|
رد: رواية جنوبية برت حالي ولا أدري وين ديرتها البارت 115 الله يوفقه احمد وفارس مرتاحين مع بنات عمي ..واليوم قررت ارجع أبها لأن ابوي وجدي اتصلوا يسألون ليش شهر ماجيت واخوك احمد يجي وهو معك بنفس الدوام ..وقالوا بينك انت وزوجتك شي وقلت لهم لا .. خلال الأسبوع ذا خطوبة اخوي عبدالله بعده زواج أميرة لازم يكون موجود من بدري .؟! تنهد بقوة وهو يستغفر بصوت مرتفع باقي على أبها اقل من ساعة ..رفع جواله وهو يشوف ان شحنه بيخلص ..فتح العلبة اللي جنبه علشان يطلع الوصله ويشحن جواله .تفاجئ من جوال أشواق انه باقي معه ونسي يعطيها من بعد الزواج وهي نسيت تطلبه لأن عندها رقم ثاني .! وهي من النوع اللي مايحب يمسك الجوال كثير. والجوال هذا قالت انه خاص بالدوام .! وكان مقفل فتحه وفتح فيه شبكة واي فاي.! وصلت مجموعة رسائل واتس آب كثيرة مايعرف ليش فتح تطبيق الواتس كان عبارة عن قروبات طبية كثيرة ولا اهتم يفتح ..بس لاحظ رقم غريب مرسل على الخاص غير مسجل بأسم دخل عليه وانفجع من الكلام المكتوب .! •اشواق تزوجتي ..علشان كذا كنتي تسعين بسرعة في إجراءات الخلع ..ماتوقعت انك بالشكل هذا حاولت معك تعطيني فرصة ورفضتي نسيتي وقفاتي معك ونسيتي فضلي عليك .! •أشواق عمومآ الف مبروك زواجك التقليدي من ولد عمك ماعرفت إلا من قروب الأبتعاث زواج تقليدي بائس والثمن هو تنازلك عن وظيفتك وحلمك اللي كنت انا سبب رئيسي في تحقيقه بس نسيتي كل شي. •أشواق ترى مانسيتك مازلت احبك قدري موقفي وقدري وقفاتي معك وصبري عليك سنتين محروم منك حتى اني المس يدك ..تذكرين وإلا نسيتي ترى باقي انا اذكر كم مرة حاولت امسك يدك وترفضين واحترمت رغبتك وقلتي اصبر علي لين اتعود عليك ياماهر .؟ •اشواق لي طلب واحد بس خلينا نتقابل ارجوك ماراح اسوي لك شي لاتخافين مني انا عند وعدي مثل ماوعدتك في كندا ما المسك ..وذحين انا اوعدك تكون مقابلة عادية جدآ اصدقاء ..انا حاليآ في أبها لمدة عشرين يوم ..وساكن في شقق المروج ..انتظر رد منك .! محمد/وهو يقرأ كلامه حس بصداع بنار تاكل كل جسمه ..حس بفرحة ان زوجته مالمسها الكلب هذا..الشي اللي سواه انه وقف على جنب واعاد قراءة الرسايل اكثر من مرة علشان يستوعب ..نزل الجوال ونزل من السيارة وهو يسجد لله شكر على الأرض ولا اهتم بالتراب اللي يحسه على وجهه ولا حرارة الأرض .. وقف وهو يركب سيارته ومحتار كيف يتواصل مع الكلب هذا يبغااه عنده ..يحس ان عروقه بتنفجر ..رجع فتح الواتس وعلى نفس المحادثه قعد يشوف المحادثات السابقة كلها محادثات قديمه قبل شهر او اكثر من ماهر .. أشواق ماترد عليه مررة .. قرر يرسل علشان يشوف يرد عليه .! ارسل : هلا ماهر .! انتظر وهو يدعي الله انه يرد غمض عيونه مايدري كم ..دقيقة وفتحها على اهتزاز الجوال بيده.؟! رسالة من الكلب ماهر : هلا مو مصدق انك رديتي اشواق اخيرآ.. وفيس حزين .! محمد حاول يضبط اعصابه علشان يقدر يستدرجه وبعدين يطلع الكلام هذا من عيونه رد عليه(هلا فيك انا موافقه اقابلك بس تكفى اليوم يكون علشان زوجي مداوم وماعندي فرصة إلا اليوم وخلنا نتقابل في شقتك لأنها قريبة من بيتي .) ماهر/ياعمري ابشري ماطلبتي شي وراح اقول للأستقبال انك زوجتي وباقي معي ترى صورة من عقد النكااح .! محمد لما شاف كلامه فار دمه الله ياخذك ياماهر وياخذ العجوز عائشة .. ارسل له خلاص انتظرني من الساعة 4-6 المغرب وراح اكون عندك في الشقة رفع عيونه لساعة الجوال باقي اقل من ربع ساعة على أذان العصر .. وهو يرمي الجوال بقوة ويشغل السيارة ويمشي بسرعة ولا اهتم لسيارات اللي تكبس له بالأنوار ولا اصوات البواري لأنه يتجاوز كل السيارات اللي قدامه يبغى يوصل بسرعة نار تشتعل بقلبه وصل أبها في وقت قياسي بعد ماصلى العصر ..توجه لشقق المروج شقق ابوه ويعرف اللي موظف في الأستقبال دخل وهو يحاول يكون طبيعي شافه الموظف وهو يرحب به : هلا محمد يامرحبآ ..كيف اقدر اخدمك ،! محمد/الله يسلمك ابد صديقي ارسل لي يقول انه مستأجر هنا اسمه ماهر ،؟ الموظف /ايوه صح في غرفة رقم 4 الدور الثالث .؟ محمد/مشكور ماتقصر ..وتحرك يركب المصعد الكهربائي وهو يحاول يهدي نفسه وعجز وصل الدور الثالث وهو يشوف الغرفة 4 قدامه حس وده يقتله الكلب كيف يتجرأ ويراسل وحده متزوجة ويواعدها في الشقة دق الجرس بقوة بدون ماينزل اصبعه من الزر سمعه صوته يقول طيب ويفتح الباب .؟ محمد من شاف وجهه دفه داخل وهو يدخل وباقي ماسك صدره وقفل الباب وراه ،؟ |
رد: رواية جنوبية برت حالي ولا أدري وين ديرتها البارت 116 ماهر/بهلع وخوف وهو منصدم ومتفاجئ من الشخص اللي متهجم عليه وهو لابس بدلة عسكرية ناظر فيه عيونه تخوف مثل الدم ..حاول ينزل يده لانه صار يضغط على حلقه ويخنقه .. : معليش لو سمحت يااخ خير شكلك مضيع ..او غلطان وهو يحاول يدف محمد اللي قدامه ..! محمد وهو يحشره على الجدار وبغضب : لا والله ماني مضيع ولا غلطان وجيتك ياماهر على الموعد .. رفع يده ويعطيه كف على وجه وبغضب : يااكلب تواعد زوجتي ها ماتخاف من الله ..وهو يشوته على بطنه لين شافه يدنق من الألم ..رجع رفع راسه وهو يشد شعره الطويل بقوة ..ويكمل ضرب بكل مكان في جسمه لين انهار ماهر تحت رجوله ..ماقدر حتى يتكلم او يوقف مقارنه بحجم الضرب اللي جاه من محمد اللي اطول واعرض منه ثلاث مرات ..؟ حاول يتكلم /قبل ماتكون زوجتك تراها كانت زوجتي ..وقطع كلامه كف ع وجهه من محمد اللي دنق له وهو يمسك يده ويعصرها :؛اص ولا كلمه لاعاد تجيب سيرتها ساامع وهو يجره ويوقفه يله ياكلب دافع عن نفسك وإلا ما فيك ذرة رجوله .. هذا انا واقف قدامك ضاربني علشان احس اني اضارب رجال مثلي مو رخمه اوسخ يدي به..وهو يشده بقوة ويشوف الدم اللي ينزل من خشمه ..والله يااماهر لو باقي تقرب ناحية زوجتي والله مايحصلك طيب وهو يرجع ويركله بقوة على بطنه .. وترى اقدر ذحين اوديك في ستين داهيه رسائلك باقي عندي ..لكن ماراح انزل مستواي لك لأنك قذر وحثاله حرام مثلك يكون دكتور ولا ابغى اجيب سيرة زوجتي عند الشرطة .. رفع راسه لفوق هو يشد شعره بقووة لين حس فيه يتقطع بين اصابعه .. باغته ماهر بلكمه على وجهه وضرب فمه بقوة وخشمه حس بصداع يداهمه بس مافكه وهو يحس الدم ينزل من خشمه .. ولا اهتم ثبته على الجدار وهو يقول : ايوه كذا خلك رجال علشان اقدر اتفنن وانا اضربك اخذ يلكمه بقوة بكل جزء من جسمه الضعيف خاصة وجهه لين حس فيه يتهاوى على الأرض فكه وهو يتفل عليه ويخرج ويقفل الباب .؟! وطلع منديل وهو يحطه على خشمه ونزل.! وركب سيارته اخرج جواله وهو يتصل على أشواق وردت عليه من اول رنه كأنها كانت تنتظره محمد وهو ساكت مغمض عيونه ويتخيل شكلها همس بأسمها : أشواق ...؟ ردت مثل كل مرة لما ينادي أسمها "لبيه" ! أشواق اللي جالسة تقهوي جدها وجدتها وتضحك على مناقرتهم ..الأيام هذي جدتي هيله ماعندها شغل غير قصف جدي مسكين اللي يتودد لها ويطلب رضاها .. الجد محمد وهويمسك يد هيلة وهي تحاول تفكها : ايش قومش ياهيلة ماتدانين اي كلمة مني .؟ هيلة بخجل من زوجها اللي خرف على تالي عمره فكت يدها بقوة : والله من خبال في راسك جاك على تالي عمرك الله يحسن لك الخاتمة وبس.؟ أشواق اللي تضحك على كلام جدتها وشكل جدها وهو يناظر مصدوم من كلام زوجته .؟! الجد محمد/انا ابوك ياولد انا خبل وهو يمسك زوجته من كتوفها ويقربها منه وهو يضحك ،! أشواق وفقت وبمجرد ماسمعت صوت جوالها يدق وكان الشخص اللي يتهرب منها ..استأذنت من جدها وجدتها انها بتروح تكمل شغلها وطلعت اشتاقت له حيل وهو قلبه قااسي فتحت الخط وهي تسمع صوت انفاسه الثائره لين قرر يعتقها من نبض قلبها المتسارع مع صوت انفاسه وهو يناديها أشواق...؟ ردت بكل لهفه لبيه لبيه .،! محمد تنهد وهو يقول : وينش ذحين ومين عندش ،! أشواق طبعه مايخليه حتى ماسأل عنها ردت :انا طالعه من عند جدي وجدتي بروح الجناح حقنا فوق ..!وليه تسأل ،! محمد وهو يوفق السيارة : انا جيت ولا ابغى اقابل جدي وجدتي ذحين افتحي لي الباب الخارجي حق قسمنا وانا بجي من الباب الخلفي وقفل،! أشواق المنصدمه منه ..وهي تتطلع الدرج بسرعة وتدخل اول شي غرفتها وتشغل المبخر الكهربائي وتحط فيه كسرة عود ..وتوقف قدام المرايا وتتأكد من شكلها ..رشت من عطرها ..نزلت العطر وهي تسمع صوت دق على الباب الخارجي لجناح .؟ حاولت تاخذ نفس وهي تفتح الباب ..شهقت بقوة وهي تشوف شكله وشفايفه المكدومه والدم على بدلته العسكرية ..وهو حاط يده على خشمه ويثبت المنديل اللي كله مليان دم .؟ أشواق بخوف وهي تقرب منه جاء على بالها اصابه في العمل وبدون شعور منها تعلقت فيه : حبيبي سلامات ايش جااك .،! محمد وهو يناظر لها بحب والمرة ذي غير يناظر لها انها زوجته وملكه وحده حس فيها وهي تتعلق برقبته حاوطها بيديه وهو يشيلها وهو يسمعها تقول حبيبي وخايفة .. دخل غرفة النوم وهو شايلها : انا بخير لا تخافي مجرد شي بسيط وخلاص .؟! أشواق وهي تناظر فيه بخوف : محمد بالله عليك طمني ايش صار لك والرعاث ذا وشفايفك ايش صار لها ،؟! |
رد: رواية جنوبية برت حالي ولا أدري وين ديرتها البارت 117 محمد وهو ينزلها علشان مايتهور لازم يفهمها كل شي اول ..جلس وهي تجلس جنبه اعطاها جوالها وهو يفتحه على الواتس ويقول لها تقرأ عرفت صاحب الرقم ماهر مستحيل تنساه.؟ قدرت تربط بين شكل زوجها والمحادثة .. رفعت عيونها له وبخوف تعرف ان محمد عصبي وغيور ..مسكت يده محمد : لا تكون قتلته ..! جوابه عليها هو انه شالها وهو يرميها على السرير ويشرف عليها من فوق بوجه متجهم : ايه قتلته واقتل كل احد يحاول يلمسك حتى لو مجرد كلام خايفه عليه يموت ياأشواق وهو يقرب وجهه منها لين لمس خشمه خشمها وصار يتشارك معها الأكسجين.! أشواق بخوف على زوجها حطت يديها حول رقبته ..: لا مو خايفة عليه ولا يهمني خايفة عليك انت اذا صار شي له ..واخسرك انا .! محمد وهو يحاول يتماسك حررها منه ويعدل وقفته مارد عليها اخذ له ملابس ودخل الحمام مايدري كم مضى عليه من الوقت وهو تحت برودة الماء لين سمع صوتها الخايف يناديه من ورا الباب.! : محمد تعبان ..ليش تأخرت .؟! أشواق بخوف عليه ومن عصبيته المفرطة لما ماسمعت منه رد ..تحركت وهي ترجف من كل شي وهي تذكر كلام ماهر اللي ارسله لها الكلب ماراح يتعدل ابد كيف يفكر اني ممكن اقابله مجنون والله ويستاهل اللي جاه من محمد.! وقفت قدام دولاب الملابس وهي تحتار ايش تلبس كم هائل من القمصان ولا لبست منها شي ..وبما ان محمد عرف الحقيقة اكيد ماراح يتركها اكثر من كذا..؟ خلصت لبس وهي ترفع شعرها لفوق تبخرت وتعطرت بعطرها المميز .. وجها صافي من اي ذرة مكياج ماغير كحل قلم عادي ..وحطت قلوس شفايف ..وجلست على السرير تنتظره لين سمعت صوت الباب يفتح وهو يتوسط الغرفة لابس بجامه اسود شورت .. رفعت عيونها لعيونه وهو واقف قدام المرايا يمسح شعره ويتعطر بدون مايناظر لها قررت تتكلم هي ..! : محمد تحتاج شي اقوم احط لك أكل ..! لف يناظر لها وبدون اي كلام منه قرب منها وهو يدفها من صدرها على السرير ويشرف عليها من فوق :ايه احتاج كثير ياأشواق ........؟! . ظ احمد/ واقف يستمع لشكاوي أمه من ندى اللي يعرفها انها كلها غير صحيحة بس مستحيل يقدر يقول لأمه كذابه .. أمه مستكثرة عليه يكون سعيد كل يوم وهي تعيد نفس الأسطوانة مرتك سوت ..مرتك فعلت ..وانا متأكد ان ندى مستحيل تسوي كذا .. ندى اللي خلال شهر واحد عرف انها اطيب شخص واجهه في الدنيا كانت له نعم الزوجة المحترمة المطيعة القنوع ..يروح نجران ست أيام ويرجع أبها ست أيام وخلال الأيام اللي يقضيها في أبها يعيش نعيم قرب وحب واهتمام ندى فيه وحسن التعامل مع اهله بس أمه ماتطيقها ولا تحبها ..وندى العكس صابرة وتحترم أمي ولا عمرها شكت من أمي .. جميلة بحده : مرتك اللي مامنها فايدة الله بلاني فيها ذحين توعدني انك توافق على اي وحدة اخطبها لك من بنات خالاتك اللي احسن من ندى ...؟ أحمد وهو يناظر أمه اللي ماتكل ولا تمل من سالفة ندى وظلمها لها.. وذحين بتزوجه ضحك وهو يناظر في أمه : ومن هي يمه من بنات خالاتي اللي بتجي ربع من ندى ..يمه الله يجعلني فداش اعتقيني واعتقي ندى المسكينة تراها يتيمه يمه والله حرام .؟! جميلة بعصبية : بنات اخواتي احسن منها وافضل وحكاية انها يتيمة والله انها اقوى مني انا.. وراها جدك وجدتك وابوك الشايب العايب المراهق ،؟! أحمد بطفش : طيب يمه والمطلوب مني ذحين ايش.؟ جميلة/ تأدب مرتك قليلة الأدب فشلتني عند خالاتك جو عندي ولا دخلت شايفة نفسها مدري على ايش.؟ أحمد/يمه الله يخليش كيف تدخل يمه عندهم وهي في المطبخ من العصر تجهز العشاء لكم ومحد ساعدها حتى أميرة يمه حرام والله..!حتى حوسة المطبخ محد فكر يدخل يساعدها ،! جميلة بقهر : يكفي انت دخلت وساعدتها حتى الزبالة نزلتها لها حظ بنات احمد يفلق الحجر وأميرة ماهي فاضية مثلها تتجهز علشان زواجها،؟ أحمد بعجز من أمه تعب والله من تزوج وهو على هذا الحال حتى وهو مداوم تتصل تتشكى من ندى خرج من عندها وصدره ضيق ..وقبل يدخل جناحه قابل عبدالله اللي مسك يده .! عبدالله بأنصاف : أحمد ترى ندى في ذمتك والله ترى أمي ذبحتها وانا عندي شهادة لله.. والله انها قهرتها ياأحمد لا تصدق كلام أمي ..زوجتك جوهرة لا تفرط فيها أمي قاعدة تتعامل معها كأنها ضرتها بدال ريم وتخرج قهرها من ريم في ندى ..أحمد انا في البيت واسمع واشوف كل شي زوجتك ماتقصر يوميآ تطبخ كل الوجبات أمي تخليها تطبخ كذا عناد ومن متى أمي قد طبخت كل الوجبات بالعادة من برا ..غير العزايم لخالاتي كل مرة وزوجتك تتكفل بكل شي والله قهر لا تسكت ياأحمد ..!وتخسر زوجتك ترى الصبر له حدود ولا يغرك صبر وسكوت ندى .! |
رد: رواية جنوبية برت حالي ولا أدري وين ديرتها البارت 118 أحمد وقلبه يوجعه على ندى ناظر في اخوه : يصير خيررر .. وكمل داخل جناحه مع ندى اللي من يشوفها ينسى كل شي ،؟ توسط الجناح وهو شوف الأنوار طافية والشموع بكل مكان ..والروائح العطرية منتشرة تغطي المكان رفع عيونه لها وهو يشوفها واقفه تناظر له .. كل اللي قدر يسويه انه يفتح لها حضنه ويحضنها بقوة غمض عيونه مستمتع بقربها اللطيف همس لها : أنا اسف ،؟! ندى وهي تبعد نفسها منه وتناظر وجهه : أسف على ايش حبيبي ،؟! أحمد وهو يحضن وجها ويبوس راسها ..اسف على كل شي ..،؟! ندى وهي تفهم قصده وتعرف ان ماله ذنب ومستحيل تفرط فيه علشان أمه وهي تعرف أنه يحبها ويموت عليها ..ومستحيل تشكي له من أمه ماراح يجي يوم وتحرجه و يكون حكم بينها وبين أمه .؟ مسكت يده وقالت : تعال حبيبي وغمض عيونك الليلة ليلة المفاجآت لي ولك وتدخل معه .؟! احمد بحب انتي اجمل مفاجئه صارت لي في حياتي ،! ندى /يااعمري انت ترى استحي كذا .!يله افتح عيونك حبيبي .؟! أحمد وهو يشوف الطاولة وعليها كيكة متكوب عليها الف مبروك الترقية وعلب هدايا .! ناظر لندى اللي تبتسم له كل يوم يحبها اكثر عن قبل ..وين أمه اللي تبغاه يتزوج عليها..ناظر لها بأعجاب بفستانها الجنز القصير ..ومكياجها الهادئ وشعرها المرفوع لفوق ..وخصل نازله منه على وجها ..جميلة في كل شي قرب منها وهو يحضنها : ماادري كيف اشكرش والله اعجز ياندو والله مااعرف اصفف حكي واقوله بس انا احبككككككككككككككككككك والله.؟! ندى بحب له : وانا احبك مررة وهي تبعده عنها وتمسك يده تعال هذي هدية مني وإن شاء الله تعجبك عبارة عن عطور وساعة ونظارة تعال تقطع الكيكة فديتك .؟ قطعوا الكيكة مع بعض .. وجلست في حضنه وهي تمسك يده: أحمد حبيبي عندي موضوع ولا ادري كيف اقوله لك واخاف يضيق صدرك ،! أحمد وهو يحضنها لصدره اكثر ويشم ريحتها : ابد عيوني لش ماراح يصير إلا شي يرضيش كم عندي ندى وحدة بس ،!! ندى/الله لا يحرمني منك.. شوف حبيبي سبق وقلت لك اني قدمت على اختبار الهيئة الصحية من قبل الزواج وامس جتني رسالة بموعد الأختبار وانا بقول لك إذا بتوافق اني اتوظف ..اروح الأختبار وإذا ماترضى خلاص مااروح الأختبار .! أحمد مسك يدها وهو يناظر فيها : شوفي ياندى انا رجل غيور وخاصة عليش انت اغار عليش من النسمه..كيف ارضى تكوني في مكان مختلط .؟! وبنفس الوقت مابغى احرمش من تعبش وتعب سنين كثيرة ..علشان كذا اختبري وإذا جت الوظيفة الله يعين قلبي ،؟! ندى وهي تناظر في عيونه وهي تشوف الضيق بها حضنت وجه : والله مااتوظف عمري كله واكون سبب ضيق صدرك وقلبك اهم شي عندي انت والوظيفة بخليها رضا لك انت .. أحمد وهو يشيلها وهو يضحك : ويلوموني في حبك وهو يدخل غرفتهم و ينزلها على السرير ندى وهي تمسك يده ويجلس جنبها : تعال في شي ثاني مرة راح يبسطك اكيد وهي تاخذ يده وتحطها على بطنها وتحركها..! أحمد/وهو يناظر في وجها وفي يده اللي على بطنها : ندى من جد انت حاامل .. شاافها تهز راسها له بمعنى نعم .." ماعاد عرف ايش يسوي من الفرحة سجد فوق السرير ورجع وحضنها وهي على صدره : الف مبروك ياحبيبتي والله مو مصدق متى حللتي .؟! ندى /وهي تحط راسها على صدره امس رحت مع ريم وعمي علي وسويت تحليل وطلعت حامل في الشهر الأول .،! أحمد /الحمدلله وهو يشرف عليها من فوق ويدنق ويبوس بطنها اكثر من مرة بفرحة وهو يهذي لها بكلام الحب والغرام ..وهو يسمع صوت ضحكاتها يبدد حزن قلبه ..ومارجع لوعيه إلا على صوت أمه يشاركهم الغرفة بعد عن زوجته مثل الملدوغ وهو يتفاجئ من دخولها لغرفة النوم مصدوم وهو يرجع يناظر زوجته اول شي سواه انه رمى عليها المفرش وهي تستر نفسها به .،؟ وقف وهو يعدل ثوبه ويناظر أمه اللي عيونها على زوجته بنظرات كلها احتقار ،،! جميلة بغيرة وكره لندى اللي اخذت منها ولدها واحب عيالها لها من دخلت جناحهم وشافت الكيكة والهدايا ..رجعت تناظر في احمد : ماشاء الله محتفل انت وزوجتك ولا تناديني ليش بخرب عليكم وإلا راح أكل الكيكة كلها عليكم ..والله ياأحمد من اولها تاكل تفرح بدوني ..تعال وصلني عند جدتك وهي تخرج زعلانه.! أحمد غمض عيونه وهو يخرج من الغرفة كاملة ماعنده اي كلام يقوله لندى حتى كلمة أسف ماراح تفيد..أمه خربت عليه فرحة اول طفل .،؟! |
رد: رواية جنوبية برت حالي ولا أدري وين ديرتها البارت 119 هيلة بطفش وهي تقطع الملوخية وخزامى جالسة وراها وهي ترفع عود الملوخية وتضرب فارس به : ياولد انقلع عني خلاص البنت ماتبغااك توكل على الله.! فارس اللي نقز من ضرب جدته : اح ياجده حرام عليش ..وانتي موجه كلامه لخزامى اللي تضحك يله قدامي البيت بلا دلع اشوف .؟! خزامى/لااااااااااا ماراح اجي معك لين تتأدب ،! فارس وهو يضحك : خلاص تعالي معي وابشري وهو يحاول يسحبها من ورا جدته وخزامى تتمسك في جدتها .؟! هيلة بعصبية : فاارس فك يدها كسرتها الله يكسر الخبل اللي مثلك ..الله بلاني بك ياولد علي.!بشويش على مرتك لا تسحبها كذا وهي حامل .! الجد محمد اللي جالس جنب زوجته ويشارك معها تقطيع الملوخية : فارس وبعدين معك انت متى تعقل زوجتك عسى تعقل لكن كل يوم يزيد خبالك .؟ فارس/ ياجد ترضى اني اجي واخذ زوجتك من عندك وامنعك عنها ترضااها ياجد.! الجد محمد وهو يناظر في هيلة اللي معصبة : لا والله ماارضااها ابد .؟! فارس / وانتي ياجده ترضين اخذ زوجش وامنعه عنش.؟ هيلة وهي تضحك / ايه بالله اني راضيه خذه تكفى عزالله انك بتسوي فيني خير ،! الجد محمد اللي يضحك هو وفارس وخزامى مارد عليها وهو يقول : خلاص يافارس روح بيتك وهو يغمز له بعينه ..وخزامى ماعاد تبغاك واذا ولدت تعال خذ ولدك وارسل ورقة طلاقها ،! سمع شهقة اعتراض من خزامى وهو يشوف فارس يخرج من الصالة ،! خزامى وهي تنزل من ورا جدتها : جد ليش قلت كذا ذحين بيصدقك والله ..وكنت امزح عليه .؟ الجد محمد/ والله كلامش انت قبل شوي أجل قومي الحقي زوجش قبل مايروح عند أمه وتخطب له ،!! خزامى /وهي تاخذ شنطتها والله مااخليها هي وياه وتخرج من الصالة وبمجرد ماوصلت حست فيه وراها وهو يحضنها مسكتش .؟! خزامى /فكني يافارس الله يخليك خلنا نروح البيت ونتفاهم مسكت يده وهي تخرج معه عند جدها وجدتها وهي تفكر في حياتها مع فاارس اللي تحبه اضعاف حبه لها تحبه وتغار عليه من كل شي ..! بعد الزواج صارحها وقال انا ماارضى عليش تصورين اعلانات ولا شي ..ووافقت على كلامه ..!وصار هو يدير حسابها ويخلص اعلاناتها ..وهي مابين الدوام وبين الوحم اللي جاها على فارس مرة تبغاه ومرة لا وهو يحب يعاندها ،؟! والعقبة الكبيرة أمه اللي ماتطيقها ومعظم الخلاف بينها وبين فارس علشان أمه .؟ وصلت بيتها وهي تشوف الشغالة تنظف الحديقة دخلت غرفتها هي وفارس اللي على طول مسك يدها : خزامى حركتش اللي قبل شوي لاعاد تعيدينها مرة اي مشكلة بيني وبينش ماتروحين لجدي وجدتي فاهمه.! خزامى/ فاارس والله مو مني من ولدك اللي عافس ابو نفسيتي وماعاد صرت اتحملك مررة ،؟! فارس/ياافديتش انتي وفديت ولدي البطل وابشري على خشمي راح اتحملش لين بعد الولادة وبعدها اتفاهم معاش وهو يحضنها يله ذحين نامي وانا بروح اشوف أمي واجي من البارح مارحت لها وهو يضحك ذحين تقول ايوه مرتك حالفه عليك ماتجيني .،! خزامى وهي تضحك : سلم لي عليها كثير.؟! ! علي/واقف يناظر في الكرتون المرمي في الحوش غير مستوعب اللي سوته جميلة كل يوم يزيد الجنون بعقلها ..ريم جتها طلبيه من متجر ألة قهوة وراح جابها وفي الطريق اتصلت عليه جميلة يمر ياخذها من عند أمها تقول احمد وصلها ومشغول وشافت الكرتون وسألت لمين ولما قلت لريم اخذته ورمته في الحوش بقوة ...ونزلت البيت .،!. عجز يتصرف نزل وهو يفتح الكرتون ويشوف ان الألة صارت عبارة عن قطع مفصولة عن بعض.! والله صبره خلاص نفذ على جميلة ولا ماسكه إلا حب عياله خاصة أميرة اللي زواجها بعد اسبوع وخطوبة عبدالله ولا يبغى يكدر خواطرهم .؟! الليلة ليلة ريم راح يقول لها بكل شي لانها راح تسأل عن طلبيتها اخذ الكرتون ورجعه السيارة دخل بيت ريم وصعد لها فوق وحصلها واقفه عند الزجاج المطل على الحوش وقف وراها مباشرة . ريم اللي كانت تشوف الموقف تحت كاامل ماتدري ليش انقهرت وهي تشوف جميلة ترمي الكرتون وعرفت انها طلبيتها لأنها كلمت علي وقال لها خلاص استلمتها وهي معي ذحين .! حست فيه وراها وهو يطوق خصرها ويهمس لها : معوضها بأحسن منها يالغالية والله ان تبشرين بها وهو يلفها له وصار يناظر وجها .؟! ريم وهي تبادله النظرات ..وغصب عنها قالت : عادي مجرد ألة وتفداك حبيبي وهي تمسك يده تعال خلنا نتقهوى وجلست معه على نفس الكنب وهي تصب له قهوة عندها كلام ولا تدري كيف تقوله ..؟ بتردد : علي ...! علي /ليبه ياعيون علي .،! ريم وهي تمسك يده : عندي طلبين بس لا تزعل واحد عادي والثاني يمكن يزعلك .! |
رد: رواية جنوبية برت حالي ولا أدري وين ديرتها البارت 120 علي وهو يناظر عيونها وهي تتتكلم : لا عادي قولي لا تخافي ماراح ازعل الدنيا مو زعل على طول فيها اخذ وعطا ..! ريم/الطلب الأول انا مشتاقه لأمي عايشة مرة وسبق وكلمتك نروح انا والبنات عندها بس هي حلفت علينا مانجي إلا بعد شهر من الزواج وذحين كملنا شهر وشوي شوف اي يوم يناسبك نروح انا والبنات نسلم عليها ..واسلم على أمي أمنه ..! علي/ابشري ماطلبتي شي خليني اخلص من خطوبة عبدالله وزواج أميرة وبعدها ابشري بي ،؟ والطلب الثاني ايش هو ..! ريم وهي تمسك يده : حبيبي ابغى احمل ارجوك ،؟! علي غمض عيونه وهو طفش من كثر ماتعيد عليه سالفة الحمل : ريم حبيبتي إن شااء الله راح تحملين ..ليش مستعجله كذا وانتي سمعتي الدكتورة ايش قالت كل شي عندك تمام .،! ريم وهي تفك يده ..وبزعل : كيف مستعجله ..شوف ندى وخزامى كل وحده حامل ماشاء الله وهم متزوجين بعدي ..علي افهمني انا بموت علشان احمل ..! علي/ طيب وانا ايش بيدي ولا سويته ماقصرت بشي ريم وهي متردده : روح افحص يمكن عندك مشكلة.؟ علي بزعل وهو يبعدها عن حضنه ويوقف : ماعندي مشكلة الحمدلله وعندي خمس عيال ..وثاني مرة لا عاد اسمعش تقولين الكلام هذا ،!وهو يتركها وينزل ،،؟ ريم بقهر وندم انه زعل بس من حقها انها تكون أم ....؟! ! فارس/ هو واقف يسمع أمه تعاتبه كل يوم نفس الوضع ماعندها امه سالفه إلا زوجته وزوجة أحمد تخلص من وحده وتمسك الثانية .! جميلة /مرتك السوسة ام لسان طويل قبل امس مفشلتني قدام خالاتك لا بارك الله فيك ..!. فارس/وهو يحط يديه في جيوبه ويعرف السالفة كاملة يمه ارجوش طلعي خزامى من سالفتش انتي وابوي وريم..يمه خزامى مالها دخل يمه حرام عليش اللي قاعدة تسوينه في بنات عمي خزامى يمه ماقصرت روحت من الدوام وتعبانه وحامل ورحتي تعزمين خالاتي وبناتهم في بيتها بدون ماتعطينها خبر من بدري وتقوم وتسوي عشاء وتستقبلهم وفي النهاية تقولين انها مفشلتش علشان انها تدافع عن ريم يمه طبيعي تدافع عن اختها وانتي قاعدة تسبين وتشتمين اختها وفي بيتها ..يمه جعلني فدااش ارجوش ابعدي عن بنات عمي وخاصة زوجتي ..انتي أمي وعلى عيني وراسي ولش حق علي انا وبس ..وخزامى مالش جبر عليها يمه حتى اذا جت علشان تسلم عليش ماتعطينها وجه انتي وأميرة ..وإذا ماجت تهاوشين ..يمه ترى والله ماارضى على زوجتي مهما كاان خاصة ذحين هي حاامل وتعبانه ...وخرج جميلة : والله يافارس حتى انت لحقت اخوك أحمد والله ان المصايب كلها من زوجتك السوسة اللي كل ليلة وهي عازمة ابوك مع كلبته في مطعم وإلا فندق حسبي الله عليها ام لسان طويل هي واختها المشفوحة على الزواج وابوك الشايب.؟! ! ريم / وهي واقفه عند الزجاج اللي يطل على الحوش تناظر علي اللي خرج من عندها وهي مقهورة ليش يخرج وهي ليلتها واكيد بيروح لجميلة حست بغيرة تنهش قلبها ونزلت دموعها قهر زعل علشان طلبت منه يروح يسوي تحاليل من حقها تطلب منه كذا ..؟ محتارة ايش تسوي والله مااخليه يبات عند جميلة وهي ليلتي وعجزت تفكر كيف ترجعه وهي حاولت تكلمه تراضيه ولا اعطاها فرصة تكمل خررج بدون مايرد عليها وهي تحبه ولا ترتاح اذا زعلان عليها اتصلت ارسلت مارد عليها ..! مافي حل إلا خزامى تنقذني .،؟ فتحت جوالها وهي تتصل عليها .؟ خزامى بصوت كله مليان نوم :هلا رريم .،! ريم بندم انها اتصلت : اسف حبيبتي ازعجتش.؟! خزامى/لا عادي ايش فيش صوتش متغير ،! ريم/شوفي عمش خرج من عندي زعلان تخيلي علشان بس قلت يروح يسوي فحص لاني ماحملت وانا كل شي عندي سليم عصب وخرج وهي ليلتي وبيروح لزوجته وانا مقهوره حاولت اكلمه ورفض ..تكفين شوفي لي حل بدون مايدري اني انا قلت لش .؟! خزامى/خبله انتي تطلبين منه كذا عمومآ انا بتصرف بس انتي ذحين تروحين غرفة النوم طلعي شنطة ملابس وحطي فيها كم غرض ..وهي تضحك وبعد شوي وهو جااي لش ..وقفلت .،؟! |
رد: رواية جنوبية برت حالي ولا أدري وين ديرتها البارت 121 علي/اللي كان يمشي حول الفلل طفشان وزهقان من نفسه حتى ريم كملت الناقص ..رفع جواله وهو يتوقع انها ريم اكثر من مرة تتصل ولا يرد ..؟! بس استغرب لما شاف المتصل خزامى"" فتح الخط /هلا بالغالية كيفش وكيف حبيب جده.! خزامى/هلا فيك زود يالمزيون الحمدلله بخير وحفيدك طيب ماعليه ...وينك ذحين،؟! علي بحب لها : قريب حولكم آمريني جعلني فداش،؟ خزامى/الله يسلمك ..ريم اتصلت عليها علشان اطمن عليها اليوم ماشفتها وكان صوتها متغير وسألتها قالت انك زعلان منها وماترد عليها وهي خلاص طفشت تحس انها وحيده هنا..علشان كذا بتتصل على قاسم زوج أمها يجي ياخذها وبتجلس عند أمها ..عاد انت تعرف ريم حساسه واحيانآ تجيها حالات غربية روح لها تكفى ياعم تراها مجنونه ،؟! علي وهو يشد على الجوال بغضب طيب وقفل وصل بيت ريم وكل شياطين العالم فوق راسه من جدها ذحين تفكر اني راح اسمح لها تروح عند قاسم الكلب اللي صار يبتزنا ويرفض يخلي ريم تكلم أمها إلا بعد مانحول له فلوس.؟ وصل الدور الثاني وماحصلها في الصالة دخل غرفة النوم وانصدم منها وهي تطلع ملابسها من الدولاب وترميها بعصبيه داخل الشنطة اللي على السرير ..لا من جد مجنونه وتسويها يعرفها وصل لعندها بعصبية : ريم ايش قااعدة تسوين .؟! ريم/وهي تحاول ترسم على وجها الزعل وما تضحك خبيثة خزامى وافكاارها ..ماردت عليه وهي تتجاوزه لتسريحة علشان تاخذ الأغراض منها .؟! علي بعصبية من تجاهلها له : ريم اتوقع اني اكلمش وهو يمسكها بقوة ويلفها له ويهزها وين بتروحين ،،! ريم/ وهي تناظر له بحب كيف معصب بروح عند أمي ليش اجلس هنا وانا مالي احد هنا مو انت قلتي لي بالله فكيني منش هذا انا راح افكك مني للأبد ،؟! علي وهو يهزها بقوة وبغضب : ريم انت صاحية ذحين من جدك تروحين لقاسم الكلب والله يااريم لو باقي تفكرين مجرد تفكير تروحين عند قاسم ان ذبحش على يدي ،؟! ريم وهي تبكي بدون شعور منها وتحضنه بقوة : ليش طيب تخرج زعلان مني ليش علي من حقك تزعل بس مو من حقك تخرج وخليني مثل المجنونة احترق لوحدي علي انا ماعندي احد في الدنيا هذي كلها إلا انت انا معلقه لكل حياتي عليك بعد الله ..تكفى لا تكررها وتخرج زعلان مني ..ازعل عندي هنا ولاتخرج والله ماتحمل اشوفك زعلان وهي تشد عليه بقوة.! علي غمض عيونه وهو يشد عليها كمية الرجاء اللي في صوتها اتعبته كثير ماكان ناوي يخرج بس فضل انه يخرج علشان مايقول لها كلام يجرحها ابعدها عن صدره وهو يناظر وجها ويبوس عيونها : انا اسف ..نسيت ان زوجتي مجنونه كذا بس للمرة المليون ياريم حتى لو يصير بيننا شي لا تفكرين مجرد تفكير تروحين عند قااسم تكفين إلا قاسم والله اني لموت قهر لو تسوينها .؟! ريم وهي تحط يدها على فمه : لا عاد تطري الموت بسم الله عليك جعل سنينك وايام تبطي حبيبي ،،! ! يوم جديد .. خطوبة عبدالله&احلام في مجلس الرجال الجد محمد وولده علي وعياله محمد وأحمد وفارس وعبدالله..اللي فرحان اخيرآ راح تكون احلام له بنت خالته وحب الطفولة ومن وهي صغيرة خالته تقول له ترى احلام لك وكبر وتعلق قلبه فيها ورفض الزواج ينتظرها علشان تكمل الجامعة ،،! وفي الجهه المقابلة لهم يوسف زوج خالته واخوانه وعيالهم الكباار .؟ الجد محمد/ وبعد السلام والسؤال عن الأحوال الجد محمد..موجه كلامه ليوسف حنا الليلة جاينكم طامعين في قربك يايوسف ولدنا عبدالله طالب يد بنتكم احلام على سنة الله ورسوله. وقبل مايرد يوسف فز مشعل ولد اخوه بوسط المجلس وهو يقول بنت عمي لي والله ماتحل لأحد غيري ،؟! الجد محمد وهو يحس فشلة ناظر في ولده علي بغضب ثم ناظر يوسف وقال له : اتوقع ان زوجتك قالت لأختها جميلة انكم موافقين ايش اللي مغير الكلام ذحين .؟! مشعل وهو يوقف قدام الجد محمد وبغضب وهو يرفع اصبعه بوجه الجد محمد : ومن متى عندكم الحريم يخطبون بدال الرجال .. وقبل يكمل كانت السبحة ترتطم بفكه بقوة ومحمد يقطع المسافة بينهم وهو يمسكه : تخسى وتعقب لاترفع صوتك على جدي وهو يخنقه .،! كل شي صاار كان مثل الحلم بالنسبة لعبدالله اللي صار يشوف المجلس تحول لمعركة بطلها اخوه محمد اللي نص المجلس كلهم ماقدروا يفكون مشعل من يده ..وفي اقل من ثانية كانوا كلهم مجتمعين عند جده مايدري كيف خرجوا من البيت ولا كيف ركب السيارة وهو في حالة ذهول وصدمة احلام وحب الطفولة وانتظار الشباب ولد عمها حجر عليها وصارت له ..كيف وكلام خالته له .؟ الجد محمد بغضب موجه كلامه لمحمد : انت متى تعقل وتخلي عنك العصبية تضرب الرجل في بيت عمه صاحي انت وإلا خبل..يركبك حق كبير لأنك ضربت ولدهم في مجلسهم ،! |
رد: رواية جنوبية برت حالي ولا أدري وين ديرتها البارت 122 محمد بدون اهتمام : يستااهل واقل من جزاه الورع ليش يتكلم عليك ويرفع صوته واصبعه في وجهك ،؟! الجد محمد ناظر عبدالله اللي ساكت ويناظر الأرض وانت يالخبل الثاني تخلينا نروح نخطب والبنت لولد عمها هذا اللي استفدناه من جميلة و اهلها وتستاهل اللي جااك واعجبني فيك .؟! اشوفك مكسور وشوي وبتبكي علشان مره بدالها الف والحمدلله انهم رفضوا لأني ماابغى نسب يوسف ..! عبدالله مقهور وزاد عليه كلام جده وقف علشان يخرج وقبل يتحرك سمع جده يقول : اثبر مكانك.،! الجد محمد/اسمع انت وابوك بكرة نروح نخطب لك من بنات ولد الشيخ ناصر ولا يقوم زواج مشعل من احلام إلا انت متزوج فااهم ،! عبدالله بغضب : والله مااتزوج لو تنطبق السماء على الأرض مالك حق تتحكم في حياتي خلاص ماصار لي نصيب مع احلام ومستحيل اروح اعالج الجرح بغلط اكبر منه ..ايش ذنب بنت الناس اتزوجها وانا قلبي معلق في غيرها،؟ الجد محمد بغضب ولا يحب احد يكسر كلمته : اقول تمشي وانت ماتشوف الدرب علشان يعرف يوسف انك شيخ ولد شيخ واخذت شيخة ابوها ذكره يوزن عائلتهم كلهم ..وكلمتي مااترجع عنها تفهم،' محمد وهو مقهور ع اخوه واصلآ هو ماحذف مشعل بسبحته إلا قهر على اخوه عبدالله اكثر شي وقف وهو يمسك اخوه عبدالله ويخرجه يعرف انه عنيد وجده مايحب احد يكسر كلمته سحبه بقوة وعبدالله يقاومه .. محمد : تعال معي شوي تعوذ من الشيطاان واخرجه من المجلس لديوانية وقفل الباب : تعوذ من الشيطان خلاص مالك نصيب معها الله يعوضك خير منها ،؟ عبدالله بقهر رجال : خلاص الله يستر علي وعليها المشكلة ذحين جدي يامحمد كيف افهمه ،!! محمد/عاد انت تعرف جدي كلمته مايتنازل عنها،! عبدالله وهو يتذكر ان جده يحب اشواق بنت عمه ويقتنع بكلامها .. مسك يد أخوه : تكفى يامحمد اني طالبك تكلم أشواق هي الوحيدة اللي تقدر على جدي ومايرفض لها طلب تكفى .؟! محمد بحب لطاري أشواق يوم معها كان من أجمل ايام حياته مافارقها إلا وقت الصلاة وبس : ابشر والله .! وهو يخرج جواله ويطلع برا يكلمها ،؟! سمع همسها وهي تقول : هلا ..! محمد/ اشتقتي لي او لا .،؟! أشواق وهي تضحك : اكيد اشتقت ايش صار على خطوبة اخوي عبدالله .؟! محمد وهو متعود ماتنادي اخوانه إلا اخواني .. تنهد وهو يقول : الله ماكتب له نصيب الكلب ولد عمها حجر عليها وحنا في المجلس .!! سمعها تقول يااعمري ياعبدالله الله يعوضه خير ! محمد/اشوووووواق لاعاد اسمعش تقولين ياعمري وحياتي لأحد غيري سامعة كم مرة نبهتش.؟! أشواق وهي تضحك : والله انها تطلع عفوية مني وعيال عمي والله انهم حسبت اخواني ..لكن ابشر يامتوحش اسفين وهي تضحك .؟ وكيفه عبدالله عسى ماعصب ولا جدي ،! محمد/عبدالله مصدوم مرة وجدي حالف ان بكرة يخطب له وجاني عبدالله يطلب فزعتش وهو يدخل المجلس ويحطه على السماعة ويقول خذي كلميه عبدالله وهو يعدل جلسته وبكل احترام : هلا بأختي اشواق كيفش طيبة..والمعذرة إذا ازعجتش ،؟! أشواق بكل أدب : هلا فيك اخوي عبدالله الحمدلله طيبة وابد انا اختك في اي وقت وابشر ومحمد قال لي اللي صار وثق ان الله اختار لك مافيه الخير ولعل في ذلك خير ماتدري وين الخير فيه ياعبدالله ..وبالنسبة لجدي ماعليك منه عندي إن شاء الله مايصير إلا كل شي يرضيك واسأل الله ان يعوضك خير من احلام وعوض الله ماله مثيل ..تحتاج شي قبل اقفل .؟! عبدالله حس انه ارتاح شوي من كلامها : جعلش سالمه ياارب مع السلامة ،؟! وهو يمد الجوال لمحمد وهو يقول : الله يسعدهم بنات عمي كلهم ذهب .!والله انتبه لزوجتك يامحمد محمد وهو كان يستمع لها وهي تكلم اخوه بكل حواسه معها ..صح انه يغاار عليها بجنون حتى من اخوانه بس فكر بعقل وقال هي محترمة واخوانه محترمين ليش يعقدها وهو يدعي الله يخفف من نار الغيرة اللي بقلبه ،؟! اخذ الجوال وهو يقول لعبدالله ها تنام هنا اجيب لك فراش .!! عبدالله / ايه بنام بس بشرط تنام معي تعرف نفسيتي تعبانه احتاج احد يطبطب علي وهو يضحك.! محمد/اقول لا يكثر توكل وروح ..لو اشوفك تتفكك قدامي من التعب النفسي ماراح انام معك وهو يخرج ويضحك ،؟! من جده عبدالله يطلب منه الطلب هذا دخل لجناحهم وكانت تنتظره وقفت بمجرد ماشافته : هلا ..! والله يعوض عبدالله خير مما فاته وهي تناظر في وجهه وفي ثوبه اللي ازراره مقطوعه مسكت يده محمد ليش ثوبك كذا متهاوش مع مين ،؟! محمد وهو يقربها منها ويبحر في عيونها : واحد قليل أدب كان يحتاج تربية .! |
رد: رواية جنوبية برت حالي ولا أدري وين ديرتها البارت 123 أشواق بعتاب : محمد من جدك ذحين كل مرة وانت تتضارب مع احد مايصير لازم تضبط اعصابك ..ومين المرة ذي ،؟! محمد وهو يفك شعرها : مشعل اللي حجر على احلام انقهرت على عبدالله اللي من سنين ينتظر ويجي واحد غبي يحجر عليها ..وكمان طول لسانه على جدي واخذتها فرصة ابرد حرتي فيه ،؟؟ أشواق وهي تحاول تفك نفسها منه : محمد مستحيل اللي قاعد تسويه والله غلط وعيب محمد وهو يمسك وجها وبحب : والله غصب عني انا كذا مندفع مااعرف ..!وهو يحضنها.. ايش رايش نروح نتمشى يعني شهر عسل متأخر عندي عشر ايام إجازة بعد زواج أميرة .،! أشواق وهي تحضنه بقوة وتحس بأمان وهي بحضنه : لا ماله داعي نروح مكان نتمشى هنا الأجواء حلوه وبعدين عشر الأيام ذي من حقك انك ترتاح . وبعدين انا ابغى اروح اسلم على أمي اذا يمديك .؟! محمد بضيق وكره لأمها : ابشري ابوي كلمني يقول حتى اخواتش كلهم يبغون يروحون نخلص من زواج أميرة الأسبوع هذا ونروح،؟! أشواق/وترى وعد جدي جابر اني اجيهم اذا جيت .؟! محمد بقهر من جده : تخيلي جدي اول كان يتصل يسأل عني ..لكن بعد ماشافش صار يتصل ويقول السلام ها بتجي الأسبوع هذا انت ومرتك ..!وإذا قلت لا ،،!يقفل في وجهي بدون مايقول مع السلامه .،! أشواق/يااعمري ياجد جاابر فديته كل يوم يتصل علي هو وعمتي فوزية مشتاقين لي.؟! محمد وهو يبعدها عن صدره ويناظر في عيونها : اختاري وين العقااب يكون لاني حذرتش اكثر من مرة ماتقولي ياعمري وتتفدي لأحد غيري .؟ أشواق وهي تحاول تفك نفسها : لا يامحمد تكفي الله يخليك .. ! جميلة بغيرة وهي تسمع عمها وعمتها بيسيرون عند ريم اللي ماعندهم سالفه إلا هي ريم الله ياخذ هالريم وارتاح منها حتى ولدها عبدالله صار يدافع عنها اذا سمعها تدعي عليها يقول : يمه حرام مالك حق تدعين عليها .،! قامت من الجلسة وهي تلبس عباتها وهي تقول : يله ياعمه مع السلامة بروح عندي كم شغله بخلصها وخرجت ..! صارت تبغى تشوف ريم ذي بأي طريقة حاولت في علي وقالت له بجي ازور ريم في بيتها ورفض مررة ..وقبل ماتروح بيتها قررت تروح لريم غصبن عن علي وبما ان عمها وعمتها بيروحون لريم بعد شوي بتروح قدامهم وتحط علي قدام الأمر الواقع خاصة انها ليلتها الكلبة وعلي الشايب عندها .،! وصلت باب حوشها وتحصله مفتوح ودخلت توسطت الحوش وهي تشوف جمال الحديقة اللي قدامها ..النافورة الصغيرة ..وفي الزاوية المسبح ..وجلسة كراسي وطاولة جنب المسبح الحوش كامل كان عبارة عن اعشاب من الثيل الصناعي بأشكال جميلة ..والورد المرصوص على مدخل الدرج دقت الباب الباب بشويش وفتحت له الشغالة وناظرت فيها من فوق لين تحت ..والله شغالة بعد مو هينه هالريم ...وبحده : وين ماما .! الشغالة/ماما فوق تفضل.. غرفة هنا وهي تأشر لها بيدها على الغرفة.! جميلة وهي تضرب يدها : روحي اقول.. وهي تتجاوزها وتطلع الدرج وهي تناظر مبهورة بجمال الفله واثاثها رغم ان فلتها اكبر من ذي .! وصلت نهاية الدرج وهي تشوف المطبخ قدامها والأضاءه الخافته بكل الصالة وريحة العود نفس ريحة علي الشايب لما يجي من هنا.. لفت بعيونها تدورهم وينهم جعلهم الساحق مالهم حس ..وقفت وهي متفاجئه من المنظر اللي قدامها ،! ! ريم وهي جالسه بحضن علي ويتابعون فلم وتشرب هي ويااه بكوب واحد ..وتدنق وتاخذ لها فشار وتحطه بفم علي وبعدين بفمها ..ومستمتعه بقربه اللي عوضها عن كل شي ..! لفت بوجها لصوت اللي جاها من بداية الصالة وفزت بقوة من حضن علي اللي قاام معها مفجوع من الصوت اللي يعرفه ..جميلة منصدم منها ايش جابها هنا وهو اصلآ رفض طلبها انها تجي لريم رجع ناظر لريم اللي مصدومه نفسه ..خاصة بفستانها تحرك علشان يغطي ريم ويوفق قدامها وهو يقول ريم روحي بدلي ملابسك هذي جميلة .،!! وهو يتقدم لجميلة اللي تناظر فيه بغضب وغيرة شافت زوجها يتقدم لها وهي ترجع تذكر شكل زوجته الكذاب فارس يقول انها شينة خدعني والله انها حلوه وصغيرة صغيرة حيل خاصة لما كانت جالسة بحضن علي كأنها بنته مو زوجته يشربون من كوب واحد الكلبه اخذت عقله وماعاد صار يشوف إلا هي حست في علي يمسك يدها ويسحبها عند الدرج علشان تنزل وبغضب : مجنونة انتِ ايش جابش وليش اصلآ تطلعين هنا ماتستحين على وجهش.؟! جميلة وهي تفك يدها منه وتناظر له ولملابسه : انت المفروض اللي تستحي على وجهك وتبطل خبال قدك شايب وتسوي حركات المراهقين.! علي نفذ صبره منها : ايش دخلش مني وايوه براهق مالش دخل فيني دام اني ماتجاوزت حدود الله فكل شي خاطري فيه بسويه دام ربي عوضني بوحده تطلب رضاي وتدور راحتي .. |
رد: رواية جنوبية برت حالي ولا أدري وين ديرتها البارت 124 وهو يسحبها بقوة لين نزلها ..وقبل يفتح باب الصالة سمع صوت ابوه وأمه عند الباب فكها وهو يناظر فيها قال : بشويش انقلعي داخل غرفة الحريم امي وابوي عند الباب وبعدين لي تفاهم معش .،؟ وهو يتحرك ينادي الشغالة علشان تفتح الباب وهو طلع يغير ملابسه وشايل هم ريم ..حسبي الله عليش ياجميلة ..وصل الغرفة وهو يشوف ريم واقفه عند التسريحة مغيرة ملاابسها بجلابيه مغربية ولبست لها اساور ذهب وحلق وخواتم ورفعت شعرها لفوق ..ابتسمت له من شافته وهي تقول : لا تشيل همي عادي ماصار إلا كل خير ..وهي تضحك ماكنت اتمنى اول لقاء بيني وبين جميلة يكون كذا ..فشله والله ..انت الله يهديك اصريت على اني اجلس بحضنك غصب هيا ايش يفكني من لسان جميلة ذحين وهي تضحك.!عمومآ هي جت وخلاص ولعل في الأمر خير بس انا باقي عند كلمتي انا ماراح ادخل بيتها من غير شرر،؟! علي وهو يمسك ويناظر فيها البنت ذي خليط عجيب من الزعل والغيرة والحكمة والصبر والدلع عجز يحدد شخصيتها كان متوقع انها تعصب وتزعل .. قال لها : ريم شكرآ على كل شي مازلتي تقدمينه لي شكرآ على انش انتي ريم ..اذا كنتي خلصتي ترى أمي وابوي تحت وصلوا انزلي لهم وانا بغير ملابسي وبجي .،! ! الجد محمد وهو يناظر في جميلة : غريبة جيتي هنا ماهو قلتي انش بترجعين بيتش عندش شغل.! جميلة بخوف وكره من ابو زوجها : والله كنت برجع بيتي بس قلت ياعم الى متى بظل انا وزوجة علي ماندخل على بعض ..ومصير يجي علي منها عيال ولا ابغاهم ينحرمون من اخوانهم وحنا اخوات إن شاء الله وعلي جعله يسلم مابيقصر معي ولا معها ،! الجد محمد هو يناظر لها ويحس انه ماصدق كلامها..وبشك : الله يستر عليكم ..وسكت وهو يشوف ندى تدخل هي واحمد ويفز يرحب بها : مرحبآ مرحبآ بالشيخة بنت الشيخ في ذمتي اني صادق وهو يحضنها وينش اليوم ماكحلت عيوني بشوفش .؟! ندى بحب وهي تبوس راس جدها ويده : جعلني فداك ..اليوم من الصباح طلعت انا واحمد نتمشى ولي مواعيد علشان الحمل ياجد ..وهي تروح تسلم على جدتها وعمتها اللي غصب وقفت لها ..وراحت تجلس جنب زوجها اليوم مبسوطة مررة من الصباح طلعت هي واحمد ومارجعوا آلا قبل شوي احمد عوضها عن موقف امه لما دخلت عليها هي وزوجها بموقف محرج ..وكااعتذار منها خصص لها اليوم كامل لها مسكت يده بقووة .؟! الجد محمد/الحمدلله هيا انتبهي لنفسش وللي في بطنش والله يافرحتي في حملش انت وخزامى انها كبيرة وعقبال ماافرح في حمل أشواق وريم.! جميلة وهي تشمق بفمها ولا عجبها الكلام وتناظر لولدها وهو مشغول مع زوجته وماسك يدها ويتكلم معها بشويش ..احمد ولدها اللي ماكان يفارقها واليوم كله تتصل عليه جواله مقفل هو وزوجته رفعت عيونها لريم اللي دخلت وهي في قمة اناقتها بداية بجلابيتها المغربية الفخمه ومكياجها الناعم وذهبها الراقي..وهي ترحب فيهم وتبدأ تسلم على عمها محمد اللي من شافها تدخل فز واقف وهو يرحب بها ..وهي ترد الترحيب عليه وتبوس راسه ويده ..وهي اللي عمرها مافكرت تبوس راسه ويده ..علشان كذا يحبها ساحره.. شافتها تسلم على عمتها هيلة اللي ترحب فيها وتسوي معها نفس الشي تبوس راسها ويدها . وقفت وهي تمد يدها لأحمد اللي وقف من شافها تدخل ابتسم لها وهو يسلم عليها ..حست بغيرة اكثر حتى عيالها بتاخذهم منها ومو كفاية علي .! شافتها تحضن ندى وتسلم عليها بحب وندى تبادلها نفس السلام بحرارة .. شافتها توقف قدامها مباشرة وتبتسم لها ولا كأن شي صار قبل شوي ..توقعت انها ماتنزل او تنزل مجبورة وهي مكشرة بس صدمتها بقوتها وهي تسلم وترحب بها .،! ريم وهي تجبر نفسها تسلم عليها مهما كان دخلت بيتها ولجل عين تكرم مدينة ..وقفت وهي تناظر للكل : مرحبآ الله يحييكم شرفتوني في ذمتي اني صادقة واعز من جااني .؟ الجد محمد/الله يعزش ويرفع قدرش يابنت منصور والله ان لش حق علينا نزورش لكن قلنا تخلصين اثاث بيتش اول ،!وانتي ماقد قصرتي كل يوم تجينا وإذا ماجيتي اتصلتي .؟! ريم وهي تمسك يد ندى اللي وقفت جنبها : الله يسلمك ياعم ولا جاء منكم قصور والحق لك انت وعمتي انا اجيكم واخف منكم .عن أذنكم بروح اجيب القهوة وهي تخرج هي وندى.! وصلوا المطبخ وهو تشوف الشغالة مجهزة لها الضيافة ندى وهي تناظر ريم : حركات ضرتش جت تسير عندش واشوفش تحتفين فيها وترحبين وهي تضحك إن شاء الله بداية خير على الصعيد الداخلي والخارجي.؟! |
رد: رواية جنوبية برت حالي ولا أدري وين ديرتها البارت 125 ريم وهي تحط فحم على النار : والله ياندو اني خايفة لكن بما انها دخلت بيتي واجب علي اني اكرمها مهما كان ..رغم انها سوت لنا مداهمه فوق تخيلي وهي تضحك كنت انا وعمش علي وفي وضع شوي محرج ..وفجاه بدون سابق اذن احصلها واقفه عندنا ..! ندى مصدومه وهي تتذكر انها دخلت عليهم في وضع مشابه : احلفي يااريم .،! ريم /والله ..عمش علي الله ستر خفت تجيه جلطه وانا اشوف وجهه ينقلب الف لون ،.خاصة لأن لبسه شوي كان محرج وهي تضحك .،؟! ندى /ياربي من عمتي جميلة ايش تحس فيه تصدقين انها دخلت علي انا واحمد لين غرفة النوم ماخلتنا نكمل فرحة خبر حملي ..تخيلي اني جلست ابكي لين الفجر ..!وماعاد اقدر اخذ راحتي في جناحي اذا احمد موجود لازم نتأكد اكثر من مرة ان الباب مقفل والمفتاح معنا ،!! ريم/بتأثر لندى يااعمري الله يصبرش وهي تتخيل الموقف ..يمكن انا اهون كنت بس جالسه بحضن عمش . ندى وهي تشيل صينية الضيافة : والله اهون مني ياريم الله يصبرني وبس ..وهي تتحرك معها داخلين غرفة الضيوف ،! ريم/وهي تدخل يامرحبآ الله يحييكم وهي تصب لهم القهوة وندى تدور عليهم بالضيافة ..ولما وصلت عند جميلة مدت لها بفنجال القهوة ولا اخذته ..رجعت ريم نزلته على الطاولة وراحت تجلس جنب عمتها هيلة على دخول علي.؟! علي/وهو يدخل يامرحبا الف الله يحييكم ويسلم على ابوه وأمه واحمد ولما وصل عند ندى حضنها بحب وهو يبوس راسها ويمسك يدها يامرحبا بالغالية كيفش وكيف حبيب جده جعلني فداه ،؟ ندى/بخير الله يسلمك ..؟ وقف ويطنش جميلة باقي حاقد عليها بسبب حركتها تحرك لعند ريم وهو يدنق ويبوس راسها ويجلس جنبها وهي تزحف مبتعده عنه ،،؟ علي وهو يناظر ابوه امه يالله حيهم يامرحبا ،! الجد محمد وهو يناظر ولده اللي تغير كليآ لابس ثوب ابيض ومشخص بالشماغ والعقال والكبك والساعة الفخمة وريحة العود والعطور سابقته قبل يدخل كأنه بيروح عرس .! : الله يبقيك ياأبو احمد والله جينااكم نسلم ونبارك لك ولريم المسكن ولها حق علينا وهو يخرج من جيبه الفين ريال ويوقف ويتحرك لريم ويحطها بيدها هذي لش من عندي انا وعمتش هيلة بمناسبة بيتش والله ان حقش اكثر لكن العذر والسموحة .؟! ريم وهي توقف وتاخذ يده وتبوسها : جعلك تسلم ياعم انت وعمتي وماتقصر ويكفيني حبكم لي وعذر على جميل ماتقصر جعلني فداكم والله لو مابتزعل مااخذها دخلتك علي انت وعمتي بالدنيا كلها اي والله اني صادقة ،! الجد محمد وهو يشرب قهوته وقف وهو يقول : يله ياهيلة مشينا ،؟ واول من وقف علي وريم : وين ماتروحون إلا عقب العشاء .،! الجد محمد وهو يمسك يد هيلة: جعلكم تسلمون لا والله خزامى جعلني فداها مرسله لنا عشاء من بدري ،؟! ريم وهي تتقدم من عمها وبحب وهي تمسك يده : طلبتك ياعم تجلس ذا الليل تتعشى معنا .! وعلي يتصل في فارس وخزامى يجون .! الجد محمد/جعلش تسلمين وخيرش سابق من روحتي ذا البيت وكل يوم يوصلنا غدا وإلا عشاء يوميآ منش ..حتى قهوة العصر ماتتأخر علينا يوم ..جعلش سالمه يابنت منصور ماغير اعذري عمش احب ارقد بدري .؟! ريم /معذور فديتك الله يحفظكم .،! جميلة وهي تناظر بقهر وغيرة وكره لهم كلهم واولهم ريم اللي عمها محمد شوي ويشيلها من الأرض ..يمدحها انها يوميآ ترسل لهم طبخ بقلعته هو يااها تحاول تكسب رضاهم علشان تتمسك في علي ..المشفوحة على الزواج ..قامت وهي تاخذ شنطتها وتخرج بعد ماخرج عمها وعمتها بدون ماترد على ريم اللي تقول لها تجلس تتعشى معهم ..؟! . . ليلة زواج أميرة / ريم بحب وهي تناظر اخواتها اللي مجتمعين عندها يتجهزون لزواج أميرة .؟ خزامى وهي تنزل الأستشوار وتنسدح : ياناس ابغى انام وابغى احضر الزواج وابغى أكل وابغى اسوي اشياء كثيرة بس ماعاد فيني حيل .،!كيف تجي مدري ولد فارس لعب في نفسيتي لعب ،؟! ريم وهي تقطع لها مكرونة بالبشاميل وجبن.. : خذي يله وكلي بسرعة بدال ماتعبت من وقت مارسلتي لي قمت سويتها ،؟! خزامى وهي تجلس وتاخذ الصحن : ريحته تجنن فديتش ريم عقبال وما اطبخ لش وانتي وحاام ياارب،؟! ريم وهي تحط لأشواق وندى : امين ياارب .! ندى/ بنات جتني حاله غربية الأسبوع ذا ماغير اشمشم في احمد وهي تضحك والله حسيت اني اخجل منه وهو يقوم من النوم وانا حاطه خشمي في رقبته واشمشم فيه ؟! أشواق وهي تضحك هي واخواتها : حالة غريبة انت والله .؟! خزامى/ يازين أحمد اعقل واحد في عيال عمي.. وكأنها تذكرت شي وقالت ريم ترى البارح رحنا عند أميرة بنت عمي علي.!! |
رد: رواية جنوبية برت حالي ولا أدري وين ديرتها البارت 126 ريم/جد وهي متفاجئه ماشاء الله ازين شي سويتوه والله مهما كان بنت عمكم الله يوفقها أميرة ،؟ أشواق/ حنا محتارين نروح او لا بس قررنا نروح اشترينا لها هدايا وكلمنا جدي وعمي وفرحوا مرة ..لو تشوفي وجه عمتي جميلة لما دخلنا كأن احد معطيها كف على وجها .. خزامى/ ماتتخيلوا فرحتي لما رحت ماادري ليش يمكن علشاني احب أميرة الحمارة من زمان وعورني قلبي انها قطعتني من بعد ماعرفت اني بنت عمها ..وحتى فارس فرح مرة لما قلت بنروح عند أميرة ..حتى قلت له ايش رايك انت تتكفل بكل عطوارت وبخور أمير حق الزواج وقال لي مااعرف اختار لها .! قلت له ازهلها علي ..ورحت انا وياه السوق وشرينا لها صندوق كامل كلها عطور وبخور ورشوش عرايس ودفعت انا نص المبلغ وهو النص الثاني .؟ ندى/حتى أحمد كان فرحان لما عرف اننا رحنا كلنا لأميرة ..وانا نفس الشي قلت له اختك الوحيدة لازم تشتري لها شي مميز ...اخذنا لها دولاب اكسسوارات وشريت لها إكسسوارات كاملة .،؟ أشواق/ محمد طبعآ بينهم شوي حزازيه ورفض انه يشتري لها شي ويومين وانا ازن على راسه لين وافق وطلبت لها طقم مفرش لغرفة النوم .،! ريم/يااعمري والله ياليت حتى انا اقدر احط لها شي ...وبحزن انا حتى الزواج مابحضر خزامى/يااعمري انتي ..عادي لا يضيق صدرش هذا حنا اخذنا قشنا وجينا نتجهز عندش.؟ ريم/الله لا يحرمني منكم والله كنت شايله هم اني بطفش لوحدي ،؟!وبعدين غريبة مارحتوا مشغل،! أشواق/والله تعرفين جدتي هيلة مصرة إلا نلبس ذهب زواجنا تقول لازم الناس تشوف الذهب،؟! ومحمد رافض فكرة المشغل ..يقول كله تصوير وقلة حيا.؟! خزامى/ياذا المعقد مدري كيف متحملته لحد ذحين ،! أشواق بحب : فديته ياخزامى لا والله مو معقد بس خلاص ذي صارت قناعة عنده ومااقدر اغيرها .! ليش اسبب مشكلة علشان شي وعندي البديل منه وإلا غيره محمد مايقصر معي ابد ،؟ خزامى وهي تسبل عيونها : يااقلبي انا علي اللي تتفدا ،،؟ وقفت أشواق وهي تشوف اتصاله تحركت خارجه من عندهم وفتحت الخط وبصوتها المبحوح..هلا محمد.؟! محمد وهو في سيارته : اشتقت لش تدرين ،؟ أشواق وهي تضحك : وانا اشتقت وينك وكيف الزواج عندكم ،؟ محمد/ تمام تقريبآ زواج الرجال على وشك يخلص وانتي خلصتي ،! أشواق/ايه خلصت وبنتظر البنات يخلصون علشان نجي مع فارس مدري احمد،؟! محمد/ اقول اذا خلصتي انزلي انا تحت وكل وحده من اخواتش تجي مع زوجها يله بسرعة انا تحت وقفل .،! أشواق وهي تدخل على اخواتها وهي تلم اغراضها وتاخذ عبايتها .،! ندى/ووين .،! أشواق /محمد اتصل يقول خلص وهو راح يوصلني.! خزامى بأعتراض : لا يا أشواق خليه يذلف وفارس بيوصلنا علشان ندخل مع بعض خلاص شوي ونخلص،! أشواق وهي تلبس عبايتها ::والله مااقدر بس ..راح ارجع بيتي علشان نسيت اغراض لي وبحاول اتأخر واذا جاء فارس اتصلي علي ونطلع مع بعض،؟! خزامى وهي تضحك : يله مع السلامه بس انتبهي على السشوار لا يخرب منا وإلا منا ترى ماعاد يمديك تستشورين وهي تضحك هي واخواتها،؟ أشواق /اللي وقفت تناظر في اخواتها وهم يضحكون على كلام خزامى رجعت تناظر خزامى والله انك قليلة أدب ..وخرجت وهي باقي تسمع تعليقات اختها ،؟! وصلت باب الشارع وهي تشوفه واقف لابس ثوب ابيض وشماغ احمر وساعته وكبكه الذهبي دخل جواله في جيبه وهو يرحب بها هلا والله أشواق/هلا فيك ترى برجع البيت نسيت اغراض لي وبنتظر اخواتي .؟! محمد وهو يمسك يدها : ازين شي بتسوينه انش بترجعين حتى انا احتاج شي من البيت وهو يمسك يدها بتملك لين اجتازوا الحوش ودخلوا البيت وطلعوا قسمهم فوق ،؟! أشواق وهي تدخل غرفتها وتنزل عبايتها متعمده وهي تشوف محمد واقف يناظر لها بأعجاب ،؟! محمد/ يااحظي فيش ياأشواق وهو يمسكها ويقربها منه وهو يتأملها قال لها بهمس : الأسود لون فخم وزاد فخامه عليش !!ايش حكايتش مع الأسود انت ،؟! أشواق وهي تفك يدها منه وهي تشوف نظرات عيونه لها : احب الأسود لون فخام احبه مررة ،؟! محمد وهو يرجع يمسكها وانا احبش اكثر وهو يقرب منها ايش رايش نكنسل الزواج الليلة،! أشواق وهي تضحك لا والله لازم نحضر ونشارك بنت عمي وهي تفك يديه منه وتتحرك لتسريحة وتفتح شنطة ذهبها وتخرج هامتها الذهب وتجلس على كرسي التسريحة وتمد له بالهامه تعال لبسني بها وهي تناظر لصورته في المرايا،!! محمد وهو يتحرك لين صار وراها وهو يمسك الهامه ويحطها على شعرها ويقول : أشواق ترى كل الحركات اللي تسوينها بطلعها من عيونش اخر الليل وهو يضحك ،؟! |
رد: رواية جنوبية برت حالي ولا أدري وين ديرتها البار 127 في زواج أميرة وفي غرفة أميرة وهي تحاول ماتبكي وبقهر : ليش ماراح ينزف على كيفه يرفض كان موافق على الزفه طيب ،؟؟ فارس بقهر على أخته وهو يمسكها: لا تخربين مكياجش علشان فهد مايستاهل وجه الفيش وازين انه ماراح يدخل كنت شايل هم انه يخرب طلتش الجميلة وهو جنبش.؟ أحمد بحكمة وهو يمسك أميرة : ياحبيبتي فهد ماعنده مانع ينزف بس أمه حلفت عليه ماينزف تقول خايفه عليه من العين الناس ماتعطي خير ،؟! فارس/الله اكبر من الزين اللي مبتلي ولدها مين بيحسد ولدها ووجهه كأنه اصبعي ذا من صغره ،؟حتى النظارة لحد ذحين محتار كيف يلبسها،؟! عبدالله هو ينفرط ويضحك على فاارس : معوضه خير ياحبيبت اخوها حنا راح نزفش حتى محمد وناظر في محمد اللي واقف وساكت .؟ أميرة رفعت عيونها لمحمد اللي ابتسم لها من قلب وهو يتذكر وصايا اشواق لما قالت اختك أميرة في ذمتك تراها انت عزوتها وسندها اذا شافك فهد زوجها انك تحبها وتعزها راح يعزها هو ..قرب منها وهو يقول : كلنا معااش راح نزفش وفهد هو الخسران فاته شرف انه يزف بنت الشيوخ ،؟! فارساللي ضحك وهو يقول : ايوه ينصر دينك ياشيخ ..وابشري ب احلا زفه وان بغيتي ادبك لش دبكت ..وان بغيتي مصري هزيت لش ..وانت بغيتي دحه دحيت لش ..وان بغيتي جنوبي ابشري به وان بغيتي اشيلش ابشري كم عندي أميرة.،؟! علي وهو يدخل على كلام فارس وهو يضحك وان بغيت امردغك الليلة هنا مردغتك ماعندي مانع ،! فارس وهو يضحك وحب يغير السالفة : يبه طلبتك ذا الليل ان تقول تم .؟! علي بحب وهو يناظر أميرة : الليلة ماراح ارفض اي طلب لأحد لانها ليلة أميرة ،،! فارس بفرح جعلك تسلم لنا فديتك : طلبي ان أميرة ماتخرج عند فهد لين ينفقع قلبه وينتظر لين ينفخه البرد برا ..تكفى يا يبه مثل ماكسر خاطر أميرة.؟ علي وهو منقهر من حركة فهد لأنه رفض الزفه : ابشر والله مااردك .. وهويحضن أميرة بس اهم شي القمر ذي تكون مواقفه .؟! أميرة وهي تناظر فارس اللي جلس عند رجولها بحركة كوميديه : تكفين يالعزوه ماتردين اخوش،؟ أميرة: والله ماارد لك طلب يا فاارس ،؟! فارس وهو يوقف ويقول ثلاث دقايق وراح تشتغل الزفه والله ان تجيش زفه ماقد صارت في الجنوب كلها ..(أميرة يزفونها خمس شيوخ ..؟!) ظ ظ في صالة النساء خزامى اللي تجلس بتعب : اااه ياظهري احسه بينكسر،! أشواق وهي تناظر اختها : تستاهلين اقولش اهجدي من الرقص الزايد وانتي حامل .؟! خزامى/يختي احب الرقص وبعدين مقهورة محد يرقص لبنت عمي حتى اخوات زوجها كأنهم ضيوف وجع يوجعهم ،؟ ندى/اقول عن خبالش ياويلش باقي ترقصين والله ماغير اتصل بفارس واعلمه شوفي انا واشواق رقصنا شوي وجلسنا ،؟ شافت الأنوار وهي تتطفى في القاعة وتسمع الزفة قالت بحمااس الزفة ذحين رجالنا بيدخلون مع أميرة زوجها الدب رفض ينزف أمه حلفت عليه،!! أشواق وهي تحط شيلتها على شعرها هي وندى وخزامى ويناظرون في المدخل ،؟! وبداية الزفة كانت عبارة عن ابيات قصيدة بعنوان عزوة أخوانها ---------- تقدمت أميرة وهي ترفع راسها بشموخ ابوها عن يمينها ومحمد عن يسارها وأحمد وعبدالله واقفين في جنب وفااارس اللي قدامها تمشي بثقل على نغمات الزفة لين وصلت الكوشة وبدأت المطربة الدق بأهازيج مدح في العروس وابوها واخوانها ،..وكان فارس اول من وقف وهو يلعب بكل مهارة مع أمه وجدته ونزل معه عبدالله اللي كان يجاريه في لعبه ويرفع عقااله ويحطه على راس أمه وهو يحضنها ،؟ خزامى وهي توقف وتحط يدها على قلبها : يمه يمه اخواتي تشوفون فارس كيف يلعب بسم الله عليه يجنن الله يحفظه استودعت الله فيه المجنون .،! أشواق اللي كانت عيونها كلها صوب محمد اللي يضحك بثقل ورزانه مع أميرة ..ركزت بنظرتها على أميرة فعلآ فيها شبه منها هي واخواتها خاصة خزامى تشبه لها كثير في الملامح قريب منهم وبحق أميرة جميلة ماشاء الله .؟! شافت عمها يخرج ومعه عياله نزلت طرحتها وهي تسمع جوالها يدق وعرفت المتصل بدون ماتشوف/ طلعت الجوال من الشنطة وماترك لها فرصة اشواق معش 10دقايق تسلمين على أميرة وتاخذين اغراضش وتطلعين انا في السيارة الليلة حاجز لنا في فندق وقفل ،؟! تنهدت وهي تحمد الله على وجود محمد نزلت الجوال وهي تاخذ هدية أميرة وتروح تسلم عليها هي واخواتها ،،!! ! بعد يومين عائشة / بحب وهي تحاول تجاهد عبرتها ماتطلع وهي تشوف بناتها حوالها شهر وثلاث اسابيع وهم بعيد عن عيونها ولكنهم في قلبها وعقلها ماغابوا عنها لحظه .؟ كل وحدة فيهم كانت تتصل في اليوم اكثر من خمس مرات تتطمن عليها ..ويسألون عن ادق تفاصيل يومها ..حتى ليلة زواجهم ماانشغلوا عنها ابد كل وحدة فيهم كانت تكلمها وتوصف لها شكلها وفستانها وتسمع زفتها ..و في شهر العسل كانوا على تواصل معها ..وقالوا لها راح نجيك قريب ورفضت وحلفت عليهم مايجونها إلا عقب شهر .. |
رد: رواية جنوبية برت حالي ولا أدري وين ديرتها البارت 128 واليوم هذا هم حولها ومعهم جدتهم هيلة اللي افرحتني بجيتها كثير .؟! ناظرت في ريم اللي تغيرت وزاد وزنها وزاد حلاها اكثر عن قبل ..قربت منها ريم وهي تمشط شعرها : يمه قربي راسش هنا علشان مااوجعش يمه ،؟! عائشة وهي تمسك يد ريم وتهمس لها : ليش ماقد حملتي.؟! ريم/مدري يمه وهي تناظر في أمها وعلي ترى مو مقصر مرة ورحت المستشفى الدكتورة تقول كل شي سليم ،؟! عائشة بخبرة في الحريم حطت يدها على صدر ريم بشويش وهي تقول والله انها تكذب صدرش مليان حليب وهذا هو اللي منعش من الحمل ..نزلت يدها وهي تضغط بيدها على اسفل بطن ريم ..رفعت عيونها لها وهي تهمس لها روحي بيتنا القديم اللي في السودة وراح تحصلي حبوب لقاح كثيرة خذي منها ومن العسل وهالشي تعرفين كيف اسويه ..وهمست لها بكلام كثير ..! ريم وهي تناظر في أمها مفجوعه : يمه مستحيل كذا اسوي مع زوجي والله مااقدر ،،! عائشة وهي تقبص ريم في يدها : ياخبله والله ان ماسويتي ان قلبي غضبان عليش لازم تسوين علشان تحملي بسرعة ريم وهي تفرك يدها مكان قرصة امها : ااح يمه طيب طيب خلاص الله يعينني بس.،! أشواق/اللي قربت منهم وبحب : ها يمه ايش عندش مع ريم تهمسين لها وحنا لا .!! عائشة بحب : جعلني فداش اوصيها الخبلة ماعرفت تسنع عمرها .؟! خزامى اللي قربت منها ومعها الكحل الأثمد ::ها اسمع وصايا وانا يمه وصيني تراني باقي صغيرة وهي تضحك ..بعدي عني يااشواق خليني اكحل عيوني أمي جعلني فداها وهي تدنق وتقول يمه تراه كحل اثمد اصلي قريت عنه انه مفيد لعيونش قلبي معش مشغول يوم كلمتيني وقلتي ان عيونش تعورش .؟ عائشة بحب : جعلني فداش ياروح أمش وعقلها والله انش اغلى من روحي وزاد الغلا يوم بشرتيني انش حامل .. ندى اللي تحني رجول أمها ..افا يمه وانا وولدي مالنا غلا .،! عائشة/ إلا في ذمتي انش غالية واغلى من روحي انتي واللي في بطنش ..وختنقتها العبرة وهي تبكي والله انكم اغلى من روحي الله شاهد .؟ هيلة بتأثر من الموقف وبطبعها الحنون قربت منها وهي تمسك يدها : هوني على روحش ياعائشة والله انهم بخير ولا عليهم خلاف ،! عائشة وهي تبكي : البنات في ذمتش يا أم احمد كلهم في ذمتش حتى ريم أمانه عندكم ،! هيلة بتأثر وهي تدنق وتبوس راسها : جعلش سالمة ياعايشة والبنات ماعليهم خلاف والله يبيض وجهش فيما سويتي مع البنات ربيتي وعلمتي وكل من شافهم وشاف اخلاقهم دعى لش وانا جيتش ذا اليوم اطلبش لا ترديني تجين معنا أبها ان بغيتي عند ريم وإلا عند أشواق وإلا عند ندى وإلا عند خزامى كلنا تحت أمرش وعين لش غطاء وعين لحاف او ترجعين بيتش في السودة وكل وحدة تجيش يوم وليلة .،! وان بغيتي عندي انا ياسعد قلبي وانا بخدمش وارد لش جميل في بطني ،؟! عائشة/جعلش سالمة وجعلهم يسلمون البنات وانا علي محلوف ماعاد اخرج من هنا إلا على قبري ،؟! البنات كلهم يناظرون جدتهم هيلة بحب ومتفاجئين من كلامها ولا توقعوا انها تقول كذا ..قالت لهم بروح اسلم على امكم وبس.،! خزامى وهي تخرج جوالها اللي يدق وكان فارس ولا ردت عليه باقي زعلانه منه لانه رفض يجي معها البارح لما كلمته ويسلم على أمها.. وردها كان عليه براحتك ماراح اجبرك تروح لكن انسى ان عندك وحده اسمها خزامى .!هي تحبه صح بس تحب أمها اكثر ،،! رجعت الجوال وهي تشوف أشواق تعطر وتدهن شعر أمها الحمدلله امها تحسنت كثير .؟! أشواق وهي تسمع جوالها يدق توقعت انه محمد اللي جاء معهم وتعرف انه مجبور وقال لها بوديش لكن ماراح ادخل وحز في خاطرها وسكتت عنه بزعل وطوال الطريق يكلمها ولا ترد عليه قدام جدتي وخزامى اللي ركبت معي ،؟! اخذت جوالها وهي تشوف ان فارس المتصل عرفت ان خزامى ماردت عليه فتحت الخط : هلا فاارس ارحب ،،! فارس وهو مستحي من اشواق : الله يحييك كيفش والمعذرة على الأزعاج بس خزامى ماترد على جوالها؟ أشواق وهي تناظر خزامى اللي مدنقه على يدين أمها وتقص اظافرها وتدهن يديها بعد ماغسلت الحنا ريم..الحمدلله بخير ماعليها وهي تتحرك وتحط الجوال على أذن خزامى وتسحبها توقف وتقول لها بشويش اطلعي تفاهمي مع زوجش برا قبل أمي تعرف وتعصب خزامى اخذت الجوال وهي تخرج من الغرفة وترد : نعم .،! فارس اللي خرج من عند اخوانه وابوه لأنه لحقهم نجران ولا قدر يصبر لانها قالت له انت ترفض تجي وتسلم على أمي وانا متحمله أمك علشان كذا انسى وحده اسمها خزامى ..ومجنونه تسويها والله وهو مايصبر عنها الله بلاه بحبها ..تحنحن وهو يسمع همسها الغاضب بنعم ..افا نعم جافه كذا وين لبيه وحياتي وعمري وينها ..! |
رد: رواية جنوبية برت حالي ولا أدري وين ديرتها البارت 129 خزامى بضيق منه : خير ياافارس ايش تبغى متصل لا تشغلني عن أمي ابغى اجلس معها اكثر الوقت.؟! فارس وعرف انها جادة في زعلها قال : الخير بوجهش ابغى تشوفين لي طريق اجي اسلم على أمش،،! خزامى وهي مو مصدقة انه جاء حست روحها بتطلع من الفرحه كانت بين نارين..وبهمس علشان تتأكد : فارس جد وينك ذحين ،! فارس /والله العظيم اني ذحين في الحوش حق أمش لحقتكم على طول ماصبرت عنش وهو يضحك عجلي علي شمس نجران احرقت وجهي ،؟؟ خزامى/ طيب تعال المدخل علشان اكلم البنات يخرجون .،!ودخلت عند اخواتها وقالت تعالوا الغرفة الثانية علشان فارس بيدخل يسلم على أمي ،؟! هيلة بخوف : يالله انك ترزق فارس بعقل رجع لحقنا رجلش لوحده اكيد انه مسرع يارب من فارس وخباله.؟ فارس اللي واقف عند المدخل وينتظر خزامى شااف الباب يفتح ويشوفها تتحرك قدامه بسرعة : افا تعالي باقي زعلانه لحقها وهو يمسكها بقوة على الجدار والله زعلانه حبيبتي وهو يمسك وجها خزامى خلاص عاد شوفيني جيت وخاطرت بنفسي تخيلي اني ماسح الطبلون و مسرع ،! خزامى وهي تناظر فيه : وفرحان انك مسرع تبغى تموتني انت ،! فارس وهو يتلفت يشوف اذا احد موجود قرب منها وهو يبوس عيونها بحب : ياجعلني فدوه للي تخاف على زوجها ..ورجع دنق وهو يبوس بطنها و فديت ولدي وأمها وهو يمسك يدها يله خلينا نسلم على أمش واللي تأمرين به انا تحت أمرش .؟! تحرك معها ودخلوا الغرفة وشاف جدته هيلة وسلم عليها وهي تهاوشه ليش يخاطر بنفسه.؟! ابتعد عنها وهو يتحرك عند عائشة العجوز اللي ماعمره فكر انه يشوفها باقي ماخذ منها موقف...قرب منها وهو يشوفها تبتسم له حط طرف شماغه على راسها وهو يبوس راسها ::كيفش يمه طيبة بشريني عنش اربش بخير ،؟ عائشة وبقلبها تذكر الله على فارس بسم الله وماشاء الله زين وطول مناسب لبنتها مررة وبصوت متعب : الحمدلله كيفك انت طيب وكيف خزامى معك اربها متجمله معك وهي تمسك يد خزامى اذا ماهي متجمله معك قول لي علشان اهبدها بالعصا ذي علشان تتسنع .؟! فارس وهو يناظر خزامى ويرقص حواجبه ويضحك قال لها : ترى كلمة مني تضيع مستقبلش ..قال لا خزامى ماتقصر فديتها وابشرش تراها تحبني وتموت فيني وهو يضحك لما سمع شهقه منها ،؟! عائشة وهي تشد على يد خزامى : انتبه لها يافارس تراها امانه في رقبتك خاصة ذحين وهي حامل وتعبانه لا تقصر معها ،؟! فارس وهو يناظر خزامى بحب : مايحتاج يمه توصيني على خزامى خلقه من ربي احبها والله انها في عيوني وقبل يكمل سمع جدته هيلة خلاص يافارس اخرج اخوانك بيجون يله الله يستر عليك ..عرفت لو طول اكثر بيجيب العيد،؟! ! أحمد/ وهو جالس مع ابوه ومحمد في مجلس عائشة وبأنصاف : ياجماعة صلوا على النبي لازم تدخلون تسلمون ايش بينقص منكم اذا دخلتوا ..انت يبه اجبر خاطر ريم وانت يامحمد اجبر خاطر أشواق ..مالكم حق والله تجون الى بيتها وتكرمنا بذبيحة ومتكلفة فينا ولا تدخلون تسلمون عليها .. وهو يوقف انا طلبتكم تدخلون وهو يشوف فارس يدخل عليهم ..شوفوا فارس لما حس ان زوجته زعلت تراجع وجاء من أبها خلاص انسوا الماضي والحمدلله اذا كانت عائشة غطانه في اشياء كثيرة ..بس انها تجملت وماقصرت في بنات عمي كلهم والطيب والجود اللي نشوفه منهم تراه من طيب وتربية وجود عائشة ..ووقف وهو يخرج وصل للمدخل وهو يشوف ندى واقفه تتنظره ابتسم لها من شاافها ومسك يدها ورفعها وهو يبوسها سمعها تقول لا ياأحمد ريحة يدي حناء.،! أحمد بحب وهو يرجع يبوس يدها مرة ثانية : احبش في كل حالاتش واحب ريحتش مهما كانت وهو يدنق ويبوس بطنها واحب النتفه اللي هنا ..ووقف وهو يقول يله ندخل نسلم على أمش دخلوا وهو يقول بصوت هادي ورزين السلام عليكم ويبتسم لجدته هيلة .. تحرك وهو يقرب من عائشة ويحط طرف شماغه على راسها ويبوس راسها : كيفش يمه بشريني عنش اربش بخير .،! عائشة بحب لأحمد : بخير جعلك تسلم طيبه ماعلي وزاد الطيب فيني لما بشرتني ندى انها حامل هب شانك بها واهتم لها تراها اضعف اخواتها ولا تاخذ حقها إلا من عيونها ،! أحمد وهو يناظر ندى اللي تمسك يد أمها حس ان كلام عائشة عور قلبه صادقة ان ندى ضعيفة مرة وتكتم ..قال بحب ندى في عيوني يمه مااقصر عليها.؟! تحرك وهو يخرج ويقول لندى شوفي لي طريق بطلع ،! ! أشواق وهي تكلم محمد : طيب خلاص وينك ذحين اذا شفت احمد جاكم تعال انت وعمي .؟ وقفلت وهي تناظر ريم ترى محمد بيدخل ومعه عمي يسلمون على أمي ،! ريم بضيق : اخيرآ هو وابوه وافقوا من البارح انا وعلي مشاكل علشان رافض يدخل يسلم على أمي .؟ |
رد: رواية جنوبية برت حالي ولا أدري وين ديرتها البارت 130 أشواق وهي توقف : حتى انا نفس الوضع والله انقهرت منه الله يصلحه محمد وهي تخرج ،؟! محمد دخل مع ابوه وابتسم من شاف أشواق اللي مكشرة على غير عادتها وعرف انها زعلانة علشان رفض يدخل يسلم على أمها ومن البارح انها متضايقة بس ماوضحت له لما قال لها ماراح ادخل قالت له خلاص براحتك وتعاملت معه عادي ولا احرمته من نفسها ونفس كل ليلة قبل تنام سألته وقالت محمد تبغى مني شي تعامله بكل رقي ولطف وصار مايستغني عنها صارت مثل الأكسجين بالنسبة له ..قرب منها وهو يمسك يدها بتملك ويميل لها وهو يهمس لها مو لايق عليش التكشير كل شي فيني فاقد بسمتش وانا فقدش.؟! ناظرت فيه بدون ماترد ..جبر نفسه وهو يدنق عند عايشة حتى بدون مايناظر فيه وهو يقول : كيفش ياأم اشواق بشريني عنش .؟! عائشة وهي تناظر لمحمد ولحدة ملامحه وعرفت انه جاء مجبور من اشواق ..قالت طيبة دام اني اشوف اشواق بخير هي واخواتها وتراها في ذمتك اشواق ذهب ..!حافظ عليه .؟! محمد بضيق وكره لها مسك نفسه غصب علشان مايقول مااحتاج وصااه منش ..بس تراجع علشان أشواق لف يناظر لأشواق وهو يقول : في عيوني ماراح اقصر عليها .؟! علي وهو يناظر لعائشة اللي تكلم ولده ماقدر يتقبلها مرة كأنها فوق راسه بس علشان ريم قرب منها وهو يقول بجفاء : كيفش اربش طيبة ،؟! عائشة وهي تناظر في علي اللي نسخه من اخوه احمد بس هو ابيض من أحمد شوي وزاد بيااض ذحين اللي يشوفه يقول صغير ..قالت : الحمدلله بخير جعلك تسلم ريم في ذمتك ياعلي تراها أمانه في رقبتك تراها مقطوعه ماعندها أحد بعد ربي إلا انت .. علي تأثر من وصيتها على ريم خاصة لما قالت ماعندها أحد إلا انت ..ناظر ريم اللي ساكته وتناظر في أمها ماتدري هي وامها انها ماخذه كل حياته وقلبه وهو وعد نفسه انه مايخليها مهما كاان ..رد وهو يقول : مايحتاج توصيني على ريم في عيوني ،؟ ناظر في محمد واشواق وهو يقول : يله نمشي قبل الليل ..! اشواق وريم اللي قربوا من امهم الليلة بنام الليلة عند أمي ،،! عائشة بغضب وهي تنفض يدين بناتها من يدها : يله توكلوا على الله كل وحده مع رجلها والله ماتنام عندي وحده منكم يله ...؟! . . بعد ثلاث أسابيع الجد محمد بغضب يشعل كامل جسدة حاول يتماسك بس عجز كل ماتذكر كلام ندى وهي تشتكي لأختها ،.! وبصراخ هز قلوب الموجوين برعب من غضبه : بنت احمد يوميآ تبات مضيومه ودموعها ماتجف وهو يضرب صدره بنت ولدي تبكي كل ليل وانا ولا ادري ..وبأنفعال أحمد انت رجال وإلا رخمة اعطيتك بنت ولدي مثل الغزال وذحين شوف حالها كيف تبدل وكل مااسأل ندى ايش فيش تشتكين من شي تقول لا ياجد علشان الوحام واثاريها امك لا بارك الله فيك ولا فيها موريتها الويل وتخرج حرة ريم اللي مااعطتها فرصة في الضعيفة ندى ..يااحر وجع قلبي يومني ابات كل ليلة وانا متكل على بنات ولدي انهم حولي وبخير ..واثاري بنت ولدي تاخذ حقها من عيونها .. وقف بغضب وهو يناظر في ولده علي وفي عياله وبنات ولده اللي كل وحده واقفه لابسه عبايتها وقريب من زوجها واخيرآ جت عيونه على جميلة وبصرخ هز الموجودين ..؟ جميلة اكتفي شري احسن لش والله لو ماهو شرهه ومنقود علي ان يخرج مني محلوف ذحين ماعاد تمسين ليلة على ذمة علي واتوقع انش منتي جاهله بي اذا قلت كلمة ماارجع عنها ،؟ علي المصدوم وهو يناظر فيهم ولا فهم بشكل كامل : يبه صل على النبي فهمني ايش صاار.؟ الجد محمد بغضب وهو يحذف ولده بالسبحة على صدرة بقوة ::من حقك ماتفهم شي ولا تعرف ايش يصير في بيتك كل ليلة متوسد لي وحدة من حريمك وناسي بنت اخوك اللي معك في نفس البيت وتبكي دم من زوجتك لا بارك الله فيك ولا فيها ولا في ولدك هذا الرخمة اللي مايستاهل ندى ..وبعبرة خنقته وهو يضرب صدرة بقهر ااااه يا قهرك يامحمد كيف اقابل ولدي وانا متحمل امانته ولا راعيتها زين .. وبصراخ /احمد عطيتك ندى اللي عقلها يوزنك ويوزن امك جميلة ويوزن سابع جد لها عطيتك ندى بنت شيوخ عطيتك بنت كلن من شافها تمناها حليلة له وفي النهاية امك تقهرها يوميآ وتهددها انها بتزوجك حتى داخل جناحها ماتقدر تاخذ حريتها لازم الباب مقفول بالمفتاح علشان تخاف أمك تدخل عليها فجأه لغرفة نومها حتى خصوصية بنت ولدي ماعندها ولا اعرف إلا قبل شوي مريت عند غرفة الجلوس واسمعها تشكي لأخواتها وتبكي مقهوره منك وانت ساكت لأنك الأبن البار ،؟ ندى اللي ترجف وندمانه انها تكلمت وسمعها جدها بس ماعاد قدرت تتحمل والوحم زاد عليها ..قربت من جدها وهي تقول ::جد ماصار شي انا مع الوحم صرت حساسة |
رد: رواية جنوبية برت حالي ولا أدري وين ديرتها البارت 131 الجد محمد هو يحضنها لصدره بقوة : إلا صار ياندى وصار محد حاس فيش وعلشان كذا تقعدين عندي هنا وماعاد لش رجعه مع أحمد ولد أمه خلي أمه تشبع به وتزوجه وحده نفس طبعها واذا ولدتي اعطيه ولده ..وانتِ والله ان يطلقش وازوجش شيخ يستاهلش .!وهو شاهد على الزواج غصبن عنه وعن ابوه الرخمه،! أحمد بعجز قرب من جده وهو يرمي عليه شماغه مستحيل يفرط في ندى : جد تكفى إلا حرمتي وولدي لا تحرمني منهم وابشر بشي يرضي ندى ويرضيك تكفى.! الجد محمد وهو يرمي شماغه في وجهه : قم انقلع عني مالك كرامه عندي لانك مااكرمت زوجتك يله انقلع .؟! محمد بقهر على احمد : ياجد صل على النبي قبل يكمل سكته صوت جده ..الف صلاه عليه وانقلع انت مالك كلام علي ..وانتِ يقصد اشواق وانتِ يقصد خزامى كلكم تجون عندي هنا اكيد حتى انتوا صابرين على عيال علي وساكتين علشان ماتغثون خااطري .؟ فارس بشهقه وهو يمسك يد خزامى ::جد معليش ايش دخلني انا وزوجتي ..ليش مسوي تحديد الكل ماراح اخلي زوجتي.؟ الجد محمد بغضب: اص ولا كلمة انت الثاني وهو يأشر بيده لأشواق وخزامى تعالوا بسرعة خذوا اختكم وادخلوا داخل يله .. وانتِ يقصد جميلة يله خذي عيالش واشبعي بهم .؟ وتحرك داخل غرفته وهو يسمع هيلة تعترض : محمد صل على النبي واترك عنك بعض الشور اللي على غير سنع ..مارد عليها وهو يدخل غرفته ويقفل الباب،،! علي وهو يمسك جميلة بغضب ساحبها لين اخرجها ووصلوا الحوش وهو يهزها وبغضب جميلة ::كل شي ممكن اني اتجاهله إلا بنات احمد الف خط أحمر ..مسك كتفها بقوة وهو يغرز اظافر يده في لحمها وسحبها لين دخلها بيتها وهو يرميها بقوة على الكنب : والله انش مجنونة والله انش مريضة نفسيآ جميلة بقهر وهي تمسك كتفها بوجع : طلقني وارتاح منك ،؟ علي وهو يقرب منها : طااااااااااااااااااااالق ياجميلة ،؟ عبدالله اللي كان واقف وهو يصرخ لما سمع ابوه ..لااااااا يبه تكفى ،؟! ظ ظ فارس وهو يناظر في اخوانه اللي ساكتين : ايش الحل ذحين مع جدي وقراراته اللي مدري كيف جايه من جده ذحين يمنع زوجاتنا عنا .؟! محمد هو يناظر احمداللي سااكت : عاد انت تعرف جدي وكلمته اذا قالها خلاص،! فارس بعصبية : والله جدي كلامه ماهو قرأن علشان مايتغير والله مااسكت وزوجتي ذا الليل باخذها وهو يناظر جدته هيلة اللي ساكته قرب منها وهو يمسك يدها : جده تكفين امنعينا من جدي هيلة/جدك خرف على تالي عمره ..لا تسمعون له كل واحد فيكم ينادي زوجته وياخذها وكلكم في وجهي ،؟! فارس بفرحة : ياجعلني فداش ياجده ،؟ هيلة وهي تناظر في أحمد : وانت ياحبيبي خذ زوجتك واستأجر لك فندق لين وقت دوامك وجيبها عندي .؟ أحمد وهو يشوف اخوانه كل واحد يتصل .. اخرج جواله وهو يتصل على ندى .! سمع صوتها بفرحه تقول : هلا أحمد ؟! تحرك مبتعد عن جدته وهو يقول : هلا فيش ياروح أحمد ابشرش جانا افراج على كفالة جدتي تجهزي وانا بروح اجيب لش اغراض من البيت وبناخذ لنا فندق ..وقفل ،؟! ظ ظ اليوم الثاني / أميرة بطفش من تزوجت وهي ماسافرت مكان فهد ماعنده إيجازة لانه يشتغل في مستشفى خاص .. يادوب طلعت كذا مطعم وغصب كل مرة فهد يعتذر انه مشغول ويرجع من الدوام تعبااان ..وهي طفشت من الوضع هذا ..ليتها ماتزوجت على الأقل هناك اخوانها وامها وابوها مايرفضون لها طلب .. حتى فارس اشتااقت لهوشاتهم مع بعض هنا زوجة خالها شديدة وبناتها اخس منها حتى اذا نزلت تسولف معهم يسكتون ،؟ وقفت وهي تاخذ جوالها وتقرر تنزل لهم طفشت لوحدها ..من الظهر وهي صاحيه ولا تدري ايش تسوي ،؟! خرجت من جناحها الصغير وهي تنزل من الدرج وهي تسمع ضحكهم وسوالفهم : السلام عليكم وهي تناظر فيهم .؟! وكالعادة كل وحدة اشغلت نفسها بجوالها ام فهد/اخيرآ نزلتي ياأميرة ولا كأنش متزوجه مررة ..خلاص انسي ايام الدلع والعزوبية عند اهلش ..من الصباح وانا اتصل عليش ولا تردين ،! أميرة وهي تناظر فيها : وليش اقوم طيب،! أم فهد/تقومين تشتغلين تساعديني انا والبنات يله قومي على المطبخ دورش اليوم وهي تأشر على المطبخ المفتوح على الصالة ،! أميرة اللي رفعت عيونها وهي تناظر المطبخ المعفوس فوق تحت وكله اواني .. رجعت تناظر أم زوجها قالت : والله مااغسل وانا مااستخدمتها ولا تغديت ولا شي اللي تغدا يقوم ينظف ..وهي ترجع تصعد الدرج متوجهه لجناحها.؟ أم فهد/بغضب والله ماغير تغسلين ماهو على كيفش ذحين يجي فهد ويجرش غصب. أميرة بقهر : والله مايقدر ..اقول روحي بس وهي تدخل جناحها بقهرر.؟! |
رد: رواية جنوبية برت حالي ولا أدري وين ديرتها البارت 132 ايش الحياة ذي ام فهد متسلطه عليه مايقدر يشتري لو علبة مويه إلا بعد مايقول لها ..جلست بقهر على السرير ثواني إلا باب الجناح يفتح وفهد يدخل وهو لابس لبس التمريض ناظر لها بغضب : أميرة ليش طولة اللسان على أمي وهو يمسك يدها علشان توقف وثاني مرة اذا قالت لش كلمة تسمعينها وإلا ماراح يحصل لش طيب وذحين يله قدامي خلصي شغلش تحت ترى مو فاضي لدلعش اجي من الدوام تعبان لمشاكلش ،؟! أميرة وهي تناظر له بغضب وتفك يده : والله ماانزل ولا اطب المطبخ ..امك واخواتك متغدين هم اللي يغسلون الأواني هذا اللي ناقص اكون شغاله عندهم ،! وامك ماصدقت على الله تجي وتعبي راسك علي الظالمه حسبي الله ونعم الوكيل،! فهد وهو يصكها كف قوي على وجها تتحسبين على أمي ،! أميرة وهي تنهار وتبكي من الفجعه هي تنضرب عمرها كله محد ضربها جلست على السرير وهي تبكي ،! فهد بندم وهو يرجع يمسك يدها : أميرة حبيبتي اسف والله بس انا تعبان من الدوام ومضغوط من كل شي ،؟! أميرة وهي محتارة ايش تسوي مستحيل باقي تسكت له ..نزلت يده اللي ماسكها وجها : فهد اطلع برا لو سمحت .،! فهد وهو يوقف : طيب اهدي ذحين وابشري بكل شي تطلبينه ..شوي وبرجع لش ،؟! أميرة ؛وهي تناظر له وهو يخرج ويقفل الباب تحس وجها مثل النار كله من قوة الكف .! اخرجت جوالها وهي تتصل وتحاول ماتبكي ظ ظ محمد اللي واقف مع اشواق وهي ترتب شنطته وشنطتها علشان بيروحون عند أمه .؟! البارح جده بغى يجلطه لما قال له ولأخوانه بنات ولدي عندي وانتوا انقلعوا ،،! وجدته هيلة ماقصرت معهم قالت كل واحد ياخذ زوجته ويروح وانتوا في وجهي جدكم خرف على تالي عمره ،! مسك أشواق وهو يناظر في وجها راح اشتااق لش ..كيف بصبر عنش اسبوع . أشواق/يااعمري وانا اكثر استودعتك الله ! محمد وهو يخرج جواله اللي يرن وشاف المتصل أميرة استغرب فك أشواق وهو يفتح الخط هلا أميرة ،! أميرة وهي تبكي : محمد تكفى افزع لي فهد ضربني يامحمد امه محرشته علي.؟! محمد بصراخ : ايش ضربش ووينش ذحين أميرة وهي تبكي : في بيتي ،؟! محمد /خليش على الخط بجي ذحين والله يادموعش لتخرج دم من فهد الكلب ،! أشواق وهي تمسك محمد لأنه قدرت تفهم السالفة ..والله ماتروح وهي تدفه وتقفل الباب تعرف زوجها والله ليقتل فهد ..إذا عصب يتحول وحش ،؟ محمد بغضب وهو يمسكها : اشواق بعدي عن الباب ..اختي تنضرب وانا هنا ،! أشواق وهي تحضن وجهه : محمد حبيبي صل على النبي..بتروح تضرب الولد في بيتهم وإلا بتاخذ اختك من عند زوجها والله ان يلحقك حق ومنقود من الناس ،؟! محمد وهو يناظر اشواق اجل تبغين اجلس أشواق/تعوذ من الشيطان وارجع اتصل عليها وخل زوجها هو يجيبها وبعدين تحلون الموضوع بالتفاهم بينكم ،؟! محمد رفع جواله وهو يشوف ان أميرة باقي معه في الخط..قال أميرة ذحين تقولين للكلب فهد يجيبش عندنا قولي له بروح اغير جو عند اهلي واذا جاء هنا والله ان يشوف شي ماقد شافه ..وقفل الجوال وهو يحس اشواق ترجع تمسكه : محمد بلاجنون وين تبغى ماراح اخليك تخرج اتصل في جدي وعمي واخوانك احسن .! محمد وهو يعصب ويدفها : اشواق بعدي عني وهو ينزل الدرج بسررعة ،؟ أشواق تعرف ان محمد خلاص وصل اقصااه من العصبية اخذت جوالها وهي تتصل على عمها اكثر من مرة ولا يرد .،؟ واتصلت على عيال عمها ومحد يرد .؟ إلا فارس رد /هلا اشواق ،! أشواق/بسرعة هلا فارس تكفى اميرة متهاوشه مع زوجها وشكله ضربها واتصلت على محمد تبكي وزوجها ذحين بيجيبها هنا وانت تعرف محمد اذا عصب اخاف يسوي في فهد شي تكفى بسرعة،؟ فارس بغضب : الكلب يضرب اختي والله مااخليه وهو يقفل الجوال ،؟! أشواق يااربي حتى فارس طلع نفس اخوه ..وهي تتحرك تفتح الستارة وتشوف زوجها واقف يدور في المكان بغضب وهي ترجع تتصل على عمها وعياله اللي محد فيهم رد ،!! ظ ظ محمد اللي واقف كأنه على نار تحرك مبتعد عن الحوش ويرجع مكان يحس نار في عرقه فهد الكلب يضربه اخته .. شاف سيارته ورجع يدخل الحوش ..وشاف سيارته تدخل بعده ..وهو يشوف فاارس جاي.. ولا كان يتمنى احد من اخوانه يكون موجود .. تحرك لسيارة فهد اللي نزل من شاافه وهو يقول ::محمد تعوذ من الشيطان خلنا نتفاهم .! وماترك له فرصة وهو يمسك يده ويعصرها بقوة لين سمع صوت طقطقه في يده .. وماعاد حس بنفسه كان كل همه ينتصر لأميرة وهو يتذكر صوتها وهي تطلبه يفزع لها ..شاف فارس يثبت فهد من بطنه بقوة وهو استغل الوضع وهو يضربه حس في اخوانه وابوه يدخلون بينهم وجده اللي يصارخ ويهاوش علشانه هو وفارس يفكون فهد اللي كان يقاومهم بقوة .؟! |
رد: رواية جنوبية برت حالي ولا أدري وين ديرتها البارت 133 مسك خشمه وهو يحس الدم ينزل منه بعد ضربه من فهد ،؟ تحرك مبتعد عنهم وهو يشوف ابو فهد نازل من السيارة .؟! دخل البيت وهو يتوجه لغرفة النوم شاف أشواق قدامه وهو تحط يدها على وجها : والله منت صاحي محمد غلط والله تنزل تضرب الولد حرام عليك .؟ محمد وهو يمسح خشمه ::اشواق تكفين خلاص اسكتي عني ..وتجهزي شوي وبنروح عند أمي.! ظ ظ في المجلس اللي يضم علي وابوه وابو فهد و علي الجد .؟! الجد علي/ يامحمد حنا جينا نطيب الخواطر ووالله مااعجبني اللي صار .؟ لا من فهد ولدنا ولا من محمد ولدكم .؟ وفهد غلطان غلط كبير واعرف والله.،؟ ذحين ايش هو طلبكم وحنا حاضرين ،! الجد محمد بغضب : والله ياعلي مااتوقع شي يطيب خواطرنا على فهد وهو ضارب أميرة وهي باقي عروس وبدون سبب،! ابوفهد/ يأبو أحمد والشيطان يجري من الإنسان مجرى الدم ومحد معصوم من الغلط ؟! ذحين تشوف ايش في خاطر أميرة وتبشر به،! محمد وهو يدخل و كان عند أميرة وعرف كل شي : طلبنا ياأبو فهد بيت شرعي مستقل لأميرة بعيد عن زوجتك ..وخمسين الف ريال بدال ماضربها ولدك بدون سبب ولا تخرج معه إلا بعد ماينفذ شروطها ،؟! ابوفهد بعجز وهو يناظر في علي وابوه : ياجماعة مايصير كذا نبغى شي معقول ،! الجد محمد وهو يناظر فهد : ماعاد عندنا كلام عقب كلام اخوها حنا قدرنا ان ولدك متوظف في مستشفى خاص وقلنا مايقدر على بيت ويسكن مع اهله لكن شفنا من ولدكم شي كدر خواطرنا ،! ظ ظ فوزية/ وهي ترجع تبخر اكثر من مرة اتصل عليها ولدها محمد وقال بجي انا وزوجتي انتظرينا على الغدا وماخلت شي إلا سوته ..أشواق من شافتها حبتها كثير وصارت تشتاق لها الأيام اللي جلستها عندها كان من الأجمل الأيام اللي مرت عليها .؟! سمعت صوت السيارة اللي تدخل الحوش وقفت عند الباب وهي تشوف ولدها وزوجته وبحب : مرحبآ مرحبآ الف ولا تسد الله يحييكم،؟ تقدمت لهم وهي تحضن ولدها بحب : فديت ذا الوجه والله اني فقدتكم الله يشهد .؟! فكت ولدها وهي تحضن أشواق بحب يالله حيها الغالية في ذمتي اني فقدتش فكتها وهي تمسك يدها تفضلوا الله يحييكم كأنه اليوم عيد عندي اي والله اني صادقة،! محمد وهو يناظر أمه اللي ماسكه أشواق بحب وترحب دخلوا وهو يشوف جده يوقف ويرحب فيهم بفرحة اتصل عليه اكثر من مرة علشان يتأكد ان اشواق معي.؟! الجد جابر/وهو يسلم على محمد ورجع يسلم على اشواق : يامرحبا يامرحبا الله يحييش منه إلي عند وربي..والله اني فقدش ..وكل يوم اجلس في هذا المكان واتذكر كلامش علي وسوالفش الله يرزقش في هذا اليوم ..بشريني عنش وعن اخواتش اربهم بخير ..أمش كيفها طيبة .؟! أشواق بحب له : الله يسعدك ياجد ويرفع قدرك وانا فقدتك والله انت وعمتي ،! الجد جابر وهو يوقف ::هيا تعالي معي بوريش شين هنا ان شاء الله انو يعجبش.؟! أشواق وهي توقف معه وهي تضحك وتمسك يده الممدودة لها : ماتقصر ياجد مايجي منك إلا الزين،! محمد وهو يناظر فيهم : خارجين ..افا ياجد وانا ماتبغى اروح معكم ،! الجد جابر وهو خارج : ان بغيت تجي تدل المكان؟ محمد/وهو يوقف ويلحقهم ويمسك يد اشواق الثانية : افا ياجد ماكأنك جحدني من شفت اشواق.! الجد جابر/الله اكبر ياسماجه فيك ياذا الولد ،! أشواق وهي تضحك على شكل زوجها : تستاهل جدي مسخرك ،؟! محمد وهو يشد على يدها : طيب راح اطلع الكلام هذا من عيونش بعدين ،! الجد جابر اللي وقف وهو يسمع كلام محمد : ايش تهددها عندي ..هيا والله ان جيتها او شكت منك والله ما اهبدك إلا بالعصا ذي لين تزكي بعقلك فك يدها اشوف ،؟ محمد اللي وقف وهو يناظر جده : جد من جدك ذحين اشبك علي ،! الجد جابر وهو يقرب من غرفة محمد واشواق ويخرج المفتاح من جيبه : اسكت عني وبس .؟ وهو يفتح باب الغرفة ويدخل ويقول : بسم الله الرحمن الرحيم هيا هذي غرفة نوم لش يابنت أحمد من عندي انا وعمتش فوزية ..وكنا محتارين نشتري لش شي مايعجبش ..لكن رحت عند صاحب المحل وقلت له ابغى غرفة نوم جديدة اللي جتكم الشهر هذا ،؟! اشواق اللي دخلت الغرفة مبهورة كيف تغيرت بداية بورق الجدران ثلاثي الأبعاد اللي اعطى الغرفة مساحة اكبر ..! وغرفة النوم الفخمة مع المفرش ..والأرضية باركية كانت فخمة مررة .! أشواق وهي تمسك يد الجد جابر وتبوسها : جعلني فداك ياجد انت وعمتي والله انها حلوه وماقصرتوا محمد/كثر الله خيركم يااجد ..ليش كلفتوا على انفسكم ..ماكان لها داعي.؟ |
رد: رواية جنوبية برت حالي ولا أدري وين ديرتها البارت 134 الجد جابر /والله ماسويناها علشانك مرة .. كله علشان الغالية مرتك وإلا انت ماهتمينا لك لو تنام في الحوش.؟ أشواق وهي تضحك على محمد اللي خرج معصب .! محمد اللي من جد ضاق صدرع من جده ماغير شغال قصف فيه من جاء دخل وحصل امه قاعدة تنتظرهم وعندها صينية القهوة والشاي.؟ جلس جنبها وهو يحط راسه بحضنها ويغمض عيونه ..: مشكورين يمه انت وجدي على الغرفة .؟ فوزية وهي تحرك يدها بشعر ولدها : تستاهل أشواق كل خير بدال مافشلتني عندها دخلت وهي عروس غرفة حوسه الله المستعان بشرني ارب مرتك حامل اشوفها بسم الله عليها متعافية شوي .؟! محمد وهو يشوف اشواق تدخل وتجلس معهم قال : اخطبي لي يمه ابغى اتزوج،؟! فوزية وهي تناظر في أشواق وهي مبتسمه: الله يشفيك اذا كنت تفكر تتزوج على اشواق وهي تبعد راسه من حضنها وتقوم،؟ اشواق وهي تضحك بقوة على كلام عمتها ومنظر محمد اللي جلس وهو يناظر امه تخرج رجع يناظر اشواق ::ماشاء الله مبسوطة اليوم ..جدي وامي ماعندهم شعل إلا انا مصخروني عندش ..وهو يوقف ويمسك يدها تعالي ابغاش،؟! أشواق/وقفت وهي تحط يدها في يده وتخرج معه وصلوا غرفتهم وهو يقفل الباب .؟ : أشواق انا برجع الليلة نجران وجدي وأمي مثل ماتعرفين مصرين تجلسين عندهم الأسبوع هذا علشان كذا انتبهي لنفسش وإذا احتجي شي عندش ابوي واخواني اتصلي عليهم ..واحذري تركبين مع عيال خالي مهما كان ..انا ذحين بنام لي ساعة او ساعتين ..وانتي روحي اجلسي مع جدي وأمي،؟ أشواق وهي تمسك يده : يااعمري انت تروح وترجع لنا سالم راح افقدك وابشر ماراح اركب مع اي احد وهي تحضنه حتى انا بنام معك وبعدين بجلس مع جدي وعمتي ،؟! ظ ظ بعد يومين// محمد شاف اتصال أشواق رد عليها : هلا وقف مفجوع من صوتها وهي تبكي .. واول مرة من عرفها تبكي : محمد تعال تكفى بسرعة أمي ماتت. ماتت. . . بعـــد سنتين ----------------------- فارس وهو داخل عند أمه وشايل اخته فرح وولده زياد يمشي قدامه ..نزل فرح وهو يمسك يدها : السلام عليكم وهو يبوس راس أمه ويرجع يسلم على عبدالله اللي من شاف فرح اخته الصغيرة وقف وهو يشيلها بحب جميلة وهي تناظر في فرح الصغيرة مهما حاولت تكرها ماقدرت غصبن عنها حبتها صارت تنتظرها يوميآ تدخل مع ابوها او عبدالله او فارس ..البنت ذي اخذت الحب كله حتى على اولاد فارس ..! عبدالله بحب وهو يرفع فرح لفوق وهي تضحك : مرحبآ بحبيبة اخوها ..وهو يرجع يناظر في فارس كيف اخذتها ..انا رحت علشان اخذها ودقيت على الباب بس محد يرد ،؟ فارس/ كانت مع أمها وابوي دوبهم جايين من المستشفى واخذتها .،؟ عبدالله وهو يحضنها بحب : يا اخي البنت ذي أكلت قلبي بحبها ماعاد صرت استغني عنها والله اني صرت استحي من ريم وانا كل يوم اطلبها،؟! فارس/ليش تستحي ..!انا طبعآ مااتصل ولا شي ندخل الحوش والشغالة تفتح لنا الباب وارسل لها ذيبان زيااد ويجيبها في اقل من ثانية وهو يضحك.؟! جميلة وهي تسمع عيالها : وليش تستحي من امها كثر الله خيرك انك بتاخذ بنتها وتشغل نفسك بها.؟ عبدالله بحب لفرح اللي في حضنه ويعدل جزمتها : يمه ذي ما تشغلني فديتها إلا توسع صدري .،؟ حتى أميرة تتصل من كندا تقول اذا فرح عندكم افتح بث مباشر علشان اشوفها ..؟ جميلة وهي تناظر في زياد ولد فارس جالس وقريب من ابوه ومشغول في كيس الحلويات اللي بيده ..قالت له بحب : زياد حبيبي تعال سلم علي.؟! ولا رد عليها ...رجعت قالت : زياد حبيبي جيب لي حلاوه ..ولا رد عليها .،؟ ناظرت في فارس اللي يضحك : انت تشوف ولدك اللي مايعترف فيني لا بسلام ولا غيره ،! فارس اللي يضحك : والله ولدي مزاجي يمه ..وانا مقرر اربي عيالي على احترام وجهات النظر عندهم طنشيه يمه شوي وبيجيش يسلم من نفسه ،؟؟ وهو يرفع عيونه لفرح بحب ..قال : فروحه حبيبتي تعالي يله سلمي على ماما جميلة يله .؟! شافها تنزل من عند عبدالله وتروح عند جميلة وهي تمسك يدها وتبوسها ،! |
رد: رواية جنوبية برت حالي ولا أدري وين ديرتها البارت 135 جميلة وغصبن عنها رجعت تشيلها وتحطها بحضنها وهي تحط يدها على شعرها الناعم المقصوص ومرفوع من قدام بشباصات صغيرة ،؟! فارس هو يبتسم لأمه وهو يشوف كيف تحضن فرح هو يعرف امه حنون و تحب فرح بس تكابر قال : يمه ها في ذمتش مافرح تشبه لأميرة ،! جميلة وهي تناظر في وجه فرح فعلآ نسخة مصغرة من بنتها ..الوحيدة اللي سافرت مع زوجها كندا بعثة ..رجعت تناظر في فرح اللي لابسه فستان جنز قصير ..وهيلا هوب ابيض وجزمه ابيض ،! جميلة وهي تتابع حركات فرح الصغيرة شوي تلعب وشوي تروح تبوس فارس ..وشوي ترجع تبوس عبدالله ..شافتها جايه لعندها وهي تمد لها بحلاو اكلت شوي منها وهي تقول لها ماما ...؟ بدون شعور منها شالتها وحطتها مرة ثانية في حضنها البنت ذي ناويه تخليها تحبها غصب .. مسكت يدها الصغيرة وهي تبوسها وهي تشوف اساور ذهب بيدها .؟ قالت لفارس /اذا رجعتها عند أمها الخبله قول لها لا عاد تلبسها ذهب اذا بتطلع بها مكان عام ماتدري يمكن احد يقطع يد البنت او شي ذيك الخبله لازم يعني تشوف الناس ان معها فلوس .،! فارس وهو يضحك وقف وهو يقول : يمه يعني لازم تجيبين سالفة ريم .. ناظر في امه وهو يقرب ويشيل فرح منها ..سبحان الله امه ماتغيرت حتى بعد ماطلقها ابوه طلقه وحده واسترجعها بسرعة ..إلا انها مازالت تكره ريم وتدعي عليها بسبب او بدون سبب..؟ رفع فرح بقوة لفوق وهو يقول : يله فروحه قولي لماما جميلة بااي يله ..وفرح تأشر لها بيدها وهي تضحك اخذها فارس ونادى ولده .؟ عبدالله/فارس خلها معنا شوي هي وزياد وانا برجعهم .! فارس/لا والله تبغى جدي يذبحني موصي علي اجيبها له ..وزياد لازم ينام وقت نومه ذحين تعرف خزامى كيف محافظة على تنظيم الوقت ..وانا بكرة عندي اجتماع علشان اعلان مهرجان الورد في الطائف ..لازم انام بدري .،؟ جميلة وهي تناظر في عبدالله : وانت متى ناوي اخطب لك.! عبدالله /يمه سبق وقلت لش اذا ابغى اتزوج انا اللي راح اختار .،! ظ ظ أحمد وهو جالس جنب ندى : كيفش اليوم ياقلبي إن شاء الله احسن ،؟! ندى /الحمدلله بس طفشت وانا نايمة على ظهري تخيل ان لي سبع شهور وانا على الحال هذا.؟! وجدتي ماتخلي لي فرصة اوقوم .،! أحمد/خلاص اصبري هانت باقي شهرين او اقل وتولدين بسلامه ..لازم تنامي على ظهرش كل الوقت لأن حملش غير ثابت ..ويكفي مرتين تسقطين.؟! ندى بحزن ::الله يعوض صبري خير فقدت أمي وفقدت طفلي بنفس الشهر .،؟ و بعد ثلاث شهور طفلي الثاني الحمد لله الله يرحم امي ..لحد ذحين عجزت استوعب انها خلاص ماتت.؟! أحمد بتأثر وهو يحضنها : الحمدلله ع كل حال وابشري بالخير هم لنا حجاب من النار ،! وامش الله يرحمها وتحتاج منش الدعاء وبس ،! وعلشان يغير الموضوع ..ايش رايش انام الليلة هنا ترى طفشت لوحدي هناك.! ندى/ياااليت والله بس تعرف جدتي تقول لا مدري ليش تخااف علي اتعب واسقط خاصة ان الدكتورة في بداية حملي موصيتها علي ..ولحد ذحين باقي تنفذ الوصايا رغم اني قلت لها ياجده ترى عادي بس رافضه ،! أحمد/جدتي عليها طلعات بعض الأحيان مدري كيف تفكرر.؟! |
رد: رواية جنوبية برت حالي ولا أدري وين ديرتها البارت 136 والاخير فارس وهو يحضن خزامى : فقدتش والله يعني ماهو خلاص النفاس ذا لازم تكملين المدة كاملة هنا .؟! خزامى وهي تضحك : والله هذي اوامر جدتي رافضه علي حتى اروح السوق ..او حتى اروح اودي اياد موعد له في المستشفى هي راحت توديه اليوم تقول بيدخلك هواء وتتعبين ،؟! فارس وهو يوقف : وينها وبروح اتفااهم معها..؟ مسكت خزامى يده وهي تقول : فارس لاتنسى وقف القرأن اللي قلت لك عنه تصدق على نية أمي لاتنسى وبحزن تخيل أني احلم فيها كل يوم ..احلم كأنها معنا وفي حياتنا القديمة .؟! فارس وهو يشد على يدها: ابشري راح اساهم في الوقف على نيتها..والأحلام اللي تشوفينها مالها معنى بس علشانش تفكرين فيها كثير .؟ فك يدها .. وهو يخرج ..ويشوف جدته هيلة في الصالة ترضع اياد .. وجنبها زياد اللي مغيرة ملابسه ومعه أكل في صحن .. وجده جالس وفي حضنه فررح .! قرب منها وهو يقول: جده طلبتش خزامى تروح معي خلاص باقي اقل من اسبوعين وتخلص الأربعين. هيلة وهي ترضع إياد : فارس اذا كنت سلمت على مرتك وعيالك توكل على الله واخرج ..خزامى ماراح تخرج من عندي إلا بعد ماتكمل الأربعين .!! فارس عرف ان جدته مستحيل تسمع كلامه دنق وهو يبوس ولده اياد الصغير ..ويرجع عند زياد وهو يحاول يشيله وهو يرفض ..قال له : زياد بابا يله تروح معي ..! زياد اللي متمسك في هيلة وهو يقول لا لا .؟ فارس وهو يفكه : ماالت عليك ياناكر العشرة اشوفك بعدين تجي تقول بابا نروح البقالة .؟! ظ ظ علي وهو ماسك يد ريم وبخوف عليها : ريم عجبش ذحين طلعتي حامل وفرح دوبها صغيرة وتعبتي في ولادتها وعملية قيصرية .،! ريم/والله اني فرحاانه الحمدلله إن شاء الله ماعلي خلاف .؟ وتدري ان حملي هذا خلاني انشغل شوي عن التفكير في أمي الله يرحمها .؟! علي/اللهم امين .. انتبهي لنفسش ذحين بروح اشوف فرح اخذها فارس .،! ظ ظ اشواق وهي تلبس مهند الصغير وهو يبكي ودخل محمد على صوته : ايش فيه يبكي المزعج هذا ،؟! أشواق : علشان اخذته من عند جدتي هيلة يبغى يجلس مع فرح وزياد ..وانا لازم انام بدري بكرة عندي دوام في العيادة .؟ محمد/ياذا الدوام وياكرهي له ..طيب ريحي نفسش وانت تتوحمي وتعبانه ،،! أشواق/ياحبيبي انا حملي ثابت الحمدلله وكل شي تمام عندي ..وبعدين اشم ريحة غيرة .؟! محمد/ايه بالله اني اغار حتى لو انش تداومين في عيادتش الخاصة اللي كل طاقم كوادرها نسائي إلا اني اغار .؟! أشواق/إلا الحمدلله يامحمد اني رجعت اداوم علشان انشغل شوي من التفكير في أمي الله يرحمها .؟! موتها كان بالنسبة لنا النقصان الى الأبد.! النهاااااااااااااااااااايه... |
رد: رواية جنوبية برت حالي ولا أدري وين ديرتها طرح قمه الروعه في والجمال سلمت اناملك ويعطيك العافيه علي مجهودك في أنتظار المزيد من عطائك والمزيد ومواضيعك الرائعة والجميله ودائما في إبداع مستمر |
رد: رواية جنوبية برت حالي ولا أدري وين ديرتها همسة الشوق تحتار كلماتي عن التعبير عن شكري وتعجز الحروف عن تسطير امتناني فمرورك بموضوعي زاده تألقا وثراءا كم تسعد نفسي برؤية عباراتك وتتألق روحي بقراءة مدادك على صفحات أوراقي الله لايحرمني تواجدك وتشجيعك الغالي,,, مكانك في قلبي دوما-ياالغلا |
| الساعة الآن 11:51 PM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010