح بسبب العباية المفتوحة حذاء ابيض و تركواز (اديداس اروجينال) وقفت وهي تحط الشنطة على كتفها وتعدل النظارة العريضة على عيونها عبايتها تحتاج عباية ثانية. خزامى كانت متعلقه بأخر آمل انها تشوف فارس اليوم او ابوه على الأقل بس تحطمت لما اتصل عليها علي صاحب الأعلان واعتذر يقول فاتته الرحلة بس ولده ينتظرها ارسل لها كل شي يخص الفلل ولما شافت اللي واقف ينتظرها زاد ارتباكها وخوفها تتمنى ترجع خلاص هو اللي تكلم عليها مستحيل تنساه ناظرت فيه واقف لابس بنطلون قطن اسود وبلوزه ابيض كت خافت منه حيل طويل وخضم ماقدرت تحدد نظراته لها وهو لابس النظارة حاولت تتشجع وهي تتقدم له وهو تشوفه يكلم في الجوال يقول : خلاص ابشر يبه هذا هي وصلت على خشمي مع السلامه ونزل الجوال . |
رد: رواية جنوبية برت حالي ولا أدري وين ديرتها طرح قمه الروعه في والجمال سلمت اناملك ويعطيك العافيه علي مجهودك في أنتظار المزيد من عطائك والمزيد ومواضيعك الرائعة والجميله ودائما في إبداع مستمر |
رد: رواية جنوبية برت حالي ولا أدري وين ديرتها البارت 41 محمد : خلاص ابشر يبه هذا هي وصلت على خشمي مع السلامه ونزل الجوال . قربت منه وهي تقول بصوت خافت : السلام عليكم . محمد وهو يناظر فيها وهي تقرب منه ريحة عطرها وصل لين المخ عنده من قوته سمعها تسلم بصوت ناعم . مارد عليها وبخشونه وأمر : شوفي وهو يأشر بيده هذي الفلل ادخلي شوفيها وانتبهوا داخل في عمال في الحوش الخلفي لاتروحون هناك . مايدري ليش قال لها انتبهوا ندم لما قالها .. تحركت خزامى مبتعده عنه وكل خليه بجسمها ترجف تحس رجولها بتدخل في بعض وصلت السيارة وكلمت امها واخواتها ونزلوا وهي تتقدمهم دخلت الحوش كانت خمس فلل نفس التصميم لكن تختلف المساحة امها واخواتها انبهروا في الفلل والتصميم . ريم قالت : تبي الفله اللي مساحتها صغيرة على قد فلوسها وماتحتاج اشواق تكمل لها المبلغ . أمها اختارت الفله الكبيرة لأشواق والثانية مساحتها نفس مساحة فلة ريم أمي حلفت ماغير اخذها غصب. كملت تصوير الفلتين الباقي .. وخرجوا امها تعبت من المشي فرجعت السيارة مع ندى وهي ريم راحوا عند محمد يكلمونه . محمد كان في السيارة ولما شافهم نزل رفع عيونه لخزامى وهي تقترب منه ومعها وحده اقصر منها نفس استايل اختها خزامى عباية على الكتف بس اهون من عباية خزامى اللي عبارة عن حفلة . خزامى وهي تقوي نفسها علشان تكلمه : لو سمحت حنا بنشتري ثلاث فلل رقم 1-3-4. محمد نزل النظارة من عيونه وبنظرات كلها احتقار خاصة وهو يشوف عيونها مليانه كحل ورموشها الطويلة بياض يديها والمناكير بلونها التيفاني الخواتم والساعة كانت عبارة عن فتنة تمشي على الأرض ذي مستحيل يكون عمرها 17سنه . خزامى تلقائي وهي تحتضن نفسها بيديها وتقرب من ريم كأنها تحمي نفسها من نظراته لها كلها نظرات احتقار ومارد عليها اعادت نفس الكلام .. رد بسرعة وهو يبي الفكه منها قبل يتهور ويقوم يسحبها في الشارع طول بعرض كفاية المرة اللي طافت ابوه زعل منه علشانها رد بنبرة كلها كره : خلاص ذحين نروح المكتب علشان نوقع العقود واتوقع انش تعرفين الأسعار ولازم يكون عندكم الأثبات الشخصي الأصل وليس الصورة بطاقة الأحوال وهناك راح نصورها . خزامى كانت ناوية تعترض على الأسعار خاصة فلتها هي وريم لأن المساحة صغيرة بس لما عرفت انه بيروح معها توقع العقود والله ماعاد تقدر تقول حرف قالت له خلاص روح وحنا نلحقك .. انسحبت من قدامه وهي تمسك يد ريم . ريم وهي مستغربه من تصرفاته ونظراته لهم قالت : خزامى ليش يناظر فينا كذا . خزامى /مدري عنه يااريم اتوقع انه مريض ماحبت تقول لهم انه هو اللي تكلم عليها. ظ ظ عايشة(الأم) خلصت صلاة المغرب وهي تحس بضيق في التنفس اليوم بذلت مجهود وهي تمشي في الفلل وتشوفها فرحتها ماتقدر توصفها ذحين تحس انها ارتاحت على الأقل صار كل وحدة فيهم عندها بيت ملك وظيفة ومدخل زرق ثاني غير الوظيفة واحسن شي انهم بنفس المكان . وباقي ندى اللي رفضت تتوظف تقول تبغى ترتاح السنة ذي وانا يمه مرتاحة وانا اخدمش واجلس معش اكثر من مرة كلموها يهدون البيت ذا يبنون فله كبيرة مشتركة بينهم ويكتبون عقد الفله بأسمي ورفضت . أنا حتى رواتبهم مستحيل اخذ منها ولا ريال وانا ازيد من عندي لهم اليوم تمنيت الفله الرابعة لندى لكن سعرها كبير وماعندنا المبلغ الله يعوضها ويحفظهم لي ضحيت بكل شي علشانهم وتعبت وماخرجت من الدنيا إلا بهم اذا شفتهم ارتاح وانبسط تمنيت ان كل وحدة فيهم متزوجة لكن الله ماكتب فرحت في اشواق ومااكتملت الفرحه . وهي خايفة عليهم من الدنيا عقبها والمرض هد حيلها ماعاد تقدر تتحمل ادنى حركه سبحان من ابتلى عباده بالمرض كنت انا اعلاج الناس من يوم وانا صغيره كنت احلم ان يدي اليمين كلها تسيل عسل ولا اعرف ايش معنى الحلم المستمر معي بس كنت اعالج الناس بالأعشاب والعسل اعالج عقم النساء البهاق والبرص كنت اعالج كل الأمراض واعجز عن علاج نفسي .! ولا كنت اشترط فلوس او مبلغ اللي يعطوني ارضى به واكثر من مرة تجيني المباحث ويمسكوني شاكين فيني اني ساحرة واستخدم السحر. ويكتب الله لي البراءه مرة اخر الليل الباب كان يدق بقوة وزوجي مسافر فتحت وكنت احسب انهم ناس يبغون علاج إلا حرمتين طول بعرض مسكوني وقالوا لش 4 دقايق البسي عبايتش وتعالي معنا قلت لهم بخوف وين بنروح قالوا خلصي وبعدين راح تعرفين وانا ارجف من الخوف لبست ورحت معهم وساعة وانا في السيارة ماادري وين بنروح واكثر من سيارة تمشي قدامنا دخلوني قصر كبير اول مره في حياتي اشوفه وقالوا لي انتظري وأذن الفجر وانا بنفس الغرفة وما شفت احد قمت صليت كنت خايفه علي بناتي صغار وحدهم وخايفة على نفسي انفتح الباب وتدخل علي حرمتين معهم ملابس طبية وادوات تعقيم قالوا غيري ملابسش والبسي ذي وعقمي نفسش لش عشر دقايق وبنرجع ناخذش |
رد: رواية جنوبية برت حالي ولا أدري وين ديرتها البارت 42 سويت اللي قالوا لي عليه ودخلوا علي ورحت معهم في اسياب طويلة والمكان فاضي موحش لين دخلت غرفة كأنها غرفة عناية مركزة سرير طبي وعليه ولد شباب من اجمل ماشفت موصل بخشمه جهاز اكسجين وانبوب ثاني واجهزة كثيرة اول مرة اشوفها وهو كأنه نايم مايتحرك فيه شي عنده ممرض وممرضة واقفين لابسين كمامات ورجل بنفس عمر زوجي واقف معهم ولابس جونتي وكمامات طبية ناظر فيني وقال انتي عايشة قلت له ايه وانا بموت من الخوف وارجف . قال لي وهو يشوفني كيف خايفة قال انا والله مااعرفش ابد ولاعمري سمعت عنش لكن لي اكثر من سنة وانا احلم فيش تأكلين ولدي ذا عسل وهو يأشر على ولده . ومرة وانا نايم اسمع صوت هتاف يقول علاج بندر في يد عايشة في قرية الخضراء في السودة . قربت من ولده و قلت له كم عمره وكم له تعبان . قال بحزن وهو يمسح على شعره عمره 16سنة خرج من بطن أمه مثل اي طفل طبيعي وبعد خمس سنوات فجأه ماعاد تكلم ولا تحرك ولا شي 11سنة وهو على ذا الحال ماخليت به مستشفى داخل وخارج المملكة إلا رحت به وقالوا ماله علاج. قربت منه وهي تناظر في الولد سبحان من اعطاه الجمال هذا لكنه جلد على عظم مايتحرك فيه شي اصابع يديه متشنجه وبين اصابع يده حاطين شاش علشان ماتتجرح شفايفه البيضاء الجافه . شافت انبوبه موصله في خشمه انبوب تغذية وانبوب ثاني للاكسجين موصل بالاسطوانة شالته ولما شالته سمعت ابو الولد يصيح لا تكفين رجعيه والممرض الممرضة دفوني ويحاولون يرجعون الأنبوب بسرعة . قلت له ماراح يموت صدقني ابغى اشوف ايش في حلقه لازم اشيل الأنبوب علشان مايتعور. قال لي بخوف انتي متأكدة . قلت له انا وانت وهو كلنا بالله. قال لي خلاص شوفي شغلش . شالت الأنبوب وفتحت فمه وفعلا اللي كنت شاكة فيه حصلته دخلت اصبعي داخل حلقه ورفعتها لفوق بسرعة وفي اقل من ثانية إلا دم اسود كأنه نافورة من فم وخشم الولد وبعدها ماتدري كيف انحذفت على الأرض وصوت ابوه والممرضين يصيحون علي .. قام ابوه لعندي ومسكني بقوة لدرجة انه رفعني عن الأرض ويهدد ايش سويتي في ولدي يامجنونة يامتخلفه قسم بالله لو يصير له شي ماغير انفيش من على الأوض شكلش ماتعرفين انا مين .......؟ لما سمعت الأسم بردت كل اطرافها دفعها على الأرض وراح يشوف ولده وهي مصدومة ايش جابني هنا انا .! شوي سمعته يقول يارب لك الحمد يارب لك الحمد قامت واقفة وهي تروح تشوف سبحان الله الولد يحرك راسه فتح عيونه يحاول يتكلم بس صوته رايح وحلقه جااف. لف لها الرجال وهو ينسى نفسه وينسى هي مين انكب على يدها وهو يبوسها ويرجع يبوس راسها قال لها اطلبي لش من المية الف لين المليون. انت انقذتي ولدي الوحيد يأست انه باقي يقوم.! قالت له وهي تعدل عبايتها على راسها : هو طاح وهو صغير على راسه صح. الرجل/والله مدري انا واحد راعي سفر ولا اجلس كثير عايشة/ إلا طاح طيحه قوية على راسه كانت عظمه ساده مجرى التنفس والأكسجين مايوصل بكمية كافية لباقي اجزء الجسم خاصه المخ علشان كذا التشنج واضح من يديه المعكوفه على قدام . قال لها اطلبي وانا مستعد باللي تبينه.! عايشة /الله يكثر خيرك ماعمري اطلب حقي بتعطيني راضيه فيه وذحين رجعني تكفى تأخرت على بناتي في مكان( قفره )بمعنى المكان المنعزل عن الناس لوحدهم ابوهم مسافر. الرجل /ابشري مالك إلا كرامه وهو ينادي وليد دخل وليد وهو يقول سم طال عمرك. الرجل/اكتب شيك ب 100الف واعطي الخالة عايشة ووصلها بيتها بنفسك .! وليد بطاعة ابشر كتب الشيك ويمده لها .! ناظرت في وليد وفي يده هي ماتعرف ايش هو شيك ولا تقرأ ولا تكتب قالت له والله مااعرف ايش شيك فهم عليها ابو بندر وقال لوليد اعطها نقدآ . واستفادت من المبلغ هذا واخذت لها سواق وسيارة واعطت باقي المبلغ لأخوها خليل اللي كان محتاج فلوس متزوج حرمتين وماعنده وظيفة وكان زعلان منها اعطته فلوس علشان يرضى عنها وفي النهاية مات وهو زعلان مايكلمها . ظ ظ علي جالس مع ابوه اللي فارس جابه وأمه وجدتة وأميرة جواله بيده يراسل خزامى اللي قالت له هي واخواتها بيشترون ثلاث فلل وتبغاه يراعيهم في السعر قال لها راح اراعيكم في سعر فله وحده بس لان الفلل في موقع ممتاز ومستحيل يبيعها بخسارة وكان محتار يختار مين قال لها انتي سوي قرعة بينكم واللي يخرج اسمها راح اسوي لها تخفيض كبير والقرعة طلعت من نصيب ريم حظها . والشي اللي مستغرب منه انهم اخوات كلهم على كلام خزامى ليه كل وحدة فله مستقلة. باقي عنده فلتين ماراح يستعجل ويبيعها كل الأتصالات اللي جته من بعد الأعلان رفض يبغى فيها سعر حلو لأنها كبيرة |
رد: رواية جنوبية برت حالي ولا أدري وين ديرتها البارت 43 انتبه لأمه وهي تكلمه : علي ايش رديت على خالك وولده في زواج فهد واميرة دق علي عتبان عليك يقول يتصل عليك ماترد. علي وهو يرجع يناظر في أميرة وهي تشغل نفسها بالجوال : ابد يمه كلمني وقلت له مافي زواج لين فهد يتوظف وظيفة حكومية ووقتها يجي الله يحييه واتصل خالي مرتين وكنت مشغول ونسيت ارجع اتصل عليه. أمه /وليش ياولدي تنشبها وهي سهاله خالك يقول ان المهر زاهب والبيت زاهب ويبشر علي باللي يبغى وفهد يمكن ينزل اسمه الشهر الجاي. علي بطفش من السالفة ذي من سنة وهي تتكرر لو بكيفه والله مايزوج أميرة وحيدته : يمه مانشبتها والله ومن حقي اضمن مستقبل بنتي ولاعندي إلا بنت وحده ليش استعجل عليها من وين بيصرف فهد على بنتي يمه ياخذ مصروف من أمه وابوه وبنتي مدلله عندي ليش اجيب لها الضيم والبيت يمه سبق وقلت لخالي ابغى لبنتي بيت مستقل . وهو يوجه كلامه لأبوه وإلا ايش رايك ياابو احمد. محمد(الأب) وهو سمع كلامهم قال : بصرك في بنتك اللي تشوفه صح انا معك وسكت ورجع يناظر في زوجته اللي ماعبترته بكلمة او نظرة جاء عنده فارس في المزرعة وحصله تعبان وحلف ماغير اجي معه .! فارس بلعانه وهو يناظر في أميرة اللي باين الخجل في وجهها وهي تحاول تلهي نفسها بالجوال : يبه ليش تنشبها على قول جدتي من زينها أميرة ماادري ايش عاجب جدي علي وخالي حسن فيها المفروض ذي نعطيهم مهر غير انها شينة وغثة وخبلة ماتدري وين الله حاطها وهو يضحك . أميرة بأندفاع : الشينه زوجتك وانت الشين . فارس ضحك بقوة : وين اللي قبل شوي مستحيه وساكته وزوجتي لا تجيبين طاريها الحب جعلني فداها . هيلة / اللي جالسة جنبه وتناظر فيه بحب يالله في الصلاح تتفدا لوحده ماتعرفها الله يازينك بعقلك والا يضحك الناس عليك . فارس وهو يمسك يدها : تشوفين ياجده كيف بحبها واموت فيها ومن ذحين الكلام موجه لش انت وأمي زوجتي مالكم دخل فيها لا تستقعدون لها زوجتك سوت زوجتك فعلت من ذحين اذا تزوجت انسوا ان عندكم واحد اسمه فارس اجيكم كل جمعة وخلاص . هيلة وهي تضحك : ياغبن قلبش ياهيلة وهي تحط يدها على شعره : بسم الله علامك ياولدي خرج وجهك يوم بقيت من شعرك لاعاد تخليه يطول . جميلة وهي تحاول تمسك عبرتها ولا قدرت صارت تبكي و من خطبة بنتها بولد اخوها وهي خايفة من اليوم اللي بتروح بنتها الجنوب وتخليها ابوها و اخوها اكثر من مره يكلمونها يبون الزواج قريب وكل مرة تتعذر لهم بعذر هي وزوجها. فارس وهو يشوف أمه اللي تتصدد بوجها وتمسح عيونها وقف وراح لها وجلس جنبها وحضنها : افا جمول تبكي ليش علشان الشينة أميرة هوني على روحش باقي مابتتزوج ذحين احسبي لولد اخوش النشبة الثاني كم سنة يعيد اختبار الهيئة وبعدين مستحيل أميرة تتزوج قبلي عيب وشق جيب ضحك وهو يشوف أمه تبتسم . هيلة وهي تشوف بنت اخوها اللي حالها مايسر عدو ولا صديق ومحد يلومها لو بكت ذي بنتها الوحيدة و بمواساه لها : جميلة يمه صلي على النبي ذا حال الدنيا وبنتش ماهي عند غريب عند خالها وبيهب شانه بها عنش انتي تزوجتي ورحتي مع رجلش الرياض وخليتي اهلش في الجنوب وانا تزوجت وانا دون دون(بمعنى اصغر منها سنآ) عن أميرة فديتها والحمدلله ماصار شي . جميلة وقفت بدون ماترد وخرجت شقتها وتلحقها أميرة .! هيلة /يالله انك تريح قلبها وتشفيها يارب وانت قوم الحق مرتك موجها كلامها لعلي.، علي ولا علق بكلمة على زوجته مرة شايل عليها بقلبه وطفش منها وهو مربوط بعياله ومربوط من خاله وعياله لكن لأجل عين تكرم مدينة قام واخذ جواله وقبل يخرج سمع ابوه يناديه . علي رجع يجلس :لبيه ياابواحمد أمرني، الجدمحمد بعد صمت ولاهو داري ايش يقول : وانتي ياهيلة انا لي فترة طويلة احلم في احمد الله يرحمه وسبق قلت لكم وسكت ويحس قلبه يتفطر على فقد ولده لكن الشهر هذا كل ليلة وانا احلم بنفس الحلم يجيني احمد لابس احرام وبيده كيس ويقول كلام كثير ولا فهمت منه إلا يبه انا عريان لبسني ملابس .! علي وهو يناظر في أمه اللي تناظر في ابوه بدون اي ردة فعل. : الله يرحمه ويغفر له وانا احلم به كثير الأيام هذي ولا ادري ايش تفسير الحلم. هيلة وهي تغمض عيونها : لايكون ولدي مات وعليه دين ويتعذب. محمد (الجد) : والله ماادري تصدقت له بنيت له مسجد وحفرت بير. فارس هو يسمع كلامهم عن عمهم اللي مايعرفون عنه شي غير انه خرج ولا رجع إلا ميت قال : اعرف مفسر احلام ثقه اعطيكم رقمه وقولوا له الحلم يمكن له معنى . |
رد: رواية جنوبية برت حالي ولا أدري وين ديرتها البارت 44 علي /خلاص ارسله لي واتس وانا اكلمه بكره انا وجدك خرج هو وولده فارس وهو يفكر في اخوه الميت والأحلام المتكررة ..! محمد(الجد) وكل ندم الكون يأكل روحه من وقت ماخرج ولده وهو يتعذب وساكت اصعب شي انك تدفن جزء منك في التراب بيدك واكثر شي باقي يحرق قلبه انه كان قاسي عليه باقي يتذكر كيف كان يضربه لما جاه خبر موته كأنه حلم يقول اكيد تشابه اسماء مستحيل ولده يموت باقي صغير بعد مادفنه مابكى مرة الكل يحسب ان موت ولده كان عادي عندي وما آثر عليه وكان يشوف في وجوه المعزين كلام عرفه بدون حتى ماينطقونه تجلد وصبر وهو يتقطع من داخل. خلصت أيام العزا وبعدها انهار لوحده وبكى لأول مرة في حياته يبكي .! ناظر في زوجته في المطبخ المفتوح على الصالة وهي تشغل نفسها يعرف طبعها اذا متضايقة تروح تشتغل وقف وهو ياخذ شماغه على كتوفه يبغى يخرج يروح عزبته مكانه من مات ولده بأمر وطلب من زوجته اللي حرمته على نفسها سنين وهو محروم منها كيف صبر مايدري وقبل يخرج وقف وهو يشوفها معطيته ظهرها والمنديل اللي مغطيه به شعرها رفعت اطرافة لفوف دخل عندها وقرب منها لين لصق فيها وصار يشم ريحتها اللي يعشقها نفس الريحة ماتغيرت ريحه مميزة في هيلة وبس . هيلة غمضت عيونها لما حست فيه ولاعندها طاقة تتكلم هي تتمنى بس تشوف ولدها حلم ولا مره حلمت فيه. مسحت يدها من المويه وهي تحاول تحاول تفك يدين زوجها لما حست فيه يتمادى . : محمد خاف الله فيني انا تعبانة لا تزيد علي لو تدري ماهو بقلبي والله ماتفعل كذا احشم شيب راسي وراسك لا يدخل علي ذحين ولدي وإلا عياله وانت كذا . وهي تدفه انا قد حرمتك على نفسي خلاص . محمد وهو يرجع يمسكها ويلف وجها له : كيف تحرمين مااحل الله كيف ترى الملائكه كل يوم تلعنش من زمان وصلاتش وصومش وحفظ القرآن ماتفيدش وانا غضبان عليش وهو يناظر في وجها اجمل من شاف في حياته حبها حب قسوة كان عنيف معها بكل شي حتى مشاعرة كان غيور عليها لدرجة مايسمح لها تخرج مكان حتى عند جماعتهم. هيلة وقلبها يتقطع من كلامه هو صادق ان الملائكه تلعني لكن ماعاد لها رغبه في قربه و في حياتها حست فيه وهو يقرب راسها ويبوسه فكها وخرج .. . . أشواق وهي خارجة من غرفة استشاري مخ واعصاب بخطوات سريعة وبيدها صور من الأشعة المقطعية لأمها ثالث دكتور تعرض عليه قراءة الأشعة عندها بصيص أمل ان واحد فيهم راح يقول ان امك ماعندها جلطة في المخ لكن للأسف كلهم نفس الكلام جلطة في المخ أثر ارتفاع مفاجئ في الضغط والسكر بنفس الوقت ماتدري كيف مرت عليها عشر أيام كأنه سنين ثقيلة على قلبها باقي تحس انها جاثمة على صدرها اثقل من موت أبوها اثقل من شعور اليتم اثقل من شعور الحاجة لسند، اثقل من الأيام اللي قضتها في كندا بعيد عن أمها واخواتها ،اثقل من قرار ارتباطها بماهر ، واثقل من خيبتها فيه ،واثقل من قرار انفصالها عنه ، اثقل من الشي اللي صار لريم ،اثقل من كل شي باقي تتجرع مرارة انتظارها قدام باب الطواري لسيارة الأسعاف اللي بتنقل أمها . كانت في الدوام وجاها اتصال من ريم اللي مافهمت منها شي وهي ماغير تشاهق وتبكي وصوت خزامى وندى يوصل لها وهم يصرخون وينادون أمها بنبرة فيها كل انكسار وضعف العالم حاولت قد ماتقدر انها تتماسك وبهدوء عكس الخوف اللي تحسه : ريم ايش صار كانت حاسة ان شي بيصير حست ان ريم في حالة صدمة من طريقة كلامها وصراخها تهذي اخر شي صارخت عليها علشان تسكت وافهم ايش صار وبوجع ريم قالت أمي يااشواق حصلتها في مجلس الرجال طايحة في الأرض وعيونها شاخصة لفوق ودم ينزل من خشمها كل مخاوفي صارت مثل السكين الحادة احسها بوسط قلبي وانا استرجع وصف حالة أمي أجل كيف وضع اخواتي اللي شافوا كل شي قلت لها بسرعة اطلبي الأسعاف انا مايمدي اسوي شي من المستشفى للبيت 25ك قفلت منها وانا ارجف ماعاد اقدر اوقف حاولت اواسي نفسي واظن خير اكيد انها طيبة اخواتي يكبرون المواضيع وانا استرجع وصف ريم لحالة أمي لا يارب ماتكون جلطة الصباح وانا معها قبل اروح الدوام والسكر والضغط مستقر ايش صار لها طيب نزلت الطواري وجهزت كل شي وقفت تحت عند باب الطواري انتظر سيارة الأسعاف ماعاد فيني صبر رجعت اتصل على اخواتي محد يرد انفلتت اعصابي وانا احس بالعجز رجعت اتصل على جوال أمي مدري ليش بس كان عندي أمل انها ترد ومحد يرد على اتصالي حاولت اتماسك انا قوية حيل وخوفي ماراح يغير من الواقع شي لازم اكون مؤمنة بقضاء الله وقدرة بس غصب عني ضعفت الأمر يمس أمي اتصلت على السواق عمر قال انا في تهامة قفلت منه ورجعت اتصل على السواق الثاني ورد سألته انت وين قال معي البنات وسيارة الأسعاف قدامي باقي يمكن 20دقيقة ونوصل قلت له اعطني وحده من البنات اكلمها سمعته وهو يكلمهم وبعدين قال لي مايقدرون يردون يبكون يالله صبرني احس بموت . |
رد: رواية جنوبية برت حالي ولا أدري وين ديرتها البارت 45 قلت له ايش صار لأمي قال قبل المغرب جاء البيت رجل وقال لي يبغى يقابل عمتي عايشة (السواقين ينادونها عمه) دخلته المجلس وناديت عمتي عايشة ودخلت عنده ولما شافت الرجال قالت لي اطلع برا وطلعت ويمكن بعد 20دقيقة خرج الرجل معصب وهو يسب ويلعن ويكلم في جواله ودفني وانا كنت عند الباب وركب سيارته وانا رحت المسجد علشان أذن المغرب إلا تجيني خزامى وهي تبكي ..، فقلت الجوال بدون مااسمع باقي التفاصيل اللي صار لأمي كان بداية حقائق وصدمات موجعة صدمات تهد جبال وتهد رجال كيف انا تحملتها ماادري ..وثاني صدمة كانت اليوم الثاني وانا خارجة من غرفة العناية من عند أمي حصلت رجل واقف في الممر ما اهتميت له حتى ماناظرت فيه إلا لما ناداني سمعت صوته حسيت كأني احلم او اتخيل الصوت هذا ماهو غريب علي نفس نبرة صوت أبوي إلا هو صوت أبوي نفس النبرة مستحيل انساه حتى في طريقة نطق أسمها نفس أبوي وقفت بدون ماالتفت له حسيت أني اتخيل كملت مشي حست فيه يمشي وراها وينادي أشواق أشواق حست بضيق في صدرها تشم ويحة ابوها حولها وتختنق فيها قررت تلتفت له توقعت واحد من المراجعين لانها الغت كل المواعيد شافته قريب منها خطوات بسيطه تفصلها عنه يالله احلم انا اكيد حلم او تخيل يمكن ارهاق اكيد ارهاق يومين مانامت ولا أكلت مسحت على عيونها اكثر من مرة تبغى تتأكد انها تشوف كويس وماتتخيل غمضت عيونها بقوة كأنها تمحي الصورة اللي قدامها رجعت فتحت عيونها إلا تشوف انه صار قريب منها صارت تشوف ابوها نفس الهيئه الطول لحيته السوداء نفس بياض ابوها نفس حدة الخشم والحواجب ملامحة القوية كل شي نفس ابوها حتى النظارة الطبية نفس الهندام طريقة لبس الشماغ حتى الريحة والله ريحة أبوي قرب منها وهي تلقائي رجعت لورا تحس انها بتطيح مشت لين وصلت الجدار تستند عليه غمضت عيونها وهي تحط يدها على صدرها واليد الثانيه ماسكه فيها تقارير أمها حست فيه قدامها مباشرة الأكسجين اللي تتنفسه ريحة ابوها وتختنق فتحت عيونها لوجهه مباشرة وهي تشوف علامات الخوف والقلق عليه سمعت صوته اللي كله حنان وحب نفس حنان أبوي لما كان يكلمنا /أشواق حبيبتي ايش فيش تعبانة. مسك يدي وسحبني على الكرسي وجلست وجلس جنبي وهو يشوف نظرات الخوف والضياع اللي فيني حسيت أني ضايعة فارغة من الداخل نسيت كل شي حتى أمي نسيت منها مسك على يدي وهو يشد عليها لما شاف الضياع اللي يحتويني قال لي بسرعة : أشواق انا عمش علي وابوش أحمد اخوي التوأم ابوش اسمه أحمد محمد أحمد ال زايد عايشة الخبيثة زورت اوراقكم واسم جدش والعائلة علشان مانعرفكم وتراها ماهي امكم هي زوجة ابوش بس و يشهد الله ماادري ان عنده بنات إلا امس المغرب قال لي بكل شي دفعه وحده عجزت استوعب كلامه كان يتكلم وانا احس ان كل كلمة ينطقها مثل الكف على وجهي يالله كيف ماهي أمي مستحيل يكذب اكيد انا باقي مااستوعبت طيحة أمي كيف استوعب كلامه كان يتكلم علي وانا اسمع ولا بان علي اي ردت فعل إلا لما قال ماكنت اعرف عنكم إلا امس قدرت اربط بين طيحت أمي وجيته بس كيف عمي وابوي قد قال لنا انه وحيد أمه وأبوه اللي ماتوا وهو صغير أمي كيف تزور وتغير الأسماء يالله ماقدرت اصدق ولا قدرت استوعب شي. لما ماسمع مني اي كلمة مسك يدي ويقول : اشواق سمعتي ايش قلت عجزت اتكلم عجزت ارد بحرف واحد كل اللي سويته اني سحبت يدي منه وانا اقوم وامسك التقارير بيدي واروح واخليه بدون رد.! زفرت بقوة وهي ترجع من كوابيس وذكريات موجعه على صوت جوالها وكان الدكتور امجد : هلا دكتور اوكي انا انتظركم عند غرفة الوالده وقفلت . اسرعت بخطواتها وهي تحاول تتجاهل كل شي اهم شي ذحين عندها أمها وصلت غرفة أمها وهي تشوف واحد واقف بلبس عسكري متسند على الجدار ومشغول بجواله مااهتمت مين هو واقف معه اللي يقول انه عمها وكان متواجد معها في المستشفى ماخلاها لحظة وحده وكان ساكت مايقول شي وماتنكر نظرات الحب والحنان اللي تشوفها منه حست بوجودة جنبها مثل السند لها حتى لو ماتكلم كان اذا شافني مع اي دكتور يوقف معي بدون ما يتكلم حتى انه ماسأل عن أمي ولا شي . وقفت وهي تشوف الدكتور امجد والدكتور خالد جايين عندها دخلت قدامهم وهي تشوف أمها منظر يقطع القلب أمها القوية كيف صارت سبحان من يبدل القوة ضعف اسلاك جهاز القلب الموصوله بصدرها كمام الأكسجين اللي على وجها انبوب المغذي بيدها قسطرة البول الموصوله فيها وهي تحس انها احسن بما انها تجاوزت مرحلة الخطر الحمدلله ونقلوها التنويم العادي لأن فيه حالات اخطر منها تحتاج العناية المركزة اكثر منها دنقت وهي تبوس راسها رجعت شعرها تحت طرحتها اللي اصرت علي البسها بمجرد مااستعادت وعيها رغم صعوبة النطق وثقل لسانها إلا اني فهمت من حركاتها انها تبغى شيلتها . |
رد: رواية جنوبية برت حالي ولا أدري وين ديرتها البارت46 صارت تتلمس كل جزء من جسم أمها اللي صار متورم بشكل كبير بسبب احتباس السوائل..وصلت لرجول أمها اللي من شدة الورم تحسها بتنفجر هذي الرجول اللي ياما تعبت علشاننا دنقت وهي تبوسها امنيتها تحققت انها تبوس رجول أمها من زمان تحاول هي واخواتها يبوسون رجول أمهم وترفض بمجرد مالمست شفايفها رجول أمها حستها أمها حستها تحركها وتبعدها حتى وهي تعبانة مازلت ترفض غطت رجول أمها وهي ترفع راسها شافت ريم وهي نايمه على الكنب قومتها علشان تروح البيت ترتاح بتجلس مع امها انتظرت ريم لين تجهزت وخرجت معها .. شافت الدكتور امجد استشاري المسالك وجراحة الكلى. واقف مع الدكتور خالد استشاري مخ واعصاب . اشواق : المعذره منكم تأخرت عليكم تفضلوا وهي تدخل قدامهم. الدكتور امجد وهي يشوف التقرير النهائي وهي تناظر لتعابير وجهه تبغااه يتكلم يعطيها الكلام النهائي لحالة أمها علشان ترتاح لانها عرضتها على اكثر من استشاري حتى خارج أبها ارسلت نماذج من التقارير لرياض وجدة وبحكم انها تعرفهم طلبت منهم استشارة طبية وكلهم قالوا نفس الكلام . الدكتور امجد/لا بسم الله ماشاء الله عليها الوالده طيبه وصحتها تتحسن وفي استجابه ملحوظه. وهو يأشر على جهاز القلب المعلق في الجدار شوفي دكتوره اشواق معدل نبضات القلب صار طبيعي والأكسجين افضل من امس الجلطة اللي صارت للوالده مااثرتها كثير لأن جسمها قوي مرة وقدرت تتحمل . اشواق بفرحة ناقصه : الحمدلله بس لسانها ثقيل ويد ورجل لها ماتقدر تحركها إلا بصعوبة. الدكتور أمجد /الوالده يادكتورة اشواق كبيرة سن فطبيعي اللي صار لها وعندها ضغط وسكر مزمن بس جسمها قدر يتحمل ويقاوم لو الجلطة اللي جتها في واحد شباب كان مات من وقته انا اشوف ان استجابتها سريعة وفي تحسن ملحوظ بس لازم تنتظم على حبوب الضغط وابر السكر وحبوب الأسبرين علشان تمنع الجلطات المستقبلية لاقدر الله بما انها مريضة ضغط وسكر. اشواق حست ان كلامه ماطمنها : اقدر دكتور امجد انقلها المانيا او اي مستشفى ثاني . الدكتور امجد /دكتورة اشواق حطي في بالك امك كبيرة سن امك تجاوزت نصف السبعين من العمر ولو في فايدة من نقلها كنت راح اقول لك بس كبر السن له دور في حالتها رغم اني اشوف انها طيبة وحالتها جدآ مستقرة اليوم راح نشيل جهاز الأكسجين عنها وتتنفس طبيعي وكل ثلاث ساعات لها جلسة اكسجين .راح اكتب لها خروج بكرة مثل ماتعرفي دكتورة أشواق الزحمة وفي حالات احق انها تتنوم والعناية اللي نقدمها لها هنا تقدري انتي تقدميها لها في البيت والعلاج الطبيعي تاخذه كل ثلاث ايام. الدكتور خالد : فعلا ياكتورة اشواق انا اشوف امك تحسنت عن قبل حتى الكلى تحسنت من خلال اخر تحليل بعد مااعطيناها حبوب المدرة للبول تحسن ملحوظ في عمل الكلى او افضل من قبل راح نستمر معها علي الحبوب المدرة شهر ونشوف اذا ماتحسن عمل الكلى افضل من كذا راح اضطر اني افتح لها واسوي لها غسيل كلى. اشواق /طيب اقدر انا اتبرع لها بكليه او اي احد الدكتور حمدي/نقول ان شاء الله ماتحتاج تبرع ما اقدر احدد الا بعد عملية الغسيل وبعدها نحدد على مدى الأستجابة الفعلية بعد الغسيل ويمكن ماتحتاج حتى غسيل اذا رجعت الكلى تعمل بشكل جيد. اشواق وبدون اي ردت فعل ماحست بشي وكأن احاسيسها ماتت ماتحس بخوف ولا آمان ولا شي سكتت وهو تشوف الدكتور امجد يكتب في التقارير خرجت معهم وهي ساكته ماتدري ايش تقول .. ظ ظ علي واقف مع ولده محمد ويهاوشه : انت ماتفهم الشرهه علي انا كلمتك تجي توقف معي المفروض اني اتصلت في أحمد وإلا عبدالله ابرك منك وانت ترجع تداوم وإلا تذلف عند أمك . محمد وكل عصبية الكون فيه اول مرة ابوه يهاوشه كذا وعلشان مين علشان بنات اخوه اللي فجأه طلعوا لنا : انت يرضيك يبه بنات اخوك يدجون مع السواق اذا انت يرضيك انا مايرضيني اشوفها تخرج قدامي مستحيل اسكت عن الغلط لو تذبحني . علي : محد طلب منك البنات من زمان وهم مع السواق ومالك كلمة عليهم ولا حتى انا وحنا عنهم من زمان فجأه طلعنا لهم ونتحكم فيهم وبنبرة كلها تعب وندم مالك دخل فيهم يامحمد تكفى لا تزيدها علي انا لحد ذحين ماني مصدق ان احمد عنده بنات حلم احس ذحين لازم نسايرهم لين نكسبهم ولا نضغط عليهم . محمد وكلام ابوه ماعجبه مرة وماراح يسكت قبل شوي خرجت منهم مع السواق اللي كان واقف معنا ولما سألها ابوي بكل احترام قامت عليه بكل وقاحة ولو مامسكني ابوي كان ذبحتها . والمفاجئه ان الدكتورة اشواق طلعت بنت العم يالله كيف الدنيا تجمع بلا موعد في الوقت اللي حاول ينساها ظهرت له مره ثانيه من شافها اول مرة ولحد مااخذ الذاكرة اللي فيها صورها وهو يتعذب رغم ان كل الصور وهي لابسه نقاب او لثمه والبلا كله من عيونها عجز ينساها كان يبغى يعرف هي من وين في الجنوب .. |
رد: رواية جنوبية برت حالي ولا أدري وين ديرتها البارت 47 اكثر من مرة يروح المستشفى ويستحي يسأل ويوم المراجعة ماكانت موجودة والحمدلله انه ماتهور وهددها او نشر صورها وهي بنت عمه ماكان راح يسامح نفسه . رفع عيونه على صوت فتح الباب يشوفها تخرج مع الدكاتره وتستمع لهم بكل تركيز . عباية على الكتف ساترة ونقابها اللي مبرز جمال عيونها ووسعها وكثافة رموشها تحرك شي بداخله غصب عنه شافها وهي تلحق الدكتور مشى وراها وقبل تدخل مكتب الدكتور حط يده على الباب يمنعها تدخل ولا همه كلام ابوه اللي قبل شوي ماهو ديوث علشان يسمح لها تدخل عند رجل اجنبي عنها .. اشواق كانت بتدخل مكتب الدكتور خالد رفعت عيونها في اليد الممتده على الباب رجعت تناظر فيه من تحت لفوق نفس اللي كان واقف مع اللي يقول انه عمها لما وصلت لوجهه انتفض فيها كل عرق مثل الصاعقة اللي ضربتها نفس المريض اللي تكلم عليها وهي ضربته مستحيل تنسى ملامحه مستحيل شد انتباهها وهو في غرفة الأفاقه بعد العملية ددقتت في ملامح وجه قبل مايفوق من البنج حست انها تعرفه او يشبه احد بس ماركزت فعلا يشبه ابوها نفس حدة الملامح لما وصلت لوجهه شافت خشمه وفيه ندبه انتفض جسمها كله بخوف وهي تشوف ملامح الغضب على تقاسيم وجهه وتقوس حواجبه شافت اسمه معلق على البدله العسكرية محمد علي محمد ال زايد نفس الأسم اللي قاله لها الرجل اللي يقول انه عمها حاولت تتماسك ولا توضح له خوفها ناظرت فيه بقوة مزيفة : بعد يدك لو سمحت . محمد وهو يناظر فيها بمشاعر مختلطه واللي غلب هي مشاعر الغيرة على العرض مثل النار يحسها بنات عمه مفلوتين لا رقيب ولا حسيب اذا ذي دكتورة اجل الباقي الله يستر و بأمر : ارجعي غرفة أمش بسرعة وبلا دجة مع الرجال . اشواق بقهر وتعب وضغط نفسي: اقول شكل المرة الأول ماجابت بك طب شكل المرة ذي اخرج عينك علشان تحترم نفسك وهي تأشر بأصبعها النحيف لوجهه . محمد انجن محد قد قال له كذا : تخسين وتعقبين نزلي يدش وإلا قسم بالله اكسرها ماتخافين على نفسش انت.! اشواق وهي تضحك مغبونه ومقهورة اللي يفكر بس مجرد تفكير راح اوسم خشمه نفسك بالضبط. محمد جن جنونه وهو يمسك يدها بدون مايحس ويلويها لين حست ان مفاصلها تفككت . محمد ولد فك يدك كان صوت ابوه الغاضب اللي خلاه يفوق ويرجع لوعيه من موجة الغضب . اشواق تحاول قد ماتقدر تتحمل ألم يدها شافت ابوه يوقف وهو يدف ولده وبغضب : ايش تسوي يامجنون انقلع بنات اخوي مالك دخل فيهم .. اشواق وهي تسمع كلامه حست بأمان احساس ان احد يدافع عنك يخاف عليك سمعته وهو يقول : اربي بنت اخوك ردت عليه بقول : تخسى وتعقب متربية قبل اشوف وجهك إذا كنت المرة اللي طافت تنازلت عن الشكوى بكيفي وتنازلت علشانك من المرابطين على الحد بس طلعت منت بكفو ولا احترمت البدلة اللي عليك لكن قسم بعزة الله وجلاله يالمرة ذي ماغير اجيب خشمك الموسوم ذا وذي اكبر شاهد وهي تأشر على كاميرات مثبته في سقف المستشفى وتدخل قبل تسمع اي .! علي واقف بينهم مصدوم ولا يدري ايش قصدها في الكلام ناظر بغضب في ولده : انت ماتفهم مالك حق تمد يدك عليها دوبي كلمتك مسرع نسيت ناوي تجلطني انت . وهو يشوف ولده واقف وعيونه على الباب ولا سمع ايش يقول أبوه التفت لأبوه : يبه بنت اخوك داخل مع الدكتور شفتها .. علي وهو يضرب صدر ولده بكل قوته اول مرة في حياته يضربه : انقلع من وجهي يامحمد صدقت لما قالت ما احترمت البدلة اللي عليك اخرج حد النفس طيبة عليك اخرج قبل تشوف شي مايسرك وحسابي معك بعدين احمد كلمته ومع الطريق جاي هو اللي بعتمد عليه وإلا انت خلك بس ماغير تعافر بدون فايده. محمد ولا اهتم لكلام ابوه كل تركيزه مع اللي في الغرفة يحس نار تشتعل بصدره ناظر ابوه اللي معصب : يبه بنت اخوك وحدها يبه وين الغيرة ذي عرضنا وشرفنا. علي بقلة حيلة : اعرف انه غلط لكن ماهو من حقي ذحين اجي واحاسبها انا يامحمد ابغى اكسبهم في صفي وحالتها ماتسمح اني اناقشها في شي اللي صار لبنات اخوي شي كبير وبضعف محمد يابوك ذحين انا على كتفي هم مثل الجبال والله ثقل يهد الحجر بنات اخوي اكثر من 16 وهم بلا سند ولا عزوه وحنا ماندري حسبي الله على من كان السبب قهر الرجال دوبي احس به ذحين الله يسامح ابوي الله يسامحه بس . محمد وهو يشوف انهيار وتعب ابوه مسك يده : تهون ياابومحمد تهون وانت قدها وإن شاء الله تزين الأمور دامك لقيتهم اهم شي طيب عنده بنات عمي غير ذي وهو يأشر على الغرفة بقهر وغيرة |
رد: رواية جنوبية برت حالي ولا أدري وين ديرتها البارت 48 علي وهو يزفر بقوة : تخيل اني شفت بنت اخوي مرتين وكلمتها ثلاث مرات واتابعها سناب وانستقرام ولا اعرفها. محمد وهو يناظر بتركيز في ابوه علي : بنات اخوي حولي ولا كنت ادري خزامى سوت لي اعلان ولفارس ولا ادري انها بنت اخوي بس كنت حاس بشي لما شفتها اول ماشفتها ضاق صدري كأني اشم ريحة احمد حولي كنت اخاف عليها ولا اعرف انها بنت اخوي ضاق صدري عليها لما هاوشتها ولا نمت ذاك الليل وانا اتذكر الوجع بعيونها من كلامك وماارتحت لين أميرة راسلتها وقالت انها في الفندق وانها طيبة اثاريك يامحمد كنت تسب وتشتم اخوي عنده بنت ثانيه اسمها ندى خريجة صيدلة وفي اشياء ثانيه اتعبتني قهرتني محتار ايش اسوي كيف قسى قلب احمد كيف ماعلمنا انه تزوج وانجب. محمد وهو في حالة ذهول من اللي يسمعه من ابوه وهو يتذكر نظراته لخزامى واحتقاره لأشواق .. ظ ظ اليوم الثاني الصباح محمد/ وهو ثاير يناظر في ابوه واخوانه احمد وعبدالله ماخلا شي قدامه في الغرفة ماكسره لما يعصب لازم يفرغ اللي في داخله بأي طريقة . احمد وهو يمسكه وقعده جنبه : محمد ولد صل على النبي خلاص الحمدلله ماصار شي نقدر نتصرف وعندنا اكثر من طريقة نخليها تتنازل عن البلاغ غصب عن خشمها. عبدالله وهو يشوف وجه اخوه المحمر من شدة الغضب : محمد ترى الموضوع مايحتاج كل العصبية هذي الله يصلحك والحمدلله ان البلاغ كان مرسل على مقر دوامك في الرياض وماوصل نجران والبلاغ بمجرد ماوصل كنت انا اول من شافه ومسكته قبل مايعتمد من هيئة التحقيق والأدعاء العام وانا ذحين شفت كل اوراق بنات عمي معظمها كلها مزورة وعندي اكثر من دليل ادانه لهم خاصة أشواق . علي وهو يثور في عياله : والله منتو رجال انتوا صاحيين تبغون تسجنون بنت اخوي تبغون تسببون لي جلطة بدال ماتوقفون معي تكسروني فيهم . محمد/ ايوه اسجنها واسحبها على خشمها واعلمها كيف تحترم نفسها قليلة التربية يبه بنت اخوك رافعه علي قضية تحرش يبه انا ترفع علي قضية تحرش علشاني رفضت تدخل عند الدكتور لوحدها وكان البلاغ بيوصل مقر دوامي لولا لطف ربي انت متخيل شكلي يبه ضابط ويصير لي كذا الله ياخذها بنت اخوك هذا إذا كانت بنت اخوك صدق. كف قوي من ابوه هو اللي سكته انفاس علي المتلاحقه عجز وندم وحيرة وقهر من كل شي كان يناظر في وجه ولده البكر محمد احب عياله لقلبه حاط يده على وجه اللي تحول لكتله حمراء من قوة الكف هو ماعمره ضرب احد خاصة عياله قرب منه وهو يمسكه : تقذف عمك ياكلب والله انهم بنات احمد ومن صلبه والله انها عيون احمد وعيون امي ماخذينها منهم والخشم وكل شي امس قابلت السواق الشايب وبمجرد ماشافني قال انت تشبه لعمي أحمد مره ولما سألته جاوبني عن كل شي واخرجت له صورة لعمك وقال ايوه هذا هو عمي احمد هو عندهم سواق من 17-18سنة بنات اخوي خط احمر ولا احد يقرب منهم وانت ياعبدالله بطريقتك تقدر تحل كل شي البلاغ بيدك و معارفك في كل مكان معك يومين تقدر تصحح فيها اوراق بنات عمك وعندي شهادات ميلاد لهم الأصلية وكرت العائلة الأصلي لا بارك الله في زوجة ابوهم وحسبنا الله ونعم الوكيل فيها خلص كل شي يخص بنات عمك بدون مايمسهم شي . احمد/والقضية اللي رفعتها على محمد يبه . عبدالله/مافي إلا حل واحد وازهله عندي وهو يناظر محمد اللي ساكت عيونه في الأرض . علي/بصركم حلوها بعيد عن بنات اخوي وهذا انا حذرتكم والله لو جاهم مثقال حبة ماغير اذبحكم كلكم وهو ينقل نظراته النارية بينهم وانت ياعبدالله تصرف انا متكل على الله ثم عليك وإذا محتاج فلوس هذي البطاقة اخرجها من جيبه خذ اللي فيها كامل لو يبلغ مليون خذه اهم شي بنات اخوي . عبدالله/ ابشر ابشر إن شاء الله مايصير إلا كل خير. علي وقف وهو يناظر في محمد اللي ساكت وجه كلامه له : قم انت و اخوانك ذحين اجهزوا فارس وجدك وجدتك باقي ساعة ويصلون المطار بنستقبلهم وناخذهم معنا بيت عمك لازم أمي وأبوي يعرفون بكل شي عشر أيام وانا اتهرب من اتصال ابوي وامي . وخرج وهو شايل هموم الكون كله على ظهره وصل الغرفة وهو يوقف قدام الشباك والمطر ينزل على خفيف والضباب مغطي كل شي عشر ايام ما يدري كيف مرت عليه لا ما مرت باقي تثقله من تكرر عليه الحلم اخذ الرقم اللي ارسله فارس واتصل على مفسر الأحلام وقال له كل الأحلام اللي كان يشوفها واحلام ابوه خاصة الحلم اللي كان احمد لابس احرام وبيده كيس وواقف على جبال كله اشجار خضراء ويقول انا بردان لبسوني ملابس سأله المفسر اسئله كثيرة تخص احمد اخوه وتخص العائلة كاملة قال المفسر إن صدقت الرؤيا ان اخوك احمد عنده ثلاث بنات وخايف عليهم وساكنين مع زوجتة في الجنوب وتحديدآ السودة ووصف له البيت وصف دقيق حس كأنه يحلم المكان اللي وصفه له المفسر سبق وراح له بعد موت اخوه |
رد: رواية جنوبية برت حالي ولا أدري وين ديرتها البارت 49 لأنه سأل الرجل اللي كان في الخيمة مع اخوه أحمد وقال له مانعرف عنه شي غير انه من ابها وتحديدآ السودة قرية الخضراء بس وبعد ماخلص عزا اخوه راح السودة ووصل قرية الخضراء وصلى العصر في المسجد الصغير وسأل عن واحد اسمه احمد محمد ال زايد قالوا مانعرف احد بأسم ال زايد في القرية مره لكن في بيت قدام لواحد أسمه احمد وماندري هو وإلا لا روح وتأكد بنفسك رحت وانا ابغى اطير من الفرحة على الاقل اعرف عن اخوي اي شي تزوج وزوجته وينها . وصلت ودقيت الباب وفتحت لي حرمه عجوز سمراء متلثمه بطرحتها من شافتني خافت وقفلت الباب بوجهي قبل حتى اقول السلام وانا استغربت رجعت دقيت الباب بقوة لين فتحت قالت بلهجه غريبة ماهو تريد منا. قلت لها اطمنها ياحرمه انا ماابغى منش شي جيت انشد عن واحد اسمه احمد محمد ال زايد يقولون انه صاحب البيت . قالت لي وهو تحاول تدخل بنت صغيرة وتمنعها من الخروج كان عندي أمل انها بنت احمد بس لما دققت في ملامحها ماكانت شبه احمد او احد منا قالت الحرمه مانعرف حد اسمه احمد وقفلت بوجهي . تأكد انها مستحيل تكون زوجة احمد مستحيل احمد يتزوج وحده عجوز كذا وغير سعودية وواضح من شكلها وطريقة كلامها . لكن بعد مافسر له الشيخ الحلم حجز على أبها ثاني يوم وعلى طول راح نفس المكان بنفس القرية اللي تغيرت تغير واضح وصلى بنفس المسجد اللي تم ترميمه وصار كبير بعد ماخلص الصلاه سأل احد المصلين عن البيت اللي قريب من المسجد قال له انه لمعالجة شعبية اسمها عايشة و تراها ماعاد تعالج مرة لأن جاها منع من وزارة الصحة بس اذا انت تحتاجها مرة حاول تقابلها ماراح تقصر تراها اجوديه سواقها اسمه سليم كان يصلي جنبك تحصله ذحين عند البيت .. خرج من المسجد وكل مشاعره مختلطة مابين مصدق ومكذب ومابين فرحة وخوف مشى لين وصل نفس البيت اللي سبق وجاء عنده بعد موت اخوه بيت شعبي تم ترميمه بشكل جيد وحوش كبير حوله وصل البوابة وهو يشوف جمس واقف عنده نفس السواق اللي صلى معه صغير في السن سأله عن صاحب البيت قال ميت من زمان حس قلبه ينقبض مايدري ايش يسوي قال له انا تعبان وجاي من الرياض ناس قالوا لي ان صاحبة البيت تعالج وأنا ابغاها تعالجني واخرج 500ريال من جيبه وحطها بيد السواق وبحركة غير متوقعة من السواق رجع الفلوس ليدي وقال انا بكلم عمتي عايشة اذا تقدر تعالجك دخلتك انتظر هنا ودخل من البوابة . وقف ينتظر عند الباب وهو يدعي الله ان تفسير الحلم يكون صحيح شوي وخرج السواق وهو يرحب بي تفضل ماكأنه هندي حتى في كلامه بلهجه مقاربه لكلام اهل المنطقة شكله مبطي يشتغل هنا . دخل من البوابة وهو يحس بصدره يضيق شي حاثم على صدره اخذ نفس عميق مشبع بروائح اشجار وطين مخلوط برذاذ المطر اللي ينزل رجع تلثم بشماغه من البرد والضباب اللي مغطي الحوش كامل توسط المكان وهو يشوف اشجار كثيرة منتشرة في الحوش كأنه حديقة وابرزها شجرة سد عملاقة و علب بويه كلها حبق ونعناع والرياحين واشجار عطرية محتلة كامل الحوش دخل المجلس الخارجي عبارة عن كنب اسود جلد فخم وخداديات صغيرة فضي واحمر طاولة اسود زجاج كبيرة حولها طاولات نفس الشكل صغيرة جلس بوسط المجلس وهو يشوف السواق جايب له علبة مويه اخذها بدون مايفتحها هو متوتر وخايف اخذ جواله ويفتح التطبيقات بلا هدف رفع راسه لما حس في السواق يقوم ويوقف عند الباب بمجرد ماشاف حرمه تمشي بشويش تتسند على العصا ملتفه بعبايتها ولثمتها توسطت المجلس وهي ترحب وبأنفاس مقطوعة مرحبآ الف يالله حيه وهي تحاول تركز نظراتها علي وقفت وانا اتحرك لها وصرت مقابل لها علشان تشوفني كويس والله هي اللي سبق وجيت لها نفس صوتها سمعت شهقتها لما تأكدت مين أنا .! قلت لها اتوقع ياعايشة ماني بضيف ترحبين بي انا راعي محل شافها ترجع لورا وهي تجلس على الكنب التفتت لسواق اللي مازال واقف قالت له سليم اخرج وصك الباب .! ناظرت لها بقوة وقلت اسمعي يابنت الناس انا سبق وجيتش واسأل اذا تعرفين واحد اسمه احمد محمد ال زايد وجحدي وقلتي مااعرفه مره واليوم انا جيتش ومتأكد انش زوجة احمد وين بناته .. عايشة وهي تحس بنبض في راسها وتنمل في اطرافها نفسها يضيق السر اللي كانت مخفيته عن الكل بدأت تظهر اول خيوط هذا السر اللي جاهدت انه ماينكشف سوت المستحيل علشان محد يعرف وكانت حاسه انه راح يجي يوم وينكشف أمرها والحق يرجع لأهله مهما طال الزمن تعبها تضحيتها حياتها كلها ذحين بلمح البصر راحت حتى اخوها الوحيد تخلت عنه ومات زعلان منها ارضها اللي نولدت فيها هجرتها كانت انانية بشكل لا يوصف جت لسعودية مع ابوها وامها واخوها خليل وهي بعمر 15سنة اخرجهم من ارضهم الجوع والحرب بين القبايل خرجوا مشي على رجولهم متسلقين جبال شاهقة وعرة يومين متواصلة و كانت شاهدة على وفاة أمها في الطريق |
رد: رواية جنوبية برت حالي ولا أدري وين ديرتها البارت 50 كانت حامل وانهكها الجوع والعطش لفظت انفاسها الأخيرة في احد الجبال دفنها ابوها وكملوا المسير لين وصلوا السودة وهنا عاشت مع ابوها اللي اشتغل راعي غنم وابل عند احد سكان القرية وهم مجهولي الهوية ابوها راعي وهي واخوها خليل في المزرعة يشتغلون وبعدها صارت تعالج الناس وزوجها ابوها لرجل من نفس جنسيتهم واستمر الزواج 10سنوات بدون انجاب كانت تعالج عقم النساء وتعجز تعالج نفسها اي وحده تعالجها كانت تحمل من ثاني شهر وطلقها زوجها علشان انها عقيم استمر ابوها في الرعي واصبح لديهم دخل مادي اشترى ابوها قطعة ارض صغيرة وتم بناء غرفتين وحوش صغير اخوها خليل قرر الرجوع لبلادهم وهي رفضت ترجع وجلست مع ابوها وبعد 5 سنوات تزوجت واحد سعودي اسمه منصور كان معه بنتين كل بنت من زوجه الكبيرة رقية عمرها 11سنة وريم صغيرة عمرها سنة. فرحتي فيهم ماتوصف كنت لهم الأم الحنون عوضت فيهم نقص الأمومه حبيتهم حب الأم لعيالها واكثر وكبرت رقية وكبر حلمي فيها وصل عمرها 15سنة زوجها ابوها لواحد يعرفه يتاجر معه في الحلال اسمه أحمد رغم انها كانت صغيرة يقول شفت فيه الرجوله والطيب وكانت فرحتي فيها ماتوصف حملت من ثاني شهر وبعد الولادة تعبت وفجأه صارت ماتشوف عميت وماتقدر حتى تمشط حتى شعرها وتعبت من تعبها وزوجها ماخلا مستشفى إلا عالجها فيه بدون فايدة عيونها ماتقدر تشوف بها وكانت تبكي وتصيح حتى بنتها أشواق مارضعتها انا كنت اهتم فيها واراعيها وهي اخذها زوجها الأردن علشان يعالجها واشواق جلست عندي وبعد فترة رجعت وهي حامل وولدت بندى ونفس حالتها ماتشوف ولا تقدر حتى تحرك اصبع لها وانا كنت أم لبناتها ولريم واهتم فيهم وينادوني ماما ورقية على وضعها وماكنت اخلي بناتها يروحون لها كنت اخاف تأذيهم كانت تجيها حالات هلع وخوف وتكسر كل شي عندها تعبت معها وزوجها تعب معها وبعدها حملت بخزامى وماتت بعد يومين من الولاده وحزنت لموتها انا وابوها وزوجها وبعد اسبوعين مات ابوها زوجي منصور كملت العده وجاني ابوي وقال ياعايشة ما يصير ان احمد زوج رقية يدخل عند بناته وانتي في البيت وماهو محرم لش خليه ياخذ بناته ويروح كنت بنجن كيف ياخذهم وانا قلبي تعلق بهم وهم تعلقوا فيني انا امهم قلت لأبوي والله مااخليه ياخذهم وانا تعبت عليهم قال اجل يتزوجش وفعلآ تزوجني وانا اكبر منه في العمر كان يسافر ويرجع يطمن على بناته وبعدها بفترة مات ابوي وجاء خليل وقال يله خلنا نرجع بلدنا قلت مستحيل ارجع واخلي بناتي قال ماهم بناتش قلت له كلمة وحده والله مااخرج من هنا إلا على قبري ورجع ديرتنا زعلان مني ولا اهتميت له وانا مشغولة في بنات رقية اصبحت أم لهم لأشواق وريم وندى وخزامى اللي حبها اخذ قلبي واذا جاء ابوهم اخذهم المجلس عنده وانا مستحيل اقدر اخرج عنده ماكنت اشوفه زوج كان صغير وانا اكبر منه وهو حتى مايحاول يكلمني او يسأل عني كان اغلب وقته ساكت ولا ادري عنه شي نادر مااشوفه راح يحج وبعد اسبوع من الحج جاني خبر موته فرحت علشان محد يجي يطالبني في البنات لا من قريب ولا من بعيد وكنت اخاف احد يجي من اهله وفعلآ جاء اخوه وكان نسخه منه وعصبت عليه وقلت مااعرف احد اسمه احمد ورحت عند امير سبق وعالجت ولده وقد قال لي لش جميل في رقبتي اذا احتجتي شي تعالي وابشري ورحت له وقلت ماابغى فلوس ابغى بس تغير لي اسم ابو زوجي وعائلته وقلت له اخاف ياخذون بناتي مني وانا تعبت عليهم وكذبت عليه وماقصر معي غيرت الأسم الجد والعائلة وبدال مااسم اشواق واخواتها احمد محمد ال زايد غيرته احمد عيسى ال فرحان وريم ماغيرت اسم ابوها لأني عارفه ان احمد اخذ عليها تنازل ووكالة عامة من امها واخوالها وفهمتها هي واخواتها لما كبروا انها بنتي من زوج ثاني اخذتهم ورحت ديرتي بجواز سفر مزور وهوية مزوره شهر هناك وانا كنت خايفة على البنات يصير لهم شي خاصة ان الحرب بين القبائل مستمرة وبعدها قررت ارجع السعودية ورجعت واستمريت في كذبي وتزويري لكل اوراق اشواق واخواتها كنت احسب ان الحقيقة بتطويها السنين وماتنفتح بس لازم الحق يرجع لأهله مهما طال الزمن . مسحت عيونها وهي تناظر في علي اخو زوجها ونسخه منه بكل شي قالت له وهي تاخذ نفس قوي علشان تقدر تتكلم احمد له ثلاث بنات اشواق الكبيرة وندى وخزامى الصغيرة . شافته وهو يحط يده على راسه ويرجع يسجد في الأرض خلص من السجود وقف وهو يتقدم عندها لين صار قريب وبكل قهر حاول انه يمسك نفسه مايذبحها مايحق له يمسها وهو اجنبي عنها وبغضب وين بنات اخوي وينهم حسبي الله عليش |
رد: رواية جنوبية برت حالي ولا أدري وين ديرتها البارت 51 عايشة وهي تحس بثقل في راسها ومثل الغشاوه على عيونها وحاسة ان نهايتها قربت صارت تشوف الموت قدامها : قبل تشوف بنات اخوك في شنطة خاصة في اخوك فيها كل شي يخصه رفعت جوالها الكشاف حاولت يكون صوتها طبيعي يمه ريم ادخلي غرفتي وخذي المفتاح من تحت فراشي وافتحي قفل الصندوق الحديد وطلعي شنطة جلد وجيبيها عند باب المجلس وارجعي. الصندوق هذا كان مقفل ومستحيل احد من بناتها يفتحه كل اوراقهم الأصلية فيه ولا وحدة فيهم قد شافت ايش داخل الصندوق . علي وعيونه صايره مثل الدم من كثر ماهو مغبون ومقهور يأشر عليها : انتي ماتخافين الله احرمتينا بنات اخوي ماتخافين الله انتي ذحين في حكم الحرامية الخاطفة ذحين ابلغ عنش ويسحبونش مثل الكلب كيف طاوعش قلبش تخلين بنات يعيشون بلا سند وعندهم جد وعم وعيال عم تفز لهم المجالس من طيب طاريهم . ماردت عليه لانه صادق بكل كلمه قالها كانت انانية في حبهم كانت تقول كيف تعبي يروح لغيري وكنت خايفة اموت واتركهم بلا سند جاء الوقت اللي لازم تخفف من حولها الثقيلة لفت عند الباب من سمعت صوت شي عنده رجعت تناظر في علي خذ الشنطة فيها كل شي يخص بنات اخوك حست بمرارة الكلمة وهي تنطق بنات اخوك فعلآ بناتهم وهي مالها إلا التعب والندم كيف تبرر لهم ذحين اذا عاتبوها ايش تقول لهم وخاصة ندى وخزامى اللي كل مرة يتمنون ان عندهم جد واعمام شافت علي ياخذ الشنطة ويجلس على الكنب ويناظر في الشنطة الجلد القديمة . علي/ رفع راسه لها وهو يشوفها تناظر له قال لها بكل كره وهو وده يقوم يذبحها : كم الرقم حق الشنطة شافها تغمض عيونها وترجع تفتحها وتتمسك في حافة الكنب رجع يتحسس الشنطة وهو يتخيل اخوه حضن الشنطة لصدره كأنه يحضن اخوه والله ريحة احمد ريحته بكل مكان من دخل البيت وريحته اكثر شي في الشنطة ذي. لاحظ رقم مكتوب على ظهر الشنطه 1478 على طول دخله وفعلا انفتحت الشنطة. حصل شهادات ميلاد بناته صك بيت عقد نكاح من رقية وعقد ثاني لعائشة فواتير بيع وشراء اغنام من السودان جواز سفر له ولزوجتة رقية . اوراق وكالة من المحكمة صور شخصية له. كرت العائلة اصل وصور رفعه وهو يشوف انه اضاف بناته كلهم بكرت العائلة . تقارير طبية بأسم رقية منصور صك وكالة وصورة منه هو يعرف الوكالة ذي لما سواها لأخوه احمد . وباقي عنده نسخه منها محتفظ فيها ودفتر تحت متكوب على الجلده الخارجية هذا الدفتر خاص جدآ على من يجد هذا الدفتر الاتصال على هذا الرقم وحاط رقم بيت خالي اللي هنا في أبها ورقم البقالة اللي كانت في حارتنا قبل ننقل الرياض وتحت بين قوسين تصل هذه الشنطة بكل مافيها لأخوي علي او ابوي محمد احمد ال زايد.،! حس كل شي فيه يرجف مو قادر يفتح شي ابد يحس بيطيح من طوله حتى وهو بعيد عنهم مااستغنى عنهم كان يحس اني عون له مهما صار . وملف اخضر متكوب عليه خااص ماقدر يفتحه يحس كل جسمه يرجف وقف وهو يمسك الشنطة حس انه ضايع كل اللي سواه انه مشى لين وقف قدامها مباشرة وبكل كره حسبي الله عليش ونعم الوكيل الله يجعل كل حسرة وندم جتنا من فراق أحمد تكون برقبتش الله يبتليش في نفسش الله يذوقش فراق احب الأشياء لقلبش انتي ماتدرين كم من دمعه نزلت من عيون أمي وهي تتندم وتتحسر ان احمد راح ولا خلف له ولد ولا بنت يشيلون اسمه من عقبه ايش اسوي فيش ذحين حتى ذبحش والله مايبرد ماهو في قلبي عليش وخرج بسرعة وبدال مايشوف بنات اخوه قرر يطلع قبل يذبحها يحس مخنوق ومحتار ولا يدري ايش السواه عجز يفكر لازم يتصل في واحد من عياله يوقفون معه على الأقل . غمض عيونه وهو يكرر لاحول ولاقوة إلا بالله مصيبة وحمل ثقيل عليه التفت على صوت احمد وهو يكلمه : ابوي فارس المجنون جاب جدي وجدتي اثاري رحلتهم على أبها 10الصباح يقول ابغاها مفاجأه لكم وجدتي في حال مايعلمه إلا الله تبكي وتصيح فارس الخبل راح وقال لها ياجده خالش يوسف مات بحادث وزوجته ماتت لما عرفت ان زوجها مات. علي وهو يجلس على طرف الكرسي ويتحسب على عدو فارس : الولد ذا خبل ولا ناوي يتعدل قلت له جيب جدك وجدتك الجنوب تعذر بأي شي اهم شي لا تجيب لهم سيرة بنات عمك اخاف لا تطيح علينا وابوي عادي امره هين اذا جاء حطيته قدام الأمر الواقع من 10ايام وهو يتصل علي واتعذر له بشغل يخاف المواجهة مع ابوه وأمه وخايف عليهم هو مايدري كيف تحمل وقف وهو ياخذ شماغه ويوقف قدام التسريحة ويضبط شماغه وتعطر وخرج وهو يشوف احمد يخرج قدامه. وصل الصالة وهو يشوف اولاده وابوه مجتمعين على أمه اللي سادحه على الكنب اللي يرش وجها بمويه واللي يمسح عيونها وهي تبكي وتصيح بأسم خالها يوسف وزوجتة |
رد: رواية جنوبية برت حالي ولا أدري وين ديرتها البارت 52 سلمت على ابوي اللي من شافني فز واقف ابو احمد : انا الله يكفيني شرك ياعلي وراك عملن ماهو طيب غبت 10ايام وبعدها ترسل لنا الخبل ذه يقول ان خال امك زوجتة ماتوا وبدال مانروح الديرة العزا جابنا الفندق هنا وعيالك موجودين والله ان ببطنك علمن كايد ياولد . علي بتعب ولاعاد همه اي شي يسويه ابوه : يبه صل على النبي ولا به خلاف اجلس جلعني فداك وبتعرف كل شي انت وأمي . دنق على أمه اللي متورم وجها من البكا ويبوس راسها : يمه جعلني جلعني فداش قومي والله ان مابه إلا كل خير وجدي يوسف طيب هو وزوجته. لف لفارس وبنظرات نارية : انت متى تتصرف مثل الرجال تكذب علي تقول رحلتكم على أبها 11الصباح خبل انت تقول لهم ان الرجال وزوجته ماتوا فارس وهو حس ان كل شي صار ضده يمكن من شدة حماسه بسالفة بنات عمه اللي طلعت لهم فجأه كل اللي قاله له ابوه ان عمه احمد طلع له بنات ولازم جده وجدته يجون بدون مايدرون بسالفة بنات عمه ولا دري ايش يقول لهم خاصة ان جدته مستحيل تسافر وجدي معنا قال مافي حل إلا انه يقول لجدته ان خالها وزوجته ماتوا لانها تحب خالها يوسف مرة تقول ماعاد من اهل أمها إلا هو وهي تبكي وتصيح بمجرد ماقال لها. فارس وهو يقرب من ابوه يبوس راسه : اسف يبه انت قلت لي تصرف وانا تصرفت علي وهو يدفه على صدره بعصبية وجلس جنب أمه وهو مو داري كيف يتكلم ويقول لهم صعب عليه وصعب عليهم الخبر رغم انه خبر بيفرحهم كثير مسك يد أمه ويناظر ابوه : ياجماعة صلوا على النبي . الكل عليه الصلاة والسلام علي : ياأبو أحمد يقصد ابوه العلم سلامتك انت وأمي سبق وقلت لكم انت حلمت في احمد الله يرحمه اكثر من مره وانت يبه قلت لي ان الحلم تكرر عليك كثير و فارس ارسل لي رقم مفسر احلام وكلمته وفسر لي الأحلام وقال لي كل شي . رجع يناظر في الأرض وهو يشوف وجه ابو يتغير مايبغى يشوف ردة الفعل من ابوه بلع ريقه وهو يحس بثقل اللي بينطقه شد على يد أمه : أحمد الله يرحمه عنده ثلاث بنات وهذا هو تفسير الأحلام اللي كنا نشوفها حس في يد أمه اللي ترجف رجع حط يده الثانية حول كتفها وشدها لحضنه : ابشري يمه ربي عوض صبرش خير بنات احمد راح يكونون بنات لش يعوضونش بدال ابوهم . رفع عيونه لأبوه اللي ساكت ماغير فيني وفي عيالي واحد واحد وبعدها نزل عيونه الأرض وانا اشوف كيف وجهه تغير من عرفت ابوي وهو مايعبر عن مشاعره مهما كانت حتى موت احمد مانزل من عيونه دمعه حتى وهو يودعه وهو ينزله القبر. سمع أمه تهلل وتكبر يارب يارب يارب وتعجز تكمل ايش بتقول حس فيها تفك نفسها منه فك يدها وهو يشوفها تنزل الأرض وتسجد وتبكي اختلط الكلام بالدموع والعبره تخنقها مااسمع منها إلا كلمة يارب عوضك ماله مثيل يارب ترحم احمد حبيبي يارب تجعل قصر عمره طول في حياة بناته. رفعت راسها وهي جالسة بنفس المكان وتناظر فيني ودموعها تنزل : علي انت شفتهم بعيونك انت صادق علي : وهو ينزل ويجلس جنبها ايه بالله اني صادق وشفت وحده فيهم الكبيرة أشواق ومن قبل يمه انتي قد شفتي وحده منهم وهو يحضن كتف أمه ويستند عليه يمه بنات احمد كانوا حولنا ولا شفناهم حسبي الله على من كان السبب. أمه وهي تمسك وجهه وتقول انا قد شفتهم متى؟ علي/ البنت يمه اللي أميرة تخليش تتفرجين لها بالجوال هذي بنت اخوي احمد الصغيرة يمه اسمها خزامى.! فارس كأنه ماس ضربه يالله معقوله بنت عمه هي المشهورة خزامى كيف ؟! حس بقهر عليها كم مرة تغزل في يديها وفي صوتها وهو تنزل سنابات اخرج جواله وبسرعه حذفها من السناب ومن الأنستقرام بنت عمه وعرضه كان يتغزل فيها . ويتلفت يشوف اذا احد يراقبه كأنه مسوي جريمة. محمد(الأب) يسمع كلام ولده علي ولاهو قادر يرد ولا يسأل معقوله ولده عنده بنات وينهم كل السنين ذي ومع مين وهو من بعد ماخرج ولده ولا رجع ماخلى مكان مادور فيه اخر شي قال له راعي سوداني انا اعرف لك واحد (عراف ) يعلمك وين مكان ولدك كان يبغى يعرف وين ولده مهما كلفه السوداني قال له تدفع خمسين الف ودفعها وقال له ولدك خارج السعودية في ابعد مكان في السودان وماتزوج ولا شي والكلام هذا كان قبل موت ولده بثلاث شهور شاف ولده علي يوقف ويساعد أمه توقف ويقول يبه حنا ذحين بنروح لهم بيتهم ودخلت على الله ثم عليكم ما ابغى اي عصبيه ولا اي شي حنا نبغى نكسب البنات في صفنا اللي صار لبنات احمد شي كبير لازم نتحمل ونصبر عليهم وموجه كلامه لعياله وانت يامحمد بالذات لا اسمع لك حس هناك واللي بيتكلم بشي يغث بنات احمد ويغثني قسم بالله مايمنعه مني احد محمد وهو يسمع كلام ابوه من جده ذحين يبغاه يروح معه عند الكلبه ذيك اللي مقدمة عليه بلاغ لو شافها ذبحها قال : يبه توكلوا انتوا مابروح بنزل انا عند أمي علي بأصرار : ولا شبر تروح خل أمك بعدين ويله قدامي كلكم. |
رد: رواية جنوبية برت حالي ولا أدري وين ديرتها البارت 53 أشواق/ تحاول قد ماتقدر تثبت تكون قوية كانت تحسب إن طيحت ومرض أمها اقوى شي صار لها وخلاص بعدها تتصالح معها الحياة لأنها تعبت كثير ولازم ترتاح لكن مرض أمها كان بداية الأحداث اللي مثل العقد اللي انفرط وتناثر حباتها بكل مكان كل يوم تتفاجئ بحقيقة مثل العلقم كل يوم حقيقة تهد حيلها وتكسر ظهرها حست في أمها اللي ماسكه يدها وتضغط عليها قد ماتقدر حاولت انها تجبر عيونها وتناظر أمها الوهيمه أمها اللي خلتهم يعيشون سنين كلها مزورة كان يحملون نسب جد مزور وهمي ايش كان بتخسر لو خلتنا نعرف حقيقتنا حنا مين كم مرة بكت خزامى وندى يبغون لهم سند وعزوه وكان رد أمي ابوكم مقطوع من شجرة حتى ابوي كان يقول نفس كلامها . لو ان أمي ماسوت اللي سوته ماكنت راح اضطر اروح اطلب ماهر زوج لي علشان اقدر اكمل الدراسة في كندا كل ماتذكر انها طلبته الزواج تحس بنار تكويها نار تكويها كل مااكتشفت شي سيئ في ماهر وحاولت تنصحه تعدله يقول لها هذا انا ماجبرتش على نفسي انتي اخترتيني مازالت تتجرع مرارة اختيارها كل يوم حتى بعد انفصالها عنه . ناظرت في وجه أمها وهي تجبر نفسها تكون طبيعية ولا توضح لها الضيق مهما صار منها ماراح تنسى جميلها وبتظل أمها رغم مرارة الواقع سمعتها تناديها بصوت بان فيه التعب والندم واشياء كثيرة . أشواق/ليبه ياروح أشواق أمري جعلني قبلش. عايشة من سمعت كلام اشواق نزلت دموعها بسرعه وهي اللي ماعمرها بكت قدامهم كانت مثال للقوة والتحمل واليوم عاجزه تتحمل شي وبصعوبة : انا متكله على الله ثم علاش تبيضين وجهي قدام اهل ابوش ماابغاهم يقولون اخذت بناتنا ولا عرفت تربيهم وهم اهلش لحمش ودمش ولا فرطوا فيكن لا والله انا كنت انانية فيكم حبيتكم حب خلاني عمياء مااشوف إلا نفسي وبس نسيت ان لكم اهل وسند وعزوه ماتدرين اني من يوم مات ابوكم وانا مااعرف الراحة لا ليل ولا نهار ان دق الباب تالي اليل قلت اهل احمد بيجون ياخذون بناتهم خاطرت بكم وبنفسي كله خوف يعود عمش يدور لكم حتى ماعاد صرت اعالج احد واذا سألوني ليه قلت جاني قرار منع من وزارة الصحة وانا اكذب كنت اخاف يجي ناس ويعرفكم ويعلم اهل ابوكم و كنت اخاف اموت واخليكم بلا سند ولا عزوه ولكن اليوم بموت وانا مرتاحة كل وحده فيكم مطمنه علاها وخاص لما شفت عمش شفت فيه ابوكم وشفت كيف فرحته ان اخوه عنده بنات لا تلومين ولا تعاتبين احد فيهم الغلط مني انا ذحين بيجون جدش وجدتش وعمش البسي عباتش انتي واخواتش واستقبلوهم احسن استقبال ولا يجون إلا وغداهم زاهب. أشواق وبدون اي كلمة فكت يدها وقامت واقفه ناظرت في الممرضة الفلبينية اللي جابتها علشان تهتم في أمها : سرواتي انتبهي لماما كويس وطلعت لأخواتها المنهارين من البارح بعد ماقالت لهم أمها الحقيقة كلهم على نفس الوجع بس هي تختلف عنهم ماتقدر تشكي ولا تبكي ولا شي مثل الصنم واقفه تدور عليهم من البارح تحضن ذي وتخفف عن ذي وتروح تطمئن على أمها وهي تعيش حطام في داخلها وساكته وكلهم في كفه وحال ريم في كفه اللي من عرفت انها مو اختهم وهي منهاره تبكي وتصيح من البارح وماسكتت لحظه .. والله اللي قاعد يصير لنا كثير كثير حيل مالنا طاقة نتحمل الحقيقة الغائبة اللي سمعتها من أمها ضرب من الخيال من الجنون ماعمرها شكت انها مو أمهم رغم سمار بشرتها ودائم تقول الحمدلله انكم ماخذتوا مني شي اخذتوا جمال ابوكم وجمال اهله .. وحالة ريم هي اللي اتوقع انها الأصعب بيننا من عرفت الحياة وريم اختنا كانت تنادي ابوي مثلنا وحتى لما كبرنا سألت ابوي ليش ريم ماتكتب اسمك مثلنا في كتبها ريم أحمد قال لي لأن ابوها مات من زمان وخلاص من بعدها ماعاد صرنا نسأل ابد كون ان ريم أمها الحقيقة عايشه وعندها بس ماعمرها شافتها هنا الف استفهام وهي من عرفت الحقيقة وهي منهاره . وصلت غرفة اخواتها وهي تشوفهم على نفس حالتهم اللي تركتهم فيها من البارح نفس الوضع ريم متكورة على فراشها مثل عادتها لما تتضايق او تتعب تسكت واحيآنآ تجيها حالة تصرخ وتكسر كل شي قدامها بس ذحين ساكته يمكن تعبت من البكاء قربت منها وهي تجلس على طرف السرير جنبها سحبت البطانية عن وجها اللي كان احمر وعيونها المنتفخه من اثر البكاء ناظرت فيها ريم بنظرات هزتها من داخل هي جايه تواسيها توقف معها تخفف عنها مسكت يد ريم و تجلس وتتعدل على السرير وتحضنها وهي ساكته مااتوقع عندي كلام يخفف مصاب ريم والله ماعندي اي كلام كيف اخفف مصابها واهون عليها وانا بنفسي عجزانه اواسي نفسي بس مجبورة تعيش دور الشخص القوي الذي يقف عكاز لهم بكل الحالات |
رد: رواية جنوبية برت حالي ولا أدري وين ديرتها البارت 54 حضنتها بقوة وهي تسند راسها عليها : ريم حبيبتي انتي شايفه انش بالعزلة هذي والبكاء بيتغير شي من وضعش وين ريم القوية ريم اللي صار لش صار لنا كلنا على نفس الوجع شوفي انا قدامش وقبل ماتكمل اشواق دفتها ريم وهي تصيح : لا كلكم منتوا مثلي على الأقل ياأشواق عرفتوا اهلكم سندكم عزوتكم الشي اللي كنتوا تتمنوه ربي جابه لكم .. رجعت تنهار من جديد وهي تبكي : لكن انا وهي تضرب صدرها وين اهلي اعمامي أمي الحقيقية وينها حتى اسمها محد يعرفه وينها ليش تركتني السنين هذي كلها عند وحده ماتقرب لنا ليش انا منبوذه ليش امي عايشة اخذتني ليش ماخلتني عند أمي حتى لو ما تبغاني مصيرها بتحن علي وليش دوبها تتكلم أمي عايشة ذحين وتكشف المستور ليتها سكتت كان احسن علشان نكمل مسلسل حياتنا السخيفة. أشواق ماحاولت حتى تسكتها هي مؤمنة ان الأنصات افضل انواع المواساة رجعت تحضنها من جديد وهي تسمع كل سؤال من ريم مثل الوجع ينخر روحها اسئلة عالقة في خاصرة الحقيقة .. مسحت على شعرها لين حست فيها تهدأ قالت لها : ريم حبيبتي كل اللي قاعد يصير لنا مقدر ومتكوب مالنا يد ولاحيله فيه وماندري لعل في الأمر خير . ريم بعبرة خنقتها : وين الخير ياأشواق وانا مااعرف وين أمي واهلي قولي لي .! اشواق :الله الذي خلقش من العدم مستحيل يتركش كذا بدون مايصرف ويختار لش كل شي ثقي بالله وذحين قومي غسلي وجهش المفقع هذا ومري أمي طمنيها عنش ياريم مهما كان تظل أم لنا حتى لو ماانجبتنا من البارح تسأل عليش اجبري بخاطرها لو شوي وبعدها تعالي المطبخ ساعدينا بنطبخ غدا لأهل ابوي حست شي يرفرف في صدرها بمجرد نطق كلمة اهل أبوي قامت من ريم وهي تناظر في اخواتها يالله الحمل ثقيل علي يارب ساعدني وقفت في الوسط بين سرير ندى وخزامى وهي تحط يديها على وسطها دليل الحيرة وهي تشوف ريم تاخذ لها ملابس من الدولاب وتخرج . رجعت تناظر في اخواتها وبصوت عالي : خزامى انتي وندى خلاص عاد ترى مسختوها الحمدلله ماصار شي الأمور طيبة والحمدلله ان عندنا اهل وسند وعزوه تطمنهم ان كل شي بيكون بخير وهي تحتاج من يطمنها ان بكرة افضل لأنها خايفة من بكرة وبعد بكرة وخايفة الأيام كلها سحبت بطانية خزامى ورجعت تسحب بطانية ندى وبحزم : يله قومي انت وهي خلاص ماكفاكم بكاء من امس لحد ذحين طيب النهاية ايش وهي تشوف اخواتها كل وحده حاطه يدها في وجها .! : وبعدين مو انتي وهي صدعتوا راسي من زمان ليش ماعندنا جد وجده واعمام وترى مااحد فيكم صغير كلكم كبار بلا انهزامية وضعف ودلع يله قدامي غسلوا ومروا امي تسأل عنكم من البارح وبعدها تعالوا المطبخ ساعدوني انا وريم وإذا جوا اهل أبوي تراكم بتدخلون تسلمون ولا ابغى دمعة تنزل سامعين ولا طولة لسان . وخرجت بخطوات ثقيلة اليوم راح تواجه اهل ابوها تواجه جزء من حقيقة غابت عنهم ولاتدري تحمل مين المسؤلية .! ظ ظ محمد/ وكل شياطين العالم راكبه راسه يبي يفرغ عصبيته بأي طريقة يحس ان الدم يغلي في عروقه كل ماتذكر اللي سوته أشواق ويحمد الله ان البلاغ وصل بيد اخوه عبدالله في هيئة التحقيق والأدعاء العالم ربي لطف به .،! والله مايفوتها لها بنت عمه واللي زاد عليه ان ابوه غصبه يروح معهم عندها هو مايضمن نفسه اذا شافها يقوم يذبحها. زفر بقوة وهو يستغفر اكثر من مرة ويعلق على بوري السيارة وفتح مساحات السيارة علشان الزجاج الأمامي من المطر اللي ينزل من الفجر عدل شماغه واخذ عطره وهو يرش من اكثر من مرة اخذ جواله وهو يشوف الساعة12 الظهر له ربع ساعة ينتظرهم في السيارة نزل قبلهم مايتواجه هو وابوه رفع يده يتحسس خده مكان الكف اللي جاه من ابوه . ابوه اللي ماعمره ضرب احد فيهم وخاصة هو وضربه علشان بنت اخوه لكن طيب رجع وهو يعلق على البوري طفش وكل اللي قدام الفندق يناظرون فيه ولا اهتم لهم وهو مستمر معلق على البوري . انفتح الباب اللي جنبه وهو يشوف جده يركب وباين على وجه الأنزعاج قفل الباب بقوة وهو يناظر فيه ايش قومك انت خبل ازعجت العرب. ولا رد على جده وهو يشوف أبوه ماسك جدته وفارس يفتح لها الباب ويساندها لين ركبت وركب ابوه واخوانه وهو ساكت حرك السيارة وهو يشوف المطر بدء بكثرة ويشغل المساحات علشان يقدر يشوف تحرك مبتعد عن الفندق وبدون مايلتفت قال بضيق : من وين طريق بيت بنات اخوك يقصد ابوه. علي بضيق من ولده ومن كلمته الظاهر ان محمد بيتعبه كثير ماكان يبغى يروح بس غصبه يروح وهو يعرف ولده لما يعصب ماعاد يقدر يتحكم في تصرفاته ولا يلومه ابد خاصة ان اشواق قدمت بلاغ ضده مايدري ليش حس بفرح في غير مكانه عجبه تصرفها انها قادرة تحمي نفسها وذكية |
رد: رواية جنوبية برت حالي ولا أدري وين ديرتها البارت 55 قال بعصبيه مستغربه منه بانت في صوته : محمد للمره المليون لا تحسب انك كبرت مااقدر عليك خلك رجال قبل لا تشوف الوجه الثاني مني خذ سيده وبعد الكبري اشارة وبعدها السودة قدامك سيده على طول .. محمد وهو يضغط بيده بقوة على الدريكسون علشان مايتكلم كلام يزعل ابوه الجد (محمد) وهو يشوف محمد كيف معصب من الصباح وذحين كلامه هو وابوه هو مايرضى عليه يعتبر ولده اللي ماجابه اخذه من أمه وهو صغير ابو شهر وكبر قدام عينه اخذ منه كل شي نهر ولده : علي ايش قومك على ولدك . علي بأحترام : ولا شي يجعلني قلبك ياأبو احمد الجد(محمد)وهو يناظر في محمد : وانت ايش قومك ماتقول بنات عمي ها. محمد وهو وصل حده كمل جده الناقص.، سكت ومارد وهو يتجاوز السيارات بسرعة يبغى ينهي السالفة ذي في اسرع وقت . فارس بخوف: محمد بشويش ليش السرعة ذي تتجاوز والدنيا مطر ترى باقي ابغى نفسي دوبي مجمع لي قرشين . محمد وهو ماصدق احد يتكلم علشان يبرد حرته قال : انت انطم ولا كلمه قبل انزل اوريك شغلك الجده هيلة وهي تشوف ولدها علي الهادي كيف صار عصبي وهو يهاوش ولده وجده اللي قام يهاوش قالت : ياعوال الحلال خلاص صلوا على النبي تعوذوا من ابليس تراه حاضر معكم جعلني قبلكم لاتخربون علي فرحتي ببنات ولدي والله ان ودي اطير لهم واشوفهم .! علي وهو يمسك يد أمه : راح تشوفينهم يالغالية وتقر عيونك بهم. ورجع الصمت في السيارة مايقطعه إلا صوت مساحات السيارة وهي تسحب موية المطر ومحمد وهو يشوف لوحة وسهم السودة لف ومشى سيدة لين دخل بين جبال شاهقة اللي مغطيها الضباب بكثافة رفع جواله وهو يشوف الوقت 12 ونص ورجع شاف درجة الحرارة كانت 15درجة مئويةرغم برودة الأجواء إلا انه يحس بحرارة بكل جسمه. سمع جده موجه كلامه لولده علي: اخوك عنده عيال ذكور . علي وهو مستغرب من سؤال ابوه اللي ماقال كلمة من عرف عن بنات احمد ولاحتى سأل وخايف من ردة فعله لما يشوفهم ولا يضمن ابوه مره ويعرف ان ابوه يحب الذكور ويميل لهم علي : لا والله عنده بس ثلاث بنات. الجده بحب : فديتهم جعلني قبلهم والله انهم عند قلبي كأنهم الف رجل رضيت بهم. الجد(محمد)سكت ولا علق بكلمة. محمد وهو يشوف المطر مازال مستمر خفف السرعة وهو يقول : يبه هذا حنا في السودة وين البيت . علي/خلك ماشي سيده راح تحصل مسجد والبيت قريب منه . رجع محمد يمشي بسرعه لين ظهر لهم المسجد ويشوف بوابة مفتوحة قدامها جمس وسيارة هايلوكس. سمع ابوه يقول وقف عندك ونزلوا كلهم وهم يشوفون السواق شايب في استقبالهم عند الباب ويرحب بهم فارس نزل وهو يحضن نفسه اح يابرد عندهم في الظهر وهو يلف ويناظر حوله مكانهم خطير بنات عمي ورجع يناظر في السيارات اللي قدامهم اخس يابنات عمي سيارات اخر موديل ماشاء الله.! : أشواق / وهي متوترة وتحاول قد ماتقدر تكون طبيعية وقفت قدام المراية وهي تلف طرحتها وتثبتها وترجع تلبس النقااب . خرجت لين وصلت المطبخ وهي تشوف اخواتها يشتغلون بصمت ولا وحدة تكلم الثانية قالت : ندى خزامى اذا خلصتوا تجهزوا بروح استقبلهم وصلوا خرجت من باب الصالة وهي تحس ان رجولها مو قادرة تشيلها وبدال ما تخرج تستقبلهم رجعت لداخل الصالة وهي تسمع صوت السواق يرحب فيهم ويدخلهم ماتدري ليش حست انها مو قد المواجهة جلست على كنب الصالة قريب من باب وهي ترجف اكثر من شعور غريب تحسه اختلاط مشاعر. قامت وهي تاخذ نفس عميق وهي تحضن نفسها بقوة وهي تخرج بعد ماتأكدت انهم دخلوا المجلس. خرجت وهي تمشي بسرعة والمطر ينزل تمشي بسرعة علشان ماترجع تدخل الصالة لازم من المواجهه ذي لازم ،مؤمنة ان اقدار الله خير مهما كانت موجعه . وصلت عند المجلس وهي تشوف اكثر من فردة حذاء رجالية قدام الباب يا الله كم مر عليهم من الوقت مااحد جاهم ولا دخل بيتهم رجل لا في عيد ولاغيره. وقفت باب المجلس وهي تناظر بلا هدف بس تشم ريحة ابوها والله ريحته تحسه حولها وهي تسمع اصواتهم صوت ابوها دخلت وهي ترجع من الخوف من الموقف من برودة الأجواء وقفت تشوف السواق يوزع عليهم مويه ومن شافوها وقف لها عمها ومعه واحد شايب وحرمه لابسه عبايتها تشجعت وبصوت حاولت قد مايقدر يخرج واضح لان العبرة خانقتها ومن شافها السواق تدخل خرج.. : يامرحبا يامرحبا يامرحبا يالله حييهم ومحتارة تسلم مين اول .؟ وقبل ماتتقدم تسلم على الشايب قامت الحرمه لها وهي تقطع المسافه بينهم وهي تبكي وتصيح وتحضنها : المرحب باقي حست انها تحلم يالله الوجه ذا تعرفه مستحيل تنساه يالله سبق وشافت جدتها هي مسويه لها العملية حضنتها بقوة وجدتها ماخلت مكان ماسلمت عليها فيه واخر شي تحاول انها تفك نقابها وبأستعطاف : يمه أشواق وريني وجهش وريني .! |
رد: رواية جنوبية برت حالي ولا أدري وين ديرتها البارت 56 حست انها تورطت كيف تكشف وهي لمحت عيال عمها اربعه موجودين .! علي وهو يشوف امه كيف حاضنه بنت اخوه وماسكه غطوتها تبيها تكشف تحرك وهو يسحب أمه : يمه الله يهديش بشويش هوني على روحش وعلى البنت وهو يسحبها ويمسك يدها وبيده الثانية قرب من اشواق وهو يحضنها وبحب : مرحبا مرحبا ببنت الغالي مرحبا.! أشواق وكل وجع الدنيا اللي حسته راح في حضن جدتها وحضن عمها كان ودها تقول وينكم عنا من زمان بادلت عمها السلام : المرحب باقي فديتك جعلك سالم فكها عمها علي وهو يأشر لها على الرجل اللي كان واقف من دخلت وكان خايف من ردت فعل ابوه قال لها سلمي على جدش محمد يااشواق. أشواق وقفت وهي تناظر في جدها ملامح ابوها الحاده بكل شي يشبهون ابوها كلهم كل واحد فيهم مااخذ شي من ابوها حتى الكلب ولد عمها ابو لسان طويل قربت من جدها وهي توقف قدامه تحاول تبوس راسه ماعمرها سلمت على رجل الحركه الغير متوقعه من جدها انه حضنها زرعها في صدره رغم انها تشوفه كبير في السن إلا انه واضح انه يتمتع بصحه ممتازة .! حضنها وهو مايدري ليش حضنها من دخلت وهو يحس قلبه بينفطر من الفرحه ايه بالله فرحان يحس كأنه احمد في حضنه اللي ماعمره حضنه .،! اشواق وهي تفك يد جدها وتبوسها وتبوس راسه .! وترجع لورا وهي خايفة انها تطيح مرتبكه ولا تدري ايش تقول .! اشواق وهي تلف بوجها ناحية عيال عمها وبصوت عادي : يامرحبا يامرحبا بعيال عمي واخواني الله يحييكم .! ماانتظرت تسمع منهم اي رد لفت وهي تسمع جدتها تقول: تعالي اشواق تعالي جنبي اتنشدش عنش وعن اخواتش وينهم ابغى اسلم عليهم.! أشواق وهي تاخذ ثلاجة القهوة واليد الثانية فناجيل وتتقدم من جدها قالت : لبيه ياجده ابشري بي خليني اقهويكم وابشري واخواتي شوي وبيجونش مدت الفنجال لجدها وهي تقول : سم ياجد شافته ويده ترجف وهو ياخذ الفنجال وساكت .! علي وهو يناظر في عياله اللي كل واحد يحاول يشغل نفسه بجواله ولا احد فيهم رافع عيونه لهم وقف وهو يمسك الثلاجه من يد أشواق بحب: والله مايقهوي إلا انا انتي اجلسي هنا جنب جدتش تبغااش شفقانه عليش انتِ واخواتش . جلست أشواق بين جدها وجدتها وهي تشوف جدتها تمسك يدها : بشريني عنكم مالله قضى فيكم بعد ابوش. أشواق وهي تتمنى انها تتكلم او تبكي على الأقل تحسد اخواتها انهم يبكون يفضفضون مسكت يد جدتها وهي ترفعها وتبوسها : بخير جعلش في خير والحمدلله . مسكها جدها بيدها الثانية وهو يقول بوجع : اوجعتكم الدنيا عقب ابوش. أشواق وعلى غير المتوقع منها سندت راسها على كتف جدها اللي تمنت انه كان سند لهم من زمان : اوجعتنا الدنيا ياجد وحنا في كل رمضان وعيد مجلسنا هذا خالي عقب ابوي اوجعتنا الدنيا ياجد و نار ابوي طافية عقبه وإلا غيره الحمدلله أمي ماخلت علينا خلاف ربتنا احسن تربية وقبل تكمل سمعت صوت تعرفه بين مليون صوت يقول باين التربية ماشاء الله . قالت بكل بفخر : أمي ربتنا احسن تربية وابشرك بنات ولدك اللي يدوس لهم على طرف يوسمون خشمه وسم . وابشرك عندي خير كثير يارب لك الحمد ندى خريجة صيدلة وخزامى اصغر وحده فينا عمرها 17 ماتت أمي رقية بعد ولادتها الجده /وهي تبكي الله يطعن قلبي عنكم يابنات احمد والله ماكنا ندري بكم الله علينا شاهد. اشواق بحب لجدتها وهي تمسك يدها : جعلني قبلش ياجده كيفش انت من عمليتش ان شاء الله احسن وليش ماعاد عدتي للمراجعة. الجده وهي تناظر فيها : وايش دراش اني سويت عملية. اشواق /انا اللي سويت لش العملية ياجده ولاكنت ادري انش جدتي والله لكن من شفتش تعلق قلبي فيش حتى موعد مراجعتش استغربت اني ماشفتش. عليوهو مو مستوعب بنات اخوه كانوا حولهم ولايدرون قال : سبحان الله ياأشواق اكثر من صدفة نلتقي ولانعرف بعض وحلم جمعنا تفسيره. أشواق /الحمدلله وهي تقوم واقفه عن أذنكم بروح اشوف البنات وترى غداكم زاهب وهي تخرج. محمد وهو ماصدق انها تخرج الكلبه جريئه ماكأن معها رجال جالسين ولا من قوة الوجه تبي تقهوينا لو انها سوتها والله ماغير احرقها بقهوتها حس بغيرة عليها مايدري ليش وهي ماخذه راحتها واخوانه موجودين . وتسلم بعد وتقول عيال عمي واخواتي وعيال عمت عيونش يارب . متعودة على مناطح الرجال والجلوس معهم حتى صار الوضع عادي. فارس/ ياارباه عندنا بنات عم ولا تدري الحمدلله . علي وهو يناظر في ولده بنظرة لها مغزى : فارس.! فارس بخوف : سم يبه والله مااقصد شي اشبك متغير من لقيت بنات عمي . احمد/يبه ايش ناوي تسوي انت وجدي. علي/كل خير إن شاء الله وهو ناوي انه يوقف مع بنات اخوه مستحيل يسمح لأحد يأذيهم حتى لو كان ابوه صح انه غير راضي عن وظائفهم وخاصة خزامى |
رد: رواية جنوبية برت حالي ولا أدري وين ديرتها البارت 57 ناظر في ابوه وقال وإلا يابو احمد ايش هو شورك.! هيلة وهي تشوف زوجها الساكت وقفت وهي تجلس على ركبها قدامه وتخلع شيلتها وترميها في حضن زوجها وبصوت كله رجاء : تكفى يامحمد طلبتك بنات احمد لا يجيهم الضيم وانت حي تكفى وانا لك عصا لك اللي ماتعصاك وبصلح اللي راح والخراب اللي بيننا بنات أحمد عماره. محمد(الجد)/انتفض وهو يشوف زوجته ترمي شيلتها عليه واول مره يشوفها تسويها او تخلي شعرها مفتوح قدام احد حتى ولدها وعياله.،؟ شاف شعرها الطويل المجدول نازل بحضنها قام وهو يمسك شيلتها يلبسها ويقومها ويبوس راسها ويجلسها ويجلس جنبها مسك يدها بقوة رفع عيونه لعلي ولده وعياله بنات احمد في وجهي واول مرة تخذله قوته وعيونه تمتلي دمع : والله ياهيلة يابنت ولدي مايلحقهم ضيع وهذا الراس عايش. هيلة وهي تستند على كتف زوجها وتبوسه : جعله يسلم راسك يا أبو احمد .! الجد(محمد) جاهد ان دموعه ماتنزل بس ماقدر غمض عيونه اكثر من مرة هو غلط في حق ولده كثير غلط كثير ولا بيعيد نفس الغلط مع بناته مهما صار كان يتمنى لو يرجع ولده لحظه ويعوضه لكن ربي رحمه ببناته رغم ان صدره ضاق لما عرف ان ثنتين في مجال الطب والثالثة مشهورة وهو رجال يضربه العار ويغار على طرف محارمه كيف وبنات ولده في مكان مختلط. حط يده على كتوف زوجته وهو يسمعها تدعي له هذا القرب اللي تمناه من سنين. : أشواق / في المطبخ وهي تفتح قدر المزين أمها اصرت ان يكون غدا اهل ابوها من طبخهم السواق ذبح الذبيحه واعطاهم وهي وريم طبخوها مندي في قدر المزين قسمت الرز واللحم في صحنين زينته بمكرونه وبيض مسلوق وزبيب وشرائح ليمون.! شافت ندى تدخل قالت لها : خلاص رتبتي السفرة .! ندى : خلاص جيت اخذ الصحون اخذتها وهي تخرج. خزامى وهي تحط سلطات وايدام في صحون. وريم تطلع الخبز من الصينية أشواق قالت : انا بروح لهم وانتوا اذا خلصتوا تعالي ياخزامى انت وندى سلموا عليهم . وخرجت تطمئن على امها وبعدين بتروح لهم تقلطهم على الغدا. : علي/ يبه انا لما جيت هنا زوجة احمد الله يرحمه اعطتني شنطة فيها اوراق كاملة تخص احمد وبناته وفيها وكالة شرعية ووصية لي ولك احمد يبه بعد ماخرج من عندنا ماقدر يتوظف اي وظيفة كان خايف ان احد يشوفه ويعرفه ويعلمك عن مكانه اخر شي اشتغل في الحلال مع منصور ابو زوجته الأولى رقية أم البنات لكن بعد موت رقية تزوج عايشة علشان يساعدها ويكون لها محرم اذا دخل البيت .! الجده هيلة /ياضيم قلب ولدي تلقى المصايب كلها وحده الله يطعن قلب أمك عنك ياأحمد تزوج مرتين وحده وانجب ومحد فرح له وماتت زوجته وهي صغيرة وتزوج عجوز كبر أمه يارب ترحم أحمد وتعوضه خير ياكسر قلب أمك عليك. علي/يمه أحمد كتب انه زواج كان على ورق بس ماعمره قرب منها ماتزوجها إلا علشان بناته وبس وهي في الحقيقة ماقصرت مع بناته بيض الله وجهها شالت حمول كثيرة .! محمد بأندفاع : إلا سود الله وجهها رعية جماله ومعروف سيبت بنات عمي المفروض انها جتنا تسأل اي احد لين تحصلنا وتسلمنا بناتنا إلا شردت بهم ديرتها .،! وكل وحده مخليتها تاخذ راحتها اللي دكتورة وسنتين وهي في كنده وحدها تدرس والثانية تخصص صيدلة والثالثه مشهورة كل من هب ودب يعرفها .. أحمد بأنصاف وطبعه الحكيم : تراك غلطان إلا بيض الله وجهها الف مرة الحمدلله بنات عمي من احسن مايكون لا خريجات سجون ولا رقاصات والحمدلله وحكاية ليش مادورت علينا إلا هو عمي ماقال لها عنا شي كيف هي تجي تدور ولما ابوي جاء يسأل عن البنات صح انها غلطانة بس نلتمس لها العذر ولا نجحد فضلها كانت تخاف نحرمها منهم وهي صاحبة التعب الكثير .، علي كل واحد من عياله قال كلام هو بيقوله وكل واحد صادق في كل كلمه قالها . ناظر في ابوه اللي ساكت وقال : يبه وهو يمد بورقة له هذي وصية من احمد يقول ان بناته في ذمتي وذمتك لين تقوم القيامة لا يلحقهم ضيم والورقة الثانية صكه وكالة عامة لك انت يأبوي على البنات الجد(محمد) وهو يلبس نظارته فتح كل ورقه وهو مو قادر يركز في حرف واحد قفل الورق ومدها لعلي وقال : إن شاء الله بناته مايحلقهم ضيم وكل وحده من بناته زوجها بيكون وصي عليها .! ست ازواج من العيون كلها تناظر في الجد كمل بعد ماسكت موجه كلامه لعلي عيالك ثلاثه ياخذون بنات عمهم . اول من ثاار محمد اللي وقف وهو يقول مستحيل والله مااخذ وحده منهم لو تنطبق السماء على الأرض. |
رد: رواية جنوبية برت حالي ولا أدري وين ديرتها البارت 58 عبدالله اللي وقف مثل المقروص : لا والله ياجد مااخذ وحده منهم انا مالي دخل اصحح غلطاتك انت وعمي .! فنجان القهوة اللي ارتطم بفكه كان جواب جده.! وبعصبيه فز جدهم واقف وهو يقرب من سميه محمد : والله لو سمعت واحد فيكم جاب سيرة بنات عمه بالشينه مايلوم إلا نفسه والزواج راح يتم واللي فيه خير يقول ماابغى..! انفتح باب المجلس ودخلت اشواق اللي سمعت صوت هواش ولا قدرت تسمع بوضوح دخلت وهي تشوف جدها واقف بعصبية ويضبط شماغه ، قالت : معليش تأخرت عليكم تفضلوا على الغدا الله يحييكم. وهي ترجع توقف عند باب المجلس وتقول : الغدا في المقلط ابتعدت عن الباب وهي تشوفهم يدخلون المقلط والعصبية واضحه عليهم خاصة جدها تشجعت وهي تدخل بعدها وهي تناظر في الأرض قالت الله يحييكم على واجبكم واعذرونا على قل الكلافه. جدها وجدتها وعمها بحب لها قالوا لها بأصوات متفواته : الله يكرمش يابنت احمد وماقصرتي وكلفتي على نفسش أشواق/جعلني فداكم اعز من جانا مابه كلافه الذبيحه من الشبك و طبخها في البيت عز من زارنا وخرجت.، محمد/ ماصدق انها خرجت يكره فيها جرأتها وهي تتكلم قدامهم جلس على السفرة بدون نفس بس ريحة الأكل خلاه غصب يشتهيه ، الجده (هيله)بأعجاب : يالله انك تكثر خيرهم ويحفظه ماشاء الله تبارك الله . فارس وهو يأكل : لذيذ ماشاء الله وحده دكتورة والثانية تخصص صيدله والثالث مشهورة بس سنعات ماهو أميرة الخبلة اللي ماتعرف تسوي شي. عليبحب لبنته : فديت طاري أميرة وانت يعني ماترتاح إلا لما تجيب سيرتها. الجد(محمد) وهو يأكل من الخبز والمرق قال : تسلم يد من سوته والله ماله شبيه إلا خبز يدش ياهيلة حس بألفه مع زوجته وهو يحاول يصلح شي بينه وبينها كان مجرد أمنيه او حلم والحمدلله انه رجع ! محمد/ والله ما اتوقع احد يجي يخبز مثل جدتي.! فارس هو يناظر في اخوه قال: المشكلة انك تسب الخبز وتأكل منه انت مايعجبك شي مرة.! محمد وهو بدون مايلتفت لفارس ويأكل : ممكن تنطم. علي بطفش منهم انتوا ماغير مناقره ماتستحون : على وجيهكم .! عبدالله /وقف وهو يقول جاد الله على من تكلف يبه انا ماشي المطار رحلتي 6 المغرب يادوب اوصل الدنيا مطر وزحمة وعندي اشغال بكره لا زم اخلصها قبل الظهر وهو يبغى يهرب من تسلط جده وقراره.! محمد /وهو يقوم وانا بروح اوصلك المطار واروح عند أمي. الجد(محمد) وهو عارف ان كل واحد منهم يهرب من سالفة الزواج قال بأمر : اسمع انت ويااه بنات عمك مايتعدونكم وخاصة انت يامحمد الدكتورة اشواق تاخذها وانت ماتشوف الطريق روح سلم على امك وبعد الفجر وانت عندي سامع.! عبدالله عصب : وانا والله لو تنطبق السماء على الأرض مااخذ وحده منهم وخرج بعصبية.! محمد ناظر في جده وفي ابوه وخرج بدون كلمة .؟ توضيح الشخصيات... 1/ الأب محمد احمد ال زايد له من الأولاد اثنين أحمد وعلي التوأم •علي اولاده محمد الكبير من زوجته الأول (مطلقها) راح نتعرف عليها في البارت القادم. ولده الثاني أحمد والثالث عبدالله والرابع فارس وأميرة .(أمهم جميلة ) أحمد المتوفي زوجته الأولى رقية متوفية بناته اشواق وندى وخزامى .! •عائشة إبراهيم عيسى زوجها الأول سعيد وطلقها لأنها عقيم زوجها الثاني منصور ناصر سعودي عنده بنتين رقية وريم وكل وحدة من أم مختلفة وباقي الشخصيات راح تظهر وفق تسلل الأحداث .. |
رد: رواية جنوبية برت حالي ولا أدري وين ديرتها البارت 59 محمد/ اللي منسدح في حضن أمه وهي تحرك يدها في شعره ضاق به الكون كله لما جده قال انت تاخذ الدكتورة اشواق جدي رغم اني اعرف ومتأكد انه زعلان من تخصص بنات ولده في الطب إلا انه يتعمد اذا ينطق اسم أشواق لازم قدامه يقول الدكتورة اشواق وبفخر كبير .. بعد قرار جده مستحيل يقول لا هو يعرف جده اذا قال كلمة مستحيل يتراجع عنها حس انه مخنوق ولاعاد بيده حيلة وهو رافض فكرة الزواج كلها خاصة بعد مارفضته بنت خالة وخالته رغم انه اختيار امهم وهو وافق على فكرة الزواج إلا علشان يطيب خاطر أمه اللي ضحت بحياتها وشبابها علشانه من طلقها ابوه وهي حرمت الزواج على نفسها علشانه رغم انها تعبت وانحرمت منه وهو صغير بسبب جده محمد اللي اخذه منها وهو صغير عمره شهرين وماعاد صارت تشوفه إلا لما كبر وعرف الحقيقة رجع لأحضانها. غمض عيونه وهو ياخذ نفس عميق مختلط بريحة أمه المحببه لقلبه فتح عيونه وهو يناظر فيها مسك يدها كل ماجاء عندها لازم تفتح له سيرة الزواج كل مااتصل عليها تقول تراني عاينت (بمعنى شفت) لك عروس فنانه مثل روحك كل مرة ماكلت ولا ملت تقول خلني افرح فيك وارتاح حتى لما اجيب لها ذهب هدايا ماتلبسه تقول علي محلوف ما البس ذهب إلا في زواجك. اخذ يدها البيضاء وهو يبوسها قال: يمه. فوزية (الأم) : روح وقلب وعقل أمك حبيبي انت . محمد/فديت روحش وعقلش ابشرش اني خطبت يمه وبدون اي مقدمات وفي اقل من ثانية حصل راسه محذوف على الجلسة الأرضية وامه اللي مايدري كيف وقفت تغطرف وشوي تسجد وشوي ترجع تمسك وجه بيدها وماخلت مكان في وجه إلا ما باسته حتى انها ماسألته من هي كأنها تقول يكفيني انك تتزوج.، فوزية وهي تمسح دموعها : فديتك راعي بشارة في ذمتي اني صادقة وكأنها تذكرت وهي تخرج جوالها من جيبها وتمده له هاك اتصل على رقم أبوي ابشره تحصله خرج من المسجد عند الحلال اتلاها البارح يقول فوزية متى ناوي ولدش يعرس. محمد وهو يضحك ويمسك يد أمه ويجلس جنبها وهو يشوف الفرحه في وجه امه قال : اجلسي جعل عيني ماتبكيش حاوطها بيده وهو يقول : يعني مابتسألين من هي وهي فنانة او لا . فوزية وكأنها تذكرت قالت : والله من فرحتي فيك ولا بغيت الله يهديك من هي بنته. محمد ولاهو داري كيف يفهم امه السالفة او كيف بتستوعب أمه اذا هم لحد ذحين مااستوعبوا كيف أمه.،! قال : يمه تذكرين عمي أحمد الله يرحمه وهو يناظر في وجه امه اللي تغير بمجرد مانطق اسم عمه فوزية وكأنها انصفقت على وجها كيف تنسى احمد اللي خلاها قبل الملكه بيوم وخلاها علكة في حلوق الناس انه ماخلاها إلا لما عرف انها اكبر منه في السن. ناظرت في ولدها وهي تقول : الله يرحم اموات المسلمين ماله عمك أحمد. محمد هو يركز في تعابير وجه أمه وحركات جسمها المتوترة بمجرد ماسمعت أسم عمه مايلومها لما كبر وعرف السالفة حتى هو كره عمه بس يظل عمه مهما كان والدنيا نصيب.، بس كسرت أمه وجده باقي مانسوها رغم ان ابوه حاول يصلح الكسر فصار كسر اكبر. قال : يمه عمي لما هج من الديرة اثاريه تزوج ولا احد درى عنه وعنده ثلاث بنات وابوي دري قبل عشر ايام تقريبآ وانا واخواني شفنا ان بنات عمي حنا اولى بهم انا اخذت الكبيرة حاول محمد يختصر السالفة بدون مايخوض في تفاصيل الموضوع. فوزية رغم ان صدرها ضاق إلا انها ماحبت تخرب فرحتها في ولدها خاصة انها كانت تتمنى اللحظه ذي من زمان ودامها بنت عمه ولحمه ودمه ابركها من ساعه واختياره هو ريحها كثير لانها خطبت له من بنات اخوانها ورفضوه واللي تحط شرط تعجيزي بيت مستقل واللي امها تقول مانبغى امك تسكن مع بنتي ومضمون الكلام انهم رافضينه مرة يقولون عصبي ولا يتعاشر مثل جده. حضنته بقوة وهي تقول : الف مبروك الله يتمم لك على خير وبنت عمك سترك وغطااك ومن ذحين اقولك اذا طلبوا بيت شرعي وافق وانا بيت ابوي قد وسعني وانا صغيرة ولا بيعجز بي ذحين. محمد وهو يشوف الضيق بوجه أمه : والله مالها بيت إلا معش واصلا انا على الحد ومااجي إلا كل 6 ايام . محمد حب يغير مزاجها قال : ولا سألتيني هي فنانه او لا . فوزيه وهي تناظر في وجه ولدها وحيدها اللي خرجت من الدنيا به قالت : الزين يمك من زانت اخلاقه لا تتشرط وانا امك. محمد مستغرب أمه على غير عادتها كان الجمال شرط لها اساسي . قال : والله يمه ان شكل حظ ولدش ماش عروستي شينه الله لا يوريش لا وجه ولا عيون ولا طول ولا مقام ولسان طويل لكن قدها في وجهي وبنت عمي وهو يرسم الضيق على وجهه . فوزية وهي تحس الضيق بصدرها يكبر يالله اللي كانت خايفة منه حصل كانت تدور زوجه جميلة لولدها تبغى وحده كاملة واجمل من بنات اخوانها اللي رفضوا ولدها كانت تقول ابغى وحده اذا دخلت معي اتفاخر واقول لهم هذي زوجة محمد |
رد: رواية جنوبية برت حالي ولا أدري وين ديرتها البارت 60 ناظرت في ولدها وهي توقف وتقول: قد حكم الله يامحمد قد حكم الله ودخلت . محمد وهو يحاول مايضحك وهو يشوف أمه متضايقة قال يمه الكلام لا يطلع لأحد وجدي لما اتتم كل شي راح اجمعه هو وخوالي واقول لهم .،! قام وهو ياخذ مفتاحه ويقول : انا راجع ابها يمه عندي كم شغله وبخلصها استودعتش الله . : بنفس الوقت علي وعياله (فارس واحمد) وابوه خارجين من المسجد بعد صلاة الفجر راجعين للبيت وكل واحد فيهم شايل من الهموم ما يعلمه إلا الله خاصة الجد محمد وعلي اللي على كتفه حمول ثقيلة وامانة عظيمة في رقبته . شاف ابوه وعياله يدخلون بسرعة من البرد وهو يقرب من باب البيت ويشوف السواق الشايب اللي كان يصلي معهم يمسح زجاج السيارة الأمامي رفع عيونه لبنتين يخرجون من البوابة ويركبون عرف خزامى والثانية اكيد انها ريم خالتهم لأنها قصيرة بس وين رايحين ذحين رفع يده وهو يشوف الساعة دوبها خمس الفجر وقف عند السواق ويسأله وين بتروح .! السواق بودي ريم مدرستها علشان توقع ومعها خرامى . قال : وليش بدري كذا.! السواق المدرسة بعيدة مرة 130ك وعقبة ووادي لازم نخرج بدري .! علي/انت كل يوم توصلها . السواق / لا كانت مع نقل بس قبل فترة اثيوبي قتل السواق وماعاد حصلت احد يوديها . علي وهو يسترجع كلام بنات اخوه البارح عن ريم وايش صار لها رفع عيونه لسيارة وقال روح قول لهم ينزلون انا بوديهم ولا تحرك اي سيارة من هنا إلا بعد ماتقول لي خاصة اذا البنات معك ودخل .. : اشواق في المطبخ من قبل الأذان عجزت حتى تغمض عيونها تفكر في كل شي وبيصير لهم حياتهم الجديدة احساسها اللي ماعمره خاب بشي كبير بيصير ويمكن اشياء كثيرة من بعد العصر وهي جالسة هي واخواتها مع جدهم وجدتهم وعمها اللي شوي ويشيلونهم من الأرض الفرحة والخوف والحنان اللي شافته منهم خلاها تحس بأمان من كل شي كانت خايفة من لقائهم خزامى الدلوعه نشبت لجدي وجدتي وعمي وانواع الدلع وكل شوي واحد يحضنها فيهم تقول لازم تعوضوني عن حضن ابوي اللي انحرمت منه قالتها كلمة عابرة بس شفت تأثيرها على جدي وهو يحضنها في صدره بقوة ويشد عليها جلست معهم جلسه طويلة وكل سوالفهم عنها هي واخواتها قالت لهم كل شي عنهم حتى عن زواجها بماهر والظروف اللي تزوجت فيها والخلع اللي صار وما تنكر علامات الزعل والغضب اللي شافتها على وجه جدها وجدتها وعمها . سألها جدها بغضب وقهر وقال : لا يكون يضربش والله ماغير اخليه يكره الحزة اللي فكر يمد يده عليش بناتنا ماينضربون ولاهي من سلومنا ولا عادتنا نضرب حريمنا . مسكت يده بحب : فديتك لا والله بس ماعاد بيننا نصيب. جدتها هيلة حست بحبها الشديد وحنانها لهم قالت : لاعاد تدعوني جده قولوا لي يمه عوضوني عن ابوكم وعن كلمة يمه اللي ماعاد سمعتها منه جدتها اطيب إنسانه شافتها في حياتها كانت شايله هم ان اهل ابوها ماهم متقبلين وجود امهم مرة وفعلا تحس انهم يكرهونها بس جدتها غير طلبتها تروح تسلم على أمها وراحت وسلمت عليها وخرجت .! خلصت العصيدة وهي تحط كاسه صغيرة في الوسط وتعبيها سمن وعسل وبعدها حطت قطع صغيرة من الشمع العسل . حطت ثلاجة القهوة والحليب في صحن كبير مع الفناجيل وصحن فيه تمر سكري وحطت معه اقراص خبز اسمر رفعت عيونها لدخول خزامى وريم اللي مبين عليها العصبية وهي تنافخ : اشواق اطلعي ذحين قولي لعمش الملقوف ذا ماله دخل فيني وهي تصارخ. اشواق وهي تناظر في خزامى : ايش صار متجاهله ريم اللي صارت عصبيه مع الكل حتى جدتي طلبتها تسلم عليها ورفضت .؟ خزامى /عمي علي شافنا راكبين وسأل السواق وين رايحين قال له بودي ريم المدرسة قال خلهم ينزلون بعدين انا بوصلهم. أشواق وهي تناظر في ريم : طيب ليش زعلانه كثر الله خيره بيوصلكم وهذي معش خزامى محرم بدال ماتروحين مع السواق. ريم وهي تضرب بيدها بقوة على طرف الصحن وتتناثر الفناجيل في الأرض وبعصبية مستغربه من ريم على غير طبعها : الله لا يكثر خيره ذحين تقولين له ماله دخل فيني سامعه لا هو ابوي ولا عمي ولا يقرب لي.،! اشواق ماعلقت بكلمة رجعت تبدل الفناجيل في الصحن وهي تقول لخزامى : انا بروح احضر الفطور لهم وانت الحقيني بحافظة العصيد وارجعي نظفي الأرض |
رد: رواية جنوبية برت حالي ولا أدري وين ديرتها البارت 61 اشواق ماعلقت بكلمة رجعت تبدل الفناجيل في الصحن وهي تقول لخزامى : انا بروح احضر الفطور لهم وانت الحقيني بحافظة العصيد وارجعي نظفي الأرض . شالت الصحن وخرجت وهي تحس بعجز ناحية ريم اللي صايرة مثل الكبريت محد يلومها بس في النهاية انا مابيدي شي اسويه لها كلنا تعبانين من الوضع الجديد بس لازم نتقبل اللي صار لان مابيدينا شي وهي مؤمنة ان اقدار الله كلها خير وكل محنة وشدة في طياتها منحه من الله. خرجت من الصالة للحوش وهي ترجف من البرد.! اخذت نفس عميق مشبع بروائح عطريةمن الأشجار رفعت راسها وهي تناظر في السماء قالت يارب يارب دبرني انا واخواتي واختر لنا ماتراه خير لنا وصلت باب المجلس وهي تشوفي حذيان عند مدخل المجلس كم تمنت بيوم ان المجلس ذا يكون عامر بأهله احساس ان عندك رجل في البيت بحد ذاته أمان بعد الله. دخلت المجلس وهي تشوف جدها جالس قدام الدفاية ومتلثم بشماغه وعمها قاعد وقدامه اوراق كثيرة وحمدت ربي ان محد من عيال عمها موجود الغثيث عند أمه والثاني رجع الرياض على حسب كلام جدتي البارح واثنين نايمين في المقلط. قالت : صباح الخير وهي تنزل الفطور على الطاولة وتبوس راس جدها اللي من شافاها وهو يحاول يقوم أشواق :عليك وجه الله ماتقوم جعلني فداك . الجد(محمد) بحب : الله يصبحش بالخير ويعزش . وراحت سلمت على عمها اللي وقف من شافها وهو يحضنها : هلا هلا ازين صباح قد مرّ علي في ذمتي اني صادق. اشواق وهي تبوس كتفه : الله يسعدك ويحفظك لنا فكها وهي تروح وتمد السفرة قريب من جدها وتناظر فيه بحب ان شاء اللهة رقدتو زين البارح . ردو : الحمدلله وازين نومه والله وحنا عندكم . حطت الصحن وزعت اقراص الخبز الأسمر قامت واقفه وهي تلمح خزامى تأشر لها مستغربة حال خزامى اللي فجأة نزل عليها الحياء وهي البارح كأنها قرد ناشبه لهم اخذت حافظة العصيدة ودخلت وهي تقول : هيا تفضلوا سويت لكم شي بسيط إن شاء الله انه يعجبكم احترت ايش اسوي لكم وقررت اسوي عصيدة واخبز بر أسمر علشان جدي اذا ماعجبته العصيدة وخفت لا يكون عندك سكر وضغط وتتعب . جدها وهو يقرب من السفرة هو وعمها علي : ابشرش ان ماعندي لا ضغط ولا سكر باقي جدش شباب إذا تخبرين بنت حلوة تراني ابغى العرس. أشواق وهي تضحك : ماشاء الله اما العروس لا ياجد وين بتلقى مثل جدتي محد الجد(محمد) رفع عيونه لبنت ولده اللي اخذت من جدتها الشي الكثير في يوم وليلة اخذوا قلبه بنات احمد وهو يشوفهم كيف مهتمين فيه اللي اخذت ملابسه وغسلتها واللي تكوي واللي تعطر واللي تهمز واللي تدهن رجوله ويدينه واللي تحرص عليه يتدفى زين من البرد صدق من قال ان اللي عنده بنات مايموت .! قال لها : ايه بالله انش صادقة في كلامش بس جدتش تتغلى علي وإلا وينها من البارح ماشفتها . أشواق وهي تتذكر سوالف جدتها لهم عن حياتها مع جدهم وكيف انها جتها فترة ماعاد تطيق تسمع من بعد موت ابوهم : جدتي نايمه مع ندى مانامت إلا متأخر صحيتها صلت ورجعت تنام. علي وهو يفطر : ماشاء الله انتي اللي مسويه الفطور. أشواق / ايوه انا مسويته أمي فديتها معلمتنا كل شي وماسمعت اي رد على كلامها تعرف انهم شايلين كثير على أمها وهي محتارة بينهم . شافت جدها اللي قام وهو يقول : الحمدلله جاد الله عليكم يابنت احمد. أشواق /بالعافية ياجد لكن ماتقهويت. الجد(محمد)/بروح انام لي شوي مع عيال عمش واذا صحيت تقهويت مع جدتش اذا حصلتها،.؟ علي/ شاف ابوه يقوم من السفرة متوجه للمقلط علشان ينام حس انها فرصة ويقدر يتكلم مع اشواق قام وهو يمسح يده بالمنديل ورجع يجلس مكانه عند الشنطة والأوراق حولها وهو يحس بثقل من أمانة اخوه احمد حس ان اخوه حطه في خيارين كلاهما اصعب من الثاني بس لازم يحزم أمره من شاف الأوراق اللي في الشنطة وهو يصلي ويستخير ولا حس بشي. ناظر في اشواق اللي قاعده ترتب المجلس من شاف بنات اخوه وهو اسعد إنسان صح ان أشواق تضايق من تصرفها مع ولده رغم انه يستاهل علي/أشواق .،! أشواق /لبيه وهو تلف لعمها وبيدها كيس جمعت فيه علب المويه واوراق كانت على الكنب والأرض. عليبحب لها ولكلامها وتصرفاتها حب فيها قوتها وتحملها لمسؤلية اخواتها وكيف انها استقبلتهم : الله يلبيش تعالي هنا بغيتش في موضوع يخص خالتش ريم وهو يأشر على مكان جنبه. أشواق/حتى انا كنت ابغى اكلمك عنها .. |
رد: رواية جنوبية برت حالي ولا أدري وين ديرتها البارت 62 تحركت وهي تحط الكيس عند الباب وترجع تجلس جنب عمها وهي تدعى من قلبها ان يكون الأمر خير خاصة انه يتعلق بريم اللي صايرة مثل النار ولا تتقبل كلمة منهم ومنعزلة.! علي/وهو يرفع مجموعة اوراق بيده اعاد قرأتها اكثر من مرة . قال : أشواق هذي كلها اوراق تخص ريم خالتش وهو يشوف أشواق تناظر فيه بأهتمام . : مضمون الأوراق ذي كلها ان ريم زوجتي وعندي وكالة شرعية من ابوش الله يرحمه عليها لانه كان الوكيل الشرعي لها قبل يموت . أشواق تحس بطنين قوي في راسها من كلام عمها حطت يدها تلقائي على راسها من هول اللي سمعته وهي تقول : كيف مستحيل ومتى ؟ علي قرب منها وهو يسمي عليها : اشواق ركزي معي والله حتى انا مصدوم مثلش لكن مابيدي شي اسويه ومحتار من سلمت لي عايشة الشنطة وشفت الملف اللي يخص ريم وانا ضايق صدري ومحتار ايش اسوي ولا احد يعرف إلا انت ذحين. اشواق وهي قاعده تتخيل ردة فعل ريم لو عرفت راح تموت لا راح تذبحهم كلهم متأكده ريم لما تعصب او تزعل تتحول لوحش . حطت يدها على قلبها وهي تقول يارب لطفك يارب. سمعوا صوت صراخ يوصل لعندهم فزت واقفه وهي تعرف انه صوت ريم وقبل تخرج كانت خزامى جايه لهم وهي تصارخ أشواق الحقي ريم معها المسدس تقول خلي عمي علي يجي يكلم السواق يوديها ليش يمنعها تروح وإلا راح تقتل نفسها. أشواق بدال ماتخرج تشوف ريم رجعت لعمها : عم الحق ريم والله ماادري ايش اسوي معها تكفى ريم مجنونة والله لتقتل نفسها او تقتل اي احد قدامها . عليمن سمع صوت صراخها وهو مصدوم واللي زاد عليه كلام خزامى يالله معقولة وصلت فيها انها تنتحر علشان رفض تداوم مع السواق الله يسامحك ياأحمد على الوهقه ذي ومايستبعد تقتل نفسها هي قتلت اثيوبي يعني يتوقع اي شي . خرج مع أشواق حتى بدون مايلبس حذيانه وصل عند البوابه وهو يشوفها واقفة والسواق قدامها وهو يكلمها وهي ماغير تصارخ وتتكلم كلام مافهمه قرب منها وهو يشوف عيونها كلها دموع والمسدس بيدها وحاطته على صدرها . قال بصوت حازم : ررررريم . بمجرد ماسمعت صوته لفت له بقوة وهي تقول بأندفاع : انت مالك دخل فيني ذحين كلم ذا يوديني ليش منعته.. علي بهدوء عكس الخوف اللي داخله : وين تبغين تروحين انا اللي بوديش خلاص نزلي المسدس من يدش . ريم بأندفاع وهي تقرب منه كم خطوة وبعصبية : مين حضرتك علشان تتحكم فيني وتوديني مالك كلمة علي كلمتك على بنات اخوك بس ذحين كلمة يوديني وإلا قسم بالله افرغ المسدس بصدري ترى ماعندي شي اخاف اخسره وهي تبكي. علي رق قلبه لها بمجرد ماشافها بالقرب منه يالله زوجته من 18سنه ولا يدري وهي ماتدري قال لها بقلة حيله وهو يقرب منها هاتي المسدس ياريم وابشري مايصير إلا شي يرضيش ما كان مقرر يقرب منها ولا يمسكها بس مايدري ليش راح لها ومسكها كان يبغى يحافظ عليها كان يخاف انها تقتل نفسها يخسرها وهي من سنين له بمجرد مامسكها وهي تثور وتتحرك تحاول تفك نفسها منه بقوة .. صوت الرصاصة اللي طغى على صوت صياحها وصوت صراخ بنات اخوه وهي تتراخى بين يديه وهو ماعاد قدر يمسكها او يتحرك من هول الموقف.. . . علي/ وهو جالس على طرف السرير وماسك يد ريم الصغير مقارنة بيده الكبيرة ويناظر فيها وهي غايبة عن الوعي يحس كأن اللي صار حلم او معجزة مو مصدق انها بخير وقدامه ذحين ناظر في أشواق اللي لابسه قفاز طبي وبيدها ابره وتحطها داخل المغذي الموصول بيد ريم اللي مو حاسه بشي حولها كان يحاول انه يمسكها علشان ياخذ المسدس وفجأه سمع صوت رصاصة حس ان قلبه انخلع من مكانه وهو يحسب انها ضغطت على المسدس اثاريه ولده محمد اللي كان واقف عند الباب ويشوف اللي يصير وعلشان ينقذ الموقف اخرج مسدسه ورمى رصاصة في الهواء علشان ريم تخاف وتفك المسدس لان الإنسان مهما قال بنتحر يظل عنده حب البقاء لو انها صدق تبغى تنتحر كان انتحرت بمكان محد يشوفها فيه . لما حسيت فيها تتمايل شلتها بقوة وهو يلتفت لولده اللي يأشر له بالمسدس اللي بيده وعرف السالفة . لكنه شاف علامات الصدمة على عياله وابوه اللي قاموا من النوم على صوت الصراخ وصوت الرصاصة . ماكان عنده وقت يبرر لهم يقولهم ذي زوجتي طنشهم وهو يقول بأمر اشواق تعالي باخذها المستشفى. أشواق وهي ترتجف من اللي صار وترجف خوف على ريم وترجف خوف من اللي باقي جاي لهم قالت له : لا ياعم مايحتاج تعال حطها في الغرفة بركب لها مغذي وبتكون طيبة اكيد انخفاض ضغط. دخل الغرفة وهو شايلها والمصيبه ان اول من شافته أمه اللي كانت نايمه مع ندى وقامت تشوف ايش صار مارد عليها وهي تضرب في صدرها : علي من هي ذي وايش صاار .. |
رد: رواية جنوبية برت حالي ولا أدري وين ديرتها البارت 63 نزلها وهو خايف عليها خايف انها تروح من يده. شاف أشواق اللي تفك غطوتها وطرحتها وجهها اللي منتفخ وعيونها من كثر مابكت كان يتمنى ياخذها في حضنه يحسسها بألامان اللي فقدته اللي صار لها ماهو هين لا أب ولا اخوان ولا اهل ولا شي . شاف أشواق تقيس لها الضغط وبسرعة ركبت لها اكسجين ومغذي بيدها. رفع عيونه عن وجها وهو يسمع اشواق تكلمه أشواق /عم ترى جدي يبغااك في المجلس وريم اذا صحيت راح اقول لك .،! علي وهو يفك يد ريم وهو يمسح وجها بنظره شاملة يبي يحفظ ملامحها وبدون اي كلمة خرج وهو عارف ان اللي ينتظره من ابوه شي كبير ومن عياله ومن جميلة اذا عرفت . خرج من الصالة متوجه للمجلس دخل وهو يشوف ابوه وامه وعياله كأنهم في عزا ساكتين ولا احد من عياله ناظر له او وقف له بالعادة لما يدخل ابوهم وهم قدامه يوقفون له حتى لو انه خرج ورجع يدخل بداية المشوار صعب كذا .! إذا كان عياله كذا ..؟ اجل ابوه جميلة وخاله وعياله كيف . جلس على اول كنبه وهو يرفع عيونه لأبوه وماانتظر احد يسأله مستحيل يسمح لأحد يتدخل في حياته وقراراته يبغى لو مرة في حياته يتخذ قرار شخصي بدون تدخل من أحد يكفي انه ولا مرة هو اختار زوجه له رغم انه حقه . اخذ نفس عميق يحاول يرتب عذر يبرر قال : يأبو أحمد العذر والسموحة منك وسكت يحس لما ناظر فيه أبوه ضاع كل الكلام اللي كان بيقوله مازال يخاف من ابوه حتى وهو كبير وعنده عيال هيبة ابوه تخليه غصب يخاف منه بلع ريقه بصعوبه.،! : يبه بعد ماتوظفت انا واحمد رحنا المحكمة وسوينا لبعض وكالة عامة شاملة لكل شي علشان اذا احد فينا مسافر او مشغول الثاني يخلص اشغاله وكلته وكالة عامة حتى في امور زواجي لاننا كنا مقررين مانتزوج إلا اخوات ماكنا نبغى نفترق عن بعض حتى بعد الزواج والوكالة عندي منها نسخة موجودة بصيغة صحيحة في وكالة الزواج . ولما جيت عند زوجة أحمد اعطتني شنطة فيها اوراق تخص محمد وبناته وحصلت من ضمنها ملف خاص في ريم ..وقبل مايروح أحمد الحج راح المحكمة وعقد لي عليها واعطاني وكالة عامة عليها لانه هو كان الوكيل الشرعي لها وكان اول من وقف ولده فارس ويقول : كذا يبه تتزوج على أمي تجازيها . صوت جده الحازم هو اللي خلاه يبلع باقي كلامه. الجد(محمد): انثبر مكانك ولا كلمة اسمعها .! ناظر في ولده وهو يقول له : طيب ايش ناوي تسوي وايش ترجع زوجتك ذي. علي/مابسوي شي زوجتي على سنة الله ورسوله وامس كلمت الشيخ وقال عقد الزواج صحيح توفر فيه كل اركان وشروط الزواج واعطيته نسخة من الوكالة اللي سبق وسويتها لأحمد وقال صيغة التوكيل صحيحة لأنك ذكرت اسم الموكل عنك في صلب العقد وريم اخت رقية زوجة احمد كلهم سعوديات اوراقها كلها معي تثبت انها سعودية ابوها سعودي وأمها سعودية وباقي امها عايشة في نجران ومن ال قاسي ناس معروفين ابوها طلق امها واخذها وبعد زواج أحمد من رقية ابوها قال انا راح اعطيك وكالة شرعية عامة على ريم اخاف اموت وياخذونها اخوالها وكانت بينهم مشكلة كبيرة وصار احمد الوكيل الشرعي لها كمل وهو يناظر وجه ابوه اللي ماوضح عليه اي ردت فعل وتراها مارضعت مع بنات احمد لأن زوجته رقية كانت مريضة حتى بناتها ماارضعتهم واحمد كتب لي كل شي عنها . محمد(الجد) هو قرر انه مستحيل باقي يدخل في حياة اولاده مرة كفاية احمد الله يرحمه. بأختصار الله يبارك لك لكن قبل مايتم زواجك تملك لعيالك على بنات اخوك.!الليلة انا راح اكلم الدكتورة اشواق . علي وكأن ثقل جبال انزاح عن ظهره كان خايف من ابوه قال : ماراح احصل افضل من بنات اخوي لعيالي وابركها من ساعة لكن مستحيل اغصب احد فيهم والأهم عندي بنات اخوي ماراح اجبرهم ابد .! وهو يناظر في عياله محمد اللي ساكت واحمد اللي يناظر في الأرض وفارس اللي مانزل عيونه عنه كأنه يعاتبه ايش رايكم تبغون بنات عمكم. محمد : انا موافق لكن بشرط زوجتي مالكم دخل بيني وبينها لا من قريب ولا من بعيد. محمد(الجد)/ بتوافق ورجلك فوق رقبتك وبلا شروط وانا دون بنات ولدي اللي بتجي تشتكي منكم والله اللي رافع السماء بلا عمد وباسط الأرض وقاطع الذرية والعصبه القوية اني مااخلي فيه عرق ينبض وهو يأشر على سميه محمد انت تاخذ الدكتورة اشواق فاهم . وانت وهو يأشر على احمد تاخذ ندى. والداج عبدالله ياخذ خزامى وسالفة زواج ابوكم لاتخرج من باب هذا لجنس مخلوق. لف يناظر في ولده وانت اول تروح لخالك وعياله وتقول لهم كل شي وتطيب خواطرهم وهذا شرع الله ماسويت شي حرام وبعدها تروح تطيب خاطر جميلة ام عيالك وترضيها وبعدها تجيني هنا انت وعيالك واللي يعز عليكم ونملك إن شاء الله . |
رد: رواية جنوبية برت حالي ولا أدري وين ديرتها البارت 64 علي/ حاول يضبط نفسه وهو يحس قلبه يرفرف من الفرح قام ويبوس راس ابوها : بشر على ذا الخشم لكن عبدالله يبه ماله خاطر في الزواج من بنات عمه وقال لي انه يبغى احلام بنت خالته نورة وجميلة كلمت اختها من زمان وموافقين . الجد محمد/اجل خزامى ياخذها الخبل ذا يأشر على فارس اللي صدع روسنا يبغى العرس. علي /ابشر ابشر رجع وهو يدنق ويبوس راس أمه ويدها : ليش ساكتة يالغالية . هيلة/ايش تبغاني اقول ان تكلمت انفضحت وان سكت انغبنت وين اودي وجهي من اخوي وعواله وبنت اخوي. علي/ابشري مالش إلا يرضون اهم شي انتِ راضيه عني. هيلة/ومن متى مارضيت عنك انت واخوك الله يوفقك ياولدي واهم شي بنت خالك وأم عيالك لا ترضى فيها . فارس بدال ماكان زعلان ومعصب على أمه كان بينط ويحضن جده لأنه من قال جده عبدالله ياخذ خزامى انقهر بس دامها تيسرت من حيث لا يحتسب الحمدلله قام وهو يرسم على وجه الزعل مر من عند ابوه وقال : كنت اتمنى انك تحفظ جميل أمي ولا تبدل بنات الشيوخ ب...؟ وخرج بدون مايكمل . علي مارد على ولده والتمس له الف عذر ماكان يتمنى انه ينحط في الموقف ذا خاصة قدام عياله ذحين قدامه اكثر من مهمه صعبه كيف بيروح ويكلم خاله وعياله كيف بيكلم جميلة كيف بتكون ردة فعل أميرة .! والأهم والأصعب ريم كيف راح تتقبل فكرة الزواج. رفع يده وهو يمسح وجهه كامل غمض عيونه وريحتها تتغلل داخل صدره عطرها الهادي عكس شخصيتها لازم يروح يخلص كل اوراقها ضروري اليوم ويشوف باقي الأشياء اللي تخصها .. : محمد/ وهو يخرج من المجلس ماهمه زواج ابوه مرة علاقته في عمته جميلة شبه عادية ماله احتكاك معها كثير وماراح ينسى اللي صار قبل اربع سنوات في حفل تخرج أميرة من الثانوي كانوا مجتمعين قالت: يبه انا ابغى ادخل تمريض قام هو وعصب وقال والله ماتدخلين تمريض لو فيها قطع رقاب. ابوه سكت ولا تكلم ولا اخوانه حتى هم رافضين فكرة التمريض معروف في عائلتنا بس كلهم مايبغون أميرة تزعل . قامت جميلة قالت : ايش دخلك انت لاتنسى نفسك ترى انت اخوها من ابوها بس مالك كلمة على بنتي تدخل التخصص اللي تبغاه . وكان صعب عليه انه يرد عليها يحترم ابوه واخوانه خرج من عندهم وهو مايشوف وراح لشخص اللي راح يوقف معه حتى لو كان غلطان وقال لجده كل شي قالته عمته جميلة .! جده اخذ الجوال واتصل على جميلة وقال والله يابنتش ما تدخل تمريض لو ماعاد تدرس حياتها كلها واقصري الشر قبل يخرج مني محلوف ماعاد تشوفين عيالش مدى الحياة واعتقد انش تعرفين محمد ال زايد إذا قال كلمة مايتراجع عنها ومحمد اخو أميرة غصبن عنش وعنها وكلمته تمشي عليكم كلكم سامعه.! ومن بعد الموقف هذا ماعاد بينه وبين عمته احتكاك ماغير سلام بارد..! وأميرة نفس الشي وصار يستقعد لها على الطالعه والنازله عناد في أمها بس علاقته في باقي اخوانه مرة ممتازة وما تأثرت حتى فارس اللي دايم يناقره يحبه ويحترمه ولا يكسر له كلمة.! سمع جواله يدق اخرجه من جيبه وشاف انه عبدالله اخوه الأتصال اللي ينتظره من امس! محمد/ ارحب ملايين في ذمتي ولا تسد بشر. عبدالله /الله يحييك ابشر بالخير تيسرت كل الأمور وصارت كلها في صالحك وانا صورت كل الأوراق وارسلتها واتس .! وتدري وين المشكلة.! محمد /الله يبشرك بالخير اولآ وثانيآ ايش المشكلة عسى خير. عبدالله /تدري ان جدي كلمني امس وارسل لي صورة من برنت قديم اخرجه لما راح يسأل في الأحوال المدنية عن عمي هل تزوج او لا تخيل اني رحت عند الأحوال وماقصر معي فيصل المقرن بحث لي واخذ الرقم التسلسلي للبرنت المفاجئة انه طلع برنت وهمي مافيه اي بيانات مسجلة من الجهاز انا انجنيت كيف برنت وهمي وثلاث ساعات بحث وتدقيق على بيانات الموظف وطلعنا اسمه ولما سأله فيصل كيف تطلع برنت وهمي ماله بيانات في الجهاز قال والله هذي سالفه قديمة بأختصار يقول جاه أمر من سلطه عليا بمنع خروج اي معلومة عن عمي انت متخيل ولما ضغط عليه قال لي أن الأمر جاه من الأمير .....) تخيل لما سمعت أسمه جتني أم الركب يعني عايشة ذي داهية تنافس عصابة المافيا في المكر والدهاء الله ياخذها ياخي عليها تفكير مصيبة تمشي على الأرض . محمد/الله ياخذها اهم شي صححت اوضاع بنات عمي اوراقهم الرسمية. عبدالله /كل شي الحمدلله تمام. محمد بفرحه : الحمدلله وانت ابشرك ان جدي اسقط عنك بنت العم وحطها برقبة فارس .! عبدالله بفرحه : الله يسعدك ياشيخ واصلا ماكنت راح اوافق عليها غير احلام مستحيل اتزوج وانت تعرفني زين يامحمد انا صح احب جدي واحترمه لكن مستحيل اخليه يتدخل في قرار مصيري لي معليش يعني بنات عمي على عيني وراسي بس يجبرني ارتبط بوحدة منهم مستحيل يااخي مالهم ذنب مساكين حرام والله على جدي وانت يامحمد نصيحة لا تطاوع جدي في قرار زواج ابد حرام عليك خل حبك لجدي على جنب .! |
رد: رواية جنوبية برت حالي ولا أدري وين ديرتها البارت 65 محمد/الله يبلغك تفرح في احلام ياارب وبعدين مستحيل ارفض لجدي وجدتي طلب مهما كان . عبدالله /ياخوفي انك حتى انت بديت تميل لبنت العم ترى عادي تعترف انك تحب وهو يضحك .! محمد/اقول ايش عنده فارس الثاني قال حب قال خلينا الحب لك ياقيس بن الملوح ويله توكل على الله مع السلامه وقفل منه .؟ قفل من اخوه وهو يفتح الواتس ويشوف الصور اللي ارسلها اخوه. ضحك وهو يسوي لها تحديد ويرسلها على رقم جوالها اللي اخذه من جوال جده بدون مايدري. خرج من تطبيق الواتس وهو يقفل جواله ويحطه في جيبه والله يااشواق ما غير اجيبش على وجهش غصبن عنش وياقهري كله ما غير اخرجه دفعة وحده فيش انتي والعجوز. دخل المجلس وهو يشوف اخوه احمد جالس قدام الدفاية وعنده صينية فيها فناجيل قهوة وصحون حلا جلس جنبه وهو يشوف الضيق على وجه اخوه واحب اخوانه لقلبه. حط يده على كتفه وهو يقول : لا يضيق صدرك يالعضيد تتيسر الأمور وكذا وإلا كذا حنا بنتزوج وبنات عمي اولى من الغريبة .! احمد وهو يناظر في اخوه وهو يصب له قهوة ويمد له الفنجال اخذه من يده وقال : ليت ماهمني يامحمد إلا زواجي انا مو رافض فكرة الزواج ابد انا شايل هم أمي كيف راح تتلقى الخبر يامحمد أمي مريضة ولا احد يعلم بوجعها إلا الله ثم انا انت متخيل كيف بيكون وقع الخبر عليها افهمني انا مو معارض زواج ابوي لا والله من حقه يتزوج لكن أمي واللي قدمته له. محمد حس في اخوه وهو يقول : تتيسر صدقني ايش راح تسوي طيب. احمد/قلت لأبوي لا يكلمها ابد إلا بعد ما اكلمها انا وفارس وعبدالله ابغى امهد لها اخاف يصير لها شي. محمد/زين مابتسوي وانا معكم وحاضر في كل شي. احمد وهو يمسك يد اخوه / الله لا يخليني منك.؟ محمد/ولا منك يارب وين جدي وابوي مااشوفهم ولا فارس.،! احمد/جدي وجدتي عند بنات عمي داخل وابوي يقول عنده مشوار وطلع وفارس نايم .. : اشواق/ وهي تحس بتعب الكون كله يسكنها لا نوم ولا آكل .! الواجب عليها انها تهتم وتراعي الكل وهي محد يحس فيها خرجت من عند ريم بعد ماتطمنت عليها وعارفة ان المواجهه معها باقي طويلة . دخلت غرفة أمها وهي تشوف الممرضة جوالها بيدها. سألتها كيف ماما .؟! الممرضة/كويس خلاص فطور وانا اعطي علاج كله سكر ضغط كله كويس انا اعطي جلسة اكسجين بعد ساعة.، خرجت من غرفة أمها وهي تتمنى بس يمر باقي اليوم بسلام بدون أي شي .! تحتاج حبوب منومة وتنام شهر قدام وتقوم وتلقى ان كل شي صار طبيعي . وصلت غرفة الحريم وهي تشوف جدها وجدتها جالسين على نفس الكنبة ما تنكر ان وجودهم يخفف عنها كل شي .! بس صارت تخاف لما احد فيهم يناديها على تعرف ان في مصيبه جايه.! أشواق وهي تجلس : سم ياجد انت وجدتي . الجد(محمد) / سم الله عدوش يابنت احمد والله انش انت واخواتش في يومين اخذتوا قلبي واخذتوا غلا فوق غلاكم وفرحتي لما شفتكم اكثر من فرحتي لما جاني ابوش وعمش علي . أشواق وهي تناظر في وجه جدها وهو يتكلم عيونه الكبيرة خشمه الطويل بشرته السمراء لحيته الكثيفه البيضاء تحس ان بعد الكلام هذا كله شي كبير بيقوله : عمش علي جاني هو وعياله وقال يبه بنات احمد ابغاهم لعيالي وعيال عمش قالوا بنات عمي لنا. أشواق غمضت عيونها بقوة وهي تسمع كلام جدها سمعت منه الشي اللي استبعدت انها تسمعه اي زواج يقصده جدها وعمها وبسرعة كذا كأنهم حمل يبون يتخلصون منه.،؟ أشواق وهي تقوم تجلس على ركبها قدامه وتمسك يده :جد انت جيت تشاور وإلا تأمر ، الجد(محمد) لما سمع كلامها انقبض قلبه وهو يشوفها جالسة : لا ماعاش من يأمر بنات احمد وراسي حي لكن جيت اشاور ولا في عيال عمش شين يعيب وابغاكم عند عيني وحولي ماعاد اقدر اصبر عنكم . أشواق / يعيش راسك ياجد ويدوم لنا وعيال عمي محشومين من العيب لكن ان كنت جيت تأمر فأنا واخواتي طوع يدك لو تحب ذحين نملك ونروح معهم مااكسر لك كلمة وان كان جيت تشاور فأنا واخواتي مالنا خاطر في عيال عمي ابغاهم اخوان وعز وسند لا جارت علينا الدنيا نكون تحت ظلهم.؟ الجد(محمد) وهو يحس ان البنت ذي سكتته بكلامها ولا عاد عنده شي يقوله ابد. شافها وهي تقوم وتبوس راسه وهي تقول : العذر والسموحة منك ياجد لكن قلت شين في خاطري لا يضيق صدرك منا انت وجدتي وعمي.. الجد(محمد) : لابالله يابنت احمد حقكم وانا لكم محزم مليان انا وعمش وعياله لكن فكري انت واخواتش وانتظر ردش . وخرج بضيق وهو ينزل شماغه من راسه ويحطه على كتفه. اشواق وهي تقرب من جدتها اللي ساكته ولاقالت كلمة رغم انها تشوف في وجها كلام كثير انسدحت جنب جدتها وهي تحط راسها بحضن جدتها اول مرة تسويها حتى مع أمها ماعمرها حضنتها او نامت في حضنها غمضت عيونها وهي تحط يد جدتها على صدرها وتقول جده كلمي جدي انا واخواتي مانبغى زواج مرة . |
رد: رواية جنوبية برت حالي ولا أدري وين ديرتها البارت 66 شدت على يد جدتها بقوة وهي تقول جده : ادعي لي قلبي يعورني حيل ..جده أقري علي هيلة بحب وقلة حيله مابيدها تسوي شي هي فرحان ان عيال ولدها بياخذون بنات أحمد ولا بترتاح إلا اذا شافت كل وحده مع زوجها قالت الله يطعن جدتش عن قلبش أشواق وهي تتمنى انها تبكي تصارخ مثل اخواتها بس هي متعوده على الكتمان ولا تدري ايش نهاية الكتمان هذا.! . . اشواق/ وهي تفتح عيونها تحاول تذكر هي وين فزت واقفه وهي تحس جسمها كله مكسر من نومة الكنب ، شافت جدتها نايمة على الكنب جنبها ماتدري كم مر عليها من الوقت وهي نايمة ولا عندها ساعة علشان تشوف الوقت اخواتها أمها ايش صار عليهم.،! خرجت من غرفة الحريم لصالة اللي انواره طافية ماتدري وين جوالها. راحت لغرفة أمها تطمن عليها حصلتها نايمة والممرضه نايمة على الكرسي الثاني قريب منها. خرجت وهي تروح لغرفتهم فتحت الباب والغرفة كلها ظلام الكل نايم ماتدري الساعة كم شكل باقي في الليل وهي نايمة من الظهر ثلاث فروض ماصلتها . فتحت النور وهي تروح تطمئن على ريم اللي باقي على نفس وضعها الظهر نايمه حطت يدها على جبتها حرارتها عادية . اخذت جوال ريم وهي تفتحه وتشوف انها الساعة 3 الفجر .؟ يالله ربي لطف بحالها ونامت كانت ناوية تاخذ لها حبوب منومه نزلت جوال ريم وهي تروح لسريرها وتاخذ جوالها وتشوف انه طافي كالعاده دائم تنسى ان عندها جوال فتحت النور وهي خايفة انها تزعج اخواتها بس محد قام اخذت لها ملابس وادوات التنظيف وعطرها واخذت سجاده وجلال صلاه واخذت لها بطانية جديدة اخذت شاحنها وطفت النور وخرجت الصالة نزلت اغراضها واخذت البطانية وراحت تغطي جدتها اللي نايمه في الغرفة وخرجت اخذت اغراضها ودخلت الحمام .، تحتاج انها تغير كل شي في حياتها نامت وتوقعت انها بتقوم مروقه او مرتاحه لكن بمجرد مااستوعبت انها صحيت على طول كل شي صار ينعرض عليها خلصت حمامها وهي تنشف شعرها تعطرت ودهنت يديها ورجولها خرجت وهي تذكر جوالها الطافي حطته في الشاحن لبست جلال الصلاه وهي تفرش سجادتها. وتصلي الفروض اللي فاتتها وبعدها صلت صلاة الوتر وجلست على سجادتها مرة تدعي ومرة تستغفر ومرة تفكر في حالهم حست انها عطشانه قامت وهي تخلع جلال الصلاة وتدخل المطبخ اللي كان نظيف وعلى الفرن كم قدر فتحت القدور اخواتها مسوين عشى الحمدلله اهم شي جدي وجدتي وعمي يتجملون فيهم اخواتها مخلين لها آكل رجعت تقفل القدور مالها نفس في شي.! فتحت الثلاجه وهي تاخذ لها علبة مويه وعلبة عصير خرجت الصالة وهي تجلس قريب من جوالها فتحت جوالها جاها موجود من عمها شكله يطمئن على ريم فتحت الواتس وفيه محادثات كثيرة شافت رقم مو مسجل مرسل لها فتحت المحادثه وكانت عبارة عن صور فتحتها وكانت مثل الكف على وجها يالله لطفك فيني كل ماقلت هانت جد علم جديد. مين ذا اللي جمع كل الحقائق والأدلة ضدهمزاستدعاء لها ولأمها من هيئة التحقيق والأدعاء العام. أمها اعترفت لها بكل شي انها زورت لهم جواز سفر وكل شي بس الكلام ذا من زمان وهي دوبها تدري من أمها الله يسامحش يايمه شافت وقت الارسال من 11 الصباح مصيبة كبيرة .! قررت انها تتصل وتفهم كل شي . : محمد/ في المجلس مع اخوانه ماجاهم نوم وقاعدين سوالف وهو على اعصابه كل شوي يفتح الجوال ويفتح الواتس وكان اخر ظهور لها قبل يومين. فارس/شباب ماتلاحظون ان جدتي جحدتنا من جينا هنا امس اتصلت عليها قلت جده وينش تعالي فقدش ابغى اسلم عليش .؟! تخيلوا انها قالت لي ولاني فاضية لك مشغولة مع بنات ولدي وعسا هو كل حزه سلام وقفلت في وجهي.،! احمد وهو يضحك : معها حق والله كانت شفقانه لين شافتهم محمد يلومها والله.،! فارس/حتى جدي مسكين يحسب لما تصالح معها انها بتعطيه وجه بس طلعت جدتي ذيبه مطنشته وساحبه عليه عند بنات عمي . محمد وهو يضحك / والله رحمته جدي اول ليلة قلت له جد تعال نام معنا في القلط قال لا بنام انا وجدتك هنا في المجلس مااحب نومة الأرض وبعد ساعة دخل جدي هو وبطانيته قلت له ها وينها جدتي قال بعصبية مالك صلاح.! فارس/ههههههههههه والله ان جدتي ذيبه بس محد فلها غير ابوي ماشاء الله حصل زوجه جاهزه لا خطبه ولا نظرة شرعية ولا مهر ولا شي كأنها طلبية من مطعم وغير كذا شايلها بيده .؟وحنا جدي يقولون مافي نظره شرعية. احمد وهو يضحك: لا يسمعك بس ،؟ محمدفز واقف وهو يشوف رقمها حفظه عنده بعلامات استفهام قام مبتعد عن اخوانه لين خرج من المجلس وهو يتفقد مفتاح سيارته ولما تأكد انه في جيبه اخرجه من جيبه وهو يفتح الباب الخارجي ويضغط ريموت السيارة ويفتحها ويدخل فيها ،؟! |
رد: رواية جنوبية برت حالي ولا أدري وين ديرتها البارت 67 تعمد انه مايرد ثالث اتصال منها رد وليته مارد سمع صوتها اللي كله بحه نعلبوها ذي عليها صوت يذبح.! سكت وهو يسمعها تقول الووو مين صاحب الرقم ذا لو سمحت، محمد زفر بقوة علشان يبعد تأثير صوتها عليه قال بجفاء : وانتي متعودة تتصلين على ارقام ماتعرفين من اصحابها.، فجأه ماعاد سمع لها صوت رفع الجوال وهو يتأكد إذا باقي على الخط معه.! سمعها تقول : عفوآ مين معي..! محمد/معش اللي رفعتي عليه قضية تحرش يادكتورة اشواق.،؟ سمع صوت شهقه منها وهي تقول : محمد ولد عمي.،! كأنها مصدومة وتبي تتأكد .،،! محمد/عمومآ اتوقع وصلتش الصور . أشواق بحده : ايش تبغى مني ياولد العم.، محمد/ابد سلامتش لش مهله الى بكره الساعة 12الظهر تروحين تتنازلين عن البلاغ اللي سويته ضدي.؟ اشواق /واذا ماتنازلت .؟! محمد /عادي شفتي امش العجوز ذي العصر انتي وهي في قسم الشرطة هي بتهمة التزوير وانتي بتهمة السفر الى كندا والأمارات بجواز سفر مزور.،!و وقتها تعالي ايش يخارجك من محكمة كندا ويمكن تنسحب منك شهادة الزمالة الكندية يادكتورة اشواق لانك اخذتيها وانتي مقيمة في كندا بطريقة غير شرعية.؟ ببساطة العقوبة لش انت وأمش على الأقل سجن 20سنه وغرامه ماليه حول المليون ومدري كم تساوي بعملة كندا انت اعرف مني! محمد /ماسمع منها اي تعليق كأنها تحسب مقدار الخسارة وتوازنها .،! أشواق قالت : محمد ترضااها على اختك اعتبرني اختك وأمي أمك والله ماكنت اعرف انه جواز سفر مزور. محمد بتقزز : تخسين تكونين مثل اختي اختي ماتناطح الرجال وتخالطهم لا حيا ولا مستحى .،! ولا تقارنين أمي فوزية الشريفة في أمش النصابة الحرامية.،! وحكاية انك ماتدرين شي مايخصني القانون لا يحمي المغفلين. سكتت فترة وبعدها نادته محمد لما سمع صوتها اللي كله رجاء وضعف غصب عنه حن قلبه عليها كأنه اول مرة يسمع اسمه قالت : المقابل ايش يامحمد علشان تعتقني انا وأمي.،! محمد/ اولا ذي مو أمش وحده نصابه مزورة حرامية. ثانيآ قلت لش تتنازلين عن البلاغ الغبي ضدي . ثالثا تعتذرين مني شخصيا، رابعآ تروحين بكرة عند جدي تقولين له جد انا موافقة على محمد ولد عمي واخواتش معش سامعة لان ماهو على كيفش ترفضين وانت تعرفين ان جدي وجدتي يبغونكم عندهم . خامسآ والأهم تقديم استقالتش من مهنة الطب وإلا قسم بالله اني لسود عيشتش انت وأمش ولا تفكرين تكلمين جدي او ابوي لأنهم كلهم شايلين على امش وكلهم بيوقفون معي ضدها وقفل بدون لا يسمع كلمة وحده منها.،! نزل الجوال وضاق صدرة مايدري ليش حس قلبه انقبض بس كان مجبر يضغط عليها بأمها اتفق مع عبدالله يضبط له محضر بكل التهم الموجهة لها وكلها كانت اوراق عادية جدآ كلها كانت فوتوشوب حتى انها بدون ختم هيئة التحقيق والأدعاء العام لأنه مستحيل يقدم بلاغ على بنت عمه مهما كان وكانت فرصة اني اضغط عليها توافق هي واخواتها وانا شفت جدي صدره ضايق وجدتي تبكي علشانها رافضة واهم هي انه راح يضمن انها ماعاد تدوام في المستشفى وهذا اهم شي .! : اشواق نزلت الجوال وهي تحط يدها على راسها يارب ساعدني انا استاهل اللي قدمت بلاغ عليه لكن هو نرفزني وكانت اعصابي تعبانه ما تتخيل يكون ذا زوجها لا مستحيل ذا مجنون ماعنده تفاهم ماتقدر تعيش معه قامت واقفه وهي تتحرك لغرفة امها حصلت الممرضة تركب لها جلسة اكسجين قربت منها وهي تلقاها صاحية وعلى غير عادتها ماسلمت عليها ضغطت الزر اللي في جنب السرير الطبي لين عدلت أمها وكانت شبه جالسة مسكت يد أمها وهي تقول : يمه لش سويتي كل هذا ليش يمه كله رجع على راسي انا ليش يمه كان خليتنا نروح عند اهلنا احسن من الحال ذا اللي حنا فيه ليش يمه زورتي اوراقنا ليش يمه انتي متخيله ان تعب دراستي وغربتي في كندا كله بيروح والسبب انتي يمه كيف زورتي اوراقنا يمه جاء عليش وعلي بلاغ يمه بتهمة السفر وتزوير جواز السفر يمه على الأقل سجن لنا 20-او30سنه غير الغرامه المالية يمه انا ماعاد تهمني حياتي بس انتي يمه شايفه وضعش كيف يمه انا بين خيارين كلهم اصعب من بعض.،!يااوافق على ولد عمي يمه او انسجن انا وانتي يمه. عايشة بندم : فات وقته ولاعاد يفيد قالت لها لاعاد تلومين أمش يااشواق ماعاد تفيد كلمة لو .،! وافقي على ولد عمش ماهو علشان لا يسجني لا والله وافقي عليه علشان انا ارتاح علشان اخرج من هنا وانا مطمنه عليش انتي واخواتش.،! ريم تطمنت عليها باقي انتوا.؟! وولد عمش مستحيل يضرش ولا قال لش كذا إلا انه يبغااش.،؟ |
رد: رواية جنوبية برت حالي ولا أدري وين ديرتها البارت 68 أشواق بقهر : إلا يمه بيضرني فيش انتي يمه.؟! عايشة /خليه على راحته الله يحسن لي الخاتمة انا البارح كلمت ولد اخوي وقلت له اني بجيه خلاص سلمت الأمانه لأهلها وماعاد لي مكان هنا. معي بيت في نجران وبجلس فيه لين الله يختم لي .؟ اشواق/لا يمه والله ماتروحين ليش يمه ذا بيتش وحنا بناتش ملزومين فيش. عايشة وهي تفك يد اشواق : لا والله منتوا بناتي امكم رقية وانا بس ربيت .؟! أشواق /يمه إلا انتي أمي انتي اللي تعبتي رقية مانعرفها مانعرف من الدنيا لا خاله ولاجده ولا احد إلا انت انت اللي تعبتي وسهرتي انت اللي علمتي ،؟! عايشة بحسرة وهي تذكر كيف البارح لما جت هيلة تسلم عليها شافت في عيونها الخوف واشياء ماقدرت تفسر إلا بتفسير واحد ان كيفها ولدها الشباب تزوج عجوز مثل ذي صح انها جاملتها وسولفت معها.؟ شافت كيف ان بنات ولدها ملتمين حول جدتهم ويضحكون ويسولفون كأنهم يعرفونها من سنين عرفت ان الحق رجع لأصحابه مهما غاب . قالت : انا لازم اروح بس مابروح إلا بعد الملكه باخذ الممرضة وواحد من السواقين معي والمكان قريب وبيننا الجوال يقرب البعيد،؟! أشواق ناظرت في أمها وفي قلبها عتب كبير بس ماتدري لمين لأبوها اللي شرد من اهله ..او لأمها اللي سوت اشياء كثيره لهم وعلشان تساعدهم سوت في المقابل اشياء بتضرها هي اكثر . خرجت بدون اي كلمة لانها تعرف ان كلامها ماراح يغير من قرار امها شي .؟! وصلت الصالة وهي تسمع صوت الأذان لبست جلال الصلاة وصلت السنه وبعده الفجر وبعده جلست تصلي ماتدري كم ركعه بس كانت بحاجه انها تكون قريبة من ربي هي تدري ان ربي يعلم ايش في داخلها حتى بدون ماتتكلم كانت بس تقول يارب وتخنقها العبرة ولا تقدر تكمل إلا بكلمة يارب والباقي وحدك تعلمه،؟ : بعد الفجر ريم / وهي تحاول تستوعب كلام امها واخواتها تحس انهم يكذبون كيف ان علي عم البنات يصير زواجها لا مستحيل .،! امها عايشة نادتها وقالت لها كل شي. هي متزوجة من 18سنه قبل موت احمد ابو البنات اعطتها خزامى عقد الزواج وهي تفتحه و تناظر فيه بسرعة لين وصلت عند اسم الزوج علي محمد احمد ال زايد اسم الزوجة ريم منصور ناصر ال مزهي.. كيف يزوجونها بدون ماتدري علشان كذا امها كل ما تقدم لها عريس ترفضه بدون سبب مقنع.،! مستحيل تسكت .،! ريم بصراخ وهي تناظر في امها واخواتها : ماهو على كيفكم تتحكمون في حياتي خلاص لحد كذا يكفي والله مااسكت لكم .وانتي وهي تأشر على خزامى تروحين ذحين تنادين عمش اتفاهم معه حسبي الله عليه وعلى ابوش مثل مادمروا حياتي. خزامى /بعصبية ريم احترمي نفسش ياناكرة المعروف تتحسبين على ابوي اللي ضفش واعتبرش مثل بنته وعلشان خايف عليش زوجش بأخوه جزاتهم يعني ماتفهمين انتي امش واخوالش مايبغونش مرة ريم بصراخ وكمية الوجع من الحقيقة تزداد رقعتها في قلبها : الله لا يكثر خيرهم كان خلاني ابوش واعتقني لوجه الله احسن من الحال هذا خزامى بقهر : لو ماالله ثم ابوي ماكان حالش كذا ما تحمدين الله تتبطرين على النعمة عشتي احسن عيشه معززة مكرمة واحمدي ربي ان عمي زوجك شيخ ولد شيخ لا داشر ولا سكير وقربت منها وهي تمد لها بورقة شوفي عمي اللي تسبين فيه امس كله يراجع في إجازة لش وموقعة من المديرة ويقول السنه ذي راح تنقلين المدرسة اللي تختارينها هنا في أبها . ريم لما سمعت كلام خزامى جن جنونها وتصارخ لين خرجت من الغرفة وهي تسب وتشتم ماخلت احد إلا ودعت عليه نار في جسمها مستحيل تسكت و تستسلم لهم دخلت الغرفه وهي تلبس عبايتها وطرحتها واخذت نقابها وخرجت وهي تشوف خزامى واقفة عند باب الصالة اعترضت طريقها وهي تقول : ريم بلا خبال عن حركات الصغار وين رايحة عمي نايم اهجدي اقول. ريم بعصبيه : جعلها نومته لاعاد يقوم انقلعي من وجهي وهي تصاارخ صوتها وصل لكل مكان في البيت . : علي/ بعد ماصلى الفجر هو وابوه وعياله رجعوا ينامون وهي قاعد في المجلس يفكر يحس انه مرهق امس كله ماارتاح اهم شي انه راح وكلم خالة وقال له بكل شي وحس بتغير في وجه خاله وعياله بس اهم شي انه كلمهم.! خرج من عندهم وهو يخلص اوراق ريم اضافها معه في كرت العائله اخذ لها إجازة استثنائية يعرف واحد في إدارة التعليم ماقصر معه وطلعت المديرة بنت جارهم في الرياض من زمان. يحس بفرحه ماتوصف كأنه اول مرة يتزوج باقي ريحتها لاصقه فيه تواصل مع اخوالها وزوج امها علشان ياخذ منهم موعد علشان يروح ويخطبها رسمي على الأقل علشان نفسية ريم بس انصدم لما خالها قال مالنا كلام عليها مرة ابوها موقعنا على تعهد بعدم التدخل فيها كلم زوج امها اللي حس من كلامه ان ريم غير مرحب فيها عندهم ومحتار ايش يسوي.. |
رد: رواية جنوبية برت حالي ولا أدري وين ديرتها البارت 69 سمع صوت صراخ قوي رفع يده وهو يشوف الساعة 6الصباح يالله صباح خير. فز واقف وهو يخرج خطر على باله انها العجوز عايشة جاها شي خاف رغم انه يكرها كره مايوصف خرج من باب المجلس بدون حتى مايلبس حذيانه.! سمع صوت عياله اللي اكيد قاموا على صوت الصياح يسألونه ايش صاار.! وبدون مايلتفت لهم قال: مدري. خرج من السيب اللي يفصل بين مدخل الحريم والرجال . وهو يشوف خزامى تحاول تدخل زوجته عرفها من اول ماشافها ياحياة النكد ريم ذي والنهاية معها شكله بيتعب معها ولا يلومها ابد اللي صار لها شي ماهو بسيط. وصل لهم وهو يسمعها تسب وتهاوش قال بصوت عالي : خلاص فكيها ياخزامى وهو يقرب منها وخزامى تلقائي بعدت عنها علي/خير ايش اللي صاير هنا الصراخ ذا اللي واصل نهاية الشاارع . ريم لما شافته سكتت بمجرد ماسمعت صوته الغاضب حست بخوف منه ماتدري ليش سكتت فجأه وهي تشد على النقاب بيدها كان اطول واعرض منها النسخه الثانية من اخوه احمد كل الكلام اللي كانت بتقوله نسيته شي خلاها تسكت غصب وهي تناظر في ملامح وجهه الحاده . عليوهو يناظر في وجها المصدوم وهي تناظر فيه حس بأحساس حلو الشرسة ذي زوجته اللي يشوفها يقول اكيد تدرس المتوسط او الثانوي والله صغيرة وهو يشوف قصرها ونحافة جسمها فرق بينها وبين خزامى اللي اطول منها بكثير .. يمكن امها الخبيثه عايشة مزورة تاريخ ميلادها مايصعب عليها شي بس تأكد لما حصل شهادة ميلادها لازم يكون شديد معها الظاهر ماينفع معها إلا الشدة . قرب منها وهو يركز في عيونها اللي كلها مليانه دموع متورمه من كثر مابكت يالله ماتشبع ذي من البكاء لها ثلاث ايام وهي تبكي رجع ناظر في خزامى وهو يبتسم لها وقال : ايش فيها. خزامى بحب لعمها ناظرت في ريم ورجعت تناظر عمها : معصبه لانها عرفت انك زوجها وليش تاخذ لها إجازة،! علي وهو يقرب من خزامى ويحضنها بحب : نسيت احضنش اليوم فكها وهو يرجع يناظر ريم وبس معصبة علشان كذا .،! ريم جن جنونها وهي تشوفه يتكلم ببرود رجعت تصارخ : وبس ها يعني ذا مايكفي ايش دخلك فيني ليش تقدم لي على إجازة بصفتك مين ها وهي تصارخ. علي وهو يقرب منها مسك يدها وهو يقول : اص اسكتي ولا كلمة خلا. ريم وهي تحاول تحرر يدها من قبضته : فك يدي والله مااسكت مالك دخل فيني فكني وهي تقاومه لين فكها مشت وخلته واقف هو وخزامى قالت : والله ماغير اقدم عليك بلاغ والله لاتحسب اذا ماعندي سند انك راح تتحكم فيني خنقتها العبرة وهي تبكي حسبي الله عليكم كلكم وعلى اخوك في قبرة الله يجعل حوبتي ماتتعداكم .؟! خزامى بعصبيه : هي انتي لاعاد تتحسبين احترمي نفسش. علي طفش منها تحرك بخطوات سريعة وهو يشوفها تحاول تلبس نقابها مسكها من يدها وهو يسحبها تعالي اقول بلا دلع. عجز انه يسحبها كأن رجولها مثبته بغراء اخر حل دنق وهو يحط يديه تحت رجولها ويشيلها وهي ترافس وتبكي تجاوز خزامى اللي واقفه عند الباب ودخل الصاله وهو شايلها دخل نفس الغرفة اللي امس دخلها وقفل الباب برجله نزلها الأرض بشويش مسك يدها لين تعدلت في وقفتها . حس اول مرة في حياته يعصب كذا طبعه هادي لكن ريم ناوية تطلع له الشيب من بدري، شافها تمسح عيونها بكم عبايتها وهو يناظر فيها بعصبيه وهي ترجع لورا وهو يتقدم منها لين لصقت في التسريحة وهو قرب منها لين لمست رجوله رجولها وهي تناظر فيه عليحاول قد مايقدر يضبط نفسه ويصبر عليها :اللي صار لها شي ماهو بسيط شافها وهي تبادله نظرات خوف وارتباك اخر شي غمضت عيونها رفع يده وهو يفك طرحتها عن شعرها الأشقر . قرب منها وهو يحط يده ورا ظهرها وقربها منه لين لصقت فيه حس فيها وهي ترجف بين يديه رفع راسها له وهو يشوفها تغمض عيونها وتشد عليها بقوة صف رموشها الكثيفة خشمها متوسط الطول بشرتها البرنزية الصافية شفايفها الصغيرة المكتنزة كل شي فيها صغير طفله والله . رفع يده وهو يفك شعرها من ورا ويطيح جزء منه ع وجها ريحة شعرها وارتجافها بين يديه هدوء المكان ماغير صوت انفاسه المختلط بعطرها. حس في نبضات قلبه تتسارع من زمان عن الشعور ذا من زمان ماعمره حس كذا شعور جديد وجميل مبطي عنه. قال لها بصوت هامس : ريم ،! ماسمع منها جواب غير شهقات متقطعة .؟ رق قلبه لها رفع راسها مرة ثانية وهو يناديها : ريم افتحي عيونش.،! ريم وهي تحس انها معلقه رجولها ماتلمس الأرض يده اللي على خصرها تحرقها . |
رد: رواية جنوبية برت حالي ولا أدري وين ديرتها البارت 70 شعور تحسه اول مرة في حياتها ماتدري ايش هو كل ماحاولت تاخذ اكسجين دخل لرئتها مختلط بريحة دهن العود الثقيل تحس انها بتختنق من قربه من كل شي،لما سمعت صوته وهو يناديها بصوت رخيم ويشد على حرف الراء بثقل وهو ينقط اسمها حست نبضات قلبها تتسارع شعور ماتدري ايش هو حست فيه وهو يحضنها بقوة لصدره حست انها تراخت بين يديه حست روحها تسكن . فتحت عيونها لما حست بلمساته على خدها وهمسه وهو ينطق اسمها بطريقة ذوبت مفاصلها وهي ترجف تحس لو فكها بتطيح بعدها من صدره شوي وهو يقول : ريم اعرف انش تعبانه واللي صار لش شي كبير ولا بيدي ولا بيدش شي واللي تسوينه ماراح يغير من وضعش شي ماكنت اتمنى ان زواجنا يكون بالطريقة ذي ابدآ لكن هو تم على كل حال ولعلى في الأمر خير ريم انت ذحين زوجتي على سنة الله ورسوله ومستحيل اتخلى عنش مهما كان وقبل كذا انتي وصية الغالي احمد علشان كذا انا تحت امرش في اي شي تطلبينه إلا الطلاق مستحيل اطلق .. ريم بضياع ولا تدري ايش تبغى بالضبط .؟! امها تخلت عنها وهي صغيره علشان زوجها اللي رفض وجود ريم ومستحيل ذحين يقبل فيها وماعندها لا عم ولا اخ ولا سند بس تحتاج تشوف امها.،! ناظرت في عيون زوجها اللي كلها حنان وآمان. رفعت يديها اللي ترجف لوجهه القريب منها وهي تقول بصوت مبحوح من كثر مابكت وصارخت وبنبرة كلها رجاء اوعدني ماتتخلى عني. علي وهو يحس بيدها ولمساتها الخفيفه على وجهه حس بفرحه خلته ينسى كل شي حتى خوفه من مواجهة جميلة نساها تحت لمساتها لوجهه وكلامها له ونبرة الرجاء في صوتها.. حضنها وهو يقول اوعدش ياريم اكون زوج وسند وصديق وكل شي والله ماتندمين والله. ريم رجعت تغمض عيونها واحساس الضياع يرجع لها فكت نفسها منه وهي تقول : ابغى اشوف امي عادي تقدر توديني لها . علي وهو يحررها منه : ابشري من عيوني اصلا كنت باخذك لها بس ماكنت عارف كيف اقول لش تجهزي وانا انتظرش باس راسها وخرج .. ظ ظ محمد/ وهو ينشف وجهه وهو معصب : ايش قلة الحيا ذي صراخها صم أذني وجع يوجعها ازعجتنا ذي من اولها كذا اجل الله يستر من تاليها. فارس/ اللي مازال منسدح : بالله صوت مين اللي قبل شوي. محمد/مين غيرها زوجة ابوي الجديدة. فارس/بكره ايش عندها حياة الفهد كل يوم وهي تبكي.، محمد/مدري عنها خلعت قلبي حسبت جدتي فيها شي قلة حيا. احمد/حرام عليكم ماتدرون عن ظروفها ترى اللي صار لها شي ماهو بسيط.،! وقبل يكمل سكت وهو يشوف ابوه يدخل وهو ياخذ ثوبه اللي معلق على الباب وشماغه ،؟ قال : انا بروح عندي كم مشوار بخلصه ويمكن اتأخر ماارجع إلا الساعه 2 في الليل.،! بكرة الصباح رحلتنا على الرياض.،! بيجونا خالي علي وعياله وابغاكم تكونون معي ابوي وامي رافضين يرجعون الرياض بيجلسون هنا مع بنات احمد وانت يامحمد واحمد ضبطوا لكم إجازة علشان الملكة . : بعدها بساعة علي/ له ساعه من خرج من أبها وماسك طريق نجران باقي حدود ساعة ونص ويوصل المسافة بين ابها ونجران حدود247ك تذكر اولاده اللي كل اسبوع او اسبوعين مع الطريق ذا اذا ماحصلوا حجز لرياض.،! ناظر في ريم اللي ساكته من ركبت معه مسنده راسها على شباك السيارة ماقال لها انه تواصل مع اخوالها و زوج امها مرة علشان تسمع هي وتشوف وتقتنع .،! خفف من السرعة وهو يشوف محطة قريبة لازم يعبي بنزين وينزل يشتري لها اي شي تاكله اشواق قالت له انها من يومين او ثلاثه مااكلت شي ما يدري كيف باقي تقدر تتحرك.، وقف وهو يفك حزام الأمان . احتار ايش يجيب لها قرر يسألها ناداها ريم! ماسمع منها اي رد توقع انها نايمة قرب ومسك يدها ولما حست فيه فزت بقوة . علي/بسم الله عليش ريم لا تخافين بنزل البقالة ايش تبغين اجيب لش . ريم وهي تحط يدها على قلبها من الخوف عدلت نفسها وهي تفك يدها من يده قالت بصوت مبحوح :ما ابغى شي .، علي نزل وهو مقرر يشتري لها اي شي.،! ريم وهي تلف تناظر في زوجها لما استوعبت الكلمة بس ماتدري ليش عورها قلبها ،زواج غريب كم تمنت انها تتزوج وتفرح انتظرت الفرحه ذي من زمان .،! كان حلمها بيت وزوج واطفال .،! جاء زوج بدون موعد وبطريقة ماحبتها ابد تحس كأنها كانت حمل ثقيل ما عاشت ولا لحظه حلوه مثل ماكانت تخطط لها لا فكرت لا استخارت ولا شي .،! لو فكرت فيها من جانب ثاني علي مناسب لها كازوج مناسب تماماً هي ماتدري كم عمره بس واضح من شكله انه ماهو شايب .،؟ عنده اربع اولاد شباب وبنت وحده مثل ماسمعت من اخواتها.،! |
رد: رواية جنوبية برت حالي ولا أدري وين ديرتها البارت 71 اخواتها اللي تحس انهم احسن وافضل حال منها على الأقل رجعوا لهم اهلهم شافت كيف الحب والأهتمام لهم من اهل ابوهم. لكن هي ماتدري كيف بيكون استقبال امها لها.! راح تحاول في امها راح تعطيها كل اللي تملكه فلوس الفله والمحلات وكل شي بمقابل انها تحس انها مقبوله او احد راضي فيها .،؟ لفت وهي تناظر في زوجها اللي فتح الباب وبيده اكياس.،؟ ماتنكر انه وسيم واجمل منها بكثير بياض بشرته ماشاء الله ماتأثر بأي شي نفس بياض اخواتها والعوارض المحدده بدقه لابس ثوب اسود ماسك على جسمه المتناسق نظاره شمسيه من ماركة معروفة كبكه الفضي وساعته الفخمه بدون شماغ شعره الأسود الكثيف واصل لين رقبته. شافته وهو يمد لها بعصير وفطيرة قالت له : والله مااقدر مشكور، وهي تلف بوجها عنه . مسك يدها وهو يحط الفطيرة بيدها ويقول : ريم علشاني . وبيده الثانية يحط علبة العصير في المكان المخصص له. ناظرت في عيونه خاصة لما قال لها علشاني تبغى تتأكد ليش قال لها كذا ،؟! ماشافت في عيونه غير نظرات كلها حنان وحب.! مسكت الفطيرة وهي تلف عنه اخذت قطعة منها رفعتها لفمها من تحت النقاب. بمجرد ماشمت ريحتها حست بغثيان ومعدتها تقلب عليها.، و بسرعه تنزلها وتسحب فاين وتحطها فيه.! وتناظر فيه وتقول: والله مااقدر احس برجع.؟ ماتدري ليش قاعده تبرر له معقوله ان له خاطر عندها وخايفه عليه.،! شافته يمد لها بعلبة المويه وهو يقول: طبيعي تحسي بغثيان لان معدتك فاضيه كم يوم مااكلتي شي اشربي بس على الأقل مويه.،؟ صوته وهو يكلمها كله حنان .،! اخذت المويه من يده وبمجرد مالمست يده شالت يدها بسرعه . شافته ينزل المويه ويرجع يشغل السيارة ويحركها بدون ولا كلمة ورجع الصمت في السيارة .،؟ غمضت عيونها وهي تتمنى توصل بسرعه تبي تشوف امها هل تشبه لها ..! هل عندها اخوان تتمنى ان عندها اخوان تبي عزوه وسند .،؟ فتحت عيونها وهي تسمع صوته الرخيم يكلم في الجوال. علي وبثقل يليق فيه : هلا قاسم انا عند دوار النخيل وين البيت .،! ريم تعدلت في جلستها وعرفت انهم وصلوا حست في تسارع في نبضات قلبها خايفه من المواجهه كثير،؟! شافته يدخل حاره قديمه مرة وقف عند بيت قديم بابه مفتوح..؟ وقريب منه عيال يلعبون على كومة تراب ملابسهم كلها وسخه وشعورهم منكوشه . بمجرد وقوف سيارتهم وقفوا يناظرون لهم بلا شعور ابتسمت وهي تقول اكيد اخواني .؟ لفت تناظر في زوجها وقالت : انزل . علي بضيق : لا انتظري لين يطلع لنا زوج امش. ريم حست بخوف من طاري زوج امها اللي رفضها وهو سبب في كل شي صار لها ايش كان بينقصه لو خلاها مع امها.،؟ شافت زوجها وهو ينزل ويفتح الباب الخلفي وينزل شماغه ويلبس الطاقيه والعقال وبعدها رجع اطراف شماغه لورا.؟ قاسم واقف باب بيته وهو يشوف السيارة الفخمه اللي واقفه والشخص اللي ينزل.؟؟ راقبه بنظرات بارده وهو يلف ويفتح باب السيارة الأمامي وتنزل منه وحده اكيد انها ريم.،! وذا زوجها ولد عز اكيد من شكلة حتى في مشيته .،! وقف قدامه علي وهو ماسك يد ريم ريم بمجرد ماشافت اللي واقف قدامهم تلقائي لصقت في زوجها .،؟معقوله ذا زوج امها شكله يخوف قصير وسمين لابس ثوب بني شعره الأشعث.،! عيونه الحمرا كأنها دم خشمه الكبير الافطس .كرشه الكبير ماتدري كيف يقدر يتحرك منها. وبدون اي كلمة منه كان بس يتفحص زوجها بنظرات تخوف شدت على يد زوجها بقوة تتمنى تقول له خلاص نرجع .،؟ علي وهو من شاف قاسم قدامه عرف ان ابو ريم معه حق انه يطلب من اخوال ريم تنازل والحمدالله الف مرة ان ريم ماكانت تحت بيت الإنسان ذا.،؟ من نظرة عيونه عرف انه راعي شراب.،؟ حتى من ريحته وهو باقي ماسلم عليه.،؟ حتى ماكلف نفسه يرحب او يقول تفضلوا. علي وهو يتحسس المسدس الصغير اللي في جيبه.،! قال بصوت جهوري : السلام عليك ياقاسم.،! انا علي زوج ريم وهذي ريم جت تسلم على آمها.،! قاسم وهو يناظر في علي قال : وعليكم السلام وهو يبعد عن الباب ويقول ادخل.،! علي ماارتاح وتمنى انه ماجاء هنا مرة شد على يد ريم وهو يسمعها تقول : علي الله يخليك خلنا نرجع خلاص ماعاد ابغى اشوف امي خلاص .،! علي وهو يمشي معها وماسك يدها : افا تخافين وانا معش لا إن شاء الله تشوفينها وتنبسطين ومايصير إلا كل خير .،؟ دخلوا وكان البيت عبارة عن حوش فيه غرف متفرقه بشكل مزري حتى الأنارة كانت ضعيفة شاف قاسم قدامهم يأشر لهم .،؟ دخلوا عنده غرفة عبارة عن جلسة ارضيه قديمة فيها بقع الوساخه منتشره عليها. علب الدخان المبعثرة والشيش وعلب المويه بكل مكان مكان مقرف |
رد: رواية جنوبية برت حالي ولا أدري وين ديرتها البارت 72 جلس علي هو وريم جنب بعض وريم مافكت يده مرة وهي تتلفت في الغرفه بخوف وهي تحمد الله الف مرة انها ماعاشت هنا . علي وهو يناظر في قاسم اللي يناظر في ريم بنظرت ماتطمن رغم انها ماخلعت نقابها .،! علي ماعجبته نظرات قاسم لريم وقال : وين عمتي امنه بنسلم عليها ونمشي .،! قاسم ويجلس بصعوبة من كرشته قال : جايه ذحين .،! ثواني إلا يدخل عليهم واحد اسود طويل ونحيف لابس بنطول جنز وبلوزة احمر. بمجرد ماشافه علي فز واقف وهو مستغرب دخوله عليهم بالشكل ذا قاسم /على هونك ياعلي ذا ولدي فادي من زوجتي الثانيه . علي بمجرد ماسمع كلامه عصب وقال: وليش يدخل كذا على زوجتي وإلا ماتعرفون سلوم العرب، فادي اللي من شاف علي هب في وجه خرج بسرعه.،! قاسم وهو يناظر في علي : ماعليها منه شي جاء بيسلم ريم مثل اخته .،! علي رجع جلس جنب ريم وهو يمسك يدها وهو يشوفها كيف ترجف شد على يدها وهو يقول : اش اهدي ذحين بتجي امش ونطلع على طول لا تخافي انا معش.،! ريم وهي تبكي بشويش تحس انها ضايعة كأنها بوسط البحر وتتمسك بقشة جت لأمها على اساس خلاص بتجلس عندها بس لما شافت الوضع ذا ماراح تقدر تعيش هنا.،! بتحاول في امها تاخذها معها راح تغريها بفلوسها بتكتب الفله بأسمها اهم شي تروح معها لازم تضحي بزوجها وعيالها علشاني المره ذي مثل ماضحت بها علشان زوجها،،! علي وهو كأنه جالس على النار عيونه على الباب شوي .،! وشوي على قاسم اللي ما ارتاح له ولنظراته لزوجته حتى لاضيافه ولا استقبال مثل الناس. قال لقاسم : ماشاء الله كم عندك عيال. قاسم هو يشوف نظرات علي له قال عندي 9اولاد من زوجتي الاولى بس، علي/ماشاء الله وعمتي امنه كم عليك منها عيال .،! قاسم /ماحملت امنه مرة. علي مايدري ليش حس بفرحه ان عياله من ريم مالهم اخوال ابوهم قاسم قال : خيره فيما اختاره الله .،! قاسم ماعلق وهو يشوف زوجته تدخل ملتفه بعبايتها وهي تقول : هلا يامرحبا حياالله من جانا علي من شافها فز واقف وهو يشوفها تتقدم منه وتمد يدها وهي لابسه جونتي اسود. صافحها وهو يرجع ويشوف ريم اللي باقي جالسة ماوقفت بس تناظر في أمها ؟ دنق لها وهو يمسك يدها لين وقفت ويحط يده على ظهرها ويدفها لقدام علشان تسلم أمها : ريم سلمي على امش . بس ماتحركت وماسكه يده بقوة .؟ قال : عمه قربي من ريم شكلها مستحيه من قاسم. ريم تناظر في امها بدون ماترمش ابد وكل حماسها انها تشوفها راح ماتدري ليش حست في امها تقرب منها بخطوات ثقيلة وهي تحضنها بقوة فكتها وهي تحس في أمها ترجف جلست جنب امها اللي تسألها عن احوالها وريم ساكته ماترد.،! علي لما شاف الوضع كذا ناظر في قاسم وقال : ايش رايك نطلع برا علشان ريم تاخذ راحتها مع عمتي. قاسم قام بصعوبه وهو يخرج وعلي وراه اللي من تحرك فزت ريم وهي تقول : وين رايح لا تروح وتخليني. علي لما سمع كلامها اللي كله رجاء حس قلبه يتقطع قرب منها وهو يلف ويتأكد ان قاسم خرج رفع نقابها وهو يقول لها بشويش مستحيل اروح واخليش راح انتظرش برا وخرج. ريم وهي تناظر فيه لين خرج وقفل الباب وراه وهي تحس ان صدرها بينكسر من الضيق اللي سببه خروج زوجها حست انها خايفه حتى من امها. ناظرت في امها اللي شالت نقابها بعد ماخرج زوجها وقالت تستفسر : انتي أمي. امنه وعيونها كلها دموع حضنت بنتها وقالت : ايه انا امك ياريم سامحيني والله لا هو بيدي الله شاهد ان امش من سنين ماذاقت طعم السعادة .!تزوجت ابوش غصبن عن اهلي رفضوا علشان انه متزوج .؟! رحت للقاضي وقلت له اهلي منعوني اني اتزوج اللي اريد. قام القاضي ارسل لأبوي واخواني وزوجوني ابوش وهم مجبورين ابوي تبرأ مني وحرمني عليه هو واخواني كنت طايشة وصغيرة ولا اهتمت لهم رحت مع ابوش وحملت فيش على طول سكنت مع زوجته هيا اللي ماخلتني اذوق طعم الراحة ولا ارتحت وانا محرومه من أهلي جيت اطلب رضا اهلي قالوا طلاقش هو رضانا احترت بين زوجي وبين اهلي وبعد ولادتي فيش تغير ابوش علي وصار يعايرني بأهلي اللي تبروا مني. جيتهم مرة ثانية اطلب رضاهم قالوا رضانا طلاقش فعلا طلبت الطلاق من ابوش وغصب طلقني ويهدد ياخذش مني اخواني اخذوش من صدري واعطوا ابوش وقالوا خذ بنتك مالنا فيها حاجه وانا ابكي عليش وبعد ماخلصت العده زوجني ابوي الله يرحمه قاسم ولد عمي بعد ماماتت زوجته معه 9عيال كلهم صغار وذقت مع قاسم اشد انواع العذاب ومازلت اتعذب سنين وانا ياريم مانسيتش كنت اقوم تالي الليل وانا احس بنار بصدري واقول والله انها ريم تبكي او جيعانه وانا مااعرف لش طريق! من حر مافي قلبي على فراقش دعيت الله اني ماعاد احمل من بعدش..!استجاب الله دعوتي حتى الدورة ماعاد جتني لحد اليوم جاني قاسم مرة بأوراق ابصم عليها ولا ادري ايش هي وقعتها واخذها وخرج . |
رد: رواية جنوبية برت حالي ولا أدري وين ديرتها البارت 73 ولما رجع سألته قلت له اوراق ايش اللي بصمتني عليها قال : تنازل مدى العمر عن بنتش ريم .،! ضاقت بي الدنيا بكيت ايام وشهور وسنين.؟ جانا خبر موت ابوش طلبت اخواني وقاسم يدورون لش رفضوا قالوا وقعنا محظر في الشرطة مانتدخل في بنت منصور لا من قريب ولا من بعيد. بكيت لين فقدت النظر في وحده من عيوني.،! قبل امس جاني خالش حسين وقال لي ترى زوج بنتش ريم كلمني ويقول بتجي تسلم عليش بكيت كيف بنتي تزوجت وانا مدري ووينها فيه.؟ ماصدقته لاهو ولا قاسم ..؟ الا لما شفتش ذحين . وهي تمسك وجه ريم بشريني عنش انت اخبارش وين كنتي السنين ذي كلها.،!كيف الله سوا فيش . ريم وهي ترجع وتحضن امها اللي مالها يد في كل اللي صار ماتدري هي تلوم امها او ابوها او تلوم مين .،!؟ رفعت راسها وهي ماتبغى تضيق صدر امها قالت : انا بخير ابشرش ولا ادري عن اي شي يمه حتى انتي مادريت انش انتي أمي إلا قبل كم يوم أمي عايشة زوجة ابوي قالت لي كل شي.؟ وحكت لأمها كل شي صار لها في حياتها وهي تشوف امها تبكي حضنت امها بحب وهي تقول : يمه انا احتاجش جنبي يمه انا يمه باخذش معي أبها عندي هناك فله وعندي خير كثير بكتب كل شي بأسمش يمه بس تعالي معي وانا بطلب الطلاق من زوجي يمه ماابغاه ابغاش انتي امنه وهي تشوف بنتها قدامها عروس كيف كبرت وهي بعيده عنها وتطمنت اكثر انها معلمة سعادتها لا توصف وهي تسمع اخبار بنتها اللي تشرح الصدر نسيت الم سنين فراقها في لحظة لما شافتها.؟ لكن ماتقدر تخلي قاسم وتروح مع بنتها غصب خلاها تشوف بنتها وشرط عليها ماتدخل عند زوج بنتها إلا وهي لابسه حجاب كامل كان يحط شروط تعجيزية لها قاسم اللي ذاقت على يده اشد انواع العذاب خلاها خادمة عنده وعند عياله اللي خرجوا نسخه من ابوهم أب فاسد وضايع وعياله مثله تحمدالله ان ماجاها عيال ابوهم قاسم.،! مسكت يد ريم وهي تقول لها بحب : ريم وانا امش زوجش لا تفرطين فيه عضي عليه بأسنانش بكل قوتش زوجش شفته ماشاء الله رجال كثر الله خيره حزة انه جابش لي ودور وسأل كله علشانش.،! حافظي عليه وانا بخير ماعلي خلاف وبكون بخير اذا شفتش مرتاحه ومبسوطه وأمش عايشه لا تنسينها لها جميل في رقبتي ورقبتش ولا بنقدر نجازيها. وقاسم زوجي و ولد عمي ولا بقدر اخليه مهما كان. ريم شافت الباب يفتح بقوة نزلت نقابها بسرعة وهي تشوف قاسم يدخل فجأه ودخل بعده علي اللي من شافها ابتسم لها بسمته ذي مايدري قد ايش اسعدتها. شافت امها توقف وهي تعدل نقابها وتروح توقف جنب زوجها قاسم الكريه قالت /الله يحييك ياعلي الف واعذرني على القصور في حقك ..! وقبل تكمل علي اللي يناظر في ريم : ابد معذورة يا أم ريم وابيض وجه وشوفتش تكفي في ذمتي اي والله اني صادق، ريم وهي توقف جنب زوجها وتمسك يده شد على يدها وهو يميل لها ويهمس : ها بشري ارتحتي ذحين . هزت راسها له بدون صوت .، علي قال / ياعمه ان شاء الله بسوي حفلة لريم في أبها ولا استغني عن حضوركم انتي وقاسم ابيكم تجون تشريف لريم وانا بكلم اخوالها .،! وقبل ماترد امنه قال قاسم بطمع في علي من شاف سيارته وهيئته قال : من وين لها فلوس وسيارة ووين نسكن ابها ولا هي قريبة وانت شايف كيف حالتنا. علي عرف انه يبي فلوس بس لجل عين تكرم مدينة بيسكته بكم قرش علشان يجيب عمته لريم .،! ويعرف اذا اعطاه الفلوس مستحيل يعطي ام زوجته شي قال بحكمة ابشروا بالخير اعطني رقم حسابك واحول لك مامعي ذحين شي . قاسم بفرحة قال : ثواني بس واروح اجيب بوكي فيه رقم الحساب وخرج بسرعة. علي بعجله قرب من عمته وقال : عمه مهر ريم 70الف ريال واخرج عشرة الآف وقال شيليها بسرعه قبل يجي قاسم كسوه لش من ريم الوقت كان ضيق ولاقدرت تشتري لش اي شي وهذي الفين ريال جهزي نفسش فيها لزواج ريم والالفين ذي كسوه لااخوال ريم واعتبريني ولدش اللي ماجبتيه اذا انت منتي مرتاحة مع قاسم ابشري تعالي واسكني في عيوني قبل بيتي مع ريم مايلحقش ضيم وانت في بيتي ، وقبل ماترد دخل قاسم وهو غصب يتنفس بسبب سمنته وهو يمد لعلي برقم حسابه علي اخذ رقم الحساب وطلع جواله وهو يصوره و يقول : خلاص ذحين امر اقرب صراف واحول لك ،؟ مسك يد ريم وهو يقول : راح اتصل على قاسم واعلمه وقت الزواج وراح اجهز لكم شقة وكل شي بيننا اتصال.؟ ريم ماتدري هي تضحك او تبكي كل مشاعرها مختلطه في بعض ودها ترتمي في حضن زوجها وتشكره من كل قلبها مايدري كيف ان تصرفه مع امها افرحها كثير كثير خاصه لما قال الفلوس ذي كسوه من ريم هي مافكرت حتى مجرد تفكير حتى اخوالها مانسيهم .،! |
رد: رواية جنوبية برت حالي ولا أدري وين ديرتها البارت 74 حط يده على ظهرها وهو يدفها لأمها ريم سلمي على أمش لازم نمشي تأخرنا.! قاسم بطمع : لا والله ماتسرون ذا الليل باتوا معنا. علي ضحك وهو يناظر فيه مجنون علشان ينام هنا هو وزوجته قاعد ذحين كأنه قاعد على شوك يبغى يخرج بأي طريقة قال : كثر الله خيرك ماتقصر ياقاسم . امنه وهي تحضن بنتها وتوصيها : ريم ماراح اوصيش إلا في زوجش وبس شفتي كيف اكرمني من حبه لش حافظي عليه ياريم اذا تبغين رضاي حافظي على زوجش واعرف ان الضره مثل العلقم وانا ذقت لكن نصيحة من امش لا تختلطين فيها ابد امسكي بيتش واذا ارضيتي زوجش صدقيني ماراح يفرط فيش وزوجش دواء ياريم حافظي عليه.؟! ويله تأخرتي عليه قدامكم طريق طويل . ولا فكرت حتى تقول لهم باتوا معنا البيت كله ثلاث غرف يادوب يكفيهم.،! سمعت زوج بنتها يأكد على زوجها حضور الزواج .،! : فارس/ هو في المجلس مع جده واخوانه يحس انه بيطير من الفرحة كان يتمنى يتزوج وراح صوته وهو يقول زوجوني محد اعطاه وجه حتى الفلم اللي سواه ما استفاد منه .،! وسبحان الله لما كنسل سالفة العرس جته عروسه من حيث لا يحتسب يا جعلني فدوة للمشهورة ياناس.! هو ماينكر ان صدره ضاق لما عرف انها بنت عمه ولا كان يتمنى انها تكون كذا ابد هو مايرضى على اخته تكون مشهورة وتصور تسوي اعلانات وتخالط الرجال كيف ذحين زوجته مشهورة .،! راح يتفاهم معها ويشوف حل يناسبه ويناسبها لانه غير منطقي انه يجي ويقول لها من البداية ممنوع لا هي متعوده على الشي ذا من زمان وبعدين لها فضل كبير عليه بعد الله في نجاح مشروعه ونشرت حسابه وصار عنده عدد متابعين كبير ماكان يحلم فيه حتى انه صار يسوي اعلانات صغيرة بمبلغ حلو المهم انها بتصير زوجته وبعدها كل شي بيتيسر ان شاء الله لما جده قال خلاص فارس ياخذ خزامى بغى ينط ويكسر جدته من الفرحه لكن مابين اي ردة فعل يحس قلبه يعوره على أمه وشايل كثير على ابوه ليه يتزوج على أمه رغم انه يعرف طبيعة علاقة ابوه وأمه خاصة بعد مرض أمه بس ماله حق يتزوج مرة مايتخيل ان وحده راح تشاركهم في ابوه. ابوه اطيب إنسان شافه يحبهم حب غير طبيعي مايذكر ولا مرة هاوش احد فيهم معطيهم حريتهم متفاهم معهم. شاف جدته تدخل معها صحن فيه براد شاي وفناجيل وجده من شافها قام ياخذ الصحن من يدها ويرحب فيها والله انبسط كثير ان علاقة جده في جدته تحسنت ورجعت مثل ماكانوا يتمنون .،! لف وهو يناظر في اخوانه كل واحد على جواله بالله ذي اشكال ناس بتتزوج محد فيهم مبسوط يمكن احمد اهون من محمد اللي ماد البوز شبرين رجع يناظر في جده وجدته اللي جالسين جنب بعض حب يطقطق عليهم شوي .،! عدل من جلسته وانسدح وحط يده على وجهه وقال : ياجد خذ راحتك انت وجدتي واعتبروا ان محد عندكم حب انه يحرج جدته اللي متأكد ذحين انها مستحيه.؟؟ الجد(محمد) وهو يعرف خبال فارس : هو ودك انك تقوم تخرج تراه ازين لنا ولك. سمع اخوانه يضحكون وجدته . نط وهو يوقف مشى لعندهم وهو يقول إلا انت ماهو ودك تلعن الشيطان وتخلينا نشوف حريمنا تراه مايجوز وحرام نتزوج ولا نشوفهم نظره شرعية . الجد(محمد)وهو ينزل فنجان الشاي من يده : انت صل مثل المسلمين في المسجد واحلق شعرك ذه وبعدين تعال قول حرام. فارس حط يده على جبهته وهو يناظر في اخوانه اللي يضحكون افا دمرت جبهتي ياجدي العزيز دنق وهو يسحب جدته من يدها : هيا قومي.! هيله/(الجده) وهي تضحك : فك يدي ياذا الخبل وين تبغى بي .،! فارس /قومي ادخلي داخل ولاعاد اشوفش تجين عنده يقصد جده مثل مااحرمنا من حريمنا حتى انتي ماعاد يشوفش إلا بعد زواجنا.،! فك يد جدته وشرد وهو يشوف جده يمسك علبة المويه ويحذفه بها تآلم وهو يدنق ويمسك كعب رجوله : اح اح يارجولي ايش ذا قسم بالله ولا راجمة صواريخ ماشاء الله الله لا يضرك الجد(محمد)وهو يضحك : احسن حبذا انها في راسك اللي مليان خبال.،؟! فارس وهو يشوف جدته تمسح عيونها من كثر ما ضحكت : ايوه قدش تضحكين مع رجلش علي ما اسرع مانسيتي قال لش كلمة وتخرفتني .،! المفروض ماتسامحينه إلا بمهر جديد وعرس جديد وماتروحين معه إلا بعد شهر.،؟ هيله وهي تضحك على خبال فارس : كيف بالله بيزوجون الخبل ذا وزوجته مجنونه اخس منه قالت والله ان شوف بنات احمد قدامي خلاني انسى كل شي وابو احمد ماقصر معي جعله سالم .،! فارس /افا يعني انت ايش دخلك يافارس صح عمومآ ياجده انا او اخواني نبغى نشوف حريمنا نظره شرعية ابسط حقوقنا .،! محمد/ لا والله ياجد ماقلنا له وشورك سديد.،! الجد(محمد) وهو يناظر في سميه محمد : والله ولو كنت تبغى انت وهو ماتشوفون ظفر وحده فيهم.؟! |
رد: رواية جنوبية برت حالي ولا أدري وين ديرتها البارت 75 فارس وهو يضحك : شكرآ ياجد على الشفافية. الجد(محمد) : فارس تعال اجلس وخلك رجال قبل يخرج مني يمين ماعاد تتزوج بنت ولدي. فارس لما سمع كلام جده اخذ المجلس خطوة وحده وهو يوقف عند راس جده ويبوسه : انا في وجه الله ثم في وجه المزيونه اللي جنبك والله اني امزح والله لا تصدقني ماعاد ابغى اشوفها خلاص وهو يجلس جنب جده سم نسمعك .،! الجد(محمد) : بنات عمكم وافقوا مثل ماقلت لكم اليوم الكلام لك ولأخوانك وتراكم تعرفوني زيني انا مازوجتكم بنات ولدي وانا مرخص وحده فيهم او اني عجزان بهم لا والله .! وبنات احمد ماهم بحاجه شي مني ولا منكم ربي مغنيهم عنا كلنا من وهم صغار لحد اليوم .،! لكن زوجتهم وانا ابغى اطمئن عليهم عند عيال عمهم وتراهم امانه عندكم ووالله اللي تجيني تشتكي منكم ان تقولون ليتنا ما فعلنا اسمع يامحمد انا اعطيتك الدكتورة اشواق اللي تسوى عندي الف رجال لا تجيني تشتكي منك والله مااوقف لك إلا هنا وهو يأشر على حلقه والكلام لكل أخوانك كل واحد فيكم يدفع مهر 70الف .! والعشاء والقصر علي انا لاني بعزم كل الشيوخ وبيجوني وفود قد وعدتهم في زواجكم اني اعزمهم. وانا وجدتك قررنا نجلس هنا في الجنوب ديرتنا وقلت لأبوك وقال وانا معكم من زمان وانا ابغى ارجع الجنوب علشان دوام عيالي .،! وأميرة بتتزوج قريب وبتجي هنا مع زواجها وامها ولا بتصبر هنا .،! وكنت بشترط بيت شرعي لكل وحده من بنات احمد.؟! لكن كل وحده معها فله وبدال ماتروح تستأجر ادفع اجر لها .! واشواق حلفت علي انا وجدتك إلا نسكن معها في فلتها تقول كبيرة ولا حبيت اكسر في خاطرها بنت الغالي رحت امس وسحبت 60الف ريال واعطيتها مساعده مني ومن جدتها في الفله.،! وخزامى معها فلتها يسكن الخبل ذا معها ويدفع لها ايجار نفس اختها .،! وندى ابوك يااحمد يقول انك بتسكن معه هو وامك بيحط لك جناح واذا رحت دوامك تجي تجلس عندي انا وجدتها والملكه يوم الخميس وبيجي ابوك ونشوف متى عشاء زواجه بسوي لكم زواج كبير وبعزم كل اللي اعرفهم .،؟ محمد رفع عيونه لأخوانه اللي ساكتين هو ماعنده اي اعتراض على كلام جده الوقت اللي بيكون موجود هنا بياخذ زوجته عند أمه واذا خلصت اجازته بيرجعها بيتها هو مايجي من نجران إلا كل 6او 7ايام على حسب الأوضاع هناك.،! قال : جد خلاص كلامك على متمه ان شاء الله وانا بعزم جدي واخوالي ترى .،! محمد(الجد) وهو مايحب يسمع طاري جده ولا اخواله خاصة جده جابر اللي كان صديقه الروح بالروح لكن من بعد طلاق علي لبنته صارت بينهم مشاكل وقضايا في المحكمه.! قال بأستخفاف لجده : اعزمه والله محد درى عنه وإذا عزمته مين بيجي معه جدك محد يعرفه ولا قد ذكر في المجلس .،؟ محمد بزعل على جده لانه قلل من قدر اهل أمه اخذ جواله وقبل يخرج ناظر في جده وقال بزعل : لو مرة وحده قدر اهل أمي علشاني وخرج .،! هيلة وهي تنادي محمد : تعال جعلني قبلك جدك مايقصد والله انهم ونعم بهم وبك وانهم غالين رجال .،! الجد(محمد) لا والله ماهم غاليين الغلا اللي بيني وبين جابر ارخصته من حزة ماوقف لي في المحاكم .؟! هيلة بصدق :وقف لك في المحاكم علشان بنته احرمتها من ولدها اخذته من صدرها وهو لحمه حمرا يرضع.،! الجد(محمد): بالله لا تغثين خاطري بطاريهم الله يقطعه من طاري.،! . . ريم/ وهي تدخل لنفس البيت اللي احتواها وهي صغيرة خرجت منه وهي ناوية ماعاد ترجع له ابد..لكنها رجعت له وكأن الحياة الجديدة لها بتكون هنا ولا لها مكان غير المكان هذا خرجت من هنا بأحساس ..ورجعت بأحساس ثاني اختلاط مشاعر محتدمة في صدرها واللي غلب عليها الرضا بكل شي صار.. اول شيء سوته من دخلت راحت لغرفة أمها مباشرة وبدون اي كلمة انكبت على يد أمها تبوس اكثر من مرة اليدين ذي اللي تعبت عليها كثير ورغم بشاعة الحقيقة إلا انها مازالت تحبها فكت يد امها وهي تناظر فيها وهي مغمضه عيونها قربت منها ودنقت وهي تبوس راسها وتشم ريحتها وبصوت هامس يمه انا اسف يمه والله اني احبش.. رفعت نفسها وهي تشوف الممرضة اللي كانت تراقبها قالت لها انتبهي لها ،! خرجت وهي تاخذ نفس عميق عشر ايام من حياتها كلها عبارة عن مواجهه وحقائق موجعة كانت هي الطرف الأضعف مهما حاولت تتصنع القوة تكون .! وصلت لغرفتها هي واختها الغرفه ذي اللي جمعتها ببنات اختها وفي الحقيقة هم اخواتها جزء منها من طفولتهم وهم مع بعض كان لبسهم واحد كل وحدة فيهم ماتستغني عن الثانية. أشواق الصابرةالغامضة.. |
| الساعة الآن 02:26 AM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010