|
صديق الليل لين الصبح ياويني صديق الليل لين الصبح ياويني واتلحف الضيق لين تعود لأحضاني دامه غيابك لعب في حسبة سنيني ما الومه الدمع يوم طاح واشقاني ياللي رسمت الوفاء ما بيني وبيني وشلون ترضى أعيش بيوم وحداني وانت اكثر انسان وارد في دواويني حتى لمحت البشر طاحوا من أعياني وانا اكثر انسان حبك وانت جافيني يا حلم وشلون تتحقق مع ثاني خليتني للسهر وحدي يعنيني وشلون ضاع الوفا يا جملة احزاني والضحك في غيبتك ما عاد يعنيني والبرد يسأل عن أخر عهد خلاني واجاوبه والدموع بضيق تكويني ليته لدرب الغلا ما يوم وداني حسبي على البعد كانه لاعبٍ فيني والمشكلة شوف ليه أصبحت ادماني كان العمر شوك وانت اجمل بساتيني كان السهر موت لين وصالك أحياني ما كان به شخص وقت الشعر يرويني الا انت ياللي سكنت بكل اركاني لا مرك البرد ألحفك عيني لا جيت محتاجني محتاجك ألقاني لا غرد الصبح ابدا بك عناويني لا غابت الشمس كنت تدق بيباني فجأة لقيت الوفا جاني يعزيني يا قو قلب الوفا فيك عزّاني للحين ماني مصدق لو تخونيني خوفي اصدق واعيش العمر وحداني صحيح رحتي ولكن عايشه فيني في كل ليلة أعيش أيامنا ثاني ببقى احبك لين الموت يطويني يا حلا عذاب الهوى في سالف أزماني" |
رد: صديق الليل لين الصبح ياويني الله يعطيك العافيه على مجهودك الرائع |
رد: صديق الليل لين الصبح ياويني شُكرآ لِمروركُم يَ رفَآق لكلمآتكُم وقعُ المَطر على آرآضٍ مُجدبة ") آحييتُم دآخلِي بصدقْ دُمتم لِي شمسآ لآ تغيبُ آبدآ |
رد: صديق الليل لين الصبح ياويني كل الشكر والامتنان على روعهـ بوحـكـ .. وروعهـ مانــثرت .. وجماليهـ طرحكـ .. دائما متميز في الانتقاء سلمتي يالغالية على روعه طرحك نترقب المزيد من جديدك الرائع دمت ودام لنا روعه مواضيعك |
| الساعة الآن 05:49 AM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010