شبكة همس الشوق - تدري قولك شي حلا شي يوم روى ظماك

شبكة همس الشوق (https://www.hamsalshok.com/vb/index.php)

- همس الشعر والقوافي (https://www.hamsalshok.com/vb/f283)

- - تدري قولك شي حلا شي يوم روى ظماك (https://www.hamsalshok.com/vb/t102674.html)

تدري أقولك شي أحلا شي يوم أروى ظماك

https://up.hamsalshok.com/do.php?img=40974

ضحكي بيديك ودمعتي برضو نواصيها بيديك
تقدر تضحكني وتبكيني وتلحق مشتهاك

الله عطاك وسلمك أمري وأمري محتويك
إحفظ حقوقي وإلطف بحالى بعد ما الله عطاك

العفو عند المقدرة والعدل شيمة والديك
وأنا ولد هادي معك وأكبر مشاغب من وراك

هنا اتفرق منك وهناك اجتمع واذوب فيك
والخوف جايز من هنا والموت حتمي من هناك

وأكبر دليل إني ليا حاولت يوم أزعل عليك
لقيت قلبي كل ما يزعل يدور عن رضاك

وإذاك تذكر يوم كنا بين أجيك أو ما اجيك
وشلون قلبي كسر الرهبة تحت صدري وجاك

ما جاك يهلك في نجاتك جاك ينجى بك هليك
لن النجاة بما تنص اللائحة عندك هلاك

ياللى هلاكك مبتكر على نظام الهيدروليك
مهما يكن حجم الألم يمنع وجود الإرتباك

لبا الهلاك اللي كذا يوم انتهي به وأبتديك
وألقى نظام الطيش يرسمني على فوضة صباك

وأنا ولا أدري ليه أنا أظما لك وأنا أقدر أرتويك
تدري أقولك شي أحلا شي يوم أروى ظماك

أبيك ياعمري وإذا ما تعجبك كلمة أبيك
خذها بلهجة ساكنيين دبي ياعمري أباك

يكفيك لامن غبت مالك إسم غير إسم المليك
وإن جيت عقب غياب مالك إسم غير إسم الملاك

حشمة غلا وإلا غلا حشمة وذيك تعز ذيك
غلاك يفضح حشمتك وبحشمتك يستر غلاك