|
ونقفل الراس عنها لا يبرمجها سمعت لي كلمة مدري وش اقصاها حزت بنفسي وأنا ماني بهارجها لوكل كلمة إلى جتنا طردناها بعنا الثمينة بسعر مايخارجها لو مرت السمع ماكنا سمعناها ونقفل الراس عنها لا يبرمجها ومن يم هذا لهذا مانقلناها والناس واجد وتلقى من يروجها من جابها بين خلق الله وداها لو به مراجل ترى نفسه يسمجها ومن عامل الناس في سابق خطاياها يقعد بدار خلا ماداج دايجها في كنة تشوي الجربوع رمضاها وتابس غصون الشجر من حر واهجها والناس بالحق حكم الشيخ ما أرضاها ماتقنع الناس لو انك تحججها ياللي تبا الطيبة خذها وعطناها وخل الطريفة طرية لا تثلجها وأقضب طريق الأوادم وامش ممشاها أتبع دروب العرب وأدرج مدارجها وأرسم لنفسك حدود ولا تعداها من حط نفسه بدرب الضيق يحرجها وان كان نفسك هواها قام ينحاها حط الأعنة بروس الخيل وأسرجها وفكر بمنكافها قدام مغزاها واضرب حساباتها وتشوف ناتجها وكل بعضده يموح الدلو برشاها وتلقى كبود الضوامي من يبرهجها وان كان توك على صدرك تهجاها حنا ترانا ندرس في مناهجها من يم مصباحها نبعد معشاها إلى قعد راعي الضلع يدرجها لو هي صعيبة إلى انعاجت عدلناها واللي تجي مستقيمة ما نعروجها نهتم في وزنها وابرام معناها ومن الكرستال واللولو نتوجها مثل الجواهر ليا منا نضمناها وسلوكها من جديد الزري ننسجها مخايل تردتدم والصدر منشاها لا دك بالبال داكوك يهيجها وليا أمطرت ضاقت الوديان في ماها تاخذ إلى الحول ما يبست مدالجها وان صدت الناس عنا ما أعترضناها ما تقفي الناس عنا ونتولجها وإن جاتنا الطيبة بالطيب زدناها الطيبة بالعسل والسمن نمزجها وان جاتنا الثانية نصبر ونرفاها يمكن إلى فاق راعيها يعالجها وان عادها عودة ماعاد ينساها من حربة في صميم الصدر نولجها مسمومة يبلش الدكتور بدواها مايقنع الخبل لين أنه يلامجها الشاعر / عبد الله بن زويبن الحربي |
رد: ونقفل الراس عنها لا يبرمجها رووووعه الله يعطيك العافيه |
رد: ونقفل الراس عنها لا يبرمجها سمفونية فيها من الروعه والأبداع الشئ الكثير أتمنى أن لا تحرمنا هذا الأبداع الجميل . دمت في سعادة . |
رد: ونقفل الراس عنها لا يبرمجها دمتم بهذا العطاء المستمر يسعدني الرد على مواضيعكم والتلذذ بما قرات وشاهدت تقبلوا خالص احترامي لارواحكم الجميلة |
رد: ونقفل الراس عنها لا يبرمجها ، سلمت ذائقتك العآطِرة على هذا الجلب الـ راقي لـ قلبك بتلات نرجسية تقديري ~ |
رد: ونقفل الراس عنها لا يبرمجها رائعة هي هذه الأبيات, فيها من المعاني النفيسة الكثير, و يا ليتني أفهم كل الكلمات و المعاني, فبها النفس تقنع و تطيب. سلمت على المشاركة و سلمت أيامك و طابت بما تحب و ترضى. |
| الساعة الآن 07:39 AM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010