رد: سجل دخولك للمنتدى ببيت شعر يعجبك
 

عني حبيبك صار حالته حاله
ماباقي الا انه يدّن العباير

الله لامنّه ذكر مامضاله
قبل الدواير ماتجر الدواير

يوم الطفوله والشقا والجهاله
يوم الصغاير في عيونه كباير

ايام كان معانده راس ماله
ويسوق لهبال الشقاوه بشاير

رد: سجل دخولك للمنتدى ببيت شعر يعجبك
 

على صغر سنه ممّيل عقاله
كااااشخ وناسي لايصك الزراير

لاشافك يتمتم لحاله ب حاله
لعيون ه الشوفه تهون الخساير

ولاشاف زول ابوك حذّف نعاله
الحب جاير .. لكن العود جاير

طفلٍ يتيم ورغم الأحزان داله
مايدري ان حظه مع الوقت باير

رد: سجل دخولك للمنتدى ببيت شعر يعجبك
 

اللي بقا لي في غيابك .. سكوتك
واللي فقدته من غيابك .. حنانك
عذرك معك لوخبروني بموتك
وحقي عليك ان كان عذرك زمانك
ماكان موعد .. وأعذرك لو يفوتك

رد: سجل دخولك للمنتدى ببيت شعر يعجبك
 

أنا انتظرت العمر كله عشانك
غبت ورضيت .. وبعدها .. غاب صوتك
وأبطيت أكذب .. من يقولون : خانك
بالله كيف تحس في طعم قوتك
لامن ذكرت إنسان .. خنته .. وصانك
ماكن قلبه واحد من بيوتك
من تحت سقفه كم شعرت بأمانك؟

رد: سجل دخولك للمنتدى ببيت شعر يعجبك
 

وراك خليته .. لعتمة سكوتك؟
وأنا ما غير أعشمه في حنانك
في غيبتك ياكم تمنيت موتك
أقل شي .. أرتاح وأعرف مكانك

رد: سجل دخولك للمنتدى ببيت شعر يعجبك
 

عدّى عمر .. ياليت الأعمار تنعاد
وأرجع بلا شيب وبليا تجاعيد


أرجع وأضم أبوي وأقول: لا عاد
تموت وتتركني مثل ليلة العيد

رد: سجل دخولك للمنتدى ببيت شعر يعجبك
 

فمان الله يا ذكرى الغرام وما مضى يطوى
طويته مثل ما تطوى سفينة حزني شراعي


غدآ للدمع من عقبك بعيني غبشه ومضوى
بعد ما راحت اوراق البريد وغادر الساعي

رد: سجل دخولك للمنتدى ببيت شعر يعجبك
 

ما اذكر يوم ناديتك وردك كان لي ايوى
تلبيني لو انك ضايق وتلتف فـ ذراعي


تغامني وخذني ضامي للوصل ما يروى
تكلم يا بعد كل العرب واطرب لي اسماعي

رد: سجل دخولك للمنتدى ببيت شعر يعجبك
 

اذا حبك بلى روحي هلا بالعشق والبلوى
اجوع لشوفة عيونك ولا انت بقادر اشباعي


ابيك واعشقك واشتاق واغار بشغف واهوى
محطات الغرام وكل لقيا هزة اضلاعي

رد: سجل دخولك للمنتدى ببيت شعر يعجبك
 

عليه بالحرام اني بغيت آموت بس اشوى
عقب ما ضاق بي حزني وقمت آرتب اوضاعي


يقولون الدموع اضعف واقول ان الوداع اقوى
إلى قد عينه بعينـي ولا جاء إلا لـّوداعي !!